«Վավերացնում եմ»

Հայաստանի Հանրապետության

Նախագահ Ռ. Քոչարյան

26 դեկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 դեկտեմբերի 2002 թվականի N 2047-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ՀԱՄԱԿԱՐԳԻ ՌԱՑԻՈՆԱԼԱՑՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ԴԵԿՏԵՄԲԵՐԻ 24-Ի N 1236 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հավանություն տալ Հայաստանի Հանրապետության Կոտայքի, Արմավիրի, Արարատի, Արագածոտնի, Լոռու, Գեղարքունիքի, Տավուշի, Շիրակի, Սյունիքի մարզերի և Երևանի հանրակրթական դպրոցների ռացիոնալացման պլաններին՝ համաձայն NN 1-10 հավելվածների՝ դրանցով նախատեսված միջոցառումների իրականացման ավարտի ժամկետ սահմանելով 2003 թվականի սեպտեմբերը:

2. Հայաստանի Հանրապետության կրթության և գիտության նախարարին՝

ա) սույն որոշման 1-ին կետում նշված ռացիոնալացման պլանների իրականացման ընթացքում դպրոցներն ապահովել խորհրդատվական և մեթոդական օգնությամբ.

բ) եռամսյա ժամկետում հաստատել և Հայաստանի Հանրապետության արդարադատության նախարարություն՝ պետական գրանցման ներկայացնել մանկավարժական կադրերի աշխատանքի նշանակման կարգը.

գ) պարբերաբար վերանայել համակարգի գործունեությունն ապահովող իրավական նորմատիվ ակտերը.

դ) իրականացնել հանրակրթության ոլորտում կատարվող բարեփոխումների լուսաբանման և քարոզչական աշխատանքներ.

ե) Հայաստանի Հանրապետության ֆինանսների և էկոնոմիկայի նախարարի, Հայաստանի Հանրապետության մարզպետների և Երևանի քաղաքապետի հետ համատեղ ապահովել 2002-2003 թվականների ընթացքում հանրակրթական համակարգի բարեփոխումների փորձնական ծրագրով կառավարման ու ֆինանսավորման նոր կարգի անցած դպրոցների հաշվապահների վերապատրաստումը.

զ) Հայաստանի Հանրապետության քաղաքաշինության նախարարի և սոցիալական ներդրումների հիմնադրամի նախագահի հետ համատեղ մինչև 2003 թվականի մայիսը Հայաստանի Հանրապետության կառավարություն ներկայացնել առաջարկություն ռացիոնալացման արդյունքում ազատվող շենքերի հետագա օգտագործման վերաբերյալ:

3. Հայաստանի Հանրապետության ֆինանսների և էկոնոմիկայի նախարարին՝ Հայաստանի Հանրապետության կրթության և գիտության նախարարի հետ համատեղ յուրաքանչյուր տարվա համար վերահաշվարկել ըստ աշակերտների թվի ֆինանսավորման բանաձևի գործակիցները՝ ելնելով ընթացիկ ցուցանիշներից:

4. Հայաստանի Հանրապետության մարզպետներին և Երևանի քաղաքապետին՝

ա) համաձայն Հայաստանի Հանրապետության կառավարության 2002 թվականի ապրիլի 23-ի «Հայաստանի Հանրապետության հանրակրթական համակարգի բարեփոխումների փորձնական ծրագրով նախատեսված կառավարման և ֆինանսավորման նոր կարգի անցման ժամանակացույցը հաստատելու մասին» N 444 որոշման՝ հանրակրթական դպրոցների կառավարման ու ֆինանսավորման նոր կարգի անցմանը զուգահեռ իրականացնել ներդպրոցական և միջդպրոցական ռացիոնալացման աշխատանքներ.

բ) ապահովել դպրոցական խորհուրդների ձևավորումը:

5. Հայաստանի Հանրապետության կառավարության 2001 թվականի դեկտեմբերի 24-ի «Հայաստանի Հանրապետության հանրակրթական համակարգի բարեփոխումների փորձնական ծրագրի իրականացման արդյունքներից բխող միջոցառումերի մասին» N 1236 որոշման մեջ կատարել հետևյալ փոփոխությունները՝

որոշմամբ հավանության արժանացած՝ Երևան քաղաքի Կենտրոն և Էրեբունի թաղային համայնքների հանրակրթական դպրոցների ռացիոնալացման ծրագրի NN 1-1 և 1-2 աղյուսակներից հանել դրանց վերջին պարբերությունները (դպրոցների միավորման վերաբերյալ առաջարկությունները):

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2002 թ. դեկտեմբերի 16 Երևան

Հավելված N 1 ՀՀ կառավարության 2002 թվականի դեկտեմբերի 5-ի N 2047-Ն որոշման

Կոտայքի մարզի դպրոցների ռացիոնալացման պլանը

1. Կոտայքի մարզում 1-ից ավելի դպրոցներ ունեն հետևյալ համայնքները՝ ք. Աբովյան՝ 12 դպրոց, ք. Բյուրեղավան՝ 5 դպրոց, ք. Չարենցավան՝ 7 դպրոց, ք. Հրազդան՝ 15 դպրոց, ք. Ծաղկաձոր՝ 2 դպրոց, գ. Քասախ՝ 2 դպրոց, գ. Նոր Գեղի՝ 2 դպրոց, ք. Նոր Հաճն՝ 4 դպրոց, գ. Եղվարդ՝ 3 դպրոց, գ. Գառնի՝ 2 դպրոց:

2. Ռացիոնալացման նպատակով առաջարկվում է

●	Հրազդանի թիվ 3 միջն. դպրոցը լուծարել՝ միավորելով Հրազդանի թիվ 2 միջն. դպրոցի հետ.
●	Հրազդանի վարժարանը միավորել թիվ 14 միջն. դպրոցին՝ վերջինիս վերապահելով հոսքային դասարաններ ունենալու իրավունք.
●	Ծաղկաձորի ռուսական դպրոցը միավորել Ծաղկաձորի միջն. դպրոցին՝ նրան վերապահելով հոսքային դասարաններ ունենալու իրավունք.
●	Չարենցավանի վարժարանը միավորել Չարենցավանի թիվ 5 միջն. դպրոցին՝ նրան վերապահելով ռուսական դասարաններ ունենալու իրավունք.
●	Աբովյանի արևելյան լեզուների թեքումով հիմնական դպրոցը միավորել Աբովյանի թիվ 4 միջն. դպրոցին՝ վերջինիս վերապահելով պարսկերեն և արաբերեն լեզուներով խորացված ուսուցմամբ դասարաններ ունենալու իրավունք.
●	Աբովյանի վարժարանը միավորել Աբովյանի թիվ 5 միջն. դպրոցին՝ վերջինիս վերապահելով հոսքային դասարաններ ունենալու իրավունք.
●	Բյուրեղավանի թիվ 3 միջն. դպրոցը միավորել Բյուրեղավանի թիվ 1 միջն. դպրոցին՝ երկու դպրոցական շենքերը թողնելով թիվ 1 դպրոցի օգտագործմանը:

3. Այն դեպքում, երբ նշված դպրոցները չեն ունենա գույքի կարիք, ապա մնացած գույքը բաշխել կարիքավոր դպրոցներին: Բաշխումը կատարել անհատույց՝ մի դպրոցի հաշվեկշռից (բալանսից) մյուսին փոխանցելով: Աշակերտների տեղափոխումը կազմակերպելու նպատակով առանձնացնել պատասխանատու աշխատողների, նպատակահարմար է 2 մարդու: Նրանց վրա դնել նաև աշակերտների տեղափոխման կապակցությամբ ծնողների հետ տարվող աշխատանքները (այս գործընթացի ժամանակ նախատեսվում է նաև վարձել մեկ իրավաբան), կրճատված ուսուցիչների հաշվառման և այլ աշխատանքի հնարավոր տեղավորման գործընթացի պատասխանատվությունը: Ծրագրում ընդգրկված բոլոր դպրոցներում իրականացնել վերակոմպլեկտավորում՝ գործող նորմատիվներին համապատասխան:

Ռացիոնալացման հետևանքով աշխատանքից դուրս մնացած ուսուցիչների կրճատումն իրականացնել համաձայն կարգի՝ հետևյալ հերթականությամբ՝

●	համատեղող ուսուցիչներ,
●	թոշակի տարիքի հասած ուսուցիչներ,
●	ոչ մանկավարժական կրթություն ունեցող ուսուցիչներ և այլն:

4. Աշխատանքից դուրս մնացած ուսուցիչներին տեղավորել քաղաքի այլ դպրոցներում, եթե դրանցում կա ուսուցչի կարիք: Կրճատված ուսուցիչների մի մասի համար քաղաքի համակարգչային կենտրոններում կազմակերպել դասընթացներ:

5. Ռացիոնալացման սպասվելիք արդյունքներն առանց համապատասխան ֆինանսական հաշվարկների տրվում են աղյուսակ 2-ում:

6. 1,2 աղյուսակներից երևում է, որ դպրոցների թիվը կպակասի 7-ով, դասարանների թիվը՝ 33-ով, դասավանդվող դրույքների թիվը՝ 71-ով, վարչական և սպասարկող հաստիքների թիվը՝ 80-ով: Դասարանի միջին խտությունը 20,7-ից դարձել է 25, իսկ դրույք-աշակերտ հարաբերակցությունը՝ 1/10,2-ից դարձել է 1/12,8:

7. Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին և դասարանների թիվը կրճատել 150-ով:

Աղյուսակ 1

Տեղեկություններ Կոտայքի մարզի ռացիոնալացման ենթակա դպրոցների մասին

NN ը/կ		Աշակերտները	Դասարանները	Ուսուցիչները	Դասավանդվող դրույքների թիվը	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Հրազդանի թիվ 3	98	10	20	17,3	16
2.	Հրազդանի թիվ 2	220	11	29	19,7	15
3.	Հրազդանի վարժարան	60	6	15	13	16
4.	Հրազդանի թիվ 14	233	12	41	21,1	19
5.	Ծաղկաձորի ռուսական դպ.	14	4	10	8,3	4
6.	Ծաղկաձորի միջն. դպ.	230	10	24	25	20
7.	Չարենցավանի վարժ.	108	8	11	17,6	15
8.	Չարենցավանի թիվ 5	502	23	46	44	21
9.	Աբովյանի արև. լեզ. հիմն. դպ.	129	8	22	12,5	13
10.	Աբովյանի թիվ 4	412/362	16/15	75	68	37
11.	Բյուրեղավանի թիվ 3	289	13	29	35,6	15
12.	Բյուրեղավանի թիվ 1	644	27	45	50,8	26
13.	Աբովյանի վարժարան	54	3	15	6.68	9
14.	Աբովյանի թիվ 5	524	21	52	39.8	27
	Ընդամենը	3879	187	434	379.4	253

Դասարանների միջին խտությունը՝ 20.7։

Ուսուցիչ-աշակերտ հարաբերակցությունը՝ 1/8,9։

Դրույք-աշակերտ հարաբերակցությունը՝ 1/10,2։

Ուսուցչի միջին բեռնվածությունը (շաբաթական)՝  0.9 դրույք =15,7 ժամ։

Մեկ դասարանին համապատասխանող շաբաթական միջին ժամաքանակը (2 դրույք)։

Աղյուսակ 2

Ռացիոնալացման ծրագրի սպասվելիք արդյունքները

NN ը/կ		Աշակերտները	Դասարանները	Ուսուցիչները**	Դասավանդվող դրույքների թիվը*	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Հրազդանի թիվ 2	318	12	24	24	15
2.	Ծաղկաձորի միջն. դպ.	244	14	28	28	20
3.	Հրազդանի թիվ 14	293	16	32	32	19
4.	Չարենցավանի թիվ 5	610	24	48	48	21
5.	Աբովյանի թիվ 4	541/362	20/15	40/30	40/30	37
6.	Բյուրեղավանի թիվ 1	933	31	62	62	34
7.	Աբովյանի թիվ 5	578	22	44	44	27
	Ընդամենը	3879	154	308	308	173

Դասարանների միջին խտությունը՝ 25։

Դրույք-աշակերտ  հարաբերակցությունը՝ 1/12,8։

* Սպասվելիք արդյունքները կանխագուշակվել են՝ պահպանելով մինչև ռացիոնալացումը մեկ դասարանին համապատասխանող միջին  ժամաքանակը (2 դրույք)։

** Ցանկալի է, որ ուսուցչի շաբաթական միջին բեռնվածությունը լինի մեկ դրույք (18 ժամ):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2002 թվականի դեկտեմբերի 5-ի N 2047-Ն որոշման

      Արմավիրի մարզի դպրոցների ռացիոնալացման պլանը

●	Մեծամորի «մանկապարտեզ - կրտսեր դպրոցը» կրթահամալիրի կրտսեր դպրոցի 64 աշակերտներին տեղափոխել Մեծամորի թիվ 3 դպրոց:
●	Մրգաշատի թիվ 1 միջնակարգ դպրոցի կարգավիճակը փոխել և վերակազմավորել որպես Մրգաշատի հիմնական դպրոց:
●	Դալարիկի թիվ 2 միջնակարգ դպրոցի կարգավիճակը փոխել և վերակազմավորել որպես Դալարիկի հիմնական դպրոց:
●	Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին, և դասարանների թիվը կրճատել 292- ով:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 3 ՀՀ կառավարության 2002 թվականի դեկտեմբերի 5-ի N 2047-Ն որոշման

Արարատի մարզի դպրոցների ռացիոնալացման պլանը

1. Արարատի մարզում 1-ից ավելի դպրոցներ ունեն հետևյալ համայնքները՝ Արտաշատ քաղաք՝ 6 դպրոց, Արարատ քաղաք՝ 6 դպրոց, Վեդի քաղաք՝ 3 դպրոց, Մասիս քաղաք՝ 6 դպրոց, Արարատ գյուղ՝ 3 դպրոց, Ոսկետափ գյուղ՝ 2 դպրոց, Այնթապ գյուղ՝ 2 դպրոց, Նոր Խարբերդ գյուղ՝ 2 դպրոց:

2. Ռացիոնալացման նպատակով նախատեսվում է Արարատ քաղաքի վարժարանը միավորել Արարատ քաղաքի թիվ 1 դպրոցին: Վարժարանի դպրոցական կահույքը և գույքը հանձնվում են թիվ 1 դպրոցին:

3. Հիշատակված բոլոր դպրոցներում իրականացվելու են ներդպրոցական ռացիոնալացման աշխատանքներ՝ դասարանների վերակոմպլեկտավորում, դասարանների խտության համապատասխանեցում, «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրությամբ սահմանված նորմերին: Ստորև՝ աղյուսակ 1-ում ներկայացվում են տեղեկություններ այդ դպրոցների վերաբերյալ:

4. Ռացիոնալացման հետևանքով աշխատանքից դուրս մնացած ուսուցիչների կրճատումն իրականացնել համաձայն կարգի՝ հետևյալ հերթականությամբ՝

●	համատեղող ուսուցիչներ,
●	թոշակի տարիքի հասած ուսուցիչներ,
●	ոչ մանկավարժական կրթություն ունեցող ուսուցիչներ և այլն:

5. Ռացիոնալացման սպասվելիք արդյունքներն առանց համապատասխան ֆինանսական հաշվարկների տրվում են աղյուսակ 2-ում:

6. 1,2 աղյուսակներից երևում է, որ դպրոցների թիվը կպակասի 1-ով, դասարանների թիվը՝ 6-ով, դասավանդվող դրույքների թիվը՝ 9,4-ով, վարչական և սպասարկող հաստիքների թիվը՝ 13-ով: Դասարանի միջին խտությունը 23,5-ից դարձել է 28,3, իսկ դրույք-աշակերտ հարաբերակցությունը՝ 1/13,2-ից դարձել է 1/15,7:

7. Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին և դասարանների թիվը կրճատել 200-ով:

Աղյուսակ 1

Տեղեկություններ Արարատի մարզի ռացիոնալացման ենթակա դպրոցների մասին

NN ը/կ		Աշակերտները	Դասարանները	Ուսուցիչները	Դասավանդվող դրույքների թիվը	Վարչական և սպասարկող հաստիքների թիվը
	ք. Արարատ	ընդամենը	ընդամենը	ընդամենը	ընդամենը	ընդամենը
1.	թիվ 1	524	22	41	38.5	22
2.	Վարժարան	270	12	31	21.3	13
	Ընդամենը	794	34	72	59.7	35

Դասարանի միջին խտությունը՝ 23,5։

Ուսուցիչ-աշակերտ հարաբերակցությունը՝ 1/11։

Դրույք-աշակերտ հարաբերակցությունը՝ 1/13,2։

Ուսուցչի միջին բեռնվածությունը (շաբաթական)՝ 0.83 դրույք =15 ժամ։

Մեկ դասարանին համապատասխանող շաբաթական միջին ժամաքանակը (1.8 դրույք)։

Աղյուսակ 2

Ռացիոնալացման ծրագրի սպասվելիք արդյունքները

NN ը/կ		Աշակերտները	Դասարանները	Ուսուցիչները**	Դասավանդվող դրույքների թիվը*	Վարչական և սպասարկող հաստիքների թիվը
	ք. Արարատ	ընդամենը	ընդամենը	ընդամենը	ընդամենը	ընդամենը
1.	թիվ 1	794	28	51	50,4	22

Դասարանների միջին խտությունը՝ 28.3։

Դրույք-աշակերտ հարաբերակցությունը՝ 1/15,7։

* Սպասվելիք արդյունքները կանխագուշակվել են պահպանելով մինչև ռացիոնալացումը մեկ դասարանին համապատասխանող միջին ժամաքանակը (1,8 դրույք)։

** Ցանկալի է, որ ուսուցչի շաբաթական միջին բեռնվածությունը լինի մեկ դրույք (18 ժամ):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 4 ՀՀ կառավարության 2002 թվականի դեկտեմբերի 5-ի N 2047-Ն որոշման

Արագածոտնի մարզի դպրոցների ռացիոնալացման պլանը

●	Ապարանի թիվ 3 միջնակարգ դպրոցի կարգավիճակը փոխել և վերակազմավորել որպես Ապարանի հիմնական դպրոց:
●	Արտենիի թիվ 2 միջնակարգ դպրոցի կարգավիճակը փոխել և վերակազմավորել որպես Արտենիի հիմնական դպրոց:
●	Արագածի թիվ 2 միջնակարգ դպրոցի կարգավիճակը փոխել և վերակազմավորել որպես Արագածի հիմնական դպրոց:
●	Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին, և դասարանների թիվը կրճատել 195-ով:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 5 ՀՀ կառավարության 2002 թվականի դեկտեմբերի 5-ի N 2047-Ն որոշման

Լոռու մարզի դպրոցների ռազմավարության պլանը

1. Լոռու մարզում մեկից ավելի դպրոցներ ունեն հետևյալ բնակավայրերը՝ ք. Վանաձոր՝ 30 դպրոց, ք. Գուգարք՝ 2 դպրոց, ք. Սպիտակ՝ 8 դպրոց, գ. Շիրակամուտ՝ 2 դպրոց, ք. Ալավերդի՝ 11 դպրոց, գ. Օձուն՝ 2 դպրոց, ք. Ախթալա՝ 2 դպրոց, ք. Ստեփանավան՝ 7 դպրոց, գ. Տաշիր՝ 3 դպրոց, գ. Մեծավան՝ 2 դպրոց:

2. Ռացիոնալացման նպատակով նախատեսվում է՝

●	Վանաձորի թիվ 3 դպրոցը միավորել թիվ 4 դպրոցի հետ,
●	Վանաձորի թիվ 16 միջնակարգ դպրոցը լուծարել՝ միավորել թիվ 29 դպրոցին,
●	Վանաձորի թիվ 20 միջն. դպրոցը միավորել Վանաձորի թիվ 1 վարժարանին,
●	Վանաձորի թիվ 23 միջն. դպրոցը վերակազմակերպել որպես Վանաձորի թիվ 23 հիմնական դպրոց,
●	Ալավերդու թիվ 5 դպրոցը միավորել Ալավերդու թիվ 2 դպրոցին,
●	Ստեփանավանի թիվ 3 դպրոցը միավորել Ստեփանավանի թիվ 4 դպրոցին,
●	Սպիտակի թիվ 4 միջնակարգ դպրոցը վերակազմակերպել որպես Սպիտակի թիվ 4 հիմնական դպրոց,
●	Սպիտակի թիվ 5 դպրոցը վերակազմակերպել որպես Սպիտակի թիվ 5 հիմնական դպրոց,
●	Սպիտակի թիվ 7 դպրոցը միացնել Սպիտակի թիվ 2 դպրոցին:

Ինչպես նաև հիշատակված բոլոր դպրոցներում իրականացվելու են ներդպրոցական ռացիոնալացման աշխատանքներ՝ դասարանների վերակոմպլեկտավորում, դասարանների խտության համապատասխանեցում, պետական հանրակրթական ուսումնական հաստատության օրինակելի կանոնադրությամբ սահմանված նորմերին: Ստորև աղյուսակ 1-ում ներկայացվում են տեղեկություններ այդ դպրոցների վերաբերյալ:

3. Այն դեպքում, երբ նշված դպրոցները չեն ունենա գույքի կարիք, ապա մնացած գույքը բաշխել կարիքավոր դպրոցներին: Բաշխումը կատարել անհատույց՝ մի դպրոցի հաշվեկշռից (բալանսից) մյուսին փոխանցելով: Աշակերտների տեղափոխումը կազմակերպելու նպատակով առանձնացնել պատասխանատու աշխատողների, նպատակահարմար է 2 մարդու: Նրանց վրա դնել նաև աշակերտների տեղափոխման կապակցությամբ ծնողների հետ տարվող աշխատանքները (այս գործընթացի ժամանակ նախատեսվում է նաև վարձել մեկ իրավաբան), կրճատված ուսուցիչների հաշվառման և այլ աշխատանքի հնարավոր տեղավորման գործընթացի պատասխանատվությունը: Ծրագրում ընդգրկված բոլոր դպրոցներում իրականացնել վերակոմպլեկտավորում՝ գործող նորմատիվների համապատասխան:

4. Ռացիոնալացման հետևանքով աշխատանքից դուրս մնացած ուսուցիչների կրճատումն իրականացնել համաձայն կարգի, հետևյալ հերթականությամբ՝

●	համատեղող ուսուցիչներ,
●	թոշակի տարիքի հասած ուսուցիչներ,
●	ոչ մանկավարժական կրթություն ունեցող ուսուցիչներ և այլն:

Աշխատանքից դուրս մնացած ուսուցիչներին տեղավորել քաղաքի այլ դպրոցներում, եթե դրանցում կա ուսուցչի կարիք: Կրճատված ուսուցիչների մի մասի համար քաղաքի համակարգչային կենտրոններում կազմակերպել դասընթացներ:

5. Ռացիոնալացման սպասվելիք արդյունքներն առանց համապատասխան ֆինանսական հաշվարկների, տրվում են աղյուսակ 2-ում:

6. 1,2 աղյուսակներից երևում է, որ դպրոցների թիվը կպակասի 6-ով, դասարանների թիվը՝ 59-ով, դասավանդվող դրույքների թիվը՝ 107-ով, վարչական և սպասարկող հաստիքների թիվը՝ 63,6-ով: Դասարանի միջին խտությունը 21-ից դարձել է 29,4, իսկ դրույք-աշակերտ հարաբերակցությունը՝ 1/11,9-ից դարձել է 1/16,3: Երեք դպրոցի կարգավիճակը (Վանաձորի թիվ 23, Սպիտակի թիվ 4, 5) միջնակարգից դառնում է հիմնական, սակայն այդ գործընթացի տնտեսական հետևանքները չեն գնահատվել:

7. Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին, և դասարանների թիվը կրճատել 160-ով:

Աղյուսակ 1

Տեղեկություններ Լոռու մարզի ռացիոնալացման ենթակա դպրոցների մասին

NN ը/կ		Աշակերտները	Դասարանները	Ուսուցիչները	Դասավանդվող դրույքների թիվը	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Վանաձորի թիվ 3	451	21	63	40,2	19
2.	Վանաձորի թիվ 4	765	31	75	60,8	30,8
3.	Վանաձորի թիվ 16	106	9	20	18,4	13
4.	Վանաձորի թիվ 29	415	18	38	25,2	26
5.	Վանաձորի թիվ 20	547	21	45	43,8	21,3
6.	Վանաձորի թիվ 1 վարժ.	151	10	27	19,9	14
7.	Ալավերդու թիվ 5	229	17	33	28,1	24
8.	Ալավերդու թիվ 2	399	20	46	33,5	22,5
9.	Ստեփանավանի թիվ 4	561	24	49	42,6	14
10.	Ստեփանավանի թիվ 3	373	15	40	26,2	17
11.	Սպիտակի թիվ 7	298	15	38	26,7	15
12.	Սպիտակի թիվ 2	440	19	45	32,2	19
	Ընդամենը	4735	220	507	397,6	235,6

Դասարանների միջին խտությունը՝  21,5

Ուսուցիչ-աշակերտ հարաբերակցությունը՝ 1/9,3

Դրույք-աշակերտ հարաբերակցությունը՝ 1/11,9

Ուսուցչի միջին բեռնվածությունը (շաբաթական)՝ 0.8 դրույք=14 ժամ

Մեկ դասարանին համապատասխանող շաբաթական միջին ժամաքանակը (1.8 դրույք)։

Աղյուսակ 2

Ռացիոնալացման ծրագրի սպասվելիք արդյունքները

		Աշակերտները	Դասարանները	Ուսուցիչները**	Դասավանդվող դրույքների թիվը*	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Վանաձորի թիվ 4	1216	39	71	70,2	41
2.	Վանաձորի թիվ 29	521	19	35	34,2	26
3.	Վանաձորի թիվ 1 վարժ.	698	27	49	48,6	29
4.	Ալավերդու թիվ 2	628	20	36	36	25
5.	Ստեփանավանի թիվ 4	934	29	53	52,2	23
6.	Սպիտակի թիվ 2	738	27	49	48,6	28
	Ընդամենը	4735	161	293	290	172

Դասարանների միջին խտությունը՝  29,4

Դրույք-աշակերտ  հարաբերակցությունը՝ 1/16.3

* Սպասվելիք արդյունքները կանխագուշակվել է՝  պահպանելով մինչև

  ռացիոնալացումը մեկ դասարանին համապատասխանող միջին ժամաքանակը (1,8 դրույք)։

** Ցանկալի է, որ ուսուցչի շաբաթական միջին բեռնվածությունը լինի մեկ դրույք (18 ժամ):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 6 ՀՀ կառավարության 2002 թվականի դեկտեմբերի 5-ի N 2047-Ն որոշման

Գեղարքունիքի մարզի դպրոցների ռացիոնալացման պլանը

1. Գեղարքունիքի մարզում 1-ից ավելի դպրոցներ ունեն հետևյալ համայնքները՝ Գավառ քաղաք՝ 9 դպրոց, Սևան քաղաք՝ 10 դպրոց, Վարդենիս քաղաք՝ 5 դպրոց, գ. Սարուխան՝ 3 դպրոց, գ. Գանձակ՝ 2 դպրոց, գ. Կարմիրգյուղ՝ 2 դպրոց, գ. Նորատուս՝ 3 դպրոց, գ. Մարտունի՝ 3 դպրոց, գ. Վարդենիկ՝ 3 դպրոց, գ. Երանոս՝ 2 դպրոց, գ. Ձորագյուղ՝ 2 դպրոց, գ. Զոլաքար՝ 2 դպրոց, գ. Ն. Գետաշեն՝ 2 դպրոց, գ. Գեղհովիտ՝ 2 դպրոց, գ. Վ. Գետաշեն՝ 2 դպրոց,  գ. Ծովինար՝ 2 դպրոց, գ. Լիճք՝ 2 դպրոց, գ. Մ. Մասրիկ՝ 2 դպրոց, գ. Ճամբարակ՝ 4 դպրոց։

2. Ռացիոնալացման նպատակով առաջարկվում է՝

●	Գավառի թիվ 5 միջն. դպրոցը լուծարել՝ միավորելով Գավառի թիվ 6 միջն. դպրոցի հետ։ Թիվ 5 դպրոցի շենքը տալ թիվ 6 դպրոցին,
●	Սևանի թիվ 2 միջն. դպրոցը լուծարել՝ միավորելով Սևանի թիվ 1 միջն. դպրոցին,
●	Վարդենիսի վարժարանը լուծարել՝ միավորելով Վարդենիսի թիվ 3 դպրոցին,
●	Մարտունի քաղաքի արհեստագործական ավագ դպոցը լուծարել՝ միավորելով Մարտունի քաղաքի թիվ 2 միջն. դպրոցին,
●	Լիճքի հիմնական դպրոցը լուծարել՝ միավորելով Լիճքի միջն. դպրոցին,
●	Վերին Գետաշենի հիմնական դպրոցը լուծարել՝ միավորելով Վերին Գետաշենի միջն. դպրոցին,
●	Գանձակի թիվ 1 միջն. դպրոցը վերակազմավորել որպես հիմնական դպրոց,
●	Սևանի թիվ 8 հիմնական դպրոցը վերակազմավորել տարրական դպրոցի,
●	Ճամբարակի թիվ 2 միջն. դպրոցը վերակազմավորել հիմնական դպրոցի,
●	Մ. Մասրիկի հիմնական դպրոցը վերակազմավորել տարրական դպրոցի,
●	Երանոսի թիվ 2 միջն. դպրոցը վերակազմավորել հիմնական դպրոցի,
●	Ծովինարի հիմնական դպրոցը վերակազմավորել տարրական դպրոցի։

3. Այն դեպքում, երբ նշված դպրոցները չեն ունենա գույքի կարիք, ապա մնացած գույքը բաշխել կարիքավոր դպրոցներին։ Բաշխումը կատարել անհատույց՝ մի դպրոցի հաշվեկշռից (բալանսից) մյուսին փոխանցելով։ Աշակերտների տեղափոխումը կազմակերպելու նպատակով առանձնացնել պատասխանատու աշխատողների, նպատակահարմար է 2 մարդու։ Նրանց վրա դնել նաև աշակերտների տեղափոխման կապակցությամբ ծնողների հետ տարվող աշխատանքները (այս գործընթացի ժամանակ նախատեսվում է նաև վարձել մեկ իրավաբան), կրճատված ուսուցիչների հաշվառման և այլ աշխատանքի հնարավոր տեղավորման գործընթացի պատասխանատվությունը։ Ծրագրում ընդգրկված բոլոր դպրոցներում իրականացնել վերակոմպլեկտավորում՝ գործող նորմատիվների համապատասխան։

●	Ռացիոնալացման հետևանքով աշխատանքից դուրս մնացած ուսուցիչների կրճատումն իրականացնել համաձայն կարգի, հետևյալ հերթականությամբ՝
●	համատեղող ուսուցիչներ,
●	թոշակի տարիքի հասած ուսուցիչներ,
●	ոչ մանկավարժական կրթություն ունեցող ուսուցիչներ և այլն։

4. Աշխատանքից դուրս մնացած ուսուցիչներին տեղավորել բնակավայրի այլ դպրոցներում, եթե դրանցում կա ուսուցչի կարիք։ Կրճատված ուսուցիչների մի մասի համար համակարգչային կենտրոններում կազմակերպել դասընթացներ։

5. Ռացիոնալացման սպասվելիք արդյունքները՝ առանց համապատասխան ֆինանսական հաշվարկների, տրվում են աղյուսակ 2-ում։

6. 1.2 աղյուսակներից երևում է, որ դպրոցների թիվը կպակասի 6-ով, դասարանների թիվը՝ 53-ով, դասավանդվող դրույքների թիվը՝ 104,4-ով, վարչական և սպասարկվող հաստիքների թիվը՝ 97,5-ով։ Դասարանի միջին խտությունը 1/11,5-ից դարձել է 1/14,8։ Երեք միջնակարգ դպրոց դարձել է հիմնական, 3 հիմնական դպրոց՝ տարրական, որոնց տնտեսական հետևանքները չեն գնահատված։

7. Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին, և դասարանների թիվը կրճատել 300-ով։

Աղյուսակ 1

Տեղեկություններ Գեղարքունիքի մարզի ռացիոնալացման ենթակա դպրոցների մասին

NN ը/կ		Աշակերտները	Դասարանները	Ուսուցիչները	Դասավանդվող դրույքների թիվը	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Գավառի թիվ 5	397	20	61	33	21
2.	Գավառի թիվ 6	356	20	44	34	23
3.	Վարդենիսի վարժ.	26	2	13	4	20,5
4.	Վարդենիսի թիվ 3	606	28	58	49,5	33,5
5.	Սևանի թիվ 1	433	20	53	35,2	19,5
6.	Սևանի թիվ 2	573	24	78	45,2	30
7.	Մարտունու արհես. ավագ դպրոց	201	9	23	33,6	18
8.	Մարտունու թիվ 2	680	28	74	55	28
9.	Վ. Գետաշենի հիմն. դպ.	397	17	23	39	18,5
10.	Վ. Գետաշենի միջ. դպ.	614	28	43	50,4	28
11.	Լիճքի հիմնական	197	10	20	16,4	13,5
12.	Լիճքի միջնակարգ	724	31	71	59	33,5
	Ընդամենը	5204	237	561	454	287

Դասարանների միջին խտությունը՝ 21,9

Ուսուցիչ-աշակերտ հարաբերակցությունը՝ 1/9,3

Դրույք-աշակերտ հարաբերակցությունը՝ 1/11,5

Ուսուցչի միջին բեռնվածությունը (շաբաթական)՝ 0.8 դրույք=15 ժամ

Մեկ դասարանին համապատասխանող շաբաթական միջին ժամաքանակը (1.8 դրույք)։

Աղյուսակ 2

Ռացիոնալացման ծրագրի սպասվելիք արդյունքները

NN ը/կ		Աշակերտները	Դասարանները	Ուսուցիչները**	Դասավանդվող դրույքների թիվը*	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Գավառի թիվ 5	753	27	52	51,3	34
2.	Սևանի թիվ 1	1006	35	67	66,5	31
3.	Վարդենիսի թիվ 3	632	23	44	43,7	33,5
4.	Մարտունու թիվ 2	881	32	61	60,8	29,5
5.	Վ. Գետաշենի միջ.	1011	35	67	66,5	28
6	Լիճքի միջ. դպրոց	921	32	61	60,8	33,5
	Ընդամենը	5204	184	352	349,6	189,5

Դասարանների միջին խտությունը՝ 28.2

Դրույք-աշակերտ հարաբերակցությունը՝ 1/14.8

* Սպասվելիք արդյունքները կանխագուշակվել է՝  պահպանելով մինչև

  ռացիոնալացումը մեկ դասարանին համապատասխանող միջին ժամաքանակը (1,8 դրույք)։

** Ցանկալի է, որ ուսուցչի շաբաթական միջին բեռնվածությունը լինի մեկ դրույք (18 ժամ):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 7 ՀՀ կառավարության 2002 թվականի դեկտեմբերի 5-ի N 2047-Ն որոշման

Տավուշի մարզի դպրոցների ռացիոնալացման պլանը

1. Տավուշի մարզում մեկից ավելի դպրոցներ ունեն հետևյալ բնակավայրերը՝ ք. Նոյեմբերյան՝ 2 դպրոց, գ. Բերդ՝ 5 դպրոց, ք. Իջևան՝ 5 դպրոց, գ. Բագրատաշեն՝ 2 դպրոց, ք. Դիլիջան՝ 7 դպրոց:

2. Ռացիոնալացման նպատակով նախատեսվում է՝

●	Դիլիջանի թիվ 1 դպրոցը միավորել Դիլիջանի վարժարանի հետ,
●	Բագրատաշենի թիվ 2 միջնակարգ դպրոցը դարձնել հիմնական:

Ստորև աղյուսակ 1-ում ներկայացվում են տեղեկություններ այդ դպրոցների վերաբերյալ:

3. Ռացիոնալացման հետևանքով աշխատանքից դուրս մնացած ուսուցիչների կրճատումն իրականացնել համաձայն կարգի, հետևյալ հերթականությամբ՝

●	համատեղող ուսուցիչներ,
●	թոշակի տարիքի հասած ուսուցիչներ,
●	ոչ մանկավարժական կրթություն ունեցող ուսուցիչներ և այլն:

Աշխատանքից դուրս մնացած ուսուցիչներին տեղավորել քաղաքի այլ դպրոցներում, եթե դրանցում կա ուսուցչի կարիք: Կրճատված ուսուցիչների մի մասի համար քաղաքի համակարգչային կենտրոններում կազմակերպել դասընթացներ:

4. Ռացիոնալացման սպասվելիք արդյունքները, առանց համապատասխան ֆինանսական հաշվարկների, տրվում են աղյուսակ 2-ում:

5. 1,2 աղյուսակներից երևում է, որ դպրոցների թիվը կպակասի 1-ով, դասարանների թիվը՝ 6-ով, դասավանդվող դրույքների թիվը՝ 12-ով, վարչական և սպասարկող հաստիքների թիվը՝ 12-ով: Դասարանի միջին խտությունը 21,8-ից դարձել է 27,5, իսկ դրույք-աշակերտ հարաբերակցությունը՝ 1/10,9-ից դարձել է 1/13,8:

6. Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին, և դասարանների թիվը կրճատել 110-ով:

Աղյուսակ 1

Տեղեկություններ Տավուշի մարզի ռացիոնալացման ենթակա դպրոցների մասին

NN ը/կ		Աշակերտները	Դասարանները	Ուսուցիչները	Դասավանդվող դրույքների թիվը	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Դիլիջանի թիվ 1	516	22	53	44	17
2.	Դիլիջանի վարժ.	118	7	30	14	13
	Ընդամենը	634	29	83	58	30

Դասարանների միջին խտությունը՝ 21,8

Ուսուցիչ-աշակերտ հարաբերակցությունը՝ 1/7,6

Դրույք-աշակերտ հարաբերակցությունը՝ 1/10,9

Ուսուցչի միջին բեռնվածությունը (շաբաթական)՝ 0.7 դրույք=12,6 ժամ

Մեկ դասարանին համապատասխանող շաբաթական միջին ժամաքանակը (2 դրույք)։

Աղյուսակ 2

Ռացիոնալացման ծրագրի սպասվելիք արդյունքները

	Աշակերտները	Դասարանները	Ուսուցիչները**	Դասավանդվող դրույքների թիվը*	Վարչական և սպասարկող հաստիքների թիվը
	ընդամենը	ընդամենը	ընդամենը	ընդամենը	ընդամենը
Դիլիջանի թիվ 1	634	23	46	46	18

Դասարանների միջին խտությունը՝ 28.2

Դրույք-աշակերտ  հարաբերակցությունը՝ 1/15.6

* Սպասվելիք արդյունքները կանխագուշակվել է՝ պահպանելով մինչև

  ռացիոնալացումը մեկ դասարանին համապատասխանող միջին ժամաքանակը (1,8 դրույք)։

**Ցանկալի է, որ ուսուցչի շաբաթական միջին բեռնվածությունը լինի մեկ դրույք (18 ժամ):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 8 ՀՀ կառավարության 2002 թվականի դեկտեմբերի 5-ի N 2047-Ն որոշման

Շիրակի մարզի դպրոցների ռացիոնալացման պլանը

1. Շիրակի մարզում 1-ից ավելի դպրոցներ ունեն հետևյալ համայնքները՝ Արթիկ քաղաք՝ 10 դպրոց, Գյումրի քաղաք՝ 54 դպրոց, Մարալիկ՝ 2 դպրոց, Ախուրյան՝ 5 դպրոց: Գյումրի քաղաքի 8 տնակային դպրոցներ տեղակայված են այլ դպրոցների շենքերում: Այսպես, թիվ 28 դպրոցը տեղակայված է թիվ 34 դպրոցի շենքում, թիվ 3-ը՝ թիվ 13-ում, «Պրոտոն» վարժարանը՝ թիվ 21-ում, թիվ 7 և թիվ 16 դպրոցները՝ թիվ 14-ում, թիվ 12-ը՝ թիվ 4-ում, թիվ 36-ը՝ թիվ 15-ում, թիվ 39-ը՝ Կապսի դպրոցում: Կառավարման և ֆինանսավորման նոր համակարգի անցել են՝ Գյումրի քաղաքի 14, Արթիկ քաղաքի 7, Ախուրյանի 1 դպրոցներ: Մինչև 2002 թվականը մարզի նշված դպրոցներում ընթացել են մասնակի ներդպրոցական ռացիոնալացման աշխատանքներ և հետագայում ևս դրանք կընթանան:

2. Ռացիոնալացման նպատակով նախատեսվում է Գյումրի քաղաքի 8 դպրոցի լուծարում, Արթիկ քաղաքի 1 արհեստագործական վարժարանի լուծարում: Ինչպես նաև հիշատակված բոլոր դպրոցներում իրականացվելու են ներդպրոցական ռացիոնալացման աշխատանքներ՝ դասարանների վերակոմպլեկտավորում, դասարանների խտության համապատասխանեցում պետական հանրակրթական ուսումնական հաստատության օրինակելի կանոնադրությամբ սահմանված նորմերին: Ստորև՝ աղյուսակ 1-ում ներկայացվում են տեղեկություններ այդ դպրոցների վերաբերյալ:

3. Կարճաժամկետ միջոցառումներ՝ Գյումրի քաղաքում՝

●	Թիվ 28 դպրոցի միավորում թիվ 34 դպրոցի հետ, որը կդառնա թիվ 34 դպրոց: Թիվ 28-ի դպրոցական կահույքը և գույքը հանձնվում են թիվ 34 դպրոցին։
●	Թիվ 3 դպրոցի միավորում թիվ 13 դպրոցի հետ: Թիվ 3 դպրոցի դպրոցական կահույքը և գույքը հանձնվում են թիվ 13 դպրոցին։
●	«Պրոտոն» վարժարանի* միավորում թիվ 21 դպրոցին: «Պրոտոն» վարժարանի դպրոցական կահույքը և գույքը հանձնվում են թիվ 21 դպրոցին։
●	Թիվ 7 և 16 դպրոցների միավորում թիվ 14 դպրոցի հետ: Թիվ 7 և 16 դպրոցների դպրոցական կահույքը և գույքը հանձնվում են թիվ 14 դպրոցին:
●	Թիվ 12 դպրոցի միավորում թիվ 4 դպրոցի հետ: Թիվ 12 դպրոցի դպրոցական կահույքը և գույքը հանձնվում են թիվ 4 դպրոցին:
●	Թիվ 36 դպրոցի միավորում թիվ 15 դպրոցի հետ: Թիվ 36 դպրոցի դպրոցական կահույքը և գույքը հանձնվում են թիվ 15 դպրոցին:
●	Թիվ 39 դպրոցի միավորում Կապսի դպրոցի հետ: Թիվ 39 դպրոցի դպրոցական կահույքը և գույքը հանձնվում են Կապսի դպրոցին:

Արթիկ քաղաքում՝

●	Արհեստագործական վարժարանի միավորում թիվ 1 դպրոցի հետ: Արհեստագործական վարժարանի կահույքը և գույքը հանձնվում են թիվ 1 դպրոցին:

Այն դեպքում, երբ նշված դպրոցները չեն ունենա գույքի կարիք, ապա մնացած գույքը բաշխել կարիքավոր դպրոցներին: Բաշխումը կատարել անհատույց՝ մի դպրոցի հաշվեկշռից (բալանսից) մյուսին փոխանցելով:

Աշակերտների տեղափոխումը կազմակերպելու նպատակով առանձնացնել պատասխանատու աշխատողների, նպատակահարմար է՝ 2 մարդու: Նրանց վրա դնել նաև աշակերտների տեղափոխման կապակցությամբ ծնողների հետ տարվող աշխատանքները (այս գործընթացի ժամանակ նախատեսվում է նաև վարձել մեկ իրավաբան), կրճատված ուսուցիչների հաշվառման և այլ աշխատանքի հնարավոր տեղավորման գործընթացի պատասխանատվությունը:

4. Ծրագրում ընդգրկված բոլոր դպրոցներում իրականացնել վերակոմպլեկտավորում՝ գործող նորմատիվների համապատասխան:

5. Ռացիոնալացման հետևանքով աշխատանքից դուրս մնացած ուսուցիչների կրճատումն իրականացնել համաձայն կարգի՝ հետևյալ հերթականությամբ՝

●	համատեղող ուսուցիչներ,
●	թոշակի տարիքի հասած ուսուցիչներ,
●	ոչ մանկավարժական կրթություն ունեցող ուսուցիչներ և այլն:

6. Աշխատանքից դուրս մնացած ուսուցիչներին տեղավորել բնակավայրի այլ դպրոցներում, եթե դրանցում կա ուսուցչի կարիք: Կրճատված ուսուցիչների մի մասի համար համակարգչային կենտրոններում կազմակերպել դասընթացներ:

7. Ռացիոնալացման սպասվելիք արդյունքներն առանց համապատասխան ֆինանսական հաշվարկների տրվում են աղյուսակ 2-ում:

8. 1,2 աղյուսակներից երևում է, որ դպրոցների թիվը կպակասի 9-ով, դասարանների թիվը՝ 74-ով, դասավանդվող դրույքների թիվը՝ 136-ով, վարչական և սպասարկող հաստիքների թիվը՝ 171-ով: Դասարանի միջին խտությունը 20,5-ից դարձել է 27,6, իսկ դրույք-աշակերտ հարաբերակցությունը 1/11-ից դարձել է 1/15:

9. Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին և դասարանների