«Վավերացնում եմ»
Հայաստանի Հանրապետության
Նախագահ Ռ. Քոչարյան
29 մայիսի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 ապրիլի 2003 թվականի N 572-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՇՈՒԿԱՅԻ ՎԵՐԼՈՒԾՈՒԹՅԱՆ ՆՊԱՏԱԿՈՎ ՄԻԱՍՆԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Ի կատարումն Հայաստանի Հանրապետության կառավարության 2002 թվականի դեկտեմբերի 5-ի N 1932-Ն որոշման՝ Հայաստանի Հանրապետության կառավարությունը որոշում է.

1. Հաստատել՝

ա) Հայաստանի Հանրապետության աշխատանքի շուկայի վերլուծության նպատակով միասնական տեղեկատվական համակարգի ստեղծման ծրագիրը՝ համաձայն N 1 հավելվածի.

բ) Հայաստանի Հանրապետության աշխատանքի շուկայի վերլուծության համար անհրաժեշտ հաշվետվությունների ձևերը՝ համաձայն NN 2 և 3 հավելվածների:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ա. Մարգարյան
2003 թ. մայիսի 23 Երևան

Հավելված N 1 ՀՀ կառավարության 2003 թվականի ապրիլի 23-ի N 572-Ն որոշման

Ծ Ր Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՇՈՒԿԱՅԻ ՎԵՐԼՈՒԾՈՒԹՅԱՆ ՆՊԱՏԱԿՈՎ ՄԻԱՍՆԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ

I. ԾՐԱԳՐԻ ՆՊԱՏԱԿՆԵՐԸ

Ծրագրի նպատակներն են՝

ա) քաղաքացիական ծառայողների բազային աշխատավարձի մեծության և վարձատրության համակարգի վերաբերյալ զեկույցի նախապատրաստումը,

բ) քաղաքացիական ծառայողների վարձատրության համակարգի կատարելագործման վերաբերյալ առաջարկություններ ներկայացնելը,

գ) քաղաքացիական ծառայողների վարձատրության համակարգը կարգավորող օրենսդրության վերլուծությունը,

դ) քաղաքացիական ծառայությանը վերաբերող աշխատանքի շուկայի վերլուծությունը,

ե) քաղաքացիական ծառայողների աշխատանքի խթանումը և արդյունավետության բարձրացումը:

II. ԾՐԱԳՐԻ ԻՐԱԿԱՆԱՑՄԱՆ ՓՈՒԼԵՐԸ

Ծրագրի իրականացման փուլերն են՝

ա) քաղաքացիական ծառայողների աշխատավարձի վերաբերյալ տվյալների հավաքագրման միասնական հաշվետվությունների մշակումը.

բ) պետական կառավարման համապատասխան մարմիններից քաղաքացիական ծառայողների վարձատրության համակարգի մասին տվյալների հավաքագրումը.

գ) քաղաքացիական ծառայողների վարձատրության համակարգը կարգավորող օրենսդրության վերլուծությունը.

դ) կենսաապահովման նվազագույն բյուջեի և տարբեր պաշտոնական մակարդակների քաղաքացիական ծառայողների վարձատրության միջև տարբերության վերլուծությունը.

ե) քաղաքացիական ծառայողների վարձատրության համակարգի վերաբերյալ առաջարկություններ ներկայացնելը.

զ) քաղաքացիական ծառայողների բազային պաշտոնային դրույքաչափի վերլուծության համար անհրաժեշտ տեխնիկական աջակցության պահանջներ ներկայացնելը.

է) ստացված տվյալների վերլուծությամբ՝ ներկայացվող հետևյալ ցուցանիշների հաշվարկումը՝

միջին աշխատավարձը քաղաքացիական ծառայության ոլորտում,

միջին աշխատավարձն ըստ պետական կառավարման մարմինների,

միջին աշխատավարձն ըստ վարչատարածքային միավորների,

քաղաքացիական ծառայության ոլորտում գերակշռող մասնագիտությունների ցանկը և միջին աշխատավարձն ըստ մասնագիտությունների,

նվազագույն և առավելագույն աշխատավարձը պետական կառավարման համակարգում,

միջին աշխատավարձն ըստ քաղաքացիական ծառայության համապատասխան պաշտոնների,

այլ անհրաժեշտ տեղեկատվություն.

ը) ոչ պետական հատվածի մոտավորապես 4000 (յուրաքանչյուր մարզից՝ միջինը 200 սուբյեկտ և Երևանից՝ 2000 սուբյեկտ) սուբյեկտից, ըստ մասնագիտությունների, աշխատավարձի վերաբերյալ տեղեկատվություն ստանալը.

թ) աշխատավարձի վերաբերյալ հավաքագրված տվյալների հիման վրա վարչական վիճակագրական ռեգիստրների ներդրումը և վարումը.

ժ) քաղաքացիական ծառայողների բազային աշխատավարձի մեծության և վարձատրության համակարգի վերաբերյալ զեկույցի պատրաստումը, որը բաղկացած կլինի հետևյալ բաժիններից՝

պետական ծառայության, այդ թվում՝ քաղաքացիական ծառայության, և ոչ պետական հատվածի վարձատրության համակարգերի առկա վիճակը,

քաղաքացիական ծառայողների վարձատրության համակարգի, ինչպես նաև վարձատրության համակարգը կարգավորող օրենսդրության մեջ փոփոխություններ և լրացումներ կատարելու անհրաժեշտության առկայության կամ բացակայության մասին եզրակացությունը,

քաղաքացիական ծառայողների բազային աշխատավարձի մեծության և վարձատրության համակարգի վերաբերյալ առաջարկություններ ներկայացնելը,

կենսաապահովման նվազագույն բյուջեի և տարբեր պաշտոնական մակարդակների քաղաքացիական ծառայողների վարձատրության միջև տարբերությունը ներկայացնելը և վերլուծությունը,

զարգացման միջնաժամկետ միտումները (ամենաշատը՝ 3 տարվա կտրվածքով),

զեկույցի ֆինանսական գնահատումը և հիմնավորումը,

աղյուսակներ, գրաֆիկներ,

այլ տեղեկատվություն:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2003 թվականի ապրիլի 23-ի N 572-Ն որոշման

Ձև

Հ Ա Շ Վ Ե Տ Վ ՈՒ Թ Յ ՈՒ Ն

ԱՇԽԱՏՈՂՆԵՐԻ ԱՇԽԱՏԱՎԱՐՁԵՐԻ ՄԱՍԻՆ՝ ԸՍՏ ՄԱՍՆԱԳԻՏՈՒԹՅՈՒՆՆԵՐԻ

Մարմինը (անվանումը)        __________________________________

NN ը/կ

Պաշ- տոնը

Ծննդյան տարե- թիվը, ամիսը, ամսա- թիվը

Սեռը

Մշտա- կան բնակու- թյան վայրը

Աշխա- տավարձի չափը

Դասա- յին աստի- ճանը

Մասնագի- տությունը

Պետա- կան ոլորտի աշխա- տանքա- յին ստաժը

Գիտա- կան աստի- ճանը (կոչու- մը)

Հավե- լումներ և հավե- լավճար- ներ

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2003 թվականի ապրիլի 23-ի N 572-Ն որոշման

Ձև

ՀՀ սոցիալական ապահովության նախարարություն

ՎԱՐՉԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

Ներկայացվում է Հայաստանի Հանրապետության կառավարության 2002 թվականի դեկտեմբերի 5-ի N 1932-Ն որոշման համաձայն:

Ում է ներկայացվում (անվանումը) ______________ Ով է ներկայացնում (անվանումը)_______________ ՀՀ իրավաբանական անձանց պետական ռեգիստրում գրանցման համարը                 ppppppppp Նույնականացման (իդենտիֆիկացիոն) կոդը  ppppppppp Մարզը ___________________   pp Գտնվելու վայրը _________________________ Էլեկտրոնային փոստի հասցեն _________________

Ձև N   Հաստատված է ՀՀ կառավարության 2003 թ. ապրիլի 23-ի N 572-Ն որոշմամբ: Ներկայացվում է ՀՀ սոցիալական ապահովության նախարարություն: Ներկայացնում են ՀՀ սոցիալական ապահովության նախարարության կողմից ընտրանքային կարգով ընտրված առևտրային կազմակերպությունները: Հաշվետվությունը ներկայացնելու ժամկետը՝ յուրաքանչյուր տարվա մինչև հունիսի 10-ը:

Մասնա- գիտու- թյան անվա- նումը		Աշխատավարձի ընտրված մակարդակներում աշխատողների թիվը
		Ա	Բ	Գ	Դ	Ե	Զ	Է	Ը	Թ	Ժ	Ի	Լ	ԸԶ
	ժամա- վճար (կես կամ լրիվ դրույք)	30-120	121-180	181-240	241-300	301-360	361-480	481-600	601- 720	721- 840	841- 960	961-1080	1081 և ավելի	Ընդ- հա- նուր զբաղ- վա- ծու- թյուն
	ամսա- կան (միայն լրիվ դրույք)	5000-20000	20001-30000	30001-40000	40001-50000	50001-60000	60001-80000	80001-100000	100001-120000	120001-140000	140001-160000	160001-180000	180001 և ավելի
Իրավաբան

Տնտեսագետ

Ա

Բ

Գ

Դ

Ե

Զ

Է

Ը

Թ

Ժ

Ի

Լ

ԸԶ

Ֆինանսիստ

Ինժեներ

Բանասեր

Այլ Նշել _______

Հ Ա Շ Վ Ե Տ Վ ՈՒ Թ Յ ՈՒ Ն

աշխատավարձի մասին՝ ըստ մասնագիտությունների

Կատարող _________ Ղեկավար __________________________ (անունը, ազգանունը, պաշտոնը, ստորագրությունը)   Հեռ. _____________________________  ________________________________

Հաշվետվությունը լրացնելու կարգը

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան