Basic information

Number

N 1337-Ա

Type

Որոշում

Act type

Հիմնական ակտ (20.10.2010-մինչ օրս)

Status

Գործում է

Source

Չի հրապարակվել պաշտոնական պարբերականում

Enactment organisation

ՀՀ կառավարություն

Enactment date

07.10.2010

Signing organisation

ՀՀ վարչապետ

Signing date

19.10.2010

Effective date

20.10.2010

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 հոկտեմբերի 2010 թվականի N 1337-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՅՈՑ ՁՈՐԻ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության Վայոց ձորի մարզի Ջերմուկ քաղաքում 2010 թվականի հոկտեմբերի 1-ին տեղի ունեցած ուժգին քամու հետևանքով մի շարք շենքերի և շինությունների վնասված տանիքների վերանորոգմանն աջակցելու նպատակով Հայաստանի Հանրապետության Վայոց ձորի մարզի Ջերմուկի քաղաքային համայնքին սուբվենցիա տրամադրելու համար` Հայաստանի Հանրապետության 2010 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության Վայոց ձորի մարզպետարանին 2010 թվականի չորրորդ եռամսյակում հատկացնել 36,000.0 հազ. դրամ, որից`

1) Ջերմուկ քաղաքի Ձախափնյա թաղամասի NN 11, 14, 15, 16, 18, 20, 22, 39, 40, 43 բազմաբնակարան շենքերի և քաղաքային ըմպելասրահի տանիքների ընթացիկ վերանորոգման համար` 8,377.4 հազ. դրամ (բյուջետային ծախսերի տնտեսագիտական դասակարգման «Ընթացիկ սուբվենցիաներ համայնքներին» հոդվածով).

2) Ջերմուկ քաղաքի Աջափնյա թաղամասի Շահումյան 19 և Ձախափնյա թաղամասի 23բ բազմաբնակարան շենքերի տանիքների հիմնանորոգման համար` 27,622.6 հազ. դրամ (բյուջետային ծախսերի տնտեսագիտական դասակարգման «Կապիտալ սուբվենցիաներ համայնքներին» հոդվածով):

Հայաստանի Հանրապետության
վարչապետ
Տ. Սարգսյան

2010 թ. հոկտեմբերի 19

Երևան