ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
14 օգոստոսի 1996 թվականի N 464
քաղ. Երևան
ԲՅՈՒՋԵՏԱՅԻՆ ՀԻՄՆԱՐԿՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ԳՐԱՆՑՄԱՆ (ՀԱՇՎԱՌՄԱՆ) ԵՎ ԱՇԽԱՏՈՂՆԵՐԻ ԹՎԱՔԱՆԱԿԻ ՈՒ ԱՇԽԱՏԱՎԱՐՁԻ ՖՈՆԴԻ ՎԵՐԱԲԵՐՅԱԼ ՀԱՇՎԵՏՎՈՒԹՅՈՒՆ ՆԵՐԿԱՅԱՑՆԵԼՈՒ ՄԱՍԻՆ
Բյուջետային հիմնարկների և կազմակերպությունների գրանցման (հաշվառման) և աշխատողների թվաքանակի ու աշխատավարձի ֆոնդի վերաբերյալ անհրաժեշտ տեղեկատվության ստացումը կանոնակարգելու նպատակով`
1. Սահմանել, որ բյուջետային է համարվում այն պետական հիմնարկը և կազմակերպությունը, որոնք իրենց հիմնական գործունեությունն իրականացնելիս շահույթ ստանալու նպատակ չեն հետապնդում, և գործունեության հետ կապված բոլոր ծախսերը ֆինանսավորվում են հիմնականում հանրապետական կամ տեղական բյուջեների միջոցների հաշվին:
2. Սահմանել, որ հանրապետության բոլոր գործող բյուջետային հիմնարկները և կազմակերպությունները, սկսած 1996 թվականի սեպտեմբերի 1-ից մինչև 1997 թվականի հունվարի 1-ը, ենթակա են գրանցման (հաշվառման) Հայաստանի Հանրապետության վիճակագրության, պետական ռեգիստրի և վերլուծության վարչության կողմից վարվող` բյուջետային հիմնարկների և կազմակերպությունների պետական գրանցամատյանում (ռեեստր):
Նոր ստեղծվող, վերակառուցվող կամ լուծարվող բյուջետային հիմնարկները և կազմակերպությունները պետական գրանցամատյանում գրանցվում (հաշվառվում) են ստեղծման, վերակառուցման կամ հաշվառումից հանվում են լուծարման օրվանից հետո մեկամսյա ժամկետում:
3. Հայաստանի Հանրապետության ֆինանսների նախարարությանը` կասեցնել սույն որոշման 2-րդ կետով սահմանված ժամկետում պետական գրանցամատյանում չգրանցված (չհաշվառված) բյուջետային հիմնարկների և կազմակերպությունների ֆինանսավորումը:
4. Հաստատել`
ա) պետական գրանցամատյանում բյուջետային հիմնարկի (կազմակերպության) գրանցման (հաշվառման) քարտի ձևը (կցվում է).
բ) պետական գրանցամատյանում բյուջետային հիմնարկի (կազմակերպության) գրանցման (հաշվառման) վկայականի ձևը (կցվում է):
5. Հայաստանի Հանրապետության վիճակագրության, պետական ռեգիստրի և վերլուծության վարչությանը`
ա) Հայաստանի Հանրապետության ֆինանսների նախարարության հետ համաձայնեցնելով, հաստատել պետական գրանցամատյանում բյուջետային հիմնարկների և կազմակերպությունների գրանցման (հաշվառման) կանոնակարգը և պետական գրանցամատյանում դրանց գրանցման ժամկետացանկը.
բ) հաստատել բյուջետային հիմնարկների և կազմակերպությունների աշխատողների թվաքանակի և աշխատավարձի ֆոնդի վերաբերյալ եռամսյակային վիճակագրական հաշվետվության ձևը և այն ներդնել 1996 թվականի 3-րդ եռամսյակից սկսած` ապահովելով դրա ստացումը, մշակումը և ամփոփ տեղեկագրի թողարկումը մինչև հաշվետու եռամսյակին հաջորդող երկրորդ ամսվա 15-ը:
6. Հայաստանի Հանրապետության նախարարություններին, գերատեսչություններին, մարզպետներին, Երևանի քաղաքապետին, պատգամավորների քաղաքային և գյուղական խորհուրդների գործադիր կոմիտեներին` սույն որոշման 2-րդ կետով սահմանված ժամկետում ապահովել պետական գրանցամատյանում համակարգի բյուջետային հիմնարկների և կազմակերպությունների գրանցումը (հաշվառումը) և դրանց աշխատողների թվաքանակի ու աշխատավարձի ֆոնդի վերաբերյալ եռամսյակային վիճակագրական հաշվետվության ստացումը` մինչև հաշվետու եռամսյակին հաջորդող ամսվա 15-ը, և դրա ներկայացումը Հայաստանի Հանրապետության վիճակագրության, պետական ռեգիստրի և վերլուծության վարչություն` մինչև հաշվետու եռամսյակին հաջորդող ամսվա 20-ը:
7. Հայաստանի Հանրապետության ֆինանսների նախարարությանը` հնգօրյա ժամկետում Հայաստանի Հանրապետության վարչապետին ներկայացնել առաջարկություն պետական գրանցամատյանում բյուջետային հիմնարկների (կազմակերպությունների) գրանցման (հաշվառման) քարտի ու վկայականի և աշխատողների թվաքանակի ու աշխատավարձի ֆոնդի վերաբերյալ եռամսյակային հաշվետվության ձևերի տպագրման և այլ ծախսերի ֆինանսավորման աղբյուրների, ինչպես նաև Հայաստանի Հանրապետության վիճակագրության, պետական ռեգիստրի և վերլուծության վարչության կենտրոնական ապարատի աշխատողների թվաքանակի ավելացման մասին:
|
Հայաստանի Հանրապետության վարչապետ |
Հ. ԲԱԳՐԱՏյան |
|
Հաստատված է |
Ձեվ
պետական գրանցամատյանում բյուջետային հիմնարկի (կազմակերպության) գրանցման (հաշվառման) քարտի
|
Հաստատված է |
ՁԵՎ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ ԵՎ ՎԵՐԼՈՒԾՈՒԹՅԱՆ ՎԱՐՉՈՒԹՅՈՒՆ
Վ կ ա յ ա կ ա ն N
պետական գրանցամատյանում բյուջետային հիմնարկի (կազմակերպության) գրանցման (հաշվառման)