ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

25 հունիսի 2001 թվականի N 467
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2000 ԹՎԱԿԱՆԻ ՓԵՏՐՎԱՐԻ 8-Ի N 44 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության վարչապետի 2000 թվականի փետրվարի 8-ի «Օտարերկրյա պետությունների և միջազգային վարկատու կազմակերպությունների կողմից Հայաստանի Հանրապետությանը տրամադրվող վարկային և դրամաշնորհային միջոցների հաշվին նախապատրաստվող ու իրականացվող ծրագրերի կառավարման խորհուրդների կանոնադրությունները և անհատական կազմերը հաստատելու մասին» N 44 որոշման մեջ (Հայաստանի Հանրապետության վարչապետի 2001 թվականի փետրվարի 21-ի N 145 որոշման խմբագրությամբ) կատարել հետևյալ փոփոխությունները`

որոշմամբ հաստատված` օտարերկրյա պետությունների և միջազգային վարկատու կազմակերպությունների կողմից Հայաստանի Հանրապետությանը տրամադրվող վարկային և դրամաշնորհային միջոցների հաշվին նախապատրաստվող ու իրականացվող` Հայաստանի Հանրապետության էներգետիկայի նախարարության վարկային ծրագրերի կառավարման խորհրդի անհատական կազմում Ս. Կոտոլիկյանի փոխարեն ընդգրկել Հայաստանի Հանրապետության էներգետիկայի նախարարության ինվեստիցիոն ծրագրերի գլխավոր վարչության պետ Ռ. Մկրտչյանին, Ս. Թավաքալյանի փոխարեն` Հայաստանի Հանրապետության ֆինանսների և էկոնոմիկայի նախարարության վառելիքաէներգետիկ համալիր ծրագրերի վարչության պետ Ա. Գոմցյանին և կազմից հանել Լ. Գյումիշյանին:

Հայաստանի Հանրապետության վարչապետ

Ա. Մարգարյան