Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2000 թվականի փետրվարի 12-ի «Երեխայի որդեգրման կարգը հաստատելու մասին» N 64 որոշման մեջ կատարել հետևյալ փոփոխությունները և լրացումները`

որոշմամբ հաստատված կարգում`

ա) 2-րդ կետի առաջին պարբերության մեջ «որդեգրել ցանկացող անձ» բառերը փոխարինել «որդեգրողի թեկնածու» բառերով.

բ) 3-րդ կետից հանել «կամ որդեգրման վերաբերյալ երեխայի ծնողների և որդեգրել ցանկացող անձի միջև սահմանված կարգով առկա է գրավոր նախնական համաձայնություն» բառերը.

գ) 4-րդ կետի`

առաջին պարբերությունից հանել «ու որդեգրման ենթակա երեխաներին» բառերը,

երկրորդ պարբերությունը շարադրել հետևյալ խմբագրությամբ.

«Որդեգրման հարցերով հանրապետական հանձնաժողովը (այսուհետ` հանձնաժողով) քննարկում է Հայաստանի Հանրապետության սահմաններից դուրս բնակվող Հայաստանի Հանրապետության քաղաքացիների, ինչպես նաև օտարերկրյա քաղաքացիների և քաղաքացիություն չունեցող անձանց (այսուհետ` օտարերկրյա քաղաքացիներ) կողմից երեխա որդեգրելու հետ կապված հարցերը»,

երրորդ պարբերությունը «հարցերը» բառից հետո լրացնել «և հաշվառում են որդեգրման ենթակա երեխաներին» բառերով.

դ) ուժը կորցրած ճանաչել 7-րդ կետը.

ե) 8-րդ կետից հանել «առանց ծնողական խնամքի մնացած, ընկեցիկ, ինչպես նաև պետության լրիվ հոգածության ներքո գտնվող» բառերը, և նույն կետը «ե» ենթակետից հետո լրացնել հետևյալ բովանդակությամբ նոր «ե¹» ենթակետով.

«ե¹) անհայտ են (ընկեցիկ երեխաներ)».

զ) 9-րդ կետը շարադրել հետևյալ խմբագրությամբ.

«9. Խնամակալության և հոգաբարձության մարմիններն առանց ծնողական խնամքի մնացած երեխաներին հաշվառման վերցնելուց հետո 5-օրյա ժամկետում` սույն կարգի 8-րդ կետում նշված երեխաների մասին տեղեկատվություն են տրամադրում համապատասխան մարզային (Երևանի քաղաքային) հանձնաժողովին».

է) 10-րդ կետը շարադրել հետևյալ խմբագրությամբ.

«10. Որպես որդեգրման ենթակա երեխաներ հաշվառվում են նաև այն երեխաները, որոնց ծնողները տվել են գրավոր համաձայնություն` իրենց երեխայի որդեգրման համար».

ը) 14-րդ կետը լրացնել հետևյալ բովանդակությամբ նոր պարբերությամբ.

«Եթե որդեգրել ցանկացող Հայաստանի Հանրապետության քաղաքացին ունի նախապես ընտրած` որդեգրման ենթակա երեխա, որի կապակցությամբ առկա է ծնողների (ծնողի) գրավոր համաձայնությունը, ապա նա դրա մասին նշում է իր դիմումի մեջ».

թ) 15-րդ կետի երկրորդ պարբերությունից հանել «լրացնում է որդեգրել ցանկացող անձի անձնական քարտը (N 2 ձևը կցվում է)» բառերը, և նույն պարբերությունը «դրական եզրակացության դեպքում» բառերից հետո լրացնել «լրացնում է որդեգրել ցանկացող անձի անձնական քարտը (N 2 ձևը կցվում է)» բառերով.

ժ) 17-րդ կետը «համապատասխան տեղեկանք և» բառերից հետո լրացնել «անձնական քարտի հետ միասին» բառերով.

ժա) 19-րդ կետի`

առաջին պարբերությունից հանել «և քաղաքացիություն չունեցող անձինք (այսուհետ` օտարերկրյա քաղաքացիներ)» բառերը,

կետը «մահվան վկայական (եթե ամուսինը մահացել է)» բառերից հետո լրացնել «դատվածության վերաբերյալ տեղեկանք» նոր տողով, «(եթե նա չունի ընտրած երեխա)» բառերից հետո` «եթե որդեգրել ցանկացող օտարերկրյա քաղաքացին ունի նախապես ընտրած` որդեգրման ենթակա երեխա, որի կապակցությամբ առկա է ծնողների (ծնողի) գրավոր համաձայնությունը, ապա նա դրա մասին նշում է իր դիմումի մեջ» բառերով,

երրորդ պարբերությունից հանել «նրա մերձավոր ազգականների համաձայնությունը, ինչպես նաև» բառերը.

ժբ) 21-րդ կետի երկրորդ պարբերությունից հանել «լրացնում է որդեգրել ցանկացող անձի անձնական քարտը (N 2 ձևը կցվում է)» բառերը, և նույն պարբերությունը «դրական եզրակացության դեպքում» բառերից հետո լրացնել «լրացնում է որդեգրել ցանկացող անձի անձնական քարտը (N 2 ձևը կցվում է)» բառերով.

ժգ) 23-րդ կետը «համապատասխան տեղեկանք և» բառերից հետո լրացնել «անձնական քարտի հետ միասին» բառերով.

ժդ) 25-րդ կետը «նրանց» բառից հետո լրացնել «գրավոր» բառով.

ժե) 26-րդ կետի առաջին պարբերությունում «Եթե որդեգրողի թեկնածուն չունի որդեգրման ենթակա երեխայի ծնողների կամ այլ օրինական ներկայացուցիչների կողմից տրված գրավոր նախնական համաձայնություն երեխային որդեգրելու վերաբերյալ, ապա նա» բառերը փոխարինել «Որդեգրողի թեկնածուն» բառերով.

ժզ) 26-րդ կետից հետո լրացնել հետևյալ բովանդակությամբ նոր` 26.1-ին և 26.2-րդ կետերով.

«26.1. Որդեգրողի թեկնածուի և որդեգրման ենթակա երեխայի ծնողների միջև գրավոր նախնական համաձայնության առկայության դեպքում որդեգրման ենթակա երեխայի տվյալներն այլ անձանց չեն տրամադրվում: Որդեգրողի թեկնածուի կողմից այդ երեխայի որդեգրումից հրաժարվելու դեպքում որդեգրման ենթակա երեխան հանվում է հաշվառումից:

26.2. Օտարերկրյա քաղաքացիներին` որդեգրման ենթակա երեխաների մասին տեղեկություններ տրվում են նշված երեխաներին կենտրոնացված հաշվառման վերցնելուց 3 ամիս հետո` բացառությամբ այն դեպքերի, երբ երեխային որդեգրելու ցանկություն են հայտնել Հայաստանի Հանրապետության սահմաններից դուրս բնակվող երեխայի խորթ մայրը, խորթ հայրը, նրա ազգականները կամ, երբ երեխայի ծնողների և որդեգրել ցանկացող անձի միջև սահմանված կարգով առկա է գրավոր նախնական համաձայնություն».

ժէ) 27-րդ կետը «եթե առաջին որդեգրողի թեկնածուն» բառերից հետո լրացնել «15 օրվա ընթացքում» բառերով.

ժը) 27-րդ կետից հետո լրացնել հետևյալ բովանդակությամբ նոր` 27.1-ին կետով.

«27.1. Եթե Հայաստանի Հանրապետության քաղաքացի հանդիսացող որդեգրողի թեկնածուն և օտարերկրյա քաղաքացի հանդիսացող որդեգրողի թեկնածուն որդեգրման ենթակա միևնույն երեխային որդեգրելու ցանկությամբ դիմել են նույն օրը, ապա երեխայի հետ հանդիպման առաջնահերթությունը տրվում է Հայաստանի Հանրապետության քաղաքացի հանդիսացող որդեգրողի թեկնածուին: Օտարերկրյա քաղաքացի հանդիսացող որդեգրողի թեկնածուի հետ երեխայի հանդիպումը կազմակերպվում է այն դեպքում, եթե Հայաստանի Հանրապետության քաղաքացի հանդիսացող որդեգրողի թեկնածուն 15 օրվա ընթացքում տվյալ երեխային որդեգրելու ցանկություն չի հայտնել».

ժթ) 33-րդ կետի «ա» ենթակետը լրացնել «տեղեկանք որդեգրողի թեկնածուի և որդեգրման ենթակա երեխայի կենտրոնացված հաշվառման մասին» նոր տողով.

ի) 38-րդ կետը շարադրել հետևյալ խմբագրությամբ.

«38. Համայնքի ղեկավարը եռօրյա ժամկետում որդեգրման մասին որոշման պատճենն ուղարկում է մարզային (հանրապետական) հանձնաժողով ու Հայաստանի Հանրապետության աշխատանքի և սոցիալական հարցերի նախարարություն` որդեգրված երեխային հաշվառելու, ինչպես նաև որդեգրողի թեկնածուին հաշվառումից հանելու, այնուհետև որպես որդեգրող հաշվառելու համար».

իա) ուժը կորցրած ճանաչել 40-րդ կետը:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ա. Մարգարյան
2004 թ. փետրվարի 18 Երևան