«Վավերացնում եմ»
Հայաստանի Հանրապետության
Նախագահ Ռ. Քոչարյան
12 նոյեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հոկտեմբերի 2002 թվականի N 1733-Ն

ԳՈՒՅՔ ՎԱՃԱՌԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1.1. Ի կատարումն Հայաստանի Հանրապետության կառավարության 2001 թվականի նոյեմբերի 17-ի «Նարինե» մանկական առողջապահական համալիր» պետական հիմնարկի մասնաշենքերը հանձնելու մասին» N 1119 որոշման 1-ին կետի «բ» ենթակետի՝ Հայաստանի Հանրապետության պետական գույքի կառավարման նախարարության տնօրինության՝ Երևանի Նորքի այգիների N 180 հասցեում գտնվող «Նարինե» մանկական առողջապահական համալիրի՝ 700,2 քառ. մետր ընդհանուր մակերես ունեցող կրթական-տնտեսական մասնաշենքը (այսուհետ՝ գույք) ուղղակի եղանակով վաճառել դրա վարձակալ «Հովարդ Կարագյոզյան» բժշկական բարեգործական հասարակական կազմակերպությանը (այսուհետ՝ գնորդ):

1.2. Սահմանել գույքի վաճառքի գինը՝ 17,31 մլն դրամ:

1.3. Սահմանել, որ գնորդը պարտավոր է՝

ա) մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 1.2-րդ կետով սահմանված գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:

1.4. Հայաստանի Հանրապետության պետական գույքի կառավարման նախարարին՝ սույն որոշման 1.3-րդ կետի «ա» ենթակետով սահմանված վճարումն իրականացվելուց հետո մեկամսյա ժամկետում գնորդի հետ կնքել առուվաճառքի պայմանագիր:

2.1. Թույլատրել Հայաստանի Հանրապետության պետական գույքի կառավարման նախարարությանը Հայաստանի Հանրապետության կրթության և գիտության նախարարության տնօրինության մանկապատանեկան հանրապետական կենտրոնի Սևանի պատանի տուրիստների հանգրվանի՝ 125 քառ. մետր ընդհանուր մակերես ունեցող 2 փայտյա տնակը (Հայաստանի Հանրապետություն, Գեղարքունիքի մարզ, Նորաշեն-Չկալովկա ճանապարհահատված, այսուհետ՝ գույք) վաճառել դասական աճուրդով:

2.2. Հայաստանի Հանրապետության պետական գույքի կառավարման նախարարին՝

ա) աճուրդը կազմակերպել և անցկացնել սույն որոշումն ուժի մեջ մտնելուց հետո երկամսյա ժամկետում.

բ) սահմանել գույքի վաճառքի մեկնարկային գինը՝ 300 հազ. դրամ:

2.3. Սահմանել, որ աճուրդի հաղթողը պարտավոր է՝

ա) աճուրդի մասին արձանագրությունն ստանալու օրվանից 5 օրվա ընթացքում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել գույքի վաճառքի գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:

2.4. Հայաստանի Հանրապետության պետական գույքի կառավարման նախարարին՝ աճուրդի անցկացման օրվանից մեկամսյա ժամկետում գնորդի հետ կնքել առուվաճառքի պայմանագիր:

3.1. Թույլատրել Հայաստանի Հանրապետության պետական գույքի կառավարման նախարարությանն իր տնօրինության՝ Երևանի Նորագավթի 1-ին փողոցի N 165 տան դիմաց գտնվող՝ 71,4 քառ. մետր ընդհանուր մակերես ունեցող անավարտ շինությունը (այսուհետ՝ գույք) վաճառել դասական աճուրդով:

3.2. Հայաստանի Հանրապետության պետական գույքի կառավարման նախարարին՝

ա) աճուրդը կազմակերպել և անցկացնել սույն որոշումն ուժի մեջ մտնելուց հետո երկամսյա ժամկետում.

բ) սահմանել գույքի վաճառքի մեկնարկային գինը՝ 135 հազ. դրամ:

3.3. Սահմանել, որ աճուրդի հաղթողը պարտավոր է՝

ա) աճուրդի մասին արձանագրությունն ստանալու օրվանից 5 օրվա ընթացքում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել գույքի վաճառքի գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:

3.4. Հայաստանի Հանրապետության պետական գույքի կառավարման նախարարին՝ աճուրդի անցկացման օրվանից մեկամսյա ժամկետում գնորդի հետ կնքել առուվաճառքի պայմանագիր:

4.1. Թույլատրել Հայաստանի Հանրապետության պետական գույքի կառավարման նախարարությանն իր տնօրինության՝ Երևանի Ներքին Շենգավիթի 11-րդ փողոցի 2-րդ փակուղու N 23/11 հասցեում գտնվող՝ 188 քառ. մետր ընդհանուր մակերես ունեցող անավարտ շինությունը (այսուհետ՝ գույք) վաճառել դասական աճուրդով:

4.2. Հայաստանի Հանրապետության պետական գույքի կառավարման նախարարին՝

ա) աճուրդը կազմակերպել և անցկացնել սույն որոշումն ուժի մեջ մտնելուց հետո երկամսյա ժամկետում.

բ) սահմանել գույքի վաճառքի մեկնարկային գինը՝ 1,1 մլն դրամ:

4.3. Սահմանել, որ աճուրդի հաղթողը պարտավոր է՝

ա) աճուրդի մասին արձանագրությունն ստանալու օրվանից 5 օրվա ընթացքում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել գույքի վաճառքի գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:

4.4. Հայաստանի Հանրապետության պետական գույքի կառավարման նախարարին՝ աճուրդի անցկացման օրվանից մեկամսյա ժամկետում գնորդի հետ կնքել առուվաճառքի պայմանագիր:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ա. Մարգարյան
2002 թ. նոյեմբերի 4 Երևան