«Վավերացնում եմ»
Հայաստանի Հանրապետության
Նախագահ Ռ. Քոչարյան
30 օգոստոսի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 օգոստոսի 2003 թվականի N 1055-Ն

ԸՆԴԵՐՔԻ ԵՐԿՐԱԲԱՆԱԿԱՆ ՈՒՍՈՒՄՆԱՍԻՐՈՒԹՅԱՆ ԱՇԽԱՏԱՆՔՆԵՐԻ ՊԵՏԱԿԱՆ ԳՐԱՆՑՄԱՆ ԵՎ ՀԱՇՎԱՌՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Հայաստանի Հանրապետության ընդերքի մասին օրենսգրքի 6-րդ հոդվածի առաջին մասի 10-րդ կետին և 19-րդ հոդվածին համապատասխան՝ Հայաստանի Հանրապետության կառավարությունը որոշում է.

1. Սահմանել ընդերքի երկրաբանական ուսումնասիրության աշխատանքների պետական գրանցման և հաշվառման կարգը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2003 թ. օգոստոսի 27 Երևան

Հավելված ՀՀ կառավարության 2003 թվականի օգոստոսի 21-ի N 1055-Ն որոշման

Կ Ա Ր Գ

ԸՆԴԵՐՔԻ ԵՐԿՐԱԲԱՆԱԿԱՆ ՈՒՍՈՒՄՆԱՍԻՐՈՒԹՅԱՆ ԱՇԽԱՏԱՆՔՆԵՐԻ ՊԵՏԱԿԱՆ ԳՐԱՆՑՄԱՆ ԵՎ ՀԱՇՎԱՌՄԱՆ

1. Սույն կարգով կանոնակարգվում է Հայաստանի Հանրապետության տարածքում իրավաբանական անձանց (այդ թվում՝ օտարերկրյա) և Հայաստանի Հանրապետության քաղաքացիների (այսուհետ՝ ընդերքօգտագործողներ) կողմից կատարվող ընդերքի երկրաբանական ուսումնասիրության աշխատանքների պետական գրանցման և հաշվառման գործընթացը:

2. Ընդերքի երկրաբանական ուսումնասիրության աշխատանքների պետական գրանցումն ու հաշվառումն իրականացնում է Հայաստանի Հանրապետության բնապահպանության նախարարությունը (այսուհետ՝ նախարարություն):

3. Նախարարությունը 10-օրյա ժամկետում կատարում է ընդերքի երկրաբանական ուսումնասիրության աշխատանքների պետական գրանցում, ըստ ձևերի, Հայաստանի Հանրապետության օրենսդրությամբ պահանջվող փաստաթղթերի առկայության դեպքում:

4. Ընդերքի երկրաբանական ուսումնասիրության աշխատանքները գրանցվում են գրանցամատյանում, և ընդերքօգտագործողին տրամադրվում է ընդերքի երկրաբանական ուսումնասիրության աշխատանքների պետական գրանցման մասին տեղեկանք՝ համաձայն ձևի:

5. Ընդերքօգտագործողներն ընդերքի երկրաբանական ուսումնասիրության աշխատանքների արդյունքների մասին ամփոփ տեղեկատվությունը (հաշվետվություն) Հայաստանի Հանրապետության օրենսդրությամբ սահմանված կարգով ներկայացնում են նախարարություն՝ հաշվառման:

6. Նախարարությունն ընդերքի երկրաբանական ուսումնասիրության աշխատանքները կատարելու համար ընդերքօգտագործողին տրամադրում է տեղեկատվություն տվյալ տեղամասի ուսումնասիրվածության աստիճանի մասին:

7. Ընդերքի տեղամասի երկրաբանական ուսումնասիրության աշխատանքների պետական գրանցումը կատարվում է մեկ անգամ:

8. Ընդերքօգտագործողի կազմակերպաիրավական կարգավիճակի, երկրաբանական ուսումնասիրության ձևի և կատարվող աշխատանքների ծրագրի փոփոխությունների դեպքում, ընդերքօգտագործողի դիմումի հիման վրա, աշխատանքը վերագրանցվում է:

