«Վավերացնում եմ»
Հայաստանի Հանրապետության
Նախագահ Ռ. Քոչարյան
24 ապրիլի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 ապրիլի 2004 թվականի N 547-Ն

ԳՈՐԻՍՈՒՄ «ԵՐԵՎԱՆԻ ԹԱՏՐՈՆԻ ԵՎ ԿԻՆՈՅԻ ՊԵՏԱԿԱՆ ԻՆՍՏԻՏՈՒՏ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆ ՄԱՍՆԱՃՅՈՒՂ ՍՏԵՂԾԵԼՈՒ ՄԱՍԻՆ

«Պետական ոչ առևտրային կազմակերպությունների մասին» Հայաստանի Հանրապետության օրենքի 8-րդ հոդվածի 1-ին կետին համապատասխան` Հայաստանի Հանրապետության կառավարությունը որոշում է.

1. Գորիսում ստեղծել Երևանի թատրոնի և կինոյի պետական ինստիտուտի մասնաճյուղ:

2. Հայաստանի Հանրապետության կրթության և գիտության նախարարին`

ա) ապահովել Երևանի թատրոնի և կինոյի պետական ինստիտուտի Գորիսի մասնաճյուղի բնականոն գործունեությունն սկսելը.

բ) Երևանի թատրոնի և կինոյի պետական ինստիտուտի Գորիսի մասնաճյուղի 2004/2005 ուսումնական տարվա անվճար և վճարովի ընդունելությունը կազմակերպել Երևանի թատրոնի և կինոյի պետական ինստիտուտի 2004/2005 ուսումնական տարվա ընդունելության տեղերի հաշվին:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2004 թ. ապրիլի 20 Երևան