«Վավերացնում եմ»
Հայաստանի Հանրապետության
Նախագահ Ռ. Քոչարյան
1 հոկտեմբերի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
17 սեպտեմբերի 2003 թվականի N 1209-Ն
«ԳՅՈՒՂՋՐԱՏԱՐՇԻՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐԸ ՄԱՍՆԱՎՈՐԵՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՄԱՅԻՍԻ 15-Ի N 615-Ն ՈՐՈՇՈՒՄԸ ՄԱՍՆԱԿԻՈՐԵՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. «Գյուղջրատարշին» փակ բաժնետիրական ընկերության գույքի կազմից օրենքով սահմանված կարգով առանձնացնել 48456,7 հազ. դրամ գնահատված արժեքով և 1425,7 քառ. մետր տարածքով լաբորատոր մասնաշենքը (քաղ. Աշտարակ, Երևանյան 1), և այն անհատույց օգտագործման հանձնել Հայաստանի Հանրապետության կառավարությանն առընթեր Հայաստանի Հանրապետության ոստիկանությանը (այսուհետ՝ գնորդ)՝ Հայաստանի Հանրապետության օրենսդրությամբ սահմանված կարգով նվազեցնելով «Գյուղջրատարշին» փակ բաժնետիրական ընկերության կանոնադրական կապիտալը:
2. Հաշվեկշռային մեթոդով 153915 հազ. դրամ գնահատված ակտիվներ ունեցող «Գյուղջրատարշին» փակ բաժնետիրական ընկերության պետական սեփականություն հանդիսացող բաժնետոմսերը մասնավորեցնել մրցույթով:
3. Սահմանել «Գյուղջրատարշին» փակ բաժնետիրական ընկերության կանոնադրական կապիտալը՝ 142879 հազ. դրամ, որը համապատասխանում է 142879 բաժնետոմսի՝ յուրաքանչյուրը 1000 դրամ անվանական արժեքով:
4. Սահմանել «Գյուղջրատարշին» փակ բաժնետիրական ընկերության բաժնետոմսերի գնահատված արժեքը՝ 142879 հազ. դրամ:
5. Սահմանել «Գյուղջրատարշին» փակ բաժնետիրական ընկերության՝ մրցույթով մասնավորեցման ենթակա պետական սեփականություն հանդիսացող բաժնետոմսերի գնահատված արժեքը՝ 114303 հազ. դրամ:
6. Սահմանել մրցույթով մասնավորեցման ենթակա բաժնետոմսերի նվազագույն գինը՝ 57152 հազ. դրամ:
7. «Գյուղջրատարշին» փակ բաժնետիրական ընկերության պարտավորությունները 2002 թվականի հոկտեմբերի 1-ի դրությամբ կազմել են՝ 11036 հազ. դրամ, այդ թվում՝
Հայաստանի Հանրապետության պետական բյուջեի նկատմամբ կարճաժամկետ կրեդիտորական պարտքի գծով՝ 878 հազ. դրամ,
անձնակազմին աշխատանքի վարձատրության գծով՝ 6026 հազ.դրամ,
առևտրական կրեդիտորական պարտքերի գծով՝ 2178 հազ. դրամ,
սոցիալական ապահովագրության գծով՝ 1954 հազ. դրամ:
8. «Գյուղջրատարշին» փակ բաժնետիրական ընկերությունը 1998-2002 թվականների տնտեսական գործունեության արդյունքներով վճարման ենթակա շահութաբաժինների գծով պարտավորություններ չունի:
9. Հայաստանի Հանրապետության կառավարությանն առընթեր պետական գույքի կառավարման վարչության պետին՝
ա) մրցույթի անցկացման օրվանից առնվազն մեկ ամիս առաջ մամուլում կամ զանգվածային լրատվության մյուս միջոցներով հրապարակել ընդհանուր տեղեկություններ ընկերության, մրցույթի անցկացման պայմանների, ժամկետների և մրցույթի մասնակիցներին ներկայացվող պահանջների մասին.
բ) եռամսյա ժամկետում կազմակերպել մրցույթի անցկացումը.
գ) մասնավորեցման պայմանագրում նախատեսել, որ գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը կատարվում են գնորդի հաշվին՝ Հայաստանի Հանրապետության օրենսդրությամբ սահմանված կարգով:
10. Սահմանել մրցույթի հաղթողին որոշելու հետևյալ պայմանները՝
ա) մասնավորեցվող բաժնետոմսերի համար առաջարկվող գինը,
բ) ներդրումների չափը՝ տարիների կտրվածքով,
գ) սոցիալական երաշխիքներ, այդ թվում՝ աշխատատեղերի և նվազագույն աշխատավարձի վերաբերյալ:
11. Մրցույթի մասնակցության կանխավճարը սահմանվում է ընկերության կանոնադրական կապիտալի 5 տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:
12. Մրցույթի հաղթողը բաժնետոմսերի գինը պետք է վճարի մրցույթի արձանագրությունն ստանալու օրվանից մեկ ամսվա ընթացքում:
13. Վճարումները կատարել Հայաստանի Հանրապետության արժույթով:
14. Ուժը կորցրած ճանաչել Հայաստանի Հանրապետության կառավարության 2003 թվականի մայիսի 15-ի «Հայաստանի Հանրապետության պետական գույքը մասնավորեցնելու և Հայաստանի Հանրապետության կառավարության մի շարք որոշումներում փոփոխություններ կատարելու մասին» N 615-Ն որոշման 4.1.-4.11-րդ կետերը:
15. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|
Հայաստանի Հանրապետության |
Ա. Մարգարյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|