ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

27 նոյեմբերի 1997 թվականի N 562
քաղ. Երևան

1998 ԹՎԱԿԱՆԻ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԵՐՈՒՄ ՔՆՆԱՐԿՎԵԼԻՔ ՀԱՐՑԵՐԻ ԾՐԱԳԻՐԸ ԿԱԶՄԵԼՈՒ ՄԱՍԻՆ

Հայաստանի Հանրապետության նախարարություններին և գերատեսչություններին`

ա) 1998 թվականի Հայաստանի Հանրապետության կառավարության նիստերում քննարկվելիք հարցերի ծրագիրը կազմելու համար Հայաստանի Հանրապետության կառավարություն ներկայացնել Հայաստանի Հանրապետության օրենքների և Հայաստանի Հանրապետության կառավարության որոշումների նախագծերի 1998 թվականի ցանկը և ժամանակացույցը:

Նշված ցանկը և ժամանակացույցը տարվա համար ներկայացնել ըստ եռամսյակների, իսկ ընթացիկ եռամսյակին հաջորդող եռամսյակի համար` ըստ տասնօրյակների: Ընդ որում, ցանկը և ժամանակացույցը 1998 թվականի տարվա և առաջին եռամսյակի համար` ըստ տասնօրյակների, ներկայացնել մինչև 1997 թվականի դեկտեմբերի 15-ը, իսկ 1998 թվականի մնացած եռամսյակների համար` այդ եռամսյակներին նախորդող ամսվա 1-ը.

բ) հարկերի, մաքսատուրքերի, մաքսավճարների, սակագների, բյուջեից տրվող գումարների և այլ նմանատիպ հարցերի վերաբերյալ Հայաստանի Հանրապետության կառավարություն ներկայացվող Հայաստանի Հանրապետության օրենքների և Հայաստանի Հանրապետության կառավարության որոշումների նախագծերը պետք է հիմնավորված լինեն կից հաշվարկներով, տեղեկանքներով և այլ անհրաժեշտ հիմնավորող փաստաթղթերով:

Հայաստանի Հանրապետության վարչապետ

Ռ. Քոչարյան