«Վավերացնում եմ»

Հայաստանի Հանրապետության

Նախագահ Ռ. Քոչարյան

19 մարտի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 մարտի 2004 թվականի N 294-Ա

«ՍԱՊՖԻՐ» ԲԱՑ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ 15,4 ՏՈԿՈՍ ԲԱԺՆԵՄԱՍԸ ՄԱՍՆԱՎՈՐԵՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՍԵՊՏԵՄԲԵՐԻ 8-Ի N 838 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 18-րդ հոդվածին համապատասխան` Հայաստանի Հանրապետության կառավարությունը որոշում է.

1. «Սապֆիր» բաց բաժնետիրական ընկերության պետական սեփականություն հանդիսացող 15,4 տոկոս բաժնեմասն ուղղակի վաճառքի ձևով մասնավորեցնել «Սապֆիր» բաց բաժնետիրական ընկերության 64,6 տոկոս բաժնեմասի սեփականատեր` «Իմպերիալ-Ոսկերչական» սահմանափակ պատասխանատվությամբ ընկերությանը (այսուհետ` գնորդ):

2. Սահմանել «Սապֆիր» բաց բաժնետիրական ընկերության` ուղղակի վաճառքի ձևով մասնավորեցման ենթակա` պետական սեփականություն հանդիսացող 15,4 տոկոս բաժնետոմսերի արժեքը` 93791 հազ. դրամ, որը համապատասխանում է 93791 բաժնետոմսի` յուրաքանչյուրը 1000 դրամ անվանական արժեքով:

3. Սահմանել ուղղակի վաճառքի ձևով մասնավորեցման ենթակա` պետական սեփականություն հանդիսացող բաժնետոմսերի գինը` 71517 հազ. դրամ:

4. Սահմանել, որ գնորդը պարտավոր է`

ա) 6-ամսյա ժամկետում վճարել մասնավորեցվող բաժնետոմսերի գինը.

բ) իր միջոցների հաշվին իրականացնել գույքային իրավունքների պետական գրանցման հետ կապված վճարները` Հայաստանի Հանրապետության օրենսդրությամբ սահմանված կարգով:

5. Հայաստանի Հանրապետության կառավարությանն առընթեր պետական գույքի կառավարման վարչության պետին` գնորդի կողմից համապատասխան վճարումները կատարվելուց հետո 10-օրյա ժամկետում կնքել պայմանագիր:

6. Վճարումները կատարել Հայաստանի Հանրապետության արժույթով:

7. Հայաստանի Հանրապետության կառավարության 2001 թվականի սեպտեմբերի 8-ի «Սապֆիր» բաց բաժնետիրական ընկերության պետական սեփականություն հանդիսացող բաժնետոմսերը մասնավորեցնելու մասին» N 838 որոշման մեջ կատարել հետևյալ փոփոխությունները`

որոշման 8-րդ կետի «բ» և «գ» ենթակետերը շարադրել հետևյալ խմբագրությամբ.

«բ) արտադրության զարգացման համար առաջիկա 3 տարվա ընթացքում կատարել 3 մլն ԱՄՆ-ի դոլարին համարժեք դրամի չափով ներդրում.

գ) սոցիալական երաշխիքների գծով` մինչև 2007 թվականի նոյեմբեր ամիսն ապահովել 500 աշխատատեղ` 100 ԱՄՆ-ի դոլարին համարժեք դրամ` միջին ամսական աշխատավարձով»:

8. Համապատասխան փոփոխություն կատարել 2001 թվականի սեպտեմբերի 21-ին կնքված բաժնետոմսերի առուվաճառքի (մասնավորեցման) N 165-ՈՒ պայմանագրում:

Հայաստանի Հանրապետության վարչապետ	Ա. Մարգարյան
2004 թ. մարտի 12 Երևան