9. Ընդերքօգտագործողների՝ երկրաբանական ուսումնասիրության աշխատանքների մասին հաշվետվությունների յուրաքանչյուր հատորի տիտղոսաթերթի վրա պետք է նշված լինի պետական գրանցման համարը:

10. Նախարարությունը կատարված երկրաբանական ուսումնասիրության աշխատանքների արդյունքների մասին հաշվետվություն ներկայացնող անձանց տալիս է տեղեկանք-ծանուցագրեր հաշվետվության ընդունման մասին:

11. Պետական գրանցումից հետո կատարված երկրաբանական ուսումնասիրության աշխատանքների արդյունքները ենթակա են հաշվառման՝ գրանցամատյանում:

12. Հաշվառման վերցված փաստաթղթերը երկրաբանական ֆոնդում պահպանվում են անժամկետ:

13. Պետական և ծառայողական գաղտնիք պարունակող երկրաբանական ուսումնասիրության աշխատանքները գրանցվում ու նյութերը հաշվառվում են Հայաստանի Հանրապետության օրենսդրությամբ սահմանված կարգով:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Ձև

Տ Ե Ղ Ե Կ Ա Ն Ք

ԸՆԴԵՐՔԻ ԵՐԿՐԱԲԱՆԱԿԱՆ ՈՒՍՈՒՄՆԱՍԻՐՈՒԹՅԱՆ ԱՇԽԱՏԱՆՔՆԵՐԻ ՊԵՏԱԿԱՆ ԳՐԱՆՑՄԱՆ ՄԱՍԻՆ

N ____________

Նախարարությունը ___________    Ընդերքի երկրաբանական ուսումնասիրության աշխատանքներ, որոնք ներառված են _______________________________________ 200 թ. (ընդերքօգտագործողի հայտը և դիմելու օրը, ամիսը, տարեթիվը) Կազմակերպությունը (քաղաքացի) _________ (լրիվ անվանումը, անունը, ազգանունը)  Ելից համարը ___ ____ __________ 200  թ.     Գտնվելու վայրը _____________________  աշխատանքային ծրագրում հաստատված ___________որոշմամբ: (որոշման համարը)       Աշխատանքները ֆինանսավորվում են_______________կողմից: (ում կողմից է հաստատված, անունը) Բանկի անվանումը ___________________________ (բանկի գրասենյակի անվանումը)

NN ը/կ	Ընդերքի երկրաբա- նական ուսումնա- սիրության ձևը	Օգտա- կար հանա- ծոյի տեսակը	Աշխա- տանքի օբյեկտի անվանումը (թեման)	Աշխա- տանքների օբյեկտի տեղադրման վայրը (մարզը, մակերեսը, աշխար- հագրա- կան կոորդի- նատները)	Երկրա- բանական առաջադ- րանքի ֆիզիկական ծավալները	Աշխատանքների կատարման ժամկետները (եռամսյակ, տարի)		Աշխատանք-ների նախա-գծային արժեքը (հազ. դրամ)	Ծանո- թագրու- թյուն
						սկիզ- բը	ավար- տը
1	2	3	4	5	6	7	8	9	10

_________________________________________________ (երկրաբանական կազմակերպության անվանումը)   ղեկավար _________________         ____________________________ (ստորագրությունը)                           (անունը, ազգանունը)   Կ.Տ.   Երկրաբանական ուսումնասիրության արդյունքները երկրաբանական ֆոնդում՝   1. Աշխատանքներ, որոնք նշված են 2-րդ սյունակում, գրանցված են _____________ 200 թ.   ըստ գրանցամատյանի              __________________________   2. Աշխատանքներ, որոնք նշված են 2-րդ սյունակում__________ գրանցման ենթակա չեն ___________ (նշել պատճառը)   3. Աշխատանքներ, որոնք նշված են 2-րդ սյունակում __________ գրանցումը մերժված է ___________ (մերժման պատճառը)   Հայաստանի Հանրապետության բնապահպանության նախարարի տեղակալ   __________________  ______________________ (ստորագրությունը)             (անունը, ազգանունը)