«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

13 հուլիսի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

8 հուլիսի 2004 թվականի N 981-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՄՈՒԹՅԱՆ ԵՎ ԿՈՒԼՏՈՒՐԱՅԻ ՀՈՒՇԱՐՁԱՆՆԵՐԻ ՑՈՒՑԱԿԻՑ «ՍԵՎԱՆ» ՀՅՈՒՐԱՆՈՑԻ ՇԵՆՔԸ ՀԱՆԵԼՈՒ ՄԱՍԻՆ

Համաձայն «Պատմության և մշակույթի հուշարձանների և պատմական միջավայրի պահպանության մասին» Հայաստանի Հանրապետության օրենքի 14-րդ հոդվածի և նկատի ունենալով «Սևան» հյուրանոցի շենքի վթարային վիճակի պատճառով դրա վերականգնման անհնարինությունը` Հայաստանի Հանրապետության կառավարությունը որոշում է.

1. Հայկական ՍՍՀ Մինիստրների խորհրդի 1983 թվականի հուլիսի 4-ի «Հայկական ՍՍՀ տարածքում պետական պահպանության տակ վերցված պատմության և կուլտուրայի հուշարձանների և նրանց պահպանական գոտիների ցուցակների հաստատման մասին» N 377 որոշմամբ հաստատված` Երևան քաղաքի պատմության և կուլտուրայի հուշարձանների ցուցակից հանել Վազգեն Սարգսյան փողոցի N 8 հասցեում գտնվող «Սևան» հյուրանոցի շենքը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: