«Վավերացնում եմ»
Հայաստանի Հանրապետության
Նախագահ Ռ. Քոչարյան
12 դեկտեմբերի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
4 դեկտեմբերի 2003 թվականի N 1566-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ԱՐԾՎԱՇԵՆ ԳՅՈՒՂԻՑ ԲՌՆԻ ՏԵՂԱՀԱՆՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻՆԵՐԻՆ ՆՈՐ ԲՆԱԿԱՐԱՆ ԳՆԵԼՈՒ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1998 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐԻՑ ՀԱՏԿԱՑՎԱԾ ԲՅՈՒՋԵՏԱՅԻՆ ՎԱՐԿԵՐԻ ԳԾՈՎ ԱՐՏՈՆՈՒԹՅՈՒՆՆԵՐ ՏՐԱՄԱԴՐԵԼՈՒ ՄԱՍԻՆ
Հայաստանի Հանրապետության Գեղարքունիքի մարզի Արծվաշեն գյուղից բռնի տեղահանված քաղաքացիների բնակարանային պայմանների բարելավմանն աջակցելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 1998 թվականի մայիսի 8-ի «Արծվաշեն գյուղից բռնի տեղահանված Հայաստանի Հանրապետության քաղաքացիներին նոր բնակարան գնելու համար վարկ տրամադրելու մասին» N 279 որոշմամբ Հայաստանի Հանրապետության Գեղարքունիքի մարզի Արծվաշենի գյուղական համայնքի 66 ընտանիքին Հայաստանի Հանրապետության 1998 թվականի պետական բյուջեի միջոցներից հատկացված վարկերի վերադարձման պարտավորություններից ազատել Հայաստանի Հանրապետության բնակարանային օրենսգրքի 41-րդ հոդվածի համաձայն ընտանիքի անդամների թվի նորմերին համապատասխանող տվյալ բնակավայրերում ձևավորված նվազագույն շուկայական արժեքով հաշվարկված՝ հասանելիք բնակարանի գումարի չափով՝ Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից բնակարանների շուկայական արժեքի մասին 2003 թվականի դեկտեմբերի 1-ի դրությամբ տրված տեղեկանքի հիման վրա:
2. Վարկի մնացած մասի և դրա համար հաշվարկվող տոկոսների մարումը նախատեսել 2007 թվականից:
3. Հայաստանի Հանրապետության ֆինանսների և էկոնոմիկայի նախարարին՝ Հայաստանի Հանրապետության օրենսդրությամբ սահմանված կարգով կատարել վարկային պարտավորությունների վերահաշվարկ:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
|
Հայաստանի Հանրապետության |
Ա. Մարգարյան |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|