«Վավերացնում եմ»
Հայաստանի Հանրապետության
Նախագահ Ռ. Քոչարյան
1 նոյեմբերի 2004 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
21 հոկտեմբերի 2004 թվականի N 1453-Ն
Հայաստանի Հանրապետության ԿԱՌԱՎԱՐՈՒԹՅԱՆ 1999 ԹՎԱԿԱՆԻ ՄԱՐՏԻ 30-Ի N 191 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1999 թվականի մարտի 30-ի «Ռուսաստանի Դաշնության և Հայաստանի Հանրապետության ռազմաուսումնական հաստատություններ սովորելու գործուղված Հայաստանի Հանրապետության զինծառայողների և կուրսանտների պաշտոնային դրույքաչափերի և կրթաթոշակների մասին» N 191 որոշման մեջ կատարել հետևյալ փոփոխությունները և լրացումը`
ա) որոշման վերնագրում և 1-ին կետի «գ» ենթակետում «Հունաստանի Հանրապետության» բառերը փոխարինել «այլ պետությունների» բառերով,
բ) որոշման 2-րդ կետը «Ռուսաստանի Դաշնության» բառերից հետո լրացնել «և այլ պետությունների» բառերով:
2. Սահմանել, որ այլ պետություններ սովորելու գործուղված և կրթաթոշակ չստացող զինծառայողներին ու կուրսանտներին հատկացվում է կրթաթոշակ սկսած 2004 թվականի սեպտեմբերի 1-ից` «Հայաստանի Հանրապետության 2004 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի տնտեսագիտական դասակարգման 04 խմբի 08 ենթախմբի «02. Բարձրագույն և հետբուհական ուսուցման գծով պետական պատվեր» ծրագրով Հայաստանի Հանրապետության պաշտպանության նախարարությանը նախատեսված հատկացումների սահմաններում:
3. Հայաստանի Հանրապետության պաշտպանության նախարարին ու Հայաստանի Հանրապետության ֆինանսների և էկոնոմիկայի նախարարին` այլ պետություններ սովորելու գործուղված զինծառայողների ու կուրսանտների կրթաթոշակների համար անհրաժեշտ ֆինանսական միջոցների հատկացման հարցը քննարկել Հայաստանի Հանրապետության յուրաքանչյուր տարվա պետական բյուջեի նախագիծը կազմելիս:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Ա. Մարգարյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|