Գլխավոր տեղեկություն
Համար
N 151
Տիպ
Որոշում
Ակտի տիպ
Հիմնական ակտ (02.04.1999-մինչ օրս)
Կարգավիճակ
Գործում է
Սկզբնաղբյուր
ՀՀՊՏ 1999.03.23/7(73)
Ընդունող մարմին
ՀՀ վարչապետ
Ընդունման ամսաթիվ
15.03.1999
Ստորագրող մարմին
ՀՀ վարչապետ
Ստորագրման ամսաթիվ
15.03.1999
Ուժի մեջ մտնելու ամսաթիվ
02.04.1999

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

 

Ո Ր Ո Շ ՈՒ Մ

 

15 մարտի 1999 թվականի N 151
քաղ. Երևան 

 

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ «ՈՍԿԵԳՈՐԾՈՒԹՅՈՒՆ» ԱՄԵՆԱՄՅԱ ՑՈՒՑԱՀԱՆԴԵՍ-ՎԱՃԱՌՔԻ ԱՆՑԿԱՑՄԱՆ ՄԱՍԻՆ

 

Հայաստանի Հանրապետությունում թանկարժեք մետաղների և քարերի շուկայի զարգացման նպատակով և հաշվի առնելով «Ոսկեգործություն-98» ցուցահանդես-վաճառքի անցկացման դրական արդյունքները`

1. Ընդունել ի գիտություն Հայաստանի ոսկեգործների և ակնագործների միության նախաձեռնությամբ առաջիկա հինգ տարվա համար «Ոսկեգործություն» ցուցահանդես-վաճառքի անցկացման ժամանակացույցը (կցվում է):

2. Առաջարկել Հայաստանի ոսկեգործների և ակնագործների միությանը`

ա) ժամանակացույցին համապատասխան ապահովել «Ոսկեգործություն» ամենամյա ցուցահանդես-վաճառքի կազմակերպումն ու անցկացումը` դրանք դարձնելով ավանդական.

բ) ցուցահանդես-վաճառքի ավարտից հետո 10-օրա ժամկետում դրանց արդյունքների վերաբերյալ (ըստ մասնակիցների կազմի, կնքված պայմանագրերի թվի, դրանցով իրականացվելիք գործարքների և ապրանքաշրջանառության ծավալի) տեղեկատվություն ներկայացնել Հայաստանի Հանրապետության ֆինանսների և էկոնոմիկայի նախարարություն:

3. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության ներքին գործերի և ազգային անվտանգության նախարարությանը, Հայաստանի Հանրապետության արտաքին գործերի նախարարությանը` օժանդակել Հայաստանի ոսկեգործների և ակնագործների միությանը «Ոսկեգործություն» ամենամյա ցուցահանդես-վաճառքի անցկացման շրջանակներում նախատեսված միջոցառումները պատշաճ մակարդակով իրականացնելու, ինչպես նաև ցուցահանդես-վաճառքի ընթացքում կնքված պայմանագրերով ստանձնած պարտավորությունները ժամանակին կատարելու նպատակով:

4. Հայաստանի Հանրապետության մաքսային վարչությանը` ապահովել «Ոսկեգործություն» ամենամյա ցուցահանդես-վաճառքին ներկայացվող ցուցանմուշների առաջնահերթ սպասարկումը և Հայաստանի Հանրապետության օրենսդրությամբ սահմանված կարգով Հայաստանի Հանրապետություն ներմուծումն ու արտահանումը:

5. Հայաստանի Հանրապետության կառավարության աշխատակազմի գործերի կառավարչությանը` «Ոսկեգործություն» ամենամյա ցուցահանդես-վաճառքի անցկացման նպատակով հատկացնել Հայաստանի Հանրապետության կառավարության նիստերի դահլիճի ճեմասրահը:

 

Հայաստանի Հանրապետության վարչապետ

Ա. Դարբինյան

 

Ժ Ա Մ Ա Ն Ա Կ Ա Ց ՈՒ Յ Ց

 

«ՈՍԿԵԳՈՐԾՈՒԹՅՈՒՆ» ՑՈՒՑԱՀԱՆԴԵՍ-ՎԱՃԱՌՔԻ ԱՆՑԿԱՑՄԱՆ

 

NN
ը/կ		 ԺԱՄԿԵՏԸ
1. II եռամսյակ, 1999 թ.
2. II եռամսյակ, 2000 թ.
3. II եռամսյակ, 2001 թ.
4. II եռամսյակ, 2002 թ.
5. II եռամսյակ, 2003 թ.