ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

30 դեկտեմբերի 2004 թվականի N 899-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ԱԶԳԱՅԻՆ ՀԱՆՁՆԱԺՈՂՈՎԻ ԵՎ ՄԱՐԶԱՅԻՆ ՀԱՆՁՆԱԺՈՂՈՎՆԵՐԻ (ԵՐԵՎԱՆԻ ՔԱՂԱՔԱՅԻՆ ՀԱՆՁՆԱԺՈՂՈՎԻ) ՍՏԵՂԾՄԱՆ ՄԻՋՈՑԱՌՈՒՄՆԵՐԻ ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ՄԱՍԻՆ

1. Հաստատել Հայաստանի Հանրապետությունում երեխաների պաշտպանության ազգային հանձնաժողովի և մարզային հանձնաժողովների (Երևանի քաղաքային հանձնաժողովի) ստեղծման միջոցառումների ժամանակացույցը` համաձայն հավելվածի:

2. Հայաստանի Հանրապետության աշխատանքի և սոցիալական հարցերի նախարարին` ապահովել սույն որոշման 1-ին կետով հաստատված միջոցառումների կատարումը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ա. Մարգարյան
2004 թ. դեկտեմբերի 30 Երևան

Հավելված ՀՀ վարչապետի 2004 թ. դեկտեմբերի 30-ի N 899-Ա որոշման

Ժ Ա Մ Ա Ն Ա Կ Ա Ց ՈՒ Յ Ց

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ԱԶԳԱՅԻՆ ՀԱՆՁՆԱԺՈՂՈՎԻ ԵՎ ՄԱՐԶԱՅԻՆ ՀԱՆՁՆԱԺՈՂՈՎՆԵՐԻ (ԵՐԵՎԱՆԻ ՔԱՂԱՔԱՅԻՆ ՀԱՆՁՆԱԺՈՂՈՎԻ) ՍՏԵՂԾՄԱՆ ՄԻՋՈՑԱՌՈՒՄՆԵՐԻ

NN ը/կ	Միջոցառման անվանումը	Կատարողը	Ժամկետը
1	2	3	4
1.	Հայաստանի Հանրապետության օրենսդրության և միջազգային փորձի ուսումնասիրություն	ՀՀ աշխատանքի և սոցիալական հարցերի նախարարություն ՀՀ կառավարությանն առընթեր ՀՀ ոստիկանություն	2005 թ. հունվար-մարտ
2.	Հայաստանի Հանրապետությունում երեխաների հարցերով զբաղվող տարբեր հանձնաժողովների (մարմինների) գործունեության ուսումնասիրություն և նրանց վերակազմակերպման կամ վերացման նպատակահարմարության մասին առաջարկությունների մշակում	ՀՀ աշխատանքի և սոցիալական հարցերի նախարարություն ՀՀ կրթության և գիտության նախարարություն ՀՀ կառավարությանն առընթեր ՀՀ ոստիկանություն ՀՀ առողջապահության նախարարություն	2005 թ. հունվար-հունիսի 3-րդ տասնօրյակ
3.	Ազգային հանձնաժողովի և մարզային հանձնաժողովների (Երևանի քաղաքային հանձնաժողովի) ստեղծման կապակցությամբ 2006-2008 թթ. միջնաժամկետ ծախսերի ծրագրերում դրանց գործունեության ֆինանսական միջոցների  վերաբերյալ առաջարկություններ ներկայացնելը	ՀՀ աշխատանքի և սոցիալական հարցերի նախարարություն	2005 թ. փետրվար
4.	Ազգային հանձնաժողով ստեղծելու և ազգային հանձնաժողովի կազմը հաստատելու մասին Հայաստանի Հանրապետության վարչապետի որոշման նախագծի մշակում և անհրաժեշտության դեպքում Հայաստանի Հանրապետության օրենսդրության մեջ փոփոխություններ կատարելու մասին առաջարկություններ ներկայացնելը	ՀՀ աշխատանքի և սոցիալական հարցերի նախարարություն ՀՀ կրթության և գիտության նախարարություն ՀՀ առողջապահության նախարարություն	2005 թ. հոկտեմբեր
5.	Ազգային հանձնաժողովի կանոնադրությունը հաստատելու մասին ՀՀ վարչապետի որոշման նախագծի մշակում	ՀՀ աշխատանքի և սոցիալական հարցերի նախարարություն	2005 թ. հոկտեմբեր
6.	Մարզային հանձնաժողովներ (Երևանի քաղաքային հանձնաժողով) ստեղծելու մասին ՀՀ վարչապետի որոշման նախագծի մշակում և անհրաժեշտության դեպքում Հայաստանի Հանրապետության օրենսդրության մեջ փոփոխություններ կատարելու մասին առաջարկություններ ներկայացնելը	ՀՀ աշխատանքի և սոցիալական հարցերի նախարարություն ՀՀ կրթության և գիտության նախարարություն ՀՀ առողջապահության նախարարություն	2005 թ. նոյեմբեր
7.	Մարզային հանձնաժողովների (Երևանի քաղաքային հանձնաժողովի) օրինակելի կանոնադրությունը հաստատելու մասին ՀՀ վարչապետի որոշման նախագծի մշակում	ՀՀ աշխատանքի և սոցիալական հարցերի նախարարություն	2005 թ. նոյեմբերի 1-ին տասնօրյակ
8.	Հայաստանի Հանրապետության մարզպետների և Երևանի քաղաքապետի կողմից մարզային հանձնաժողովների (Երևանի քաղաքային հանձնաժողովի) կազմերի և կանոնադրությունների հաստատում	ՀՀ մարզպետներ Երևանի քաղաքապետ	2006 թ. հունվարի 3-րդ տասնօրյակ
9.	Մարզային հանձնաժողովների (Երևանի քաղաքային հանձնաժողովի) ձևավորում	ՀՀ մարզպետներ Երևանի քաղաքապետ	2006 թ. հունվար-մարտ
10.	Մարզային հանձնաժողովների (Երևանի քաղաքային հանձնաժողովի) անձնակազմերի վերապատրաստման ծրագրի մշակում	ՀՀ աշխատանքի և սոցիալական հարցերի նախարարություն ՀՀ կրթության և գիտության նախարարություն ՀՀ առողջապահության նախարարություն	2006 թ. ապրիլ-մայիս
11.	Մարզային հանձնաժողովների (Երևանի քաղաքային հանձնաժողովի) անձնակազմերի վերապատրաստում	ՀՀ աշխատանքի և սոցիալական հարցերի նախարարություն	2006 թ. հունիս-օգոստոս