«Վավերացնում եմ»
Հայաստանի Հանրապետության
Նախագահ Ռ. Քոչարյան
22 փետրվարի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 հունվարի 2005 թվականի N 121-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՄԱՅԻՍԻ 27-Ի N 876-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2004 թվականի մայիսի 27-ի «Հայաստանի Հանրապետությունում 2004 թվականի ընթացքում մշակման ենթակա առաջնային տեխնիկական կանոնակարգերի ցանկը հաստատելու մասին» N 876-Ա որոշման մեջ կատարել հետևյալ փոփոխությունները`

ուժը կորցրած ճանաչել որոշմամբ հաստատված ցանկի 2, 3, 4, 5 և 6-րդ կետերը:

2. Հայաստանի Հանրապետության առողջապահության նախարարին` սույն որոշումն ուժի մեջ մտնելու օրվանից 10 ամսվա ընթացքում հաստատել հետևյալ սանիտարական նորմերն ու կանոնները`

ա) օծանելիքակոսմետիկական ապրանքներին ներկայացվող հիգիենիկ պահանջներ.

բ) կենցաղային և սանիտարական նշանակության իրերին ներկայացվող հիգիենիկ պահանջներ.

գ) մանկական հագուստին ներկայացվող հիգիենիկ պահանջներ:

3. Հայաստանի Հանրապետության առևտրի և տնտեսական զարգացման նախարարին` սույն որոշման 2-րդ կետում նշված սանիտարական նորմերի և կանոնների հաստատումից հետո 6-ամսյա ժամկետում նախատեսել հետևյալ տեխնիկական կանոնակարգերի մշակումը`

ա) «Օծանելիքակոսմետիկական ապրանքների տեխնիկական կանոնակարգը հաստատելու մասին» Հայաստանի Հանրապետության կառավարության որոշման նախագիծ.

բ) «Կենցաղային և սանիտարահիգիենիկ նշանակության իրերի անվտանգության պահանջները հաստատելու մասին» Հայաստանի Հանրապետության կառավարության որոշման նախագիծ.

գ) «Մանկական հագուստի և դրա պարագաների անվտանգության պահանջները հաստատելու մասին» Հայաստանի Հանրապետության կառավարության որոշման նախագիծ:

Հայաստանի Հանրապետության վարչապետ	Ա. Մարգարյան
2005 թ. փետրվարի 2 Երևան