«Վավերացնում եմ»
Հայաստանի Հանրապետության
Նախագահ Ռ. Քոչարյան
30 ապրիլի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 ապրիլի 2003 թվականի N 418-Ն

«ՏՆՏԵՍԱԿԱՆ ԲԱՐԵՓՈԽՈՒՄՆԵՐԻ ՎԵՐԼՈՒԾԱԿԱՆ-ՏԵՂԵԿԱՏՎԱԿԱՆ ԿԵՆՏՐՈՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

«Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածին համապատասխան՝ Հայաստանի Հանրապետության կառավարությունը որոշում է.

1. «Տնտեսական բարեփոխումների վերլուծական-տեղեկատվական կենտրոն» փակ բաժնետիրական ընկերությունը վերակազմավորման ձևով վերակազմակերպել «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպության։ «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպությունը հանդիսանում է «Տնտեսական բարեփոխումների վերլուծական-տեղեկատվական կենտրոն» փակ բաժնետիրական ընկերության իրավահաջորդը՝ փոխանցման ակտին համապատասխան:

2. Սահմանել, որ՝

ա) «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպության գործունեության առարկան Հայաստանի Հանրապետության տնտեսական բարեփոխումների ընթացքի և այդ տեսանկյունից Հայաստանի Հանրապետության կառավարության տնտեսական քաղաքականության լուսաբանումն է, դրա վերաբերյալ հասարակական կարծիքի ուսումնասիրումը և համապարփակ տեղեկատվության տրամադրումը.

բ) «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպության գործունեության նպատակներն են՝

վերլուծական-տեղեկատվական գործունեության իրականացումը,

տնտեսական բարեփոխումներին միտված տնտեսական քաղաքականության սկզբունքները, նպատակն ու ուղղությունները ներկայացնելը,

հասարակություն-Հայաստանի Հանրապետության կառավարություն կապի սերտացումը, բարեփոխումների ընթացքին հասարակության մասնակցության ապահովումը,

հասարակական կարծիքի ուսումնասիրությունը:

3. Թույլատրել «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպությանն իրականացնել ձեռնարկատիրական գործունեության հետևյալ տեսակները՝

հետազոտություններ ու մշակումներ հասարակական և հումանիտար գիտությունների բնագավառներում,

հրատարակչական գործ,

շուկայի իրավիճակի հետազոտում և հասարակական կարծիքի բացահայտում։

4. «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «դ», «ե», «է» ենթակետերով և 14-րդ հոդվածով նախատեսված լիազորությունները վերապահել Հայաստանի Հանրապետության կառավարության աշխատակազմին։

5. Հաստատել «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպությանը սեփականության իրավունքով հանձնվող գույքի կազմն ու արժեքը՝ համաձայն հավելվածի:

6. Հայաստանի Հանրապետության կառավարության աշխատակազմի ղեկավար-նախարարին՝ երկամսյա ժամկետում՝

ա) հաստատել «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպության կանոնադրությունը.

բ) ապահովել «Տնտեսական բարեփոխումների վերլուծական-տեղեկատվական կենտրոն» պետական ոչ առևտրային կազմակերպության պետական գրանցումը:

7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ա. Մարգարյան
2003 թ. ապրիլի 22 Երևան

Հավելված ՀՀ կառավարության 2003 թվականի ապրիլի 17-ի N 418-Ն որոշման

«ՏՆՏԵՍԱԿԱՆ ԲԱՐԵՓՈԽՈՒՄՆԵՐԻ ՎԵՐԼՈՒԾԱԿԱՆ-ՏԵՂԵԿԱՏՎԱԿԱՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՀԱՆՁՆՎՈՂ ԳՈՒՅՔԻ ԿԱԶՄԸ ԵՎ ԱՐԺԵՔԸ

Գույքի N	Սարքավորումների անվանումը	Ստացման ամիսը, ամսաթիվը, տարեթիվը և արժեքը (դրամ)	Մնացորդային արժեքը (դրամ)
111401	Համակարգիչ՝ «ՊԵՆՏԻՈՒՄ II» HP VECTRA VL 6/266 S7 M 3200/32 NT4 LAN INTEL PENTIUM II	24.09.1998 թ. 1 038 386	103 839
111402	Համակարգիչ՝ «ՊԵՆՏԻՈՒՄ II» HP VECTRA VL 6/266 S7 M 3200/32 NT4 LAN INTEL PENTIUM II	24.09.1998 թ. 1 038 386	103 839
111403	Համակարգիչ NOTEBOOK HP OMNIBOOK 2100 INTEL PENTIUM	24.09.1998 թ. 1 529 069	152 907
111404	Վերարտադրող սարք ՍԿԱՆԵՐ HP SCANJET 6100C SCANNER #C6267A	24.09.1998 թ. 365 683	36 569
111405	Բազմացնող սարք Canon plain 6216 Photocopier	18.09.1998 թ. 951 762	95 177
111406	Հեռախոս-Ֆաքս Canon Fax Multipass L90 ~ EWA 15251	03.12.1998 թ. 778 774	77 878
111407	Լազերային տպիչ սարք Hewlett Packard Laser Jet 4V	03.12.1998 թ. 520 838	52 084
111408	Տեսախցիկ Panasonic S-VHS MOVIE CAMERA NV-S88	03.12.1998 թ. 356 365	35 637
111409	Ռիզոգրաֆ S-2245 RISO GR 3770 A3(600x600 dpi)	27.04.2001 թ. 9 075 664	4 538 164
111410	UPS Windos 95, WT, 1000VA Pro	27.04.2001 թ. 208 510	104 260
111411	UPS Windos 95, WT, 1000VA Pro	27.04.2001 թ. 208 510	104 260
111412	Համակարգիչ՝ «ՊԵՆՏԻՈՒՄ III» 800/133, 256KB SLC(FS), 256 MB SDRAM, FDD, SVGA AGP 16 Mb TV out, in, 9,1x2 GB	17.04.2001 թ. 1 370 750	137 075
111413	Համակարգիչ՝ «ՊԵՆՏԻՈՒՄ III» 800/133, 256KB SLC(FS), 128 MB SDRAM, FDD, Intel 3D Direct AGP Dinamic Video Memory Technology, 9,1x2 GB	17.04.2001 թ. 1 206 260	120 626
111414	Հեռուստացույց «Ֆիլիպս»	09.11.2000 թ. 165 000	55 000
111415	Տեսամագնիտոֆոն «Ֆիլիպս»	09.11.2000 թ. 110 000	37 000
	Ընդամենը		5 754 315

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան