«Գրանցված է»

ՀՀ արդարադատության

նախարարության կողմից

23 դեկտեմբերի 2002 թ.

Պետական գրանցման թիվ 60602387

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԸՆՏՐԱԿԱՆ ՀԱՆՁՆԱԺՈՂՈՎ

4 դեկտեմբերի 2002 թ. ք. Երևան

N 25/6-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԸՆՏՐՈՒԹՅՈՒՆՆԵՐԻ ԺԱՄԱՆԱԿ ՀԱՆՐԱՊԵՏՈՒԹՅԱՆ ՆԱԽԱԳԱՀ ԱՌԱՋԱԴՐՎԱԾ ԹԵԿՆԱԾՈՒՆԵՐԻ ՎՍՏԱՀՎԱԾ ԱՆՁԱՆՑ ԳՐԱՆՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով Հայաստանի Հանրապետության ընտրական օրենսգրքի 27-րդ հոդվածի 3-րդ կետով, ՀՀ կենտրոնական ընտրական հանձնաժողովը որոշում է.

Սահմանել Հայաստանի Հանրապետության Նախագահի ընտրությունների ժամանակ Հանրապետության Նախագահ առաջադրված թեկնածուների վստահված անձանց գրանցման կարգը (Հավելված 1):

Հայաստանի Հանրապետության կենտրոնական ընտրական հանձնաժողովի նախագահ

Ա. Սահրադյան

  

Հավելված N 1 ՀՀ Կենտրոնական ընտրական հանձնաժողովի 2002 թ. դեկտեմբերի 4-ի թիվ 25/6-Ն որոշման

Կ Ա Ր Գ

Հայաստանի Հանրապետության Նախագահի ընտրությունների ժամանակ Հանրապետության Նախագահ առաջադրված թեկնածուների վստահված անձանց գրանցման

1. Հայաստանի Հանրապետության Նախագահի ընտրությունների ժամանակ Հանրապետության Նախագահի թեկնածուների վստահված անձանց կնքված վկայականները տալիս է ՀՀ կենտրոնական ընտրական հանձնաժողովը (յուրաքանչյուր թեկնածուի համար ընտրական տեղամասերի թվի եռապատիկից ոչ ավելի):

2. Հանրապետության Նախագահի թեկնածուն կամ նրա լիազոր ներկայացուցիչը, թեկնածուի գրանցվելուց հետո Կենտրոնական ընտրական հանձնաժողով է ներկայացնում վստահված անձանց վկայականներ ստանալու հայտը՝ համաձայն սույն որոշման թիվ 2 հավելվածի, և ցուցակը՝ նշելով վստահված անձանց ազգանունը, անունը, հայրանունը, աշխատանքի վայրը և անձնագրի համարը:

3. Վկայականները տրվում են հայտը ներկայացնելուց հետո հնգօրյա ժամկետում, բայց ոչ ուշ, քան քվեարկության նախորդ օրը:

4. Վստահված անձը համարվում է գրանցված թեկնածուի կողմից վկայականը ստանալու պահից:

5. Վստահված անձանց ցուցակում փոփոխություն կատարելու դեպքում թեկնածուն կամ նրա լիազոր ներկայացուցիչը այդ մասին տեղյակ են պահում Կենտրոնական ընտրական հանձնաժողովին՝ ներկայացնելով նախկին վստահված անձանց վկայականները:

Հավելված N 2 ՀՀ Կենտրոնական ընտրական հանձնաժողովի 2002 թ. դեկտեմբերի 4-ի թիվ 25/6-Ն որոշման

Կենտրոնական ընտրական

հանձնաժողովի քարտուղարին

_________________________-ից (անուն, հայրանուն, ազգանուն)

Հ Ա Յ Տ

Վստահված անձանց վկայականներ ստանալու Խնդրում եմ, ՀՀ ընտրական օրենսգրքի 27-րդ հոդվածի և ՀՀ կենտրոնական ընտրական հանձնաժողով 04.12.2002 թ. թիվ 25/6-Ն որոշմամբ սահմանված կարգի համաձայն, ինձ տրամադրել վստահված անձանց վկայականներ թվով _____________ հատ։ Վստահված անձանց ցուցակը կցվում է։   «____» __________200 թ.     _________________________ ստորագրություն ____________________________________________________________________   Ես՝ _________________________________ Կենտրոնական ընտրական հանձնաժողովից (անուն, հայրանուն, ազգանուն)   ստացա _______ հատ վստահված անձի վկայական։   «____» __________ 200 թ.                                                                                                                                                   ___________________________ ստորագրություն