ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

12 մայիսի 1997 թ. N 131

«ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ ԵՎ ԼԻՑԵՆԶԱՎՈՐՈՒՄԸ, ՄԱՍՆԱՃՅՈՒՂԵՐԻ, ԳՈՐԾԱՌՆԱԿԱՆ ԳՐԱՍԵՆՅԱԿՆԵՐԻ (ԿԵՏԵՐԻ) ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ» 1-ԻՆ ԿԱՆՈՆԱԿԱՐԳԸ ՆՈՐ ԽՄԲԱԳՐՈՒԹՅԱՄԲ ՀԱՍՏԱՏԵԼՈՒ ՄԱՍԻՆ

 

Ելնելով «Բանկերի և օտարերկրյա բանկերի մասնաճյուղերի գրանցումը և լիցենզավորումը, մասնաճյուղերի, գործառնական գրասենյակների (կետերի) և ներկայացուցչությունների գրանցումը» 1-ին կանոնակարգում ծավալուն փոփոխություններ և լրացումներ կատարելու անհրաժեշտությունից, ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ժզ» ենթակետի, 36-րդ հոդվածի 2-րդ կետի, «Բանկերի և բանկային գործունեության մասին» Հայաստանի Հանրապետության օրենքի 3-րդ գլխի դրույթներով` Հայաստանի Հանրապետության կենտրոնական բանկի խորհուրդը որոշում է.

1. Հաստատել «Բանկերի և օտարերկրյա բանկերի մասնաճյուղերի գրանցումը և լիցենզավորումը, մասնաճյուղերի, գործառնական գրասենյակների (կետերի) և ներկայացուցչությունների գրանցումը» 1-ին կանոնակարգը նոր խմբագրությամբ (կցվում է):

2. Հայաստանի Հանրապետության կենտրոնական բանկի լրատվական կենտրոնին` ապահովել նոր խմբագրությամբ 1-ին կանոնակարգի հրապարակումը:

Հաստատված է ՀՀ կենտրոնական բանկի խորհրդի մայիսի 12-ի N 131 որոշման

Կ Ա Ն Ո Ն Ա Կ Ա Ր Գ - I
(նոր խմբագրությամբ)

 

ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ ԵՎ ԼԻՑԵՆԶԱՎՈՐՈՒՄԸ, ՄԱՍՆԱՃՅՈՒՂԵՐԻ, ԳՈՐԾԱՌՆԱԿԱՆ ԳՐԱՍԵՆՅԱԿՆԵՐԻ (ԿԵՏԵՐԻ) ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ

 

Գ Լ ՈՒ Խ  1

ԸՆԴՀԱՆՈՒՐ ԴՐՈՒՅԹՆԵՐ

Կանոն 1.

Կարգավորման առարկան

 

Սույն կանոնակարգը սահմանում է ՀՀ տարածքում ստեղծվող և գործող բանկերի, օտարերկրյա բանկերի մասնաճյուղերի գրանցման և լիցենզավորման, մասնաճյուղերի, գործառնական գրասենյակների (կետերի) և ներկայացուցչությունների, ինչպես նաև օրենքով սահմանված փոփոխությունների գրանցման ընթացակարգերի մասով ՀՀ օրենքների համապատասխան դրույթների կիրառումն ապահովելու համար անհրաժեշտ կարգերն ու պայմանները, որոնք բխում են ՀՀ կենտրոնական բանկի` օրենքով սահմանված իրավասություններից:

Կանոն 2.

Բանկի մասնակիցները

 

1. Բանկի մասնակիցներ են համարվում «Բանկերի և բանկային գործունեության մասին» ՀՀ օրենքի 13-րդ հոդվածով նախատեսված անձինք:

2. Բանկը (բացառությամբ կոոպերատիվ բանկի) կարող է ունենալ նաև մեկ մասնակից:

Կանոն 3.

Օտարերկրյա բանկի մասնաճյուղ

 

Օտարերկրյա բանկի մասնաճյուղը բանկի` իրավաբանական անձի կարգավիճակ չունեցող և ՀՀ տարածքում գործող առանձնացված ստորաբաժանում է, որը գործում է բանկի անունից, նրա կողմից տրված լիազորությունների սահմաններում (որոնք ամրագրված են մասնաճյուղի կանոնակարգում) և իրականացնում է ՀՀ կենտրոնական բանկի կողմից տրված լիցենզիայով նախատեսված բանկային գործունեություն և (կամ) ֆինանսական գործառնություններ:

 

Գ Լ ՈՒ Խ  2

ԼԻՑԵՆԶԻԱ ՍՏԱՆԱԼՈՒ ՆԱԽՆԱԿԱՆ ՀԱՎԱՆՈՒԹՅՈՒՆԸ

Կանոն 4.

Լիցենզիա ստանալու նախնական հավանության համար անհրաժեշտ փաստաթղթերը

 

1. Համաձայն «Բանկերի և բանկային գործունեության մասին» ՀՀ օրենքի, լիցենզիա ստանալու նախնական հավանության համար ՀՀ կենտրոնական բանկ են ներկայացվում հետևյալ փաստաթղթերը.

ա) նախաձեռնող անձանց կամ օտարերկրյա բանկի միջնորդագիրը (հավելվածներ 3, 4, կցվում են),

բ) ստեղծվող բանկի կանոնադրության նախագիծը` 3 օրինակից (կանոն 5), իսկ օտարերկրյա բանկի մասնաճյուղի համար` օտարերկրյա բանկի հիմնադիր փաստաթղթերը և մասնաճյուղի կանոնակարգի նախագիծը` 3 օրինակից (կանոն 6),

գ) ստեղծվող բանկի կամ օտարերկրյա բանկի մասնաճյուղի գործունեության տնտեսական ծրագիրը (կանոն 7):

2. Նախքան միջնորդագիրը ներկայացնելը նախաձեռնող անձինք (կամ մասնաճյուղ հիմնող օտարերկրյա բանկի ներկայացուցիչը) կարող են հանդիպել ՀՀ կենտրոնական բանկի վերահսկողության, կարգավորման և լիցենզավորման գլխավոր վարչության լիցենզավորման և բանկային ռեգիստրի բաժնի պետին` քննարկելու լիցենզավորման անհրաժեշտ պայմանները:

Նախաձեռնող անձինք (կամ մասնաճյուղ հիմնող օտարերկրյա բանկը) կարող են ունենալ իրենց ներկայացուցիչը` ՀՀ կենտրոնական բանկի հետ կանոնավոր և կայուն կապ ստեղծելու ու պահպանելու, ընթացիկ դժվարությունները հաղթահարելու նպատակով:

3. Միջնորդագիրը և դրան կից ներկայացված բոլոր փաստաթղթերը պետք է լինեն տպագիր:

Կանոն 5.

Բանկի կանոնադրության նախագիծը

 

1. Բանկի կանոնադրության նախագիծը ներառում է`

ա) բանկի լրիվ և կրճատ ֆիրմային անվանումը,

բ) բանկի գտնվելու վայրը (այդ թվում` բանկի տարածքից դուրս գտնվող կառուցվածքային ստորաբաժանումների հասցեները),

գ) բանկի կազմակերպական-իրավական տեսակը,

դ) բաժնետիրական ընկերություն հանդիսացող բանկի համար տեղաբաշխման ենթակա բաժնետոմսերի տեսակները (սովորական և արտոնյալ), քանակը, անվանական արժեքը, ինչպես նաև արտոնյալ բաժնետոմսերի ձևերը, յուրաքանչյուր տեսակի և ձևի բաժնետոմսերի սեփականատերերի իրավունքները,

ե) բանկի հայտարարված կանոնադրական հիմնադրամի չափը,

զ) բանկի կառավարման մարմինների կառուցվածքը, իրավասությունը և նրանց կողմից որոշումներ ընդունելու կարգը,

է) բանկի ներքին վերահսկողությունը, վերստուգիչ հանձնաժողովի իրավունքներն ու պարտականությունները,

ը) բանկի հիմնադիրների և մասնակիցների ընդհանուր ժողովի նախապատրաստման և անցկացման կարգը` ներառյալ այն հարցերի ցանկը, որոնց վերաբերյալ որոշումները պետք է ընդունեն բանկի կառավարման մարմինները` ձայների պարզ մեծամասնությամբ կամ միաձայն,

թ) բանկի կողմից մասնաճյուղերի, ներկայացուցչությունների, գործառնական գրասենյակների (կետերի) ստեղծման և լուծարման կարգը.

ժ) բանկի կողմից իրականացվող գործառնությունների ցանկը.

ժա) բանկի շահույթից ձևավորվող ֆոնդերի (հիմնադրամների) ցանկը և դրանց օգտագործման կարգը,

ժբ) բանկի գործունեության դադարեցման կարգը:

Կանոնադրության նախագիծը կարող է ներառել նաև օրենքով և այլ իրավական ակտերով նախատեսված կամ դրանց չհակասող այլ դրույթներ:

2. Բանկն ունի իր լրիվ ֆիրմային անվանումը հայերեն լեզվով, որը պետք է բովանդակի` բանկի անվանումը, կազմակերպական-իրավական տեսակը, գտնվելու վայրը, ինչպես նաև այլ տվյալներ, որոնք հիմնադիրները համարում են անհրաժեշտ: Բանկի կրճատ անվանումը պետք է բովանդակի բանկի անվանումը, «բանկ» բառը, կազմակերպական-իրավական տեսակը և ձևը (հապավումներով):

Բանկը կարող է ունենալ իր լրիվ ֆիրմային անվանումը կամ դրա հապավումը նաև այլ լեզուներով:

Բանկը, որի ֆիրմային անվանումը գրանցված է օրենքով սահմանված կարգով, ունի այն օգտագործելու բացառիկ իրավունք:

Կանոն 6.

Օտարերկրյա բանկի մասնաճյուղի կանոնակարգի նախագիծը

 

1. Օտարերկրյա բանկի մասնաճյուղի կանոնակարգի նախագիծը ներառում է.

ա) հիմնադիր բանկի անվանումը,

բ) մասնաճյուղի լրիվ և կրճատ անվանումը,

գ) մասնաճյուղի գտնվելու վայրը,

դ) մասնաճյուղի կառավարման մարմինների կառուցվածքը, իրավասությունը և նրանց կողմից որոշումներ ընդունելու կարգը,

ե) բանկի կողմից մասնաճյուղին տրված լիազորությունները,

զ) մասնաճյուղի լուծարման կարգը,

է) մասնաճյուղի կողմից իրականացվող ֆինանսական գործառնությունների ցանկը:

Կանոնակարգի նախագիծը կարող է ներառել նաև օրենքներով և այլ իրավական ակտերով նախատեսված կամ դրանց չհակասող այլ դրույթներ:

2. Օտարերկրյա բանկի մասնաճյուղերը ՀՀ տարածքում կարող են ավանդներ ընդունել միայն ՀՀ ոչ ռեզիդենտներից:

Կանոն 7.

Բանկի կամ օտարերկրյա բանկի մասնաճյուղի գործունեության տնտեսական ծրագիրը

 

1. Տնտեսական ծրագիրը, որը պատրաստվում և ստորագրվում է նախաձեռնող անձանց (օտարերկրյա բանկի իրավասու անձի) կողմից, վճռորոշ է բանկ (օտարերկրյա բանկի մասնաճյուղ) հիմնադրելու համար լիցենզիայի նախնական հավանություն ստանալու առումով:

2. Տնտեսական ծրագրում պետք է ներկայացվի տեղեկատվություն այն մասին, որ ստեղծվող բանկը (կամ օտարերկրյա բանկի մասնաճյուղը) ունի հաջողության հասնելու մեծ հավանականություն: Այս առումով ծրագրի մեջ օգտագործված բոլոր կանխատեսումներն ու ենթադրությունները պետք է հիմնավորված լինեն կոնկրետ հաշվարկներով (ընդհանուր կապիտալի ավելացման, բանկի գործունեության ընդլայնման, եկամտաբերության ավելացման և այլնի վերաբերյալ), վերլուծություններով և ելակետային (բազային) տվյալներով:

3. Տնտեսական ծրագիրը (հավելված 14, կցվում է) բաղկացած է հետևյալ բաժիններից`

. ընդհանուր դրույթներ,

. ներքին կազմակերպական կառուցվածքը,

. ֆինանսական գործառնությունները և գործունեության հիմնական ուղղությունները,

. ակտիվների ու պասիվների մոտավոր կազմը և կառուցվածքը,

. շահույթների և վնասների պլանային հաշվարկն առաջին երկու տարում:

 

3.1. Ընդհանուր դրույթներ

 

Այս բաժնում տրվում են`

ա) բանկի (օտարերկրյա բանկի մասնաճյուղի) անվանումը և գտնվելու վայրը,

բ) այն նկատառումները, որոնցից ելնելով նախաձեռնող անձինք (կամ օտարերկրյա բանկը) որոշել են նոր բանկ (մասնաճյուղ) ստեղծել,

գ) տեղեկություններ բանկի հիմնադիրների, առաջարկվելիք ղեկավարների (հավելված 14, ձև 5), ինչպես նաև այն մասնակիցների մասին, որոնք ունենալու են բանկի (բացառությամբ բաց բաժնետիրական բանկի) կանոնադրական հիմնադրամում նշանակալից մասնակցություն (հավելված 8, կցվում է),

դ) այն շուկաների նկարագիրը (ներառյալ շուկաների տնտեսական բնորոշումները, չափերը, ակնկալվող եկամուտը, աճը, տոկոսադրույքները, մրցակցությունը, հնարավոր փոփոխություններ` կապված այս կամ այն գործոնի հետ և դրանց ազդեցությունը բանկի գործունեության վրա), որոնցում բանկը կամ օտարերկրյա բանկի մասնաճյուղը պատրաստվում է ծավալել իր գործունեությունը:

 

3.2. Ներքին կազմակերպական կառուցվածքը

 

Բաժինն ընդգրկում է`

ա) բանկի կամ օտարերկրյա բանկի մասնաճյուղի կառավարման կազմակերպական կառուցվածքը, կառուցվածքային ստորաբաժանումների թվարկումը և դրանց միջև փոխհարաբերությունները` ելնելով նրանց կողմից իրականացվող հիմնական գործառնություններից,

բ) աշխատակազմի մասնագիտական որակավորման մակարդակը, ընդունակությունները և աշխատանքային փորձը:

 

3.3. Ֆինանսական գործառնությունները և գործունեության հիմնական ուղղությունները

 

Բաժնում արտացոլվում են` գործունեության հիմնական ուղղությունները, նախատեսվող ֆինանսական գործառնությունների ցանկը և դրանց համառոտ նկարագիրը (այդ թվում` ըստ հաճախորդների խմբերի (անհրաժեշտության դեպքում)), բանկի կամ օտարերկրյա բանկի մասնաճյուղի հավանական հաճախորդների կազմն ըստ խմբերի, այն հանգամանքները և դրդապատճառները, որոնցով պայմանավորված ակնկալվում է տվյալ բանկը կամ օտարերկրյա բանկի մասնաճյուղը վերոհիշյալ հաճախորդների կողմից նախընտրելը:

 

3.4. Ակտիվների և պասիվների մոտավոր կազմը և կառուցվածքը

 

Բաժինը ներառում է`

ա) ակտիվների ու պասիվների կազմը և կառուցվածքը առաջիկա 2 տարվա կտրվածքով, հիմնական միջոցների (անշարժ ակտիվներ) ներդրումը, եկամտաբեր ակտիվների տեսակարար կշիռը,

բ) բանկի ընդհանուր կապիտալի նախատեսվող գումարին, կառուցվածքին հասնելու, կապիտալի համարժեքության ապահովման ռազմավարությունն առաջիկա երկու տարվա համար (հավելված 14, ձև 2)` հաշվի առնելով ՀՀ կենտրոնական բանկի կողմից սահմանված հիմնական տնտեսական նորմատիվները:

Տնտեսական ծրագրին կցվում է հաշվեկշիռը գործունեության առաջին երկու տարվա համար (հավելված 14, ձև 1):

 

3.5. Շահույթների և վնասների պլանային հաշվարկը

 

Բաժնում տրվում են`

ա) եկամուտների և ծախսերի կանխատեսումներն առաջին երկու տարվա համար` հիմնված շուկայի վերլուծության արդյունքների վրա (հավելված 14, ձև 3),

բ) շահույթի բաշխումը (հավելված 14, ձև 4),

գ) եկամուտների կազմը և կառուցվածքը,

դ) ծախսերի կազմը և կառուցվածքը:

6. Նախաձեռնողների հայեցողությամբ ծրագիրը կարող է բովանդակել նաև այնպիսի տեղեկություններ, որոնք նրանք տնտեսական ծրագրի հիմնավորման առումով համարում են նպատակահարմար, մասնավորապես, առաջարկվելիք ղեկավարների մասնագիտական որակավորումը` առաջարկվող շուկային մատուցվելիք ծառայությունների բնագավառում նրանց փորձի բնութագիրն ու չափը:

Բանկի (օտարերկրյա բանկի մասնաճյուղի) ղեկավարի յուրաքանչյուր առաջարկվող թեկնածուի համար պետք է ներկայացվի տեղեկատվություն նաև հետևյալի մասին.

. բանկի ղեկավարների և նրա հետ փոխկապակցված անձանց կողմից բանկերից վերցված վարկերի, այդ թվում` ժամկետանց վարկերի վերաբերյալ.

. թեկնածուի վերաբերյալ առնվազն երկու բնութագիր-երաշխավորագիր (կարծիքներ).

. թեկնածուի մասնագիտական որակավորումը` առաջադրվող պաշտոնին համապատասխան լինելու առումով,

. առաջարկվող աշխատավարձի գումարը կամ դրա որոշման մեթոդը:

Ղեկավարների թեկնածուների ֆինանսական և այլ բնութագրերում բոլոր էական փոփոխությունները, երբ միջնորդագիրը գտնվում է քննման մեջ, պետք է շտապ ներկայացվեն ՀՀ կենտրոնական բանկ:

7. Պահանջվող ամբողջ տեղեկատվությունը պետք է ներկայացվի տպագիր տեսքով:

Բոլոր հարցերին պետք է տրվեն ամբողջական պատասխաններ:

8. ՀՀ կենտրոնական բանկը կարող է պահանջել պարզաբանումներ ներկայացված տեղեկատվության վերաբերյալ, ինչպես նաև ստուգել տեղեկատվության արժանահավատությունը:

9. Բանկի գործունեության ցուցանիշների կանխատեսումների, ղեկավարների կենսագրական տվյալների ներկայացման ձևերը կցվում են (հավելված 14):

Շուկայի նկարագրերը և պահանջվող այն տեղեկությունները, որոնց համար ձևերը կցված չեն, կարող են ներկայացվել կամայական, սակայն վերլուծության և գնահատման համար ընկալելի ձևով:

Կանոն 8.

Լիցենզիա ստանալու նախնական հավանությունը

 

1. Սույն կանոնակարգի 4-րդ կանոնով նախատեսված փաստաթղթերը ՀՀ կենտրոնական բանկի կողմից սահմանված ձևերով և պատվիրված նամակով ներկայացվում են ՀՀ կենտրոնական բանկ:

2. ՀՀ կենտրոնական բանկը նախնական հավանություն տալու միջնորդագիրը կից փաստաթղթերի հետ միասին քննում է օրենքով սահմանված մեկամսյա ժամկետում:

Բանկի կամ օտարերկրյա բանկի մասնաճյուղի գործունեության տնտեսական ծրագիրը 15-օրյա ժամկետում ուսումնասիրվում է ՀՀ կենտրոնական բանկի վերահսկողության, կարգավորման և լիցենզավորման գլխավոր վարչության և իրավաբանական վարչության կառուցվածքային ստորաբաժանումների կողմից, տրվում եզրակացություն ստեղծվող բանկի կամ օտարերկրյա բանկի մասնաճյուղի գործունեությունն օրենքներին ու այլ իրավական ակտերին, տնտեսական ծրագիրը սահմանված ձևին համապատասխանելու վերաբերյալ: Այնուհետև տնտեսական ծրագիրը, ինչպես նաև վերահսկողության կարգավորման և լիցենզավորման գլխավոր վարչության և իրավաբանական վարչության եզրակացությունները քննարկվում են գրանցման և լիցենզավորման հանձնաժողովի նիստում` ստեղծվող բանկի միջնորդագիրը ներկայացնող անձանց կամ օտարերկրյա բանկի ներկայացուցիչների մասնակցությամբ: Հանձնաժողովի եզրակացությունը եռօրյա ժամկետում, բայց ոչ ուշ, քան միջնորդագիրն ստանալու 25-րդ օրը, ներկայացվում է ՀՀ կենտրոնական բանկի նախագահին:

Նախնական հավանություն տալու կամ միջնորդագիրը մերժելու մասին որոշում ընդունում է ՀՀ կենտրոնական բանկի խորհուրդը:

ՀՀ կենտրոնական բանկի խորհուրդը մերժում է միջնորդագիրը, եթե առկա է «Բանկերի և բանկային գործունեության մասին» ՀՀ օրենքի 26-րդ հոդվածի 1-ին կետով սահմանված հիմքերից որևէ մեկը:

3. Եթե ներկայացված փաստաթղթերում պարունակվում են տեխնիկական կամ թվաբանական սխալներ, ապա ՀՀ կենտրոնական բանկի գրանցման և լիցենզավորման հանձնաժողովը կարող է թույլ տալ տեխնիկական թերությունների շտկման մեկ հնարավորություն` հաշվի առնելով լիցենզիայի նախնական հավանություն տալու համար սահմանված ժամկետը:

Կանոն 9.

Գրանցման և լիցենզավորման հանձնաժողովը

 

1. Բանկերի, օտարերկրյա բանկերի մասնաճյուղերի, այլ անձանց լիցենզավորման, բանկերի մասնաճյուղերի, գործառնական գրասենյակների (կետերի), ներկայացուցչությունների և դրանց ղեկավարների (բացառությամբ կառուցվածքային ստորաբաժանումների ղեկավարների) կազմում կատարվող փոփոխությունների գրանցման համար ՀՀ կենտրոնական բանկ ներկայացվող փաստաթղթերը քննելու նպատակով կենտրոնական բանկում ստեղծվում է գրանցման և լիցենզավորման մշտական հանձնաժողով (այսուհետև` հանձնաժողով):

2. Հանձնաժողովն ստեղծվում է ՀՀ կենտրոնական բանկի նախագահի հրամանով:

3. Հանձնաժողովի կազմում ընդգրկվում են վերահսկողության, կարգավորման և լիցենզավորման գլխավոր վարչության պետը (հանձնաժողովի նախագահ), այդ վարչության կառուցվածքային ստորաբաժանումների ղեկավարները, իրավաբանական վարչության պետը, դրամավարկային քաղաքականության վարչության կառուցվածքային ստորաբաժանման ղեկավարը:

4. Հանձնաժողովի նիստերին կարող են մասնակցել նաև ՀՀ կենտրոնական բանկի շահագրգիռ կառուցվածքային ստորաբաժանումների ղեկավարները:

5. Հանձնաժողովը քննարկում է բանկի, դրա, ինչպես նաև օտարերկրյա բանկի մասնաճյուղի տնտեսական ծրագրերը, քննում դրանց ղեկավարներին (բացառությամբ խորհրդի նախագահի)` նրանց որակավորումը և մասնագիտական համապատասխանությունը պարզելու նպատակով և ՀՀ կենտրոնական բանկի նախագահին ներկայացնում է եզրակացություն:

 

Գ Լ ՈՒ Խ  3

ԲԱՆԿԵՐԻ ԵՎ ՕՏԱՐԵՐԿՐՅԱ ԲԱՆԿԵՐԻ ՄԱՍՆԱՃՅՈՒՂԵՐԻ ԳՐԱՆՑՈՒՄԸ

 

Կանոն 10.

Բանկերի և օտարերկրյա բանկերի մասնաճյուղերի գրանցումը

 

1. Համաձայն «Բանկերի և բանկային գործունեության մասին» ՀՀ օրենքի, բանկը կամ օտարերկրյա բանկի մասնաճյուղը ՀՀ կենտրոնական բանկի կողմից գրանցվելու համար վերջինիս կողմից սահմանված ձևով ներկայացնում է հետևյալ փաստաթղթերը.

ա) գրանցման դիմում (հավելվածներ 5, 6, կցվում են), բանկի կամ օտարերկրյա բանկի մասնակիցների ընդհանուր ժողովի կամ կառավարման իրավասու այլ մարմնի որոշումը կամ արձանագրությունից քաղվածք` բանկի կանոնադրությունը կամ օտարերկրյա բանկի մասնաճյուղի կանոնակարգը հաստատելու և բանկի ղեկավարներ ընտրելու (նշանակելու) վերաբերյալ: Գրանցման դիմումին կցվում են օրենքով սահմանված փաստաթղթերը և դրանց ցանկը.

բ) ստեղծվող բանկի կամ օտարերկրյա բանկի մասնաճյուղի ղեկավարների աշխատանքային գործունեության վերաբերյալ տեղեկանք (հավելված 7, կցվում է).

գ) բանկի կանոնադրությունը, կամ օտարերկրյա բանկի կողմից հաստատված օտարերկրյա բանկի մասնաճյուղի կանոնակարգը.

դ) բանկի կամ օտարերկրյա բանկի մասնաճյուղի ղեկավարների ցուցակը, նրանց վավերացված ստորագրությունների նմուշները.

ե) բանկի կանոնադրական հիմնադրամում նշանակալից մասնակցություն ունեցող անձանց համար` «Բանկերի և բանկային գործունեության մասին» ՀՀ օրենքի 18-րդ հոդվածի երկրորդ մասում նախատեսված հիմքերի բացակայության մասին հայտարարություն (հավելված 8):

2. Սույն կանոնի 1-ին կետով սահմանված ամբողջական և բավարար փաստաթղթերն ստանալու պահից օրենքով սահմանված մեկամսյա ժամկետում ՀՀ կենտրոնական բանկի խորհրդի որոշմամբ գրանցվում է բանկը կամ օտարերկրյա բանկի մասնաճյուղը: Կենտրոնական բանկը 5-օրյա ժամկետում այդ մասին ծանուցում է ձեռնարկությունների պետական ռեգիստրին:

3. ՀՀ կենտրոնական բանկը բանկի կամ օտարերկրյա բանկի մասնաճյուղի գրանցման մասին որոշում ընդունելուց հետո օրենքով սահմանված եռօրյա ժամկետում հիմնադիրներին տալիս է գրանցման վկայական (հավելվածներ 9, 10, կցվում են):

4. Բանկը պարտավոր է իր տարածքից դուրս ավտոմատացված սպասարկման կետեր (բանկոմատներ), վարչական կառուցվածքային ստորաբաժանումներ (եթե դրանք գործարքներ չեն կնքում) բացելիս 7-օրյա ժամկետում ծանուցել ՀՀ կենտրոնական բանկին:

 

Գ Լ ՈՒ Խ  4

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՏՐԱՄԱԴՐՈՒՄԸ, ԴՐԱ ԱՆՎԱՎԵՐ ԿԱՄ ՈՒԺԸ ԿՈՐՑՐԱԾ ՃԱՆԱՉՈՒՄԸ

 

Կանոն 11.

Լիցենզիա ստանալու անհրաժեշտ պայմանները

 

ՀՀ կենտրոնական բանկի խորհրդի որոշմամբ գրանցված բանկին կամ օտարերկրյա բանկի մասնաճյուղին լիցենզիա է տրվում, եթե բավարարվել են «Բանկերի և բանկային գործունեության մասին» ՀՀ օրենքի 29-րդ հոդվածով նախատեսված պայմանները:

Կանոն 12.

Բանկի կանոնադրական հիմնադրամը

 

1. Բանկերի կանոնադրական հիմնադրամը սահմանվում է «Բանկերի և բանկային գործունեության մասին» ՀՀ օրենքի 17-րդ հոդվածով:

2. Բանկերի կանոնադրական հիմնադրամը կարող է համալրվել ինչպես հայկական դրամով, այնպես էլ արտարժույթով:

3. ՀՀ տարածքում գործող բանկերի կանոնադրական հիմնադրամի նվազագույն չափը սահմանվում է ՀՀ կենտրոնական բանկի խորհրդի որոշմամբ:

4. Գործող բանկի կանոնադրական հիմնադրամում նախկինում նյութական արժեքներով և արտարժույթով կատարված ներդրումների վերագնահատման արդյունքները չեն ազդում կանոնադրական հիմնադրամի մեծության վրա, բացառությամբ օրենքով և այլ նորմատիվ ակտերով սահմանված դեպքերի:

Կանոն 13.

Բանկի կամ օտարերկրյա բանկի մասնաճյուղերի տարածքի և տեխնիկական հագեցվածության համապատասխանության պահանջները (չափանիշները)

 

1. Բանկը կամ օտարերկրյա բանկի մասնաճյուղը պետք է ունենա`

ա) սեփականության իրավունքով իրեն (կամ հիմնադիր բանկին) պատկանող կամ վարձակալությամբ վերցված տարածք, ընդ որում, վարձակալության պայմանագրի ժամկետը պետք է լրանա ոչ շուտ, քան բանկի կամ օտարերկրյա բանկի մասնաճյուղի միջնորդագիրը տալու պահից 5 տարի անց.

բ) կանխիկ դրամով և այլ արժեքներով գործառնություններ կատարելու, հաճախորդների դրամարկղային սպասարկումն իրականացնելու, կանխիկ դրամի ու այլ արժեքների հուսալի պահպանության համար դրամարկղային հանգույց:

Դրամարկղային հանգուցի մեջ մտնում են հետևյալ տարածքները.

. կանխիկ դրամի և արժեքների հիմնական պահոց (հետագայում` հիմնական դրամապահոց) իր նախադրամապահոցով կամ չհրկիզվող պահարանների սենյակ կամ ինկասացիոն ծառայության և որևէ բանկի հետ կնքված պայմանագիր` նշված միջոցների տեղափոխման, հանձնման և պահպանման վերաբերյալ.

. երեկոյան դրամարկղ (առանձին դրամապահոցով).

. վերահաշվարկման դրամարկղ.

. հաճախորդներից ստացված դրամի և արժեքների վերահաշվարկման սենյակ.

գ) ելքի դրամարկղներին անմիջապես հարող տարածքում բանկի աշխատակցի հսկողության ներքո հաճախորդի կողմից գումարի վերահաշվարկի սենյակ.

դ) կանխիկ դրամի և արժեքների անվտանգ պահպանության համար անվտանգության ծառայության աշխատասենյակ կամ պայմանագիր` կնքված այն կազմակերպության (ձեռնարկության) հետ, որն ունի անվտանգության համապատասխան պայմաններ, և որի տարածքում գործում է բանկը (օտարերկրյա բանկի մասնաճյուղը),

ե) պահպանիչ-հակահրդեհային ազդարարման համակարգ:

2. Բանկի տարածքում պետք է ապահովված լինի ամենակարճ տարածությունն անվտանգության ծառայության աշխատասենյակի և դրամարկղային հանգույցի միջև:

3. Դրամարկղային հանգույցը պետք է առանձնացված լինի բանկի կառուցվածքային մյուս ստորաբաժանումներից:

Կանոն 14.

Բանկի, մասնաճյուղի, գործառնական գրասենյակի (կետի), օտարերկրյա բանկի մասնաճյուղի ղեկավարների որակավորման և մասնագիտական համապատասխանության չափանիշները

 

Բանկի, մասնաճյուղի, գործառնական գրասենյակի (կետի), օտարերկրյա բանկի մասնաճյուղի ղեկավարները պետք է բավարարեն հետևյալ չափանիշներին`

1. Բանկի խորհրդի նախագահը և անդամները`

. բանկային օրենսդրության իմացություն,

. բանկի առջև ծառացած հիմնահարցերին և զարգացման հեռանկարային ուղղություններին իրազեկություն:

2. Բանկի գործադիր տնօրենը, վարչության նախագահը`

. ՀՀ կենտրոնական բանկի կողմից իրականացվող դրամավարկային քաղաքականության, բանկային և հարկային օրենսդրության հիմունքների, միջազգային պրակտիկայում ընդունված բանկային գործառնությունների իրականացման կանոնների իմացություն:

3. Բանկի վարչության անդամները և մասնաճյուղի կառավարիչը`

. բանկային օրենքների և ՀՀ կենտրոնական բանկի նորմատիվ ակտերի, միջազգային պրակտիկայում ընդունված բանկային գործառնությունների իրականացման կանոնների իմացություն:

4. Բանկի վերստուգիչ հանձնաժողովի նախագահը և անդամները`

. բանկային և հարկային օրենսդրության, բանկերի հաշվապահական հաշվառման կանոնների իմացություն:

5. Բանկի և դրա մասնաճյուղի գլխավոր հաշվապահը`

. բանկերի հաշվապահական հաշվառման կանոնների, հարկային օրենսդրության և ՀՀ կենտրոնական բանկի նորմատիվ ակտերի իմացություն:

6. Օտարերկրյա բանկի մասնաճյուղի կառավարիչը`

. ՀՀ բանկային օրենքների, ՀՀ կենտրոնական բանկի նորմատիվ ակտերի, միջազգային պրակտիկայում ընդունված բանկային գործառնությունների իրականացման կանոնների իմացություն:

7. Օտարերկրյա բանկի մասնաճյուղի գլխավոր հաշվապահը`

. հաշվապահական հաշվառման միջազգային չափանիշների, բանկերի հաշվապահական հաշվառման տեսության, ՀՀ կենտրոնական բանկի նորմատիվ ակտերի և ՀՀ հարկային օրենսդրության իմացություն:

8. Գործառնական գրասենյակի (կետի) կառավարիչը կամ ղեկավարը`

. գործառնական գրասենյակի (կետի) գործառնությունների իրականացման կանոնների իմացություն:

9. Գործառնական գրասենյակի (կետի) գլխավոր հաշվապահը կամ հաշվապահը` (եթե առկա է)

. գործառնական գրասենյակի (կետի) գործառնությունների հաշվապահական հաշվառման ձևակերպումների իմացություն:

Կանոն 15.

Բանկային գործունեության լիցենզիա

 

Բանկերին և օտարերկրյա բանկի մասնաճյուղերին տրվում են լիցենզիաներ, որոնց ձևերը կցվում են (հավելվածներ 1 և 2):

Կանոն 16.

Լիցենզիայի անվավեր, ուժը կորցրած ճանաչումը և դրա իրավական հետևանքները

 

1. Համաձայն «Բանկերի և բանկային գործունեության մասին» ՀՀ օրենքի լիցենզիան անվավեր ճանաչելու մասին դատարանի որոշումը, ուժը կորցրած ճանաչելու մասին ՀՀ կենտրոնական բանկի խորհրդի որոշումը դրանց կայացման հիմքերի հետ միասին պետք է անմիջապես գրավոր հաղորդվեն շահագրգիռ բանկին կամ օտարերկրյա բանկի մասնաճյուղին:

2. Սույն կանոնի 1-ին կետով նախատեսված ծանուցումն ստանալու պահից մեկ օրվա ընթացքում բանկը կամ օտարերկրյա բանկի մասնաճյուղը պարտավոր է լիցենզիան վերադարձնել ՀՀ կենտրոնական բանկ:

 

Գ Լ ՈՒ Խ  5

ԲԱՆԿԵՐԻ ՄԱՍՆԱՃՅՈՒՂԵՐԻ, ԳՈՐԾԱՌՆԱԿԱՆ ԳՐԱՍԵՆՅԱԿՆԵՐԻ (ԿԵՏԵՐԻ) ԵՎ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԳՐԱՆՑՈՒՄԸ

Կանոն 17.

Մասնաճյուղի գրանցումը

1. Հայաստանի Հանրապետության տարածքում բանկերի մասնաճյուղերը հիմնադրվում են օրենքով և սույն կանոնակարգով սահմանված կարգով: Այլ պետությունների տարածքներում բանկերի մասնաճյուղերը հիմնադրվում են տվյալ պետության օրենսդրությանը համապատասխան:

2. Համաձայն «Բանկերի և բանկային գործունեության մասին» ՀՀ օրենքի 28-րդ հոդվածի, ՀՀ տարածքում գործող բանկերի ՀՀ տարածքում ստեղծվող մասնաճյուղերը գրանցվում են ՀՀ կենտրոնական բանկի կողմից` ներկայացնելով հետևյալ փաստաթղթերը.

ա) բանկի միջնորդագիրը,

բ) բանկի մասնակիցների ընդհանուր ժողովի կամ կառավարման իրավասու այլ մարմնի որոշումը կամ արձանագրությունից քաղվածք` մասնաճյուղ բացելու մասին,

գ) մասնաճյուղի կանոնակարգը, որի մեջ, մասնավորապես, նշվում է բանկի կողմից տվյալ մասնաճյուղին թույլատրված ֆինանսական գործառնությունների ցանկը,

դ) բանկի մասնաճյուղի ղեկավարների աշխատանքային գործունեության վերաբերյալ տեղեկանք` ՀՀ կենտրոնական բանկի կողմից սահմանված ձևով (հավելված 7),

ե) ստեղծվող մասնաճյուղի գործունեության տնտեսական ծրագիրը` ՀՀ կենտրոնական բանկի կողից սահմանված ձևով (կանոն 18),

զ) մասնաճյուղին տարածք տրամադրելու, ինչպես նաև մասնաճյուղի տեխնիկական հագեցվածությունը ՀՀ կենտրոնական բանկի կողմից սահմանված չափանիշներին (կանոն 19) համապատասխանելու մասին փաստաթուղթ:

3. ՀՀ կենտրոնական բանկը քննում է մասնաճյուղի ղեկավարներին` նրանց մասնագիտական համապատասխանությունը պարզելու նպատակով:

4. Մասնաճյուղի ղեկավարները պետք է համապատասխանեն սույն կանոնակարգի 14-րդ կանոնով սահմանված որակավորման և մասնագիտական համապատասխանության չափանիշներին:

5. Միջնորդագիրը ներկայացնելուց հետո, օրենքով սահմանված մեկամսյա ժամկետում, ՀՀ կենտրոնական բանկի խորհրդի որոշմամբ գրանցվում է մասնաճյուղը և տրվում գրանցման վկայական (հավելված 11, կցվում է):

Կանոն 18.

Բանկի մասնաճյուղի գործունեության տնտեսական ծրագիրը

 

1. Բանկի մասնաճյուղի գործունեության տնտեսական ծրագիրը, որը ստորագրվում է հիմնադիր բանկի իրավասու անձի կողմից, վճռորոշ է մասնաճյուղը գրանցելու համար:

2. Տնտեսական ծրագրում պետք է ներկայացվի տեղեկատվություն այն մասին, որ ստեղծվող մասնաճյուղն ունի հաջողության հասնելու զգալի հավանականություն: Այս առումով ծրագրում բերված բոլոր կանխատեսումներն ու ենթադրությունները պետք է հիմնավորված լինեն կոնկրետ հաշվարկներով, վերլուծություններով և ելակետային (բազային) տվյալներով:

3. Բանկի մասնաճյուղի գործունեության տնտեսական ծրագիրը (հավելված 15, կցվում է) բաղկացած է հետևյալ բաժիններից`

. ընդհանուր դրույթներ,

. ներքին կազմակերպական կառուցվածքը,

. ֆինանսական գործառնությունները և գործունեության հիմնական ուղղությունները,

. ակտիվների ու պասիվների մոտավոր կազմը և կառուցվածքը,

. շահույթների և վնասների պլանային հաշվարկը:

 

3.1. Ընդհանուր դրույթներ

 

Այս բաժնում տրվում են`

ա) բանկի մասնաճյուղի գտնվելու վայրը,

բ) այն նկատառումները, որոնցից ելնելով հիմնադիր բանկը որոշել է մասնաճյուղ բացել,

գ) այն շուկաների նկարագիրը, որոնցում մասնաճյուղը պատրաստվում է ծավալել իր գործունեությունը,

դ) տեղեկություններ մասնաճյուղին տարածք տրամադրելու և նրա տեխնիկական հագեցվածության մասին:

 

3.2. Ներքին կազմակերպական կառուցվածքը

 

Բաժինն ընդգրկում է`

ա) մասնաճյուղի կառավարման ներքին կազմակերպական կառուցվածքը, կառուցվածքային ստորաբաժանումների թվարկումը և դրանց միջև փոխհարաբերությունները` ելնելով նրա կողմից իրականացվող հիմնական գործառնություններից,

բ) մասնաճյուղի ղեկավարների (կառավարիչ, գլխավոր հաշվապահ) իրավունքներն ու պարտականությունները,

գ) աշխատակազմի մասնագիտական որակավորման մակարդակը, ընդունակությունները և աշխատանքային փորձը:

 

3.3. Ֆինանսական գործառնությունները և գործունեության հիմնական ուղղությունները

 

Բաժնում արտացոլվում են`

մասնաճյուղի գործունեության հիմնական ուղղությունները, հիմնադիր բանկի կողմից թույլատրվող ֆինանսական գործառնությունների ցանկը և դրանց համառոտ նկարագիրը, մասնաճյուղի հավանական հաճախորդների կազմն ըստ խմբերի, հանգամանքները և դրդապատճառները, որոնցով պայմանավորված է վերոհիշալ հաճախորդների կողմից տվյալ մասնաճյուղի նախընտրությունը:

 

3.4. Ակտիվների, պասիվների մոտավոր կազմը և կառուցվածքը

 

Բաժինը ներառում է`

ակտիվների ու պասիվների կազմը և կառուցվածքը առաջիկա 2 տարվա կտրվածքով, հիմնական միջոցների ներդրումը: Տնտեսական ծրագրին կցվում է հաշվեկշիռը գործունեության առաջին 2 տարվա համար (հավելված 14, ձև 6):

 

3.5. Շահույթների և վնասների պլանային հաշվարկը

 

Բաժնում տրվում են`

ա) եկամուտների և ծախսերի կանխատեսումներն առաջին 2 տարվա համար (հավելված 14, ձև 7),

բ) եկամուտների կազմը և կառուցվածքը,

գ) ծախսերի կազմը և կառուցվածքը:

4. Հիմնադիր բանկի հայեցողությամբ ծրագիրը կարող է բովանդակել նաև այնպիսի տեղեկություններ, որոնք նա համարում է նպատակահարմար տնտեսական ծրագրի հիմնավորման առումով:

5. Պահանջվող ամբողջ տեղեկատվությունը պետք է ներկայացվի տպագիր տեսքով: Բոլոր հարցերին պետք է տրվեն ամբողջական պատասխաններ:

6. ՀՀ կենտրոնական բանկը կարող է պահանջել պարզաբանումներ ներկայացված տեղեկատվության վերաբերյալ, ինչպես նաև ստուգել տեղեկատվության արժանահավատությունը:

7. Անհրաժեշտ կանխատեսումների ներկայացման ձևերը կցվում են (հավելված 15):

Շուկայի նկարագրերը և պահանջվող այն տեղեկությունները, որոնց համար ձևերը կցված չեն, կարող են ներկայացվել կամայական, սակայն վերլուծության և գնահատման համար ընկալունակ ձևով:

Կանոն 19.

Բանկի մասնաճյուղի տարածքի և տեխնիկական հագեցվածության համապատասխանության պահանջները (չափանիշները)

 

1. Բանկի մասնաճյուղը պետք է ունենա`

ա) հիմնադիր բանկին պատկանող կամ վարձակալությամբ վերցրած տարածքը, ընդ որում, վարձակալության պայմանագրի ժամկետը պետք է լրանա ոչ շուտ, քան մասնաճյուղի գրանցման համար փաստաթղթերի ներկայացման պահից 1 տարի անց,

բ) կանխիկ դրամով և այլ արժեքներով գործառնություններ կատարելու, հաճախորդների դրամարկղային սպասարկումն իրականացնելու, կանխիկ դրամի ու այլ արժեքների հուսալի պահպանության համար դրամարկղային հանգույց` անհրաժեշտության դեպքում,

գ) կանխիկ դրամի և արժեքների անվտանգ պահպանության համար անվտանգության ծառայության աշխատասենյակ կամ պայմանագիր` կնքված այն կազմակերպության (ձեռնարկության) հետ, որն ունի անվտանգության համապատասխան պայմաններ, և որի տարածքում գործում է բանկի մասնաճյուղը,

դ) պահպանիչ-հակահրդեհային ազդարարման համակարգ:

2. Բանկի մասնաճյուղի տարածքում պետք է ապահովված լինի ամենակարճ տարածությունն անվտանգության ծառայության աշխատասենյակի և դրամարկղային հանգույցի միջև:

3. Դրամարկղային հանգույցը պետք է առանձնացված լինի բանկի մասնաճյուղի կառուցվածքային մյուս ստորաբաժանումներից:

Կանոն 20.

Գործառնական գրասենյակի (կետի) ստեղծումը և գրանցումը

 

1. Սույն կանոնի դրույթները տարածվում են բանկերի այն գործառնական գրասենյակների (կետերի) վրա, որոնք ստեղծվում են որպես սույն կանոնի 3-րդ կետով սահմանված տարածքային ստորաբաժանումներ:

2. ՀՀ տարածքում բանկի գործառնական գրասենյակները (կետերը) ստեղծվում են բանկի կանոնադրությամբ սահմանված կարգով, իսկ այլ պետությունների տարածքներում` տվյալ պետության օրենսդրությանը համապատասխան:

3. Բանկի գործառնական գրասենյակի (կետ) է հանդիսանում բանկի կամ մասնաճյուղի, այդ թվում` օտարերկրյա բանկի մասնաճյուղի գտնվելու վայրից դուրս գտնվող առանձնացված ստորաբաժանումը, որը գործում է բանկի կողմից տրված լիազորությունների սահմաններում և նրա անունից կարող է`

ա) գնել և վաճառել պետական արժեթղթեր, սպասարկել հավաստագրված, լիմիտավորված և ճանապարհային չեկեր, վճարային քարտեր,

բ) գնել և վաճառել (փոխանակել) արտարժույթ, այդ թվում` կնքել դրամի և արտարժույթի ֆյուչերսներ, օպցիոններ և նման այլ գործարքներ:

4. ՀՀ տարածքում գործող բանկերի` ՀՀ տարածքում ստեղծվող գործառնական գրասենյակները (կետերը) գրանցվում են ՀՀ կենտրոնական բանկի կողմից` ներկայացնելով հետևյալ փաստաթղթերը.

ա) բանկի միջնորդագիրը,

բ) բանկի մասնակիցների ընդհանուր ժողովի կամ կառավարման իրավասու այլ մարմնի որոշումը կամ արձանագրությունից քաղվածք` գործառնական գրասենյակ (կետ) բացելու մասին,

գ) գործառնական գրասենյակի (կետի) կանոնակարգը,

դ) բանկի գործառնական գրասենյակի (կետի) ղեկավարների աշխատանքային գործունեության վերաբերյալ տեղեկանք (հավելված 7),

ե) գործառնական գրասենյակի (կետի) ստեղծման համառոտ տնտեսագիտական հիմնավորումը, որն իր մեջ ներառում է հիմնադրի կողմից նրան տրված լիազորությունները, սպասվելիք եկամուտը և գործառնությունների ծավալը գործունեության առաջին տարում,

զ) գործառնական գրասենյակին (կետին) տարածք տրամադրելու, ինչպես նաև գործառնական գրասենյակի (կետի) տեխնիկական հագեցվածությունը ՀՀ կենտրոնական բանկի կողմից սահմանված չափանիշներին (կանոն 21) համապատասխանելու մասին տեղեկանք,

է) հիմնադիր բանկի եզրակացությունը գործառնական գրասենյակի (կետի) ղեկավարի` ՀՀ կենտրոնական բանկի կողմից որակավորման և մասնագիտական համապատասխանության չափանիշներին (կանոն 14) համապատասխանելու վերաբերյալ:

5. Հայաստանի Հանրապետության տարածքում գործող բանկերի` ՀՀ տարածքից դուրս ստեղծվող գործառնական գրասենյակները (կետերը) ստանում են ՀՀ կենտրոնական բանկի համաձայնությունը և հաշվառվում նրա կողմից ներկայացնելով հիմնադիր բանկի միջնորդագիրը և գործառնական գրասենյակի (կետի) ստեղծման համառոտ տնտեսագիտական հիմնավորումը:

6. Միջնորդագիրը ներկայացնելուց հետո, մեկամսյա ժամկետում, ՀՀ կենտրոնական բանկի խորհրդի որոշմամբ գրանցվում է գործառնական գրասենյակը (կետը) և նրան տրվում է գրանցման վկայական (հավելված 12, կցվում է), իսկ գրանցումը մերժելու դեպքում մերժման հիմքերի մասին մեկշաբաթյա ժամկետում տեղեկացվում է բանկին:

Կանոն 21.

Գործառնական գրասենյակի (կետի) տարածքի և տեխնիկական հագեցվածության համապատասխանության պահանջները (չափանիշները)

 

Գործառնական գրասենյակը (կետը) պետք է ունենա`

ա) հիմնադիր բանկին սեփականության իրավունքով պատկանող կամ վարձակալությամբ վերցրած առանձնացված տարածք, որի վարձակալության ժամկետը լրանում է ոչ շուտ, քան գործառնական գրասենյակի (կետի) գրանցման համար փաստաթղթերի ներկայացման պահից 1 տարի անց: Ընդ որում, սույն կանոնի իմաստով առանձնացված տարածք է համարվում նախատեսվող գործունեության համար օգտագործելի այն տարածությունը, որը

(1) առանձնացված է հարակից տարածքից քարե, մետաղե, ապակե կամ տվյալ նպատակով սովորաբար օգտագործվող այլ շինանյութերից կառուցված պատերով

(2) ունի առանձին մուտք` կողպվող դռնով, պայմանով, որ տվյալ տարածք մուտք գործել հնարավոր է միայն հիշյալ դռնով

(3) նախատեսվում է օգտագործել կամ փաստացի օգտագործվում է բացառապես նախատեսված գործունեություն իրականացնելու նպատակով.

բ) հեռախոսային կապ, թղթադրամի իսկությունը ստուգող առնվազն մեկ սարք, չհրկիզվող պահարան,

գ) գրասենյակի պատին կամ նման այլ աչքի ընկնող տեղում փակցված ցուցանակ, որի վրա ընթեռնելի տառերով նշվում են բանկի անվանումը և գործառնական գրասենյակի (կետի) համարը կամ անվանումը, ընդ որում ցուցանակը պետք է պարունակի «գործառնական գրասենյակ» կամ «գործառնական կետ» բառերը.

դ) հիմնադիր բանկի հետ միացված համակարգչային ցանց` 1998 թվականի հունվարի 1-ից,

ե) էլեկտրոնային վահանակ (գործողների համար` 1997 թվականի հուլիսի 1-ից):

2. Բանկի գործառնական գրասենյակի (կետի) տարածքում առևտրական, արտադրական կամ տնտեսական այլ գործունեություն իրականացնելն արգելվում է:

Կանոն 22.

Ներկայացուցչության գրանցումը

 

1. ՀՀ տարածքում ներկայացուցչությունները հիմնադրվում են «Բանկերի և բանկային գործունեության մասին» ՀՀ օրենքի 28-րդ հոդվածով սահմանված կարգով: Այլ պետությունների տարածքում ներկայացուցչությունները հիմնադրվում են տվյալ պետության օրենսդրությանը համապատասխան:

2. Ներկայացուցչությունը գրանցելու միջնորդագիրը ներկայացնելուց հետո օրենքով սահմանված մեկամսյա ժամկետում ՀՀ կենտրոնական բանկի խորհրդի որոշմամբ գրանցվում է ներկայացուցչությունը և նրան տրվում է գրանցման վկայական (հավելված 13, կցվում է):

 

Գ Լ ՈՒ Խ  6

ՓՈՓՈԽՈՒԹՅՈՒՆՆԵՐԻ ԳՐԱՆՑՈՒՄԸ

 

Կանոն 23.

Փոփոխությունների գրանցումը

 

1. ՀՀ տարածքում գործող բանկերը և օտարերկրյա բանկի մասնաճյուղերը պարտավոր են օրենքով սահմանված մեկամսյա ժամկետում ՀՀ կենտրոնական բանկին ծանուցել հետևյալ փոփոխությունների մասին`

ա) բանկի կանոնադրությունում, դրա, ինչպես նաև օտարերկրյա բանկի մասնաճյուղի կանոնակարգում կատարված փոփոխություններ.

բ) կանոնադրական հիմնադրամում նշանակալից մասնակցություն ունեցող անձանց փոփոխություններ.

գ) ղեկավարների կազմում (բացառությամբ կառուցվածքային ստորաբաժանումների ղեկավարների) կատարված փոփոխություններ.

դ) գործունեության վայրի փոփոխություն.

ե) հայտարարված կանոնադրական հիմնադրամի մեծության փոփոխություն.

զ) տարածքային ստորաբաժանումների` մասնաճյուղերի, գործառնական գրասենյակների (կետերի) և ներկայացուցչությունների հիմնադրման կամ լուծարման վերաբերյալ տեղեկություններ.

է) օրենքով կամ այլ իրավական ակտերով սահմանված փոփոխություններ:

2. Փոփոխությունները գրանցելու համար բանկերը և օտարերկրյա բանկի մասնաճյուղերը ՀՀ կենտրոնական բանկ են ներկայացնում հետևյալ փաստաթղթերը`

. կատարված փոփոխությունները գրանցելու մասին միջնորդագիր` բանկի կառավարման մարմնի կողմից լիազորված անձի ստորագրությամբ` վավերացված բանկի կնիքով,

. փոփոխված փաստաթղթերը:

. իրավասու մարմնի որոշումը փոփոխությունների վերաբերյալ:

Ընդ որում, բանկի փոփոխված կանոնադրությունը, դրա, ինչպես նաև օտարերկրյա բանկի մասնաճյուղի կանոնակարգերը ներկայացվում են 3 օրինակից, իսկ մնացած փաստաթղթերը` 1 օրինակից:

3. Բանկի կանոնադրական հիմնադրամի մեծության փոփոխման, կանոնադրական հիմնադրամում նշանակալից մասնակցություն ունեցող անձանց, բանկի ղեկավարների կազմում (բացառությամբ կառուցվածքային ստորաբաժանումների ղեկավարների) կատարված փոփոխությունները ՀՀ կենտրոնական բանկում գրանցելու համար բանկերը ներկայացնում են հետևյալ փաստաթղթերը`

. կատարված փոփոխությունները գրանցելու մասին միջնորդագիր` բանկի կառավարման մարմնի լիազոր անձի ստորագրությամբ` վավերացված բանկի կնիքով.

. կանոնադրական հիմնադրամում նշանակալից մասնակցություն ունեցող նոր անձանց և բանկի նոր ղեկավարների ցուցակը և մասնակիցների ընդհանուր ցուցակը` կատարված փոփոխություններով.

. բաժնետոմսերի վերջին թողարկման ազդագիրը (բաց բաժնետիրական բանկի համար):

4. Ղեկավարների (բացառությամբ բանկի խորհրդի անդամների, կառուցվածքային ստորաբաժանումների ղեկավարաների) կազմում փոփոխություններ կատարելու դեպքում բանկը պարտավոր է նախապես նոր նշանակվող կամ ընտրվող ղեկավարների թեկնածուներին ներկայացնել ՀՀ կենտրոնական բանկ` նրանց որակավորումը և մասնագիտական համապատասխանությունը պարզելու նպատակով քննում անցնելու համար:

ՀՀ կենտրոնական բանկի գրանցման և լիցենզավորման հանձնաժողովը ներկայացման պահից մեկշաբաթյա ժամկետում քննում է բանկի կողմից առաջարկված թեկնածուներին (բացառությամբ բանկի խորհրդի նախագահի պաշտոնում առաջադրվող թեկնածուի, որին քննում է ՀՀ կենտրոնական բանկի խորհուրդը)` նրանց որակավորումը և մասնագիտական համապատասխանությունը պարզելու նպատակով` համաձայն սույն կանոնակարգի 24-րդ կանոնի:

Հանձնաժողովի կամ կենտրոնական բանկի խորհրդի դրական եզրակացության դեպքում բանկը նշանակում (ընտրում) է ղեկավարներին և նշանակման (ընտրման) պահից մեկամսյա ժամկետում ղեկավարների կազմում կատարված փոփոխությունների մասին ծանուցում կենտրոնական բանկին` ներկայացնելով սույն կանոնի 4-րդ կետում նախատեսված փաստաթղթերը:

5. Բանկի կանոնադրական հիմնադրամում անձի (կամ փոխկապակցված անձանց) նշանակալից մասնակցության ձեռք բերման վերաբերյալ ՀՀ կենտրոնական բանկի խորհրդի համաձայնությունը ստանալու պահից բանկը մեկամսյա ժամկետում կենտրոնական բանկին ծանուցում է կանոնադրական հիմնադրամում նշանակալից մասնակցություն ունեցող անձանց փոփոխությունների մասին: ՀՀ կենտրոնական բանկը, ծանուցումը ստանալուց հետո մեկամսյա ժամկետում գրանցում է փոփոխությունը:

6. Բանկի կանոնադրական հիմնադրամի մեծության և կանոնադրական հիմնադրամում նշանակալից մասնակցություն ունեցող անձանց կազմում կատարված փոփոխությունները 20 օրվա ընթացքում քննարկվում են կենտրոնական բանկի վերահսկողության, կարգավորման և լիցենզավորման գլխավոր վարչությունում, անհրաժեշտության դեպքում` իրավաբանական վարչության հետ համատեղ: Քննարկման արդյունքներով կազմվում է եզրակացություն կատարված փոփոխությունը (փոփոխությունները) օրենքներին և այլ իրավական ակտերին համապատասխանելու վերաբերյալ, որը վերահսկողության, կարգավորման և լիցենզավորման գլխավոր վարչության պետի կողմից ներկայացվում է ՀՀ կենտրոնական բանկի նախագահին: Կենտրոնական բանկի նախագահի հրամանի հիման վրա օրենքով սահմանված ժամկետում գրանցվում են կատարված փոփոխությունները:

7. ՀՀ կենտրոնական բանկը մերժում է միջնորդագիրը, եթե կատարված փոփոխությունները հակասում են օրենքներին և այլ իրավական ակտերին:

8. Կատարված փոփոխություններն ուժի մեջ են մտնում կենտրոնական բանկի կողմից դրանք գրանցելու պահից:

 

Գ Լ ՈՒ Խ  7

ԲԱՆԿԻ ՂԵԿԱՎԱՐՆԵՐԻ ՈՐԱԿԱՎՈՐՄԱՆ ԵՎ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՔՆՆՄԱՆ ԿԱՐԳ
 

Կանոն 24.

Բանկի ղեկավարների որակավորման և մասնագիտական համապատասխանության քննման կարգ

 

1. Բանկի, դրա, ինչպես նաև օտարերկրյա բանկի մասնաճյուղերի նշանակվող կամ ընտրվող ղեկավարների (այդ թվում` նաև 45 օրից ավելի ժամկետով նշանակվող ժամանակավոր պաշտոնակատարների), բացառությամբ խորհրդի նախագահի, որակավորման և մասնագիտական համապատասխանության ստուգումը կատարվում է սույն կանոնակարգի 9-րդ կանոնում նշված հանձնաժողովի կողմից:

Որևէ ղեկավարի պաշտոնից ազատելիս կամ հետ կանչելիս բանկը պարտավոր է այդ մասին 3 աշխատանքային օրվա ընթացքում տեղեկացնել ՀՀ կենտրոնական բանկին:

Ընդ որում, սույն կարգը տարածվում է նաև գործող բանկերի, դրանց, ինչպես նաև օտարերկրյա բանկերի մասնաճյուղերի նշանակված կամ ընտրված ղեկավարների վրա:

Բանկը պարտավոր է նոր նշանակվող (ընտրվող) ղեկավարների թեկնածուներին (բացառությամբ խորհրդի անդամների) նախապես ներկայացնել ՀՀ կենտրոնական բանկ` նրանց որակավորումը և մասնագիտական համապատասխանությունը պարզելու նպատակով քննում անցնելու համար:

Առանձին դեպքերում, ելնելով արտաքին (off-sitc) և տեղերում (on-sitc) վերահսկողության արդյունքներից, կենտրոնական բանկը քննում է նաև բանկի խորհրդի անդամների պաշտոնում առաջադրվող թեկնածուներին:

Օտարերկրյա բանկի դուստր բանկի խորհրդի նախագահի և անդամների, վերստուգիչ հանձնաժողովի նախագահի և անդամների քննում չի անցկացվում:

2. Քննումն անցկացվում է ըստ ղեկավարների հետևյալ խմբերի`

ա) գործադիր տնօրեն, վերչության անդամներ, գլխավոր հաշվապահ և վերստուգիչ հանձնաժողովի նախագահ, օտարերկրյա բանկի մասնաճյուղի կառավարիչ և գլխավոր հաշվապահ, բանկի մասնաճյուղի կառավարիչ և գլխավոր հաշվապահ.

բ) վերստուգիչ հանձնաժողովի անդամներ:

3. Բանկերի գործառնական գրասենյակների (կետերի) ղեկավարների որակավորման և մասնագիտական համապատասխանության ստուգումը կատարվում է բանկի կողմից` ելնելով սույն կանոնակարգի 14-րդ կանոնով սահմանված չափանիշներից:

4. Բանկի խորհրդի նախագահի որակավորման և մասնագիտական համապատասխանության ստուգումը կատարվում է ՀՀ կենտրոնական բանկի խորհրդի նիստում` հարցազրույցի ձևով, ՀՀ կենտրոնական բանկի նախագահի կողմից հաստատված թեմաների շրջանակներում:

Հարցազրույցի արդյունքների հիման վրա ՀՀ կենտրոնական բանկի խորհուրդը արձանագրում է`

բանկի խորհրդի նախագահի համապատասխանությունը կամ անհամապատասխանությունը ՀՀ կենտրոնական բանկի կողմից սահմանված չափանիշներին:

5. Բանկի խորհրդի անդամների (բացառությամբ ՀՀ տարածքից մշտապես դուրս բնակվողների) որակավորման և մասնագիտական համապատասխանության ստուգումը կատարվում է հանձնաժողովի նիստում` հարցազրույցի ձևով, ՀՀ կենտրոնական բանկի նախագահի կողմից հաստատված թեմաների շրջանակներում:

7-րդ և 14-րդ հավելվածներով բանկի ղեկավարների համար սահմանված փաստաթղթերի տվյալների և հարցազրույցի արդյունքների հիման վրա հանձնաժողովը արձանագրում է`

բանկի խորհրդի անդամների համապատասխանությունը կամ անհամապատասխանությունը ՀՀ կենտրոնական բանկի կողմից սահմանված չափանիշներին:

Եթե բանկի խորհրդի անդամը մշտապես բնակվում է ՀՀ տարածքից դուրս, ապա նրա որակավորման և մասնագիտական համապատասխանության վերաբերյալ հանձնաժողովը տալիս է եզրակացություն` ՀՀ կենտրոնական բանկի նախագահի կողմից հաստատված հարցաթերթիկի պատասխանների արդյունքների ամփոփման հիման վրա (հեռակա քննում):

Ընդ որում, եթե 3 ամսվա ընթացքում անհնար է դառնում բանկի խորհրդի անդամի հեռակա քննումը, ապա բանկը պարտավոր է ներկայացնել խորհրդի անդամի նոր թեկնածություն:

6. Սույն կանոնի 2 (ա) կետում նշված ղեկավարների որակավորման և մասնագիտական համապատասխանության ստուգումը կատարվում է 2 փուլով.

. գրավոր (տեստային) քննում.

. բանավոր (հարցազրույցի ձևով) քննում, որն անցկացվում է հանձնաժողովի նիստում:

7. Սույն կանոնի 2 (բ) կետում նշված ղեկավարների որակավորման և մասնագիտական համապատասխանության ստուգումը կատարվում է գրավոր (տեստային) քննման միջոցով:

8. Տեստում պարունակվող հարցերի ցանկը կազմվում է` ելնելով բանկային և հարկային օրենսդրության (օրենքների և այլ իրավական ակտերի) դրույթներից, ինչպես նաև բանկային գործի տեսությունից:

Տեստերը, ինչպես նաև դրանցում կատարված լրացումները և փոփոխությունները հաստատվում են ՀՀ կենտրոնական բանկի նախագահի կողմից, ենթակա չեն հրապարակման:

Տեստերը վերանայվում են ոչ պակաս, քան տարին 2 անգամ` հաշվի առնելով բանկային գործունեության վերաբերյալ նոր օրենքների և նորմատիվ (իրավական) ակտերի ընդունումը:

Տեստերը կարող են վերանայվել նաև անհրաժեշտության դեպքում` կենտրոնական բանկի նախագահի հանձնարարությամբ:

9. Տեստերը և դրանցում պարունակվող հարցերի թիվը տարբերակվում են ըստ քննում անցնող ղեկավարների թեկնածուների (ելնելով նրանց ներկայացվող չափանիշներից) հետևյալ խմբերի`

ա) բանկի գործադիր տնօրեն, վարչության նախագահ (120 հարց),

բ) վերստուգիչ հանձնաժողովի նախագահ (120 հարց),

գ) օտարերկրյա բանկի մասնաճյուղի կառավարիչ (120 հարց),

դ) բանկի գլխավոր հաշվապահ, օտարերկրյա բանկի մասնաճյուղի գլխավոր հաշվապահ (120 հարց),

ե) բանկի մասնաճյուղի կառավարիչ, վարչության անդամներ (100 հարց),

զ) բանկի մասնաճյուղի գլխավոր հաշվապահ (100 հարց)

է) վերստուգիչ հանձնաժողովի անդամներ (100 հարց):

10. Ղեկավարների տեստային քննումն անցկացվում է հանձնաժողովի առնվազն 3 անդամների ներկայությամբ:

11. Տեստերի հարցերի պատասխանների արդյունքները ղեկավարների տեստային քննումն անցկացնող հանձնաժողովի անդամներն ամփոփում են մինչև հանձնաժողովի նիստը և ներկայացնում հանձնաժողովին:

12. Տեստերի հարցերից յուրաքանչյուրը պարունակում է մի քանի պատասխաններ, որոնցից մեկը ճիշտ է:

Տեստի հարցի ճիշտ պատասխանը գնահատվում է մեկ միավոր, իսկ սխալ պատասխանը, ինչպես նաև հարցին չպատասխանելը` զրո միավոր:

13. Տեքստերի հարցերի գնահատումը և ամփոփումը կատարվում է հետևյալ կերպ`

13.1. Եթե սույն կանոնի 2 (ա) կետում նշված ղեկավարը հավաքել է միավորների առավելագույն թվի մինչև 66 տոկոսը, ապա նա չի մասնակցում հանձնաժողովի նիստին և վերջինիս կողմից արձանագրվում է, որ առաջադրված թեկնածուն իր որակավորմամբ և մասնագիտական առումով չի համապատասխանում ՀՀ կենտրոնական բանկի կողմից սահմանված չափանիշներին:

Եթե սույն կանոնի 2 (բ) կետում նշված ղեկավարը հավաքել է միավորների առավելագույն թվի մինչև 71 տոկոսը, ապա հանձնաժողովի կողմից արձանագրվում է, որ առաջադրված թեկնածուն իր որակավորմամբ և մասնագիտական առումով չի համապատասխանում կենտրոնական բանկի կողմից սահմանված չափանիշներին:

13.2. Եթե սույն կանոնի 2 (ա) կետում նշված ղեկավարը հավաքել է միավորների առավելագույն թվի 66 և ավելի տոկոսը, ապա նա մասնակցում է հանձնաժողովի նիստին` բանավոր (հարցազրույցի տեսքով) ստուգում անցնելու համար:

Եթե սույն կանոնի 2 (բ) կետում նշված ղեկավարը հավաքել է միավորների առավելագույն թվի 71 և ավելի տոկոսը, ապա հանձնաժողովի կողմից արձանագրվում է, որ առաջադրված թեկնածուն իր որակավորմամբ և մասնագիտական առումով համապատասխանում է կենտրոնական բանկի կողմից սահմանված չափանիշներին:

14. Տեստային և բանավոր քննման արդյունքներով հանձնաժողովը ղեկավարի որակավորման և մասնագիտական համապատասխանության վերաբերյալ տալիս է հետևյալ եզրակացություններից մեկը`

(ա) դրական եզրակացություն,

(բ) դրական եզրակացություն` տվյալ ղեկավարի ժամանակավոր պաշտոնավարման վերաբերյալ (1-3 ամիս)` նորից քննելու պայմանով,

(գ) բացասական եզրակացություն:

Հանձնաժողովի եզրակացության հիման վրա մեկ աշխատանքային օրվա ընթացքում կազմվում է ՀՀ կենտրոնական բանկի նախագահի հրամանի նախագիծ և ներկայացվում ստորագրման:

Եթե բանկի կողմից ներկայացված ղեկավարի թեկնածուն չի համապատասխանում որակավորման և մասնագիտական համապատասխանության չափանիշներին, ապա բանկը պարտավոր է 45-օրյա ժամկետում կենտրոնական բանկ ներկայացնել նոր թեկնածություն: Այդ ընթացքում տվյալ պաշտոնում որպես ժամանակավոր պաշտոնակատար կարող է նշանակվել այլ անձ կամ տվյալ անձը:

Որակավորման և մասնագիտական համապատասխանության չափանիշներին չբավարարած անձի թեկնածությունը բանկը կարող է կրկին անգամ առաջարկել ոչ շուտ, քան 6 ամիս հետո: Ընդ որում, գրանցման և լիցենզավորման հանձնաժողովի եզրակացության հիման վրա կենտրոնական բանկի նախագահի հրամանով որակավորման և մասնագիտական համապատասխանության չափանիշներին չբավարարած թեկնածուին կարող է թույլատրվել 6 ամսվա ընթացքում անցնելու կրկնակի քննում:

Կրկնակի քննման ժամանակ հաշվի է առնվում նաև այդ ընթացքում թեկնածուի կատարած աշխատանքը:

15. Թեկնածուների հարցը քննարկվում է կրթության մասին դիպլոմի (վկայականի) պատճենի, լրացված կենսագրական տվյալների ձևի, աշխատանքային գործունեության վերաբերյալ տեղեկանքի առկայության դեպքում:

 

Գ Լ ՈՒ Խ  8

ԼՐԱՑՈՒՑԻՉ ԴՐՈՒՅԹՆԵՐ

Կանոն 25.

Կանոնակարգն ուժի մեջ մտնելը

 

Սույն կանոնակարգն ուժի մեջ է մտնում 1997 թվականի մայիսի 15-ից:

 

Կանոն 26.

Կանոնակարգի կրճատ անվանումը

 

Սույն կանոնակարգի կրճատ անվանումն է` «ԿԲ կանոնակարգ 1»

Հավելված 1

 

ԲԱՆԿԻՆ ՏՐՎՈՂ ԼԻՑԵՆԶԻԱՅԻ ՄԻԱՍՆԱԿԱՆ ՁԵՎ

 

ՀՀ կենտրոնական բանկի նախագահ

_____________ _ Բ. Ա. Ասատրյան

 __ _________________ 199  թ.

 

Բանկային գործունեության լիցենզիա  N ____

 

Սույն լիցենզիան տրվում է` __________________________________ (բանկի անվանումը և կազմակերպական-իրավական տեսակը)

 

«Բանկերի և բանկային գործունեության մասին» Հայաստանի Հանրապետության օրենքով նախատեսված` հայկական դրամով և արտարժույթով բանկային գործունեություն և ֆինանսական գործառնություններ իրականացնելու համար:

Բանկը կարող է նաև գնել, վաճառել թանկարժեք մետաղներ, քարեր, ոսկերչական իրեր և այլ արժեքներ:

Գրանցման թիվը ____________

 

Հավելված 2

 

ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻՆ ՏՐՎՈՂ ԼԻՑԵՆԶԻԱՅԻ ՄԻԱՍՆԱԿԱՆ ՁԵՎ

 

ՀՀ կենտրոնական բանկի նախագահ

_____________ _ Բ. Ա. Ասատրյան

 __ _________________ 199  թ.

 

Բանկային գործունեության լիցենզիա N ____

 

Սույն լիցենզիան տրվում է` __________________________________ (օտարերկրյա բանկի մասնաճյուղի անվանումը)

 

«Բանկերի և բանկային գործունեության մասին» Հայաստանի Հանրապետության օրենքով նախատեսված` հայկական դրամով և արտարժույթով բանկային գործունեություն և ֆինանսական գործառնություններ իրականացնելու համար:

Օտարերկրյա բանկի մասնաճյուղը կարող է նաև գնել, վաճառել թանկարժեք մետաղներ, քարեր, ոսկերչական իրեր և այլ արժեքներ:

Օտարերկրյա բանկի մասնաճյուղը ՀՀ տարածքում կարող է ավանդներ ընդունել միայն ՀՀ ոչ ռեզիդենտներից:

 

Գրանցման թիվը ____________

 

Հավելված 3

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԱԽՆԱԿԱՆ ՀԱՎԱՆՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳՐԻ ՁԵՎ
(ԲԱՆԿ ՀԻՄՆԱԴՐԵԼՈՒ ՀԱՄԱՐ)

Հայաստանի Հանրապետության
կենտրոնական բանկի նախագահ
պարոն Բ. Ասատրյանին

Մ Ի Ջ Ն Ո Ր Դ Ա Գ Ի Ր

Հարգելի պարոն Ասատրյան

Մենք` ներքոստորագրյալ անձինք, որոշում ենք ընդունել __________________

________________________________________________________ բանկի կազմակերպական-իրավական տեսակը և անվանումը

բանկ ստեղծելու մասին:

Համաձայն Հայաստանի Հանրապետության գործող օրենսդրության, կից ներկայացնում ենք բանկային գործունեության լիցենզիա ստանալու նախնական հավանության համար անհրաժեշտ փաստաթղթերը (ցանկը և փաստաթղթերը _____ էջ):

Մենք գիտակցում ենք, որ կից ներկայացված փաստաթղթերը պետք է պարունակեն էական տեղեկատվություն, որի վրա հիմնվելով` Հայաստանի Հանրապետության կենտրոնական բանկը կարող է տալ նախնական հավանություն:

Մենք` ներքոստորագրյալ նախաձեռնող անձինք, միասին և անհատապես հավաստիացնում ենք, որ մանրակրկիտ դիտարկել ենք սույն միջնորդագրին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք նաև, որ տեղեկատվությունը արժանահավատ է ու ամբողջական և գիտակցում, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք բանկային գործունեության լիցենզիա ստանալու Հայաստանի Հանրապետության կենտրոնական բանկի նախնական հավանությունը:

 

ՄԻՋՆՈՐԴԱԳԻՐԸ ՆԵՐԿԱՅԱՑՆՈՂ ԱՆՁԻՆՔ

 

Ստորագրություն	անուն, ազգանուն	անձնագրի սերիան, համարը, ում կողմից և երբ է տրված
__________________ __________________ __________________	__________________ __________________ __________________	_____________________ _____________________ _____________________
___  __________ 199 __ թ.

Հավելված 4

ԲԱՆԿԱՅԻՆ ԳՈՐԾՈՒՆԵՈՒԹՅԱՆ ԼԻՑԵՆԶԻԱՅԻ ՆԱԽՆԱԿԱՆ ՀԱՎԱՆՈՒԹՅՈՒՆ ՍՏԱՆԱԼՈՒ ՄԻՋՆՈՐԴԱԳՐԻ ՁԵՎ (ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂ ՀԻՄՆԱԴՐԵԼՈՒ ՀԱՄԱՐ)

 

Հայաստանի Հանրապետության
կենտրոնական բանկի նախագահ
պարոն Բ. Ասատրյանին

Մ Ի Ջ Ն Ո Ր Դ Ա Գ Ի Ր

Հարգելի պարոն Ասատրյան

_____________________________________________________________ օտարերկրյա բանկի անվանումը

բանկի _________________________________________________________ կառավարման իրավասու մարմնի անվանումը

որոշում է ընդունել ՀՀ տարածքում մասնաճյուղ ստեղծելու վերաբերյալ:Համաձայն ՀՀ գործող օրենսդրության, կից ներկայացնում ենք բանկային գործունեության լիցենզիա ստանալու նախնական հավանության համար անհրաժեշտ փաստաթղթերը (ցանկը և փաստաթղթերը __ էջ):Մենք գիտակցում ենք, որ կից ներկայացված փաստաթղթերը պետք է պարունակեն էական տեղեկատվություն, որի վրա հիմնվելով` Հայաստանի Հանրապետության կենտրոնական բանկը կարող է տալ նախնական հավանություն:Հավաստիացնում ենք նաև, որ տեղեկատվությունը արժանահավատ է ու ամբողջական և գիտակցում, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:Խնդրում ենք բանկային գործունեության լիցենզիա ստանալու Հայաստանի Հանրապետության կենտրոնական բանկի նախնական հավանությունը:

_______________________________________________________ Օտարերկրյա բանկի իրավասու անձի անունը, ազգանունը, ստորագրությունը

____  ______________ 199 __ թ.

Հավելված 5

ԲԱՆԿԻ ԳՐԱՆՑՄԱՆ ԴԻՄՈՒՄԻ ՁԵՎ

 

Հայաստանի Հանրապետության
կենտրոնական բանկի նախագահ
պարոն Բ. Ասատրյանին

 

ԴԻՄՈՒՄ

Հարգելի պարոն Ասատրյան

Մենք` _________________________________________________________ բանկի անվանումը և

_____________________________________________________________ կազմակերպական-իրավական տեսակը

նախաձեռնող ներքոստորագրյալ անձինք, ______________________ ստացել ենք ամիսը, ամսաթիվը

բանկային գործունեության լիցենզիայի նախնական հավանությունը:

Համաձայն Հայաստանի Հանրապետության գործող օրենսդրության, կից ներկայացնում ենք բանկի գրանցման համար անհրաժեշտ փաստաթղթերը (ցանկը և փաստաթղթերը _____ էջ):

Մենք` ներքոստորագրյալ նախաձեռնող անձինք, միասին և անհատապես հավաստիացնում ենք, որ մանրակրկիտ դիտարկել ենք սույն դիմումին կից ներկայացված յուրաքանչյուր փաստաթղթում արտացոլված տեղեկատվությունը: Հավաստիացնում ենք նաև, որ տեղեկատվությունը արժանահավատ է ու ամբողջական և գիտակցում, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք գրանցել բանկը:

Բանկի ստեղծման նախաձեռնող անձինք`

 

Ստորագրություն	անուն, ազգանուն	անձնագրի սերիան, համարը, ում կողմից և երբ է տրված
__________________ __________________ __________________	__________________ __________________ __________________	_____________________ _____________________ _____________________
___  __________ 199 __ թ.

Հավելված 6

ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ԴԻՄՈՒՄԻ ՁԵՎ

 

Հայաստանի Հանրապետության
կենտրոնական բանկի նախագահ
պարոն Բ. Ասատրյանին

Դ Ի Մ ՈՒ Մ

 

Հարգելի պարոն Բ. Ասատրյան

________________________________ օտարերկրյա բանկի անվանումը

բանկը _____________________ ամիսը, ամսաթիվը

ստացել է Հայաստանի Հանրապետության տարածքում մասնաճյուղ հիմնադրելու համար բանկային գործունեության լիցենզիայի նախնական հավանությունը:

Համաձայն ՀՀ գործող օրենսդրության, կից ներկայացնում ենք բանկի մասնաճյուղի գրանցման համար անհրաժեշտ փաստաթղթերը (ցանկը և փաստաթղթերը ______ էջ):

Հավաստիացնում ենք, որ տեղեկատվությունը արժանահավատ է ու ամբողջական և գիտակցում, որ որևէ փաստի սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

Խնդրում ենք գրանցել բանկի մասնաճյուղը:

_______________________________________________________ Օտարերկրյա բանկի իրավասու անձի անունը, ազգանունը, ստորագրությունը

____  ______________ 199 __ թ.

Հավելված 7

ԲԱՆԿԻ ԿԱՄ ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ՂԵԿԱՎԱՐԻ ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅԱՆ ՏԵՂԵԿԱՆՔԻ ՁԵՎ

Տ Ե Ղ Ե Կ Ա Ն Ք

______________________________________ (բանկի կամ օտարերկրյա բանկի մասնաճյուղի անվանումը)

բանկի _____________________ ղեկավարի պաշտոնը

____________________________ աշխատանքային գործունեության վերաբերյալ (ղեկավարի անունը, ազգանունը)

 

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆԸ

N	Կազմակերպության (ձեռնարկության) անվանումը	Գտնվելու վայրը	Աշխատանքի ընդունման և ազատման ժամկետները	Պաշտոնը	Ծանոթագրություն
1.
2.
3.

Հավելված 8

ԲԱՆԿԻ ԿԱՆՈՆԱԴՐԱԿԱՆ ՀԻՄՆԱԴՐԱՄՈՒՄ ՆՇԱՆԱԿԱԼԻՑ ՄԱՍՆԱԿՑՈՒԹՅՈՒՆ ՈՒՆԵՑՈՂ ԱՆՁԱՆՑ ՀԱՄԱՐ «ԲԱՆԿԵՐԻ ԵՎ ԲԱՆԿԱՅԻՆ ԳՈՐԾՈՒՆԵՈՒԹՅԱՆ ՄԱՍԻՆ» ՀՀ ՕՐԵՆՔԻ 18-ՐԴ ՀՈԴՎԱԾԻ 2-ՐԴ ԿԵՏՈՎ ՆԱԽԱՏԵՍՎԱԾ ՀԻՄՔԵՐԻ ԲԱՑԱԿԱՅՈՒԹՅԱՆ ՄԱՍԻՆ ՀԱՅՏԱՐԱՐՈՒԹՅԱՆ ՁԵՎ

 

Նշանակալից մասնակցու- թյուն ունե- ցող անձի անունը, ազ- գանունը կամ անվանումը	Հասցեն կամ գտնվե- լու վայրը	Ծննդ- յան թիվը կամ ստեղծ- ման ամսա- թիվը	Տեղեկու- թյուններ այլ ան- ձանց կա- նոնադրա- կան հիմ- նադրա- մում նշա- նակալից մասնակ- ցության վերաբեր- յալ	Նշանակա- լից մաս- նակցու- թյան չափը % -ներով	Հայտարարու- թյուն «Բան- կերի և բանկային գործունեու- թյան մասին» ՀՀ օրենքի 18-րդ հոդ- վածի 2-րդ կետով նախա- տեսված հիմ- քերի բացա- կայության մասին	Հայտարարու- թյուն «Բան- կերի և բանկային գործունեու- թյան մասին» ՀՀ օրենքի 40-րդ հոդ- վածում նշված մի- ջոցների բացակայու- թյան մասին
1. 2. 3.  .  .  .

 

Նախաձեռնող անձինք

Ստորագրություն	Անուն, ազգանուն	ամսաթիվ	անձնագրային տվյալներ
_____________ _____________ _____________	_____________ _____________ _____________	___________ ___________ ___________	_______________ _______________ _______________

Հավելված 9

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ ԲԱՆԿԻ ԳՐԱՆՑՄԱՆ ՎԿԱՅԱԿԱՆ Ք. ԵՐԵՎԱՆ

Հաստատված է ՀՀ կենտրոնական բանկի խորհրդի ___  _____ 1997 թ. N .... որոշմամբ ԳՐԱՆՑՄԱՆ ՎԿԱՅԱԿԱՆ N ___ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների, սույն վկայականը տրվում է _________________________________________________________ բանկին: (անվանումը, կազմակերպական-իրավական տեսակը) Գրանցման համարը ______________________________ Գրանցման ամսաթիվ, ամիս, տարեթիվ __________________ Հայաստանի Հանրապետության կենտրոնական բանկի նախագահ ________________ Բ. Ասատրյան ____  ________________ 199 __ թ. Կ.Տ.

Հավելված 10

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՐԱՆՑՄԱՆ ՎԿԱՅԱԿԱՆ Ք. ԵՐԵՎԱՆ

Հաստատված է ՀՀ կենտրոնական բանկի խորհրդի ___  _____ 1997 թ. N .... որոշմամբ ԳՐԱՆՑՄԱՆ ՎԿԱՅԱԿԱՆ N ___ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների, սույն վկայականը տրվում է ___________________________________________ օտարերկրյա բանկի ___________________________________________ մասնաճյուղին: Գրանցման համարը ______________________________ Գրանցման ամսաթիվ, ամիս, տարեթիվ __________________ Հայաստանի Հանրապետության կենտրոնական բանկի նախագահ ________________ Բ. Ասատրյան ____  ________________ 199 __ թ. Կ.Տ.

Հավելված 11

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ ՄԱՍՆԱՃՅՈՒՂԻ ԳՐԱՆՑՄԱՆ ՎԿԱՅԱԿԱՆ Ք. ԵՐԵՎԱՆ

Հաստատված է ՀՀ կենտրոնական բանկի խորհրդի ___  _____ 1997 թ. N.... որոշմամբ ԳՐԱՆՑՄԱՆ ՎԿԱՅԱԿԱՆ N ___ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների, սույն վկայականը տրվում է ___________________________________________  բանկի ___________________________________________ մասնաճյուղին: Գրանցման համարը ________________________________________ Գրանցման ամսաթիվ, ամիս, տարեթիվ ____________________________ Վկայականն ուժի մեջ է միայն ներդիրի հետ Հայաստանի Հանրապետության կենտրոնական բանկի նախագահ ________________ Բ. Ասատրյան ____  ________________ 199 __ թ. Կ.Տ.

Հաստատված է ՀՀ կենտրոնական բանկի խորհրդի ___  _____ 1997 թ. N .... որոշմամբ ՆԵՐԴԻՐ N ________ ______________________________________________________ բանկի ___________________________________ մասնաճյուղի գրանցման վկայականի Վկայականի համարը _______________________________ Մասնաճյուղի հասցեն ______________________________ Բանկի կողմից տրված լիազորությունների սահմաններում և նրա անունից մասնաճյուղն իրականացնում է «Բանկերի և բանկային գործունեության մասին» ՀՀ օրենքով նախատեսված բանկային գործունեություն և հետևյալ ֆինանսական գործառնությունները. 1. __________________________________________ 2. __________________________________________ 3. __________________________________________ 4. __________________________________________ 5. __________________________________________ 6. __________________________________________ 7. __________________________________________ 8. __________________________________________ 9. __________________________________________ 10. __________________________________________ 11. __________________________________________ 12. __________________________________________ 13. __________________________________________ 14. __________________________________________ 15. __________________________________________ 16. __________________________________________   Ներդիրն ուժի մեջ է միայն վկայականի հետ

Հավելված 12

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ ԲԱՆԿԻ ԳՈՐԾԱՌՆԱԿԱՆ ԳՐԱՍԵՆՅԱԿԻ (ԿԵՏԻ) ԳՐԱՆՑՄԱՆ ՎԿԱՅԱԿԱՆ Ք. ԵՐԵՎԱՆ

Հաստատված է ՀՀ կենտրոնական բանկի խորհրդի ___  _____ 1997 թ. N .... որոշմամբ ԳՐԱՆՑՄԱՆ ՎԿԱՅԱԿԱՆ N ___ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների, սույն վկայականը տրվում է _________________________________________________________  բանկի ____________________________________________________ գործառնական գրասենյակի (կետին): Գրանցման համարը ________________________________________ Գրանցման ամսաթիվ, ամիս, տարեթիվ ____________________________ Վկայականն ուժի մեջ է միայն ներդիրի հետ Հայաստանի Հանրապետության կենտրոնական բանկի նախագահ ________________ Բ. Ասատրյան ____  ________________ 199 __ թ. Կ.Տ.

Հաստատված է ՀՀ կենտրոնական բանկի խորհրդի ___  _____ 1997 թ. N .... որոշմամբ ՆԵՐԴԻՐ N ________ ______________________________________________________ բանկի _________________________________________ գործառնական գրասենյակի (կետի) գրանցման վկայականի Վկայականի համարը _______________________________ Գործառնական գրասենյակի (կետի) հասցեն _______________________________________ Բանկի կողմից տրված լիազորությունների սահմաններում և նրա անունից գործառնական գրասենյակը (կետը) իրականացնում է հետևյալ ֆինանսական գործառնությունները. 1. __________________________________________ 2. __________________________________________ 3. __________________________________________ 4. __________________________________________   Ներդիրն ուժի մեջ է միայն վկայականի հետ

Հավելված 13

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ ԲԱՆԿԻ ՆԵՐԿԱՅԱՑՈՒՑՉՈՒԹՅԱՆ ԳՐԱՆՑՄԱՆ ՎԿԱՅԱԿԱՆ Ք. ԵՐԵՎԱՆ

Հաստատված է ՀՀ կենտրոնական բանկի խորհրդի ___  _____ 1997 թ. N .... որոշմամբ ԳՐԱՆՑՄԱՆ ՎԿԱՅԱԿԱՆ N ___ Համաձայն «Բանկերի և բանկային գործունեության մասին» և «Հայաստանի Հանրապետության կենտրոնական բանկի մասին» Հայաստանի Հանրապետության օրենքների, սույն վկայականը տրվում է ___________________________________________  բանկի ___________________________________________ ներկայացուցչությանը: Գրանցման համարը ________________________________________ Գրանցման ամսաթիվ, ամիս, տարեթիվ ____________________________ Հայաստանի Հանրապետության կենտրոնական բանկի նախագահ ________________ Բ. Ասատրյան ____  ________________ 199 __ թ. Կ.Տ.

Հավելված 14

ԲԱՆԿԻ ԿԱՄ ՕՏԱՐԵՐԿՐՅԱ ԲԱՆԿԻ ՄԱՍՆԱՃՅՈՒՂԻ ԳՈՐԾՈՒՆԵՈՒԹՅԱՆ ՏՆՏԵՍԱԿԱՆ ԾՐԱԳՐԻ ՁԵՎ

 

Բաժին 1. Ընդհանուր դրույթներ

Բաժին 2. Ներքին կարգապահական կառուցվածքը

Բաժին 3. Ֆինանսական գործառնությունները և գործունեության հիմնական ուղղությունները

Բաժին 4. Ակտիվների ու պասիվների մոտավոր կազմը և կառուցվածքը

Բաժին 5. Շահույթների և վնասների պլանային հաշվարկը

 

Կանխատեսումների ձևեր

 

Հաշվեկշռի հաշվարկային նախագծեր (կանխատեսումներ) (ձև 1)

Բանկի կապիտալի հաշվարկը (կանխատեսումներ) (ձև 2)

Եկամուտների և ծախսերի նախահաշվարկներ (կանխատեսումներ) (ձև 3)

Շահույթի բաշխման հաշվարկներ (կանխատեսումներ) (ձև 4)

Բանկի առաջարկվող ղեկավարների կենսագրական տվյալներ (կանխատեսումներ) (ձև 5)

Ձև 1

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ (ԿԱՆԽԱՏԵՍՈՒՄՆԵՐ)
(ՀԱԶ. ԴՐԱՄ)

	ԱՌԱՋԻԿԱ	ՏԱՐԻՆԵՐ
ԱԿՏԻՎՆԵՐ	I ՏԱՐԻ	II ՏԱՐԻ
Դրամարկղ և դրան հավասարեցված միջոցներ	___________	___________
ԿԲ-ում պարտադիր պահուստավորման և թղթակցային հաշվի միջոցներ
Թղթակցային հաշիվներ այլ բանկերում	___________	___________
Պետական պարտատոմսեր	___________	___________
Կապիտալ ներդրումների ֆինանսավորման միջոցներ	___________	___________
Վարկային ներդրումներ, այդ թվում`
Կարճաժամկետ վարկեր	___________	___________
Երկարաժամկետ վարկեր	___________	___________
Այլ բանկերին տրված վարկեր	___________	___________
Այլ բանկերում ներդրված ավանդներ	___________	___________
Գնված արժեթղթեր	___________	___________
Լիզինգ	___________	___________
Ֆակտորինգ	___________	___________
Հիմնական միջոցներ (հանած մաշվածքը)	___________	___________
այդ թվում`
շենքեր և շինություններ	___________	___________
սարքավորումներ	___________	___________
Շահույթի հաշվին օտարված միջոցներ	___________	___________
Դեբիտորներ	___________	___________
Այլ ակտիվներ	___________	___________
Վնաս	___________	___________
Ընդամենը` ակտիվներ	___________	___________
Պասիվներ	___________	___________
Կանոնադրական հիմնադրամ	___________	___________
Պահուստային ֆոնդ	___________	___________
Այլ ֆոնդեր	___________	___________
Ցպահանջ պարտավորություններ	___________	___________
Թղթակից բանկերի հաշիվներ	___________	___________
Կազմակերպությունների, ձեռնարկությունների ժամկետային ավանդներ	___________	___________
Բանկերի և այլ վարկային հիմնարկների ժամկետային ավանդներ	___________	___________
Ֆիզիկական անձանցից ներգրաված ժամկետային ավանդներ	___________	___________
Այլ բանկերից ստացված վարկեր	___________	___________
Այլ պասիվներ	___________	___________
Հիմնական միջոցների վերագնահատում	___________	___________
Շահույթ	___________	___________
Կրեդիտորներ և այլ պարտավորություններ	___________	___________
Ընդամենը` պասիվներ	___________	___________

 

Ձև 2

ԲԱՆԿԻ ԿԱՊԻՏԱԼԻ ՀԱՇՎԱՐԿԸ (ԿԱՆԽԱՏԵՍՈՒՄԸ)
(հազ. դրամ)

 

ԿԱՊԻՏԱԼ	ԱՌԱՋԻԿԱ	ՏԱՐԻՆԵՐ
ՀԻՄՆԱԿԱՆ ԿԱՊԻՏԱԼ	I ՏԱՐԻ	II ՏԱՐԻ
Կանոնադրական ֆոնդ	___________	___________
Պահուստային ֆոնդ	___________	___________
Շահույթից ձևավորված այլ ֆոնդեր	___________	___________
Չբաշխված շահույթ	___________	___________
Բաժնետոմսերի (բաժնեմասերի) հավելավճարի գումար	___________	___________
Ընդամենը` հիմնական կապիտալ	___________	___________
Լրացուցիչ կապիտալ	___________	___________
Հիմնական միջոցների վերագնահատման ֆոնդ	___________	___________
Արտարժութային միջոցների վերագնահատման ֆոնդ	___________	___________
Թանկարժեք մետաղների վերագնահատման ֆոնդ	___________	___________
Ընդամենը` լրացուցիչ կապիտալ	___________	___________
Ընդամենը` ընդհանուր կապիտալ (հիմնական կապիտալ+լրացուցիչ կապիտալ)	___________	___________
Որակական գնահատականներ 1. Հարաբերակցությունը հիմնական կապիտալի և ռիսկի կշռված ակտիվների միջև (%)	___________	___________
2. Հարաբերակցությունն ընդհանուր կապիտալի և ռիսկով կշռված ակտիվների միջև (%)	___________	___________
3. Հարաբերակցությունը հիմնական կապիտալի և միջին ընդհանուր ակտիվների միջև	___________	___________

 

Ձև 3

ԵԿԱՄՈՒՏՆԵՐԻ ԵՎ ԾԱԽՍԵՐԻ ՆԱԽԱՀԱՇԻՎՆԵՐ
(ԿԱՆԽԱՏԵՍՈՒՄՆԵՐ) (ՀԱԶ. ԴՐԱՄ)

 

	ԱՌԱՋԻԿԱ	ՏԱՐԻՆԵՐ
ԵԿԱՄՈՒՏՆԵՐ	I ՏԱՐԻ	II ՏԱՐԻ
Դրամական վարկերից ստացված %-ներ	___________	___________
Արտարժութային վարկերից ստացված %-ներ	___________	___________
Ստացված կոմիսիոն գումարներ	___________	___________
Ծախսերի փոխհատուցումը հաճախորդների կողմից	___________	___________
Լիզինգից, ֆակտորինգից, լիազորագրային (տրաստային) գործառնություններից ստացված եկամուտներ	___________	___________
Արտարժութային գործառնություններից ստացված եկամուտներ	___________	___________
Արժեթղթերով գործառնություններից ստացված եկամուտներ	___________	___________
Մատուցված ծառայությունների դիմաց ստացված գումարներ	___________	___________
Նախկինում վնասներով դուրս գրված վարկի վերադարձում	___________	___________
Անցած տարիների գործառնություններից ստացված %-ներ և կոմիսիոն գումարներ	___________	___________
Այլ եկամուտներ *	___________	___________
Ընդամենը եկամուտներ	___________	___________
Ծախսեր
Ներգրավված միջոցների դիմաց դրամով վճարված %-ներ	___________	___________
Ներգրավված միջոցների դիմաց արտարժույթով վճարված %-ներ	___________	___________
Վճարված կոմիսիոն գումարներ	___________	___________
Հաճախորդների համար ծախսեր	___________	___________
Լիզինգի, ֆակտորինգի, լիազորագրային (տրաստային) գործառնությունների գծով ծախսեր	___________	___________
Բանկի կողմից վարձակալված հիմնական միջոցների գծով ծախսեր	___________	___________
Արտարժութային գործառնությունների գծով ծախսեր	___________	___________
Արժեթղթերով գործառնությունների գծով ծախսեր	___________	___________
Ամորտիզացիոն հատկացումներ և մաշվածքը	___________	___________
Մասհանումներ վարկերի հնարավոր կորուստների պահուստաֆոնդին	___________	___________
Անցած տարիների գործառնությունների գծով վճարված տոկոսներ և կոմիսիոն գումարներ	___________	___________
Այլ ծախսեր *	___________	___________
Ընդամենը` 970	___________	___________
Աշխատավարձի ֆոնդ	___________	___________
Գործուղման ծախսեր	___________	___________
Այլ ծախսեր *	___________	___________
Ընդամենը` 971	___________	___________
Ընդամենը` ծախսեր	___________	___________
Շահույթ (եկամուտներ-ծախսեր)	___________	___________

 

Ձև 4

ՇԱՀՈՒՅԹԻ ԲԱՇԽՄԱՆ ՀԱՇՎԱՐԿՆԵՐ (ԿԱՆԽԱՏԵՍՈՒՄՆԵՐ)
(ՀԱԶ. ԴՐԱՄ)

 

	ԱՌԱՋԻԿԱ		ՏԱՐԻՆԵՐ
ՇԱՀՈՒՅԹԻՑ ՄԱՍՀԱՆՈՒՄՆԵՐ	I ՏԱՐԻ	%	II ՏԱՐԻ	%
- շահութահարկից արտոնություններ	___________	______	___________	______
- վճարումներ բյուջեին	___________	______	___________	______
- պահուստային ֆոնդ	___________	______	___________	______
- կուտակման ֆոնդ	___________	______	___________	______
- սպառման ֆոնդ	___________	______	___________	______
- բաժնետերերի (փայատերերի) շահաբաժիններ	___________	______	___________	______
- այլ բաշխումներ	___________	______	___________	______
- չբաշխված շահույթ	___________	______	___________	______
Ընդամենը`	___________	100	___________	100

 

ՄԻՋՆՈՐԴԱԳԻՐԸ ՆԵՐԿԱՅԱՑՆՈՂ ԱՆՁԻՆՔ
(ՕՏԱՐԵՐԿՐՅԱ ԲԱՆԿԻ ԻՐԱՎԱՍՈՒ ԱՆՁ)

 

Ստորագրություն	անուն, ազգանուն
___________ ___________ ___________	_____________ _____________ _____________
ամսաթիվ	անձնագրի սերիա, համարը, ում կողմից և երբ է տրված
___________ ___________ ___________	_____________ _____________ _____________

 

____  ________________ 199 __ թ.

Ձև 5

 ԲԱՆԿԻ ԱՌԱՋԱՐԿՎՈՂ ՂԵԿԱՎԱՐՆԵՐԻ ԿԵՆՍԱԳՐԱԿԱՆ ՏՎՅԱԼՆԵՐ

1. __________________________________________________________ (առաջադրվող պաշտոնը)

2. Ընդհանուր տեղեկատվություն. Անունը, ազգանունը, հայրանունը ______________________________________

Սեռը ________________________________________________________

Ծննդյան տարեթիվը, ամիսը, ամսաթիվը ___________________________________

Ծննդավայրը ____________________________________________________

Քաղաքացիությունը _______________________________________________

Ընտանեկան դրությունը տվյալ պահին ____________________________________

Անձնագրի սերիան և համարը (Օտարազգիների համար, օրինակ, սոցիալական պաշտպանվածության համարը) ________________________________

Հասցեն (մշտական և բնակության տվյալ պահին) _____________________________

 

Հեռախոսահամարներ ______________________________________________

3. Նշեք այժմ և նախկինում Ձեր ունեցած մյուս բոլոր անունները, ինչպես նաև դրանք կրելու ժամանակաշրջանը:

Անունը, ազգանունը ___________________ Կրելու Ժամանակը _______________

4. Կրթություն, որակավորում

 

Ուսումնական հաստատության (այդ թվում` դպրոցի) անվանումը	Գտնվելու վայրը	Հաճախումների ժամանակաշրջանը (19---ից մինչև 19--- թ.)	Գիտական աստիճանները

5. Ինչ օտար լեզուների եք տիրապետում

 

6. Աշխատանքային փորձը վերջին 5 տարիներին (համաձայն հավելված 7-ում բերված աղյուսակի)

 

7. Տեղեկություններ «Բանկերի և բանկային գործունեության մասին» ՀՀ օրենքի 22-րդ հոդվածի 2-րդ կետով նշված հիմքերի բացակայության մասին:

 

8. Տեղեկանք այլ երկրների քաղաքացիներից` քրեական հանցանքներ և կարգապահական պատժամիջոցներ չունենալու վերաբերյալ:

 

9. Այլ տեղեկություններ

10. Հավաստիացնում եմ, որ սույն կենսագրական տվյալներում պարունակվող տեղեկությունը ստույգ է և լիակատար: Գիտակցում եմ, որ որևէ սխալ ներկայացումը կամ բացթողումը հանգեցնում է օրենքով սահմանված քրեական, վարչական և կարգապահական պատասխանատվության:

 

Ես համաձայն եմ կենտրոնական բանկին տեղեկացնել անձնական, կենսագրական և ֆինանսական տեղեկատվության մեջ տեղի ունեցող կամ ակնկալվող որևէ էական փոփոխության փաստի մասին:

 

___________________ (ստորագրություն)

___________________ (ամսաթիվը)

Հավելված 15

 

ԲԱՆԿԻ ՄԱՍՆԱՃՅՈՒՂԻ ԳՈՐԾՈՒՆԵՈՒԹՅԱՆ
ՏՆՏԵՍԱԿԱՆ ԾՐԱԳՐԻ ՁԵՎ

 

Բաժին 1. Ընդհանուր դրույթներ

Բաժին 2. Ներքին կազմակերպական կառուցվածքը

Բաժին 3. Ֆինանսական գործառնությունները և գործունեության հիմնական ուղղությունները

Բաժին 4. Ակտիվների ու պասիվների մոտավոր կազմը և կառուցվածքը

Բաժին 5. Շահույթների և վնասների պլանային հաշվարկը

 

Կանխատեսումների ձևեր

Հաշվեկշռի հաշվարկային նախագծեր (կանխատեսումներ) (ձև 6)

Եկամուտների և ծախսերի նախահաշվարկներ (կանխատեսումներ) (ձև 7)

 

Ձև 6

 

 

ՀԱՇՎԵԿՇՌԻ ՀԱՇՎԱՐԿԱՅԻՆ ՆԱԽԱԳԾԵՐ (ԿԱՆԽԱՏԵՍՈՒՄՆԵՐ)
(ՀԱԶ. ԴՐԱՄ)

 

	ԱՌԱՋԻԿԱ	ՏԱՐԻՆԵՐ
ԱԿՏԻՎՆԵՐ	I ՏԱՐԻ	II ՏԱՐԻ
Դրամարկղ և դրան հավասարեցված միջոցներ	___________	___________
Վարկային ներդրումներ	___________	___________
այդ թվում`
Կարճաժամկետ վարկեր	___________	___________
Երկարաժամկետ վարկեր	___________	___________
Լիզինգ	___________	___________
Ֆակտորինգ	___________	___________
Հիմնական միջոցներ (հանած մաշվածքը)	___________	___________
այդ թվում`
շենքեր և շինություններ	___________	___________
սարքավորումներ	___________	___________
Դեբիտորներ	___________	___________
Այլ ակտիվներ	___________	___________
Ընդամենը` ակտիվներ	___________	___________
Պասիվներ Ցպահանջ պարտավորություններ	___________	___________
Թղթակից բանկերի հաշիվներ	___________	___________
Կազմակերպությունների, ձեռնարկությունների ժամկետային ավանդներ	___________	___________
Բանկերի և այլ վարկային հիմնարկների ժամկետային ավանդներ	___________	___________
Ֆիզիկական անձանցից ներգրաված ժամկետային ավանդներ	___________	___________
Այլ պասիվներ	___________	___________
Հիմնական միջոցների վերագնահատում	___________	___________
Կրեդիտորներ և այլ պարտավորություններ	___________	___________
Ընդամենը` պասիվներ	___________	___________

 

Ձև 7

 

 

ԵԿԱՄՈՒՏՆԵՐԻ ԵՎ ԾԱԽՍԵՐԻ ՆԱԽԱՀԱՇԻՎՆԵՐ
(ԿԱՆԽԱՏԵՍՈՒՄՆԵՐ) (ՀԱԶ. ԴՐԱՄ)

	ԱՌԱՋԻԿԱ	ՏԱՐԻՆԵՐ
ԵԿԱՄՈՒՏՆԵՐ	I ՏԱՐԻ	II ՏԱՐԻ
Դրամական վարկերից ստացված %-ներ	___________	___________
Արտարժութային վարկերից ստացված %-ներ	___________	___________
Ստացված կոմիսիոն գումարներ	___________	___________
Ծախսերի փոխհատուցումը հաճախորդների կողմից	___________	___________
Լիզինգից, ֆակտորինգից, լիազորագրային (տրաստային) գործառնություններից ստացված եկամուտներ	___________	___________
Արժութային գործառնություններից ստացված եկամուտներ	___________	___________
Մատուցված ծառայությունների դիմաց ստացված գումարներ	___________	___________
Անցած տարիների գործառնություններից ստացված %-ներ և կոմիսիոն գումարներ	___________	___________
Այլ եկամուտներ *	___________	___________
Ընդամենը` եկամուտներ	___________	___________
Ծախսեր	___________	___________
Ներգրավված միջոցների դիմաց դրամով վճարված %-ներ	___________	___________
Ներգրավված միջոցների դիմաց արտարժույթով վճարված %-ներ	___________	___________
Վճարված կոմիսիոն գումարներ	___________	___________
Հաճախորդների համար ծախսեր	___________	___________
Լիզինգի, ֆակտորինգի, լիազորագրային (տրաստային) գործառնությունների գծով ծախսեր	___________	___________
Մասնաճյուղի կողմից վարձակալված հիմնական միջոցների գծով ծախսեր	___________	___________
Արտարժութային գործառնությունների գծով ծախսեր	___________	___________
Ամորտիզացիոն հատկացումներ և մաշվածք	___________	___________
Մասհանումներ վարկերի հնարավոր կորուստների պահուստաֆոնդին	___________	___________
Անցած տարիների գործառնությունների գծով վճարված տոկոսներ և կոմիսիոն գումարներ	___________	___________
Այլ ծախսեր *	___________	___________
Ընդամենը` 970	___________	___________
Աշխատավարձի ֆոնդ	___________	___________
Գործուղման ծախսեր	___________	___________
Այլ ծախսեր *	___________	___________
Ընդամենը` 971	___________	___________
Ընդամենը` ծախսեր	___________	___________
Շահույթ (եկամուտներ-ծախսեր)	___________	___________

   

______________________________________________________________ (Հիմնադիր բանկի իրավասու անձի անունը, ազգանունը, ստորագրությունը)

 

____  ___________ 199 __ թ. _________________

______________
* Անհրաժեշտ է մանրամասն ներկայացնել ցուցակով, եթե այն կազմում է ընդհանուրի 10 %-ը և ավելին