«Գրանցված է»
ՀՀ արդարադատության
նախարարության կողմից
20 հունվարի 2005 թ.
Պետական գրանցման թիվ 60105020
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԺԵԹՂԹԵՐԻ ՀԱՆՁՆԱԺՈՂՈՎ
|
10 դեկտեմբերի 2004 թ. |
N 334/04-Ն |
Ո Ր Ո Շ ՈՒ Մ
ՀՀ ԱՐԺԵԹՂԹԵՐԻ ՀԱՆՁՆԱԺՈՂՈՎԻ 28 ՍԵՊՏԵՄԲԵՐԻ 2001 ԹՎԱԿԱՆԻ ԹԻՎ 392/01 ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության արժեթղթերի հանձնաժողովը
Առաջնորդվելով «Արժեթղթերի շուկայի կարգավորման մասին» Հայաստանի Հանրապետության օրենքի 2 հոդվածով սահմանված կարգավորման նպատակով.
Հիմք ընդունելով «Արժեթղթերի շուկայի կարգավորման մասին» Հայաստանի Հանրապետության օրենքի 84 հոդվածի 3-րդ մասի 1-ին նախադասությամբ, 86 հոդվածի 3-րդ մասի բ) կետով Հայաստանի Հանրապետության արժեթղթերի հանձնաժողովին վերապահված իրավասությունը և Հայաստանի Հանրապետության կառավարության կողմից 26.08.2004 թ. N 33 արձանագրային որոշմամբ հավանության արժանացած Հայաստանի Հանրապետության պետական պարտատոմսերի երկրորդային շուկայում բորսայական առևտրի զարգացման հայեցակարգի թիվ 7 հավելվածով ներկայացված ՀՀ պետական պարտատոմսերի երկրորդային շուկայում բորսայական առևտրի զարգացման միջոցառումների ծրագրում ներառված թիվ 2 միջոցառումը.
Համարելով, որ Հայաստանի Հանրապետության արժեթղթերի հանձնաժողովի 28 սեպտեմբերի 2001 թվականի ««Արժեթղթերի շուկայի կարգավորման կանոնագիրքը» հաստատելու, ՀՀ արժեթղթերի հանձնաժողովի մի շարք որոշումներ ուժը կորցրած ճանաչելու և չեղյալ համարելու մասին» թիվ 392/01 որոշմամբ հաստատված «Արժեթղթերի շուկայի կարգավորման կանոնագրքի» «(84.3) Կենտրոնական դեպոզիտարիայի ենթապահառուի կարգավիճակի բացառումը» և «(86.3բ) Կենտրոնական դեպոզիտարիայի միջոցներին համակցման բացառումը» վերնագրի ներքո միավորված կանոնների հաստատումը կպարզեցնի և կհստակեցնի մասնագիտացված անձանց կողմից Հայաստանի Հանրապետության կողմից օրենքով սահմանված կարգով թողարկվող (թողարկված) արժեթղթերով պահառուական ծառայությունների մատուցմանը ներկայացվող պահանջները.
Ղեկավարվելով «Արժեթղթերի շուկայի կարգավորման մասին» Հայաստանի Հանրապետության օրենքի 121 հոդվածի 2-րդ մասի ա) կետով, որոշում է.
1. Հայաստանի Հանրապետության արժեթղթերի հանձնաժողովի 28 սեպտեմբերի 2001 թվականի ««Արժեթղթերի շուկայի կարգավորման կանոնագիրքը» հաստատելու, ՀՀ արժեթղթերի հանձնաժողովի մի շարք որոշումներ ուժը կորցրած ճանաչելու և չեղյալ համարելու մասին» թիվ 392/01 որոշմամբ հաստատված «Արժեթղթերի շուկայի կարգավորման կանոնագրքի» (79.2) վերնագրի ներքո միավորված 79.2-4 կանոնից հետո լրացնել.
ա) «(84.3) Կենտրոնական դեպոզիտարիայի ենթապահառուի կարգավիճակի բացառումը» վերնագրի ներքո միավորված 84.3-1 կանոնը (կցվում է).
բ) «(86.3բ) Կենտրոնական դեպոզիտարիայի միջոցներին համակցման բացառումը» վերնագրի ներքո միավորված 86.3բ-1 և 86.3բ-2 կանոնները (կցվում են):
| ՀՀ արժեթղթերի հանձնաժողովի նախագահ՝ |
Է. Մուրադյան |
|
Հավելված 1 |
(84.3) Կենտրոնական դեպոզիտարիայի ենթապահառուի
կարգավիճակի բացառումը
Առարկան
Կենտրոնական դեպոզիտարիայի ենթապահառուի կարգավիճակի բացառումը` սահմանված սույն վերնագրի կանոնով:
Աղբյուրը
Սույն վերնագրի կանոնը սահմանված է Օրենքի 84 հոդվածի 3-րդ մասի 1-ին նախադասությամբ Հանձնաժողովին վերապահված իրավասությամբ:
Կանոն 84.3-1. Կենտրոնական դեպոզիտարիայի ենթապահառուի կարգավիճակի բացառումը
(ա) Յուրաքանչյուր անձ, որն իրականացնելու է բացառապես Հայաստանի Հանրապետության կողմից օրենքով սահմանված կարգով թողարկվող (թողարկված) արժեթղթերի պահառության գործունեություն, չի համարվում Կենտրոնական դեպոզիտարիայի ենթապահառու:
|
Հավելված 2 |
(86.3բ) Կենտրոնական դեպոզիտարիայի միջոցներին համակցման բացառումը
Առարկան
Կենտրոնական դեպոզիտարիայի միջոցներին պահառուի միջոցների համակցման բացառումը` սահմանված սույն վերնագրի կանոններով:
Աղբյուրը
Սույն վերնագրի կանոնները սահմանված են Օրենքի 86 հոդվածի 3-րդ մասի (բ) կետով Հանձնաժողովին վերապահված իրավասությամբ:
Կանոն 86.3բ-1. Հասկացություններ
(ա) Սույն վերնագրի կանոններում օգտագործված հասկացություններն ունեն հետևյալ նշանակությունը՝
(1) «Գործակալ». ըստ Հայաստանի Հանրապետության կառավարության 3 հունիսի 2004 թվականի N 1103-Ն որոշմամբ սահմանված նշանակության, բացառությամբ բանկերի.
(2) «Դիլեր». ըստ Հայաստանի Հանրապետության կառավարության 3 հունիսի 2004 թվականի N 1103-Ն որոշմամբ սահմանված նշանակության, բացառությամբ բանկերի:
Կանոն 86.3բ-2. Կենտրոնական դեպոզիտարիայի միջոցներին համակցման բացառումը
(ա) Յուրաքանչյուր անձ պարտավոր է պահառության գործունեության լիցենզիայի համար Հանձնաժողովին դիմելիս լիցենզիայի դիմումին կից Հանձնաժողով ներկայացնել իր կողմից օգտագործվող միջոցների Կենտրոնական դեպոզիտարիայի միջոցների հետ համակցման հիմնավորում և Կենտրոնական դեպոզիտարիայի հետ կնքված պայմանագիրը, բացառությամբ եթե տվյալ անձը.
(1) իրականացնելու է բացառապես Հայաստանի Հանրապետության կողմից օրենքով սահմանված կարգով թողարկվող (թողարկված) արժեթղթերի պահառության գործունեություն, և
(2) պահառության գործունեության լիցենզիայի դիմումին կից Հանձնաժողով է ներկայացրել Հայաստանի Հանրապետության կողմից օրենքով սահմանված կարգով թողարկվող (թողարկված) արժեթղթերով պահառության գործունեության իրականացնելու մասին հայտարարություն և պետական պարտատոմսերի շուկայի ործակալի կամ Դիլերի կարգավիճակ ստանալու վերաբերյալ փաստաթուղթ:
(բ) Հայաստանի Հանրապետության կողմից օրենքով սահմանված կարգով թողարկվող (թողարկված) արժեթղթերի պահառություն իրականացնելու համար արժեթղթերի պահառության գործունեության լիցենզիա ստացած անձը կարող է նաև իրականացնել այլ արժեթղթերի պահառություն, եթե Հանձնաժողով է ներկայացրել իր կողմից օգտագործվող միջոցների Կենտրոնական դեպոզիտարիայի միջոցների հետ համակցման հիմնավորումը, Կենտրոնական դեպոզիտարիայի հետ կնքված պայմանագիրը, և դրանց ներկայացման պահից Հանձնաժողովը 10-օրյա ժամկետում չի առարկում Կենտրոնական դեպոզիտարիայի միջոցների հետ համակցման հիմնավորումը: