«Վավերացնում եմ»
Հայաստանի Հանրապետության
Նախագահ Ռ. Քոչարյան
17 դեկտեմբերի 2003 թ.
 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 Ո Ր Ո Շ ՈՒ Մ

11 դեկտեմբերի 2003 թվականի N 1641-Ն

«ԶԱՆԳԵԶՈՒՐԻ ՊՂՆՁԱՄՈԼԻԲԴԵՆԱՅԻՆ ԿՈՄԲԻՆԱՏ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ 2003 ԹՎԱԿԱՆԻ ՇԱՀՈՒՅԹԻ ՕԳՏԱԳՈՐԾՄԱՆ ՈՒՂՂՈՒԹՅՈՒՆՆԵՐԸ ՍԱՀՄԱՆԵԼՈՒ ՄԱՍԻՆ

Հաշվի առնելով «Զանգեզուրի պղնձամոլիբդենային կոմբինատ» փակ բաժնետիրական ընկերության 2003 թվականի 9 ամսվա գործունեության և 2003 թվականի` տարվա կտրվածքով կանխատեսվող ֆինանսական արդյունքները, ինչպես նաև ընկերության ծախսերի նվազեցման միջոցառումների արդյունքում կանխատեսվող 2004 թվականի հնարավոր զուտ շահույթը` Հայաստանի Հանրապետության կառավարությունը որոշում է.

1. Հայաստանի Հանրապետության առևտրի և տնտեսական զարգացման նախարարին` սահմանել ընկերության զուտ շահույթի օգտագործման հետևյալ ուղղությունները`

ա) նախորդ տարիների գործունեությունից կուտակված վնասի մարում` մինչև	3,4 մլրդ դրամ,
բ) Հայաստանի Հանրապետության կառավարության տրամադրության տակ թողնել (ռազմատեխնիկական համագործակցության զարգացման նպատակով)`	3,0 մլրդ դրամ,
գ) ընկերության տեխնիկական վերազինում (2003-2004 թթ.)` մինչև	2,0 մլրդ դրամ,
դ) նոր ընկերության հիմնադրում և Ծաղկաձորում շինարարության իրականացում` 2004 թվականի ընթացքում` մինչև	1,5 մլրդ դրամ,
ե) ջերմոցային տնտեսության ձեռքբերում` 2004 թվականի ընթացքում` մինչև	0,85 մլրդ դրամ,
զ) օգնություն Գյումրու քաղաքապետարանին` Գյումրի քաղաքի ջեռուցման կազմակերպման նպատակով` 2003 թվականի դեկտեմբեր-2004 թվականի փետրվար (հավասարաչափ)	0,36 մլրդ դրամ,
է) օգնություն Սյունիքի մարզի սոցիալ-տնտեսական կարիքների բավարարման նպատակով (այդ թվում` 100 մլն դրամ` 2004 թվականի ընթացքում)	0,2 մլրդ դրամ,
ը) օգնություն Ջերմուկ քաղաքի ջեռուցման կազմակերպման նպատակով` 2003 թվականի դեկտեմբեր- 2004 թվականի փետրվար (հավասարաչափ)	50 մլն դրամ,
թ) Հայաստանի Հանրապետության առևտրի և տնտեսական զարգացման նախարարության շենքի վերանորոգում` 2004 թվականի ընթացքում	50 մլն դրամ,
ընդամենը	11,41 մլրդ դրամ:

2. «Զանգեզուրի պղնձամոլիբդենային կոմբինատ» փակ բաժնետիրական ընկերությունն ազատել 2003 թվականի զուտ շահույթից պետական բաժնեմասի դիմաց շահութաբաժինների վճարումից:

3. Հաշվի առնելով 2004 թվականի ընկերության ծրագրավորվող արդյունքների կանխատեսումը` սույն որոշման 1-ին կետով սահմանված միջոցառումների իրականացման ընթացքում անհրաժեշտ գումարների անբավարարության դեպքում ընկերությունը կարող է այդ նպատակներին ուղղել 2004 թվականի ընթացքում գոյացող զուտ շահույթը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2003 թ. դեկտեմբերի 17 Երևան