«Գրանցված է»
ՀՀ արդարադատության
նախարարության կողմից
4 հոկտեմբերի 2002 թ.
Պետական գրանցման թիվ 60302226

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

12 օգոստոսի 2002 թ. ք. Երևան

N 176-Ն

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ՋԵՐՄԱՅԻՆ ԷՆԵՐԳԻԱՅԻ ՄԱՏԱԿԱՐԱՐՄԱՆ ՄԱՍԻՆ» ՁԵՎ ԹԻՎ 1-ՋԵՐՄԱԷՆԵՐԳԻԱ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն ջերմային էներգիայի մատակարարման մասին» Ձև թիվ 1-ջերմաէներգիա պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Նախագահ

Ս. Մնացականյան

Հավելված 1   Հաստատված է ՀՀ վիճակագրության պետական խորհրդի 12 օգոստոսի 2002 թ. թիվ 176-Ն որոշմամբ

Հ Ր Ա Հ Ա Ն Գ

«ՋԵՐՄԱՅԻՆ ԷՆԵՐԳԻԱՅԻ ՄԱՏԱԿԱՐԱՐՄԱՆ ՄԱՍԻՆ»՝ ՁԵՎ N 1-ՋԵՐՄԱԷՆԵՐԳԻԱ (ՏԱՐԵԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Ջերմային էներգիայի մատակարարման մասին» ձև N 1-ջերմաէներգիա (տարեկան) պետական վիճակագրական հաշվետվության լրացման կարգը:

2. Հաշվետվությունը ներկայացնում են ջերմաէլեկտրակայանները, ջերմային տնտեսությունները, ինչպես նաև բնակարանային ֆոնդին և կոմունալ-կենցաղային կարիքների համար ջերմային էներգիա մատակարարող իրավաբանական անձինք, որոնք այդ մասին նախապես տեղեկացվում են: Հաշվետվությունը ներկայացվում է Հայաստանի Հանրապետության Ազգային վիճակագրական ծառայության մարզային գործակալության տարածքային բաժին՝ մինչև մարտի 5-ը, որը՝ Հայաստանի Հանրապետության Ազգային վիճակագրական ծառայության մարզային գործակալություն՝ մինչև մարտի 15-ը, որը՝ Հայաստանի Հանրապետության Ազգային վիճակագրական ծառայություն մինչև մարտի 20-ը:

3. Հաշվետվություն չեն ներկայացնում այն իրավաբանական անձինք, որոնք.

1) արտադրում են ջերմաէներգիա, բայց անմիջապես սպառողներին չեն մատակարարում,

2) ջերմային էներգիա են մատակարարում այլ իրավաբանական անձանց՝ արտադրատեխնոլոգիական կարիքների համար:

4. Վիճակագրական տեղեկությունների ներկայացման հետ կապված այլ խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

բաժին1. ջերմամատակարարման աղբյուրների քանակական և տեխնիկական ցուցանիշները

5. 101 տողում բերվում է հաշվետու տարում շահագործման հանձնված կաթսայատների քանակը, 102 տողում՝ սահմանված կարգով դուրս գրված, լուծարված կաթսայատներինը:

6. 103 տողում բերվում է հաշվետու տարեվերջին կաթսայատների քանակը, որից առանձնացվում են աշխատանքային վիճակում գտնվողները (տող 104) և չգործողները (տող 105):

7. Աշխատող կաթսայատների քանակական բաշխվածությունն ըստ հաշվետու տարում օգտագործած վառելիքի տեսակի և քանակի բերվում է 106-117 տողերում:

8. «Աշխատող կաթսայատների գումարային հզորությունը տարեվերջին» տողում (118) բերվում է տեղակայված կաթսաների անձնագրային /գործարքային/ հզորությունների գումարը:

Եթե որևէ կաթսայի վերաբերյալ բացակայում է անձնագրային հզորությունը կամ փաստացի ջերմաարտադրողականությունը, ապա հարկ է ցույց տալ դրա հաշվարկային ցուցանիշը, ելնելով մեկ ժամում ջրի առավելագույն ծախսից կամ, բացառության կարգով, վառելիքի մեկ ժամվա ծախսից:

9. Տող 119-ում բերվում է տեղադրված կաթսաների քանակը հաշվետու տարեվերջին, անկախ նրանից աշխատում են, վերանորոգման մեջ են կամ չեն աշխատում այլ պատճառներով, իսկ գործողները և չգործողները՝ համապատասխանաբար 120 և 121 տողերում:

Բաժին 2. Ջերմային ցանցերի երկարությունը

10. Տող 201-ում բերվում է ջերմային ցանցի մայրուղիների երկարությունը տարեվերջին՝ երկխողովակային հաշվարկմամբ: Ջերմային ցանցերի երկարությունը որոշվում է մայրուղու երկարությամբ տեղադրված երկու խողովակներով (ուղիղ կամ ջերմատար և հակադարձ) առանց ներբակային (ներթաղային) ցանցերի:

11. Տող 202-ում բերվում է ջերմային ցանցի այն հատվածի երկարությունը, որն ենթակա է փոխման, տող 203-ում՝ վերանորոգման: Գոլորշու ցանցի վերաբերյալ նույն տվյալները բերվում են տողեր 204-206-ում:

Բաժին 3. Ջերմային էներգիայի արտադրությունը և բաց թողումը

12. Արտադրված ջերմային էներգիայի քանակը (տող 301) որոշվում է բաց թողնված գոլորշու և տաք ջրի քանակով և ջերմության պահպանումով:

13. Տող 302-ում բերվում է դրսից ստացված (գնված) ջերմային էներգիայի քանակը, որը որոշվում է չափիչ սարքավորումների ցուցմունքների կամ ջերմություն մատակարարողի ներկայացրած վճարային հաշվի հիման վրա:

14. Տող 303-ում բերվում է հաշվետու ժամանակաշրջանում բոլոր տեսակի սպառողներին փաստացի բաց թողնված ջերմային էներգիայի քանակը, որը որոշվում է չափիչ սարքավորումների տվյալների հիման վրա, իսկ դրանց բացակայության դեպքում՝ սպառման նորմաներով:

Բաց թողնված ջերմային էներգիայի ընդհանուր քանակի մեջ չի մտնում կաթսայատան սեփական արտադրական կարիքների համար օգտագործված ջերմության քանակը:

15. 303 տողից առանձնացվում է սեփական սպառողներին (տող 304) և այլ կազմակերպություններին /վերավաճառող/ (տող 308) բաց թողնված ջերմային էներգիայի քանակը: Սեփական սպառողներին բաց թողնված ջերմային էներգիայի ընդհանուր քանակից առանձնացվում է.

1) բնակարանային ֆոնդին բաց թողնված ջերմային էներգիայի քանակը (տող 305)՝ եթե ծախսված ջերմային էներգիայի արժեքը վճարվում է բնակչության կողմից,

2) կոմունալ-կենցաղային կարիքների համար բաց թողնված ջերմային էներգիայի քանակը (տող 306): Այստեղ հաշվառվում են ուսումնական հաստատություններին, առողջապահական, սպորտային, առևտրի, հասարակական սննդի, մշակույթի օբյեկտներին, մանկական խնամատարական կազմակերպություններին, ճամբարներին, տարեցների և հաշմանդամների սոցիալական սպասարկման կազմակերպություններին, հյուրանոցներին, հանրակացարաններին, կենցաղ-սպասարկման և այլ օբյեկտներին բաց թողնված ջերմային էներգիայի քանակը:

16. Տող 309-ում բերվում է հաշվետու տարում ջերմային էներգիայի կորուստը, որը որոշվում է ցանցին տրված ջերմության քանակից (ներառյալ արտադրված և դրսից ստացված ջերմային էներգիան հանած կաթսայատան սեփական արտադրական կարիքների համար ծախսված ջերմությունը) հանած բոլոր սպառողներին տրված ջերմային էներգիայի քանակը:

17. Ջեռուցված բնակելի շենքերի քանակից (տող 310) առանձնացվում է բազմաբնակարան շենքերի քանակը (տող 311) և բնակելի տների (առանձնատների) քանակը (տող 313): Տող 311-ից առանձնացվում է 5-ից ավելի հարկանի շենքերի քանակը (տող 312):

18. Տող 314-ում բերվում է ջեռուցված բազմաբնակարան շենքերի բնակարանների բնակելի մակերեսը, իսկ տող 316-ում՝ բնակելի տների (առանձնատների) բնակելի մակերեսը: Տող 314-ից առանձնացվում է 5-ից ավելի հարկանի շենքերի բնակարանների բնակելի մակերեսը (տող 315):

Բաժին 4. Ֆինանսական ընդհանրացված ցուցանիշները

19. Բաժնում բերվող՝ ֆինանսական մուտքերի և ծախսերի վերաբերյալ տվյալները լրացվում են հաշվապահական հաշվառման փաստաթղթերի համապատասխան տողերի հիման վրա:

20. Տող 401-ում բերվում է ջերմամատակարարման օբյեկտների արտադրական կարողությունների միջին տարեկան հաշվեկշռային արժեքը:

21. Տող 402-ում բերվում է բոլոր տեսակի ֆինանսական մուտքերը, որից առանձնացվում է բյուջեից մուտքերը (տող 403), ջերմաէներգիայի իրացումից ստացված մուտքերը (տող 404), մուտքեր նվիրատվությունից (տող 406) և այլ մուտքեր (տող 407): Տող 404-ից առանձնացվում է բնակչությունից ստացված մուտքերը (տող 405):

22. Ընդհանուր ծախսերից (տող 408) առանձնացվում են.

1) «նյութական ծախսեր» տողում (409) բերում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

2) «ոչ նյութական ծառայությունների վճարումներ» տողում (410) բերվում են աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

3) «գործուղման ծախսեր» տողում (411) բերվում են հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները,

4) աշխատանքի վարձատրության և դրան հավասարեցված այլ վճարումները տողում (412) բերվում է ինչպես հիմնական, այնպես էլ պայմանագրային աշխատողների կողմից փաստացի կատարված աշխատանքների դիմաց հաշվարկված աշխատավարձը, ներառյալ խթանող և փոխհատուցող վճարները: Խթանող վճարներ են համարվում, մասնավորապես, արտադրական ցուցանիշների, տարվա աշխատանքի արդյունքների համար պարգևատրումները, մասնագիտական վարձատրության համար տրվող հավելումները, երկարամյա ծառայության համար աշխատողներին տրվող միանվագ պարգևատրումները: Փոխհատուցող վճարներ (կապված աշխատանքային ռեժիմի և պայմանների հետ) են համարվում գիշերային աշխատանքի, արտաժամյա աշխատանքի, հանգստյան և տոն (ոչ աշխատանքային) օրերին, բազմահերթ ռեժիմով աշխատանքի, մասնագիտությունների համատեղման, սպասարկման գոտիների ընդլայնման, Հայաստանի Հանրապետության օրենսդրությամբ սահմանված կարգով ծանր, վնասակար և խիստ վնասակար համարվող աշխատանքի պայմաններում աշխատանքի համար աշխատավարձի նկատմամբ սահմանված հավելավճարներն ու լրավճարները: Աշխատանքի վարձատրության և դրան հավասարեցված այլ վճարումների մեջ են ներառվում նաև հերթական (ամենամյա) և լրացուցիչ արձակուրդների վարձատրությունները (չօգտագործված արձակուրդի համար փոխհատուցումը) և աշխատողների աշխատանքի վարձատրությանն ուղղված այլ վճարումները,

5) աշխատանքի վարձատրությանն ուղղվող միջոցներից զբաղվածության, կենսաթոշակային, պարտադիր սոցիալական ապահովագրության համար կատարված վճարները բերվում են տող 413-ում,

6) կազմակերպությունների կողմից կատարված շենքերի և շինությունների, ինչպես նաև մեքենաների և սարքավորումների ձեռքբերման և վերանորոգման ծախսերը բերվում են տող 414-ում,

7) վերը նշված տողերում չընդգրկված և ընթացիկ գործունեության հետ կապված այլ ծախսերը բերվում են տող 415-ում:

23. Սպառողներին մատակարարված ջերմային էներգիայի դիմաց տարիների ընթացքում կուտակված պարտքերը բերվում են տող 416-ում, որից՝ հաշվետու տարում գոյացածը՝ տող 417-ում: Այդ թվում՝ բնակչությանը մատակարարված ջերմային էներգիայի դիմաց գոյացած պարտքերի մասով՝ համապատասխանաբար՝ 418 և 419 տողերում:

24. Աշխատողների միջին ցուցակային թվաքանակը տարվա համար (տող 420) որոշվում է հաշվետու տարվա բոլոր ամիսների աշխատողների միջին ամսական թվաքանակների գումարը ամիսների թվի (12-ի) վրա բաժանելով:

Աշխատողների ցուցակային թվաքանակը միջին հաշվով ամսվա համար հաշվարկվում է հաշվետու ամսվա յուրաքանչյուր օրացուցային օրվա (ամսվա 1-ից մինչև 30 կամ 31, փետրվարի համար 28 կամ 29-ը) ցուցակային կազմի աշխատողների թվաքանակի հանրագումարը (ներառյալ տոն (ոչ աշխատանքային) և հանգստյան օրերը), հաշվետու ամսվա օրացուցային օրերի թվի վրա բաժանելու միջոցով: Աշխատողների ցուցակային թվաքանակը հանգստյան կամ տոն (ոչ աշխատանքային) օրերի համար ընդունվում է նախորդ աշխատանքային օրվա ցուցակային թվաքանակին հավասար:

Եթե աշխատողների ցուցակային թվաքանակի ամենօրյա հաշվառում չի տարվում, աշխատողների ցուցակային թվաքանակը միջին հաշվով հաշվետու ամսվա համար հաշվարկվում է նախորդ ամսվա վերջի և հաշվետու ամսվա վերջի ցուցակային կազմի աշխատողների թվաքանակների գումարը 2-ի վրա բաժանելու միջոցով:

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ

ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

Ներկայացվում է համաձայն՝ «Պետական վիճակագրության մասին» ՀՀ օրենքի, սահմանված կարգով հաստատված «Պետական վիճակագրական աշխատանքների ծրագրի» և «Վիճակագրական  տեղեկությունների ներկայացման» կարգի   Ում է ներկայացվում ___________________________________________________ (անվանումը)   Ով է ներկայացնում ___________________________________________________ (անվանումը)   ՀՀ իրավաբ. անձանց պետռեգիստրում գրանցման համարը *      I I I I I I I I I I I I   Նույնականացման (իդենտիֆիկացիոն) կոդը *                               I I I I I I I I I   Մարզը ________________________________________  I   I   I   Գտնվելու վայրը __________________________________   Էլեկտրոնային փոստի հասցեն _______________________________     * լրացվում է իրավաբանական անձանց ռեգիստրի կողմից տրված գրանցման վկայականից Տրամադրված տեղեկությունների գաղտնիության պահպանումը երաշխավորվում է օրենքով                        Ձև N 1-ջերմաէներգիա   տարեկան   Հաստատված է` ՀՀ Վիճակագրության պետական խորհրդի 12 օգոստոսի 2002 թ. թիվ 176-Ն որոշմամբ   Ներկայացվում է՝ ՀՀ Ազգային վիճակագրական ծառայության (ՀՀ ԱՎԾ) մարզային գործակալության  տարածքային բաժին՝ մինչև մարտի 5-ը, որը՝ ՀՀ ԱՎԾ մարզային գործակալություն՝ մինչև մարտի 15-ը, որը ՀՀ ԱՎԾ՝ մինչև մարտի 20-ը     Ներկայացնում  են՝ 1. Ջերմաէլեկտրակայանները 2. Ջերմային տնտեսությունները 3. Բնակարանային ֆոնդին և կոմունալ-կենցաղային կարիքների համար ջերմային էներգիա մատակարարող իրավաբանական անձինք Պետական վիճակագրական դիտարկումների համար անհրաժեշտ վիճակագրական տեղեկատվություն չներկայացնելը կամ սահմանված կարգի խախտումով (ոչ արժանահավատ տվյալներ, դրանց ոչ ամբողջական արտացոլում և աղավաղումներ) ներկայացնելը վիճակագրական տեղեկություններ տրամադրողների համար առաջացնում է պատասխանատվություն՝ ՀՀ օրենքով սահմանված կարգով։

Հ Ա Շ Վ Ե Տ Վ ՈՒ Թ Յ ՈՒ Ն

ՋԵՐՄԱՅԻՆ ԷՆԵՐԳԻԱՅԻ ՄԱՏԱԿԱՐԱՐՄԱՆ ՄԱՍԻՆ

200…թ. համար

Բաժին 1. Ջերմամատակարարման աղբյուրների քանակական և տեխնիկական ցուցանիշները

Տողի համարը				Չափման միավորը	Ընդամենը
Ա	Բ			Գ	1
101	Հաշվետու տարում շահագործման են հանձնվել կաթսայատներ			միավոր
102	Հաշվետու տարում լուծարվել են կաթսայատներ			-"-
103	Կաթսայատների քանակը տարեվերջին			-"-
104	այդ թվում` աշխատող			-"-
105	չաշխատող			-"-
106	Աշխատած կաթսայատների բաշխումն ըստ օգտագործած վառելիքի	ածուխով	կաթսայատների քանակը	միավոր
107			վառելիքի քանակը	տոննա
108		այլ կոշտ վառելիքով	կաթսայատների քանակը	միավոր
109			վառելիքի քանակը	տոննա
110		մազութով	կաթսայատների քանակը	միավոր
111			վառելիքի քանակը	տոննա
112		այլ հեղուկ վառելիքով	կաթսայատների քանակը	միավոր
113			վառելիքի քանակը	տոննա
114		գազով	կաթսայատների քանակը	միավոր
115			վառելիքի քանակը	հազ. խոր. մ
116		էլեկտրաէներգիայով	կաթսայատների քանակը	միավոր
117			վառելիքի քանակը	հազ. կվտ-ժ
118	Աշխատող կաթսայատների գումարային հզորությունը տարեվերջին			գկալ/ժ
119	Տեղադրված կաթսաների քանակը տարեվերջին			միավոր
120	այդ թվում՝ աշխատող			-"-
121	չաշխատող			-"-

Բաժին 2. Ջերմային ցանցերի երկարությունը

(կմ)

Տողի համարը		Ընդամենը
Ա	Բ	1
201	Ջերմային ցանցերի երկարությունը տարեվերջին (երկխողովակային հաշվարկմամբ)
202	դրանցից կարիք ունեն՝ փոխման
203	վերանորոգման
204	Գոլորշու ցանցերի երկարությունը տարեվերջին (երկխողովակային հաշվարկմամբ)
205	դրանցից կարիք ունեն՝ փոխման
206	վերանորոգման

Բաժին 3. Ջերմային էներգիայի արտադրությունը և բաց թողումը

Տողի համարը			Չափման միավորը	Ընդամենը
Ա	Բ		Գ	1
301	Արտադրվել է տարվա ընթացքում		գկալ
302	Ստացվել է դրսից		-"-
303	Բաց է թողնվել, ընդամենը (304+308)		-"-
304	որից՝ իր սպառողներին (305+306+307)		-"-
305	այդ թվում	բնակարանային ֆոնդին	-"-
306		կոմունալ-կենցաղային կարիքների համար	-"-
307		արտադրական կարիքների համար	-"-
308	բաց է թողնվել այլ կազմակերպությունների (վերավաճառողի)		-"-
309	Կորուստը տարվա ընթացքում		-"-
310	Ջեռուցված բնակելի շենքերի քանակը / 311+313 /		միավոր
311	այդ թվում՝ բազմաբնակարան շենքեր		-"-
312	որից՝ 5-ից ավելի հարկանի		-"-
313	բնակելի տներ (առանձնատներ)		-"-
314	Ջեռուցված բազմաբնակարան շենքերի բնակարանների բնակելի մակերեսը		հազ.քառ.մ
315	որից՝ 5-ից ավելի հարկանի շենքերում		-"-
316	Բնակելի տների (առանձնատների) բնակելի մակերեսը		-"-

Բաժին 4. Ֆինանսական ընդհանրացված ցուցանիշները

(հազ. դրամ)

Տողի համարը			Ընդամենը
Ա	Բ		1
401	Ջերմամատակարարման օբյեկտների արտադրական կարողությունների միջին տարեկան հաշվեկշռային արժեքը
402	Մուտքեր, ընդամենը
403	այդ թվում՝ բյուջեից
404	ջերմաէներգիայի իրացումից
405	որից՝ բնակչությունից
406	նվիրատվությունից
407	այլ մուտքեր
408	Ծախսեր, ընդամենը
409	այդ թվում՝ նյութական ծախսեր
410	ոչ նյութական ծառայությունների վճարումներ
411	գործուղման ծախսեր
412	աշխատավարձ և դրան հավասարեցված վճարումներ
413	պարտադիր սոցիալական ապահովագրական վճարներ
414	հիմնավերանորոգման, սարքավորումների և գույքի ձեռք բերման ծախսեր
415	այլ ծախսեր
416	Ջերմային էներգիայի մատակարարումից տարիների ընթացքում կուտակված պարտքերը	ընդամենը
417		հաշվետու տարում
418	որից՝ բնակչությունից	ընդամենը
419		հաշվետու տարում
420	Աշխատողների միջին ցուցակային թվաքանակը, մարդ

		Ղեկավար՝
Կատարող ________________		Անուն, ազգանուն_____________
Հեռ.____________________		Պաշտոն ___________________
___ _______________ 200 թ.		Ստորագրություն _____________