041.0704.18.11.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

18 նոյեմբերի 1999 թվականի N 704
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 1997 ԹՎԱԿԱՆԻ ՍԵՊՏԵՄԲԵՐԻ 10-Ի N 433 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

1. Հայաստանի Հանրապետության վարչապետի 1997 թվականի սեպտեմբերի 10-ի «Հայաստանի Հանրապետության մարզերի և բնակավայրերի սահմանների նկարագրման և քարտեզագրման աշխատանքները կազմակերպելու մասին» N 433 որոշման մեջ (Հայաստանի Հանրապետության վարչապետի 1998 թվականի ապրիլի 14-ի N 175 և օգոստոսի 17-ի N 492 որոշումների խմբագրությամբ) կատարել հետևյալ փոփոխությունները`

ա) որոշման 3-րդ կետը շարադրել հետևյալ խմբագրությամբ.

«3. Հայաստանի Հանրապետության քաղաքաշինության նախարարությանը` սույն որոշմամբ ստեղծված հանձնաժողովին ներկայացնել`

ա) մինչև 1999 թվականի դեկտեմբերի 25-ը` Հայաստանի Հանրապետության 1:200000 մասշտաբի տեղագրական քարտեզը` նշելով մարզերի և Երևան քաղաքի սահմանները.

բ) մինչև 2000 թվականի մայիսի 25-ը` բնակավայրերի (համայնքների) սահմանների նկարագիրը` դրանք տեղանշելով 1:25000 (1:50000) մասշտաբի տեղագրական քարտեզների վրա».

բ) որոշման 4-րդ կետը շարադրել հետևյալ խմբագրությամբ`

«4. Կառավարական հանձնաժողովին` Հայաստանի Հանրապետության քաղաքաշինության նախարարությունից սույն որոշման 3-րդ կետում նշված փաստաթղթերն ստանալուց հետո մեկամսյա ժամկետում կազմակերպել դրանց քննարկումը` ըստ անհրաժեշտության ընդգրկելով շահագրգիռ մարզպետարանների ու տեղական ինքնակառավարման մարմինների ներկայացուցիչներին և Հայաստանի Հանրապետության կառավարություն ներկայացնել առաջարկություններ «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքում լրացումներ և փոփոխություններ կատարելու վերաբերյալ».

գ) որոշման 5-րդ կետում «1998 թվականի պետական բյուջեից» բառերը փոխարինել «1998, 1999, 2000 թվականների պետական բյուջեներից» բառերով:

2. Որոշմամբ ստեղծված կառավարական հանձնաժողովի կազմը շարադրել նոր խմբագրությամբ (կցվում է):

3. Ուժը կորցրած ճանաչել Հայաստանի Հանրապետության վարչապետի 1998 թվականի ապրիլի 14-ի «Հայաստանի Հանրապետության վարչապետի 1997 թվականի սեպտեմբերի 10-ի N 433 որոշման մեջ փոփոխություններ կատարելու մասին» N 175 և 1998 թվականի օգոստոսի 17-ի «Հայաստանի Հանրապետության վարչապետի 1997 թվականի սեպտեմբերի 10-ի N 433 որոշման մեջ փոփոխություններ կատարելու մասին» N 492 որոշումները:

Հայաստանի Հանրապետության վարչապետ

Ա. Սարգսյան

Հաստատված է  ՀՀ վարչապետի 1997 թ. սեպտեմբերի 10-ի N 433 որոշմամբ

Կ Ա Զ Մ

կառավարական հանձնաժողովի

Խ. Հարությունյան	- ՀՀ տարածքային կառավարման նախարար (հանձնաժողովի նախագահ)
Ս. Բալոյան	- ՀՀ բնապահպանության նախարարի տեղակալ
Կ. Միքայելյան	- ՀՀ գյուղատնտեսության նախարարի տեղակալ
Ս. Թովմասյան	- ՀՀ քաղաքաշինության նախարարի տեղակալ
Ա. Ջանջուղազյան	- ՀՀ ֆինանսների նախարարի տեղակալ-գլխավոր գանձապետ
Ս. Օհանյան	- ՀՀ կառավարության աշխատակազմի քաղաքաշինության և բնական ռեսուրսների վարչության պետ
Վ. Տերտերյան	- ՀՀ կառավարության աշխատակազմի տարածքային կառավարման և տեղական ինքնակառավարման վարչության պետ
Հ. Կարապետյան	- Արագածոտնի մարզպետ
Հ. Աբրահամյան	- Արարատի մարզպետ
Ա. Հերոյան	- Արմավիրի մարզպետ
Վ. Հակոբյան	- Գեղարքունիքի մարզպետ
Հ. Քոչինյան	- Լոռու մարզպետ
Ս. Ստեփանյան	- Կոտայքի մարզպետ
Ֆ. Փիրումյան	- Շիրակի մարզպետ
Ռ. Նավասարդյան	- Սյունիքի մարզպետ
Պ. Մանուկյան	- Վայոց ձորի մարզպետ
Ա. Ղուլարյան	- Տավուշի մարզպետ
Հ Վարդանյան	- ՀՀ գյուղատնտեսության նախարարության «Հայպետհողշիննախագիծ» ինստիտուտի տնօրեն
Ֆ. Ղազարյան	- «Հայարդնախագիծ» ՓԲԸ-ի նախագահ
Գ. Ավետյան	- ՀՀ քաղաքաշինության նախարարության «Քաղաքաշինության, գեոդեզիայի և քարտեզագրության ԳՀՆԻ» ՊՓԲԸ-ի տնօրենի տեղակալ
Կ. Ամյան	- ՀՀ կառավարության աշխատակազմի տարածքային կառավարման և տեղական ինքնակառավարման վարչության գլխավոր մասնագետ (հանձնաժողովի քարտուղար)