041.0494.20.10.97

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

20 հոկտեմբերի 1997 թվականի N 494
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՏԱՐԱԾՔԱՅԻՆ ՄԻԱՎՈՐՆԵՐԻ ԵՎ ԲՆԱԿԱՎԱՅՐԵՐԻ ՎԵՐԱՆՎԱՆՄԱՆ ԿԱՌԱՎԱՐԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

«Հայաստանի Հանրապետության վարչատարածքային բաժանման մասին» Հայաստանի Հանրապետության օրենքին համապատասխան Հայաստանի Հանրապետության վարչատարածքային միավորների և բնակավայրերի վերանվանման աշխատանքները կազմակերպելու նպատակով`

1. Ստեղծել կառավարական հանձնաժողով և հաստատել նրա կազմը (կցվում է):

2. Կառավարական հանձնաժողովին` Հայաստանի Հանրապետության բնակավայրերի վերանվանման վերաբերյալ Հայաստանի Հանրապետության մարզպետներից ստացված միջնորդությունների հիման վրա երկամսյա ժամկետում Հայաստանի Հանրապետության կառավարություն ներկայացնել առաջարկություն «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքում փոփոխություններ կատարելու վերաբերյալ:

Հայաստանի Հանրապետության վարչապետ

Ռ. Քոչարյան

Հաստատված է ՀՀ վարչապետի 1997 թ. հոկտեմբերի 20-ի N 494 որոշմամբ

Կ Ա Զ Մ

ԿԱՌԱՎԱՐԱԿԱՆ ՀԱՆՁՆԱԺՈՂՈՎԻ

Գ. Գամազյան	- ՀՀ տարածքային կառավարման նախարար (հանձնաժողովի նախագահ)
Հ. Բարսեղյան	- Երևանի պետական համալսարանի հայոց լեզվի պատմության ամբիոնի պրոֆեսոր
Հ. Գրգեարյան	- Երևանի ժողովրդական տնտեսության ինստիտուտի աշխարհագրության ամբիոնի դոցենտ
Հ. Կարագյոզյան	- ՀՀ ԳԱԱ արևելագիտության ինստիտուտի գիտաշխատող
Բ. Հարությունյան	- Երևանի պետական համալսարանի պատմության ֆակուլտետի դեկան
Խ. Հարությունյան	- ՀՀ վարչապետի գլխավոր խորհրդական
Ն. Հովհաննիսյան	- ՀՀ ԳԱԱ Հ. Աճառյանի անվան լեզվի ինստիտուտի գիտական քարտուղար
Հ. Մաթևոսյան	- Հայաստանի գրողների միության նախագահ
Վ. Միրզոյան	- ՀՀ լեզվի պետական տեսչության պետ
Պ. Մուրադյան	- ՀՀ ԳԱԱ արևելագիտության ինստիտուտի բաժնի վարիչ
Գ. Ջահուկյան	- ՀՀ ԳԱԱ Հ. Աճառյանի անվան լեզվի ինստիտուտի տնօրեն
Թ. Պետրոսյան	- ՀՀ կառավարության աշխատակազմի տարածքային կառավարման վարչության բաժնի վարիչ (հանձնաժողովի քարտուղար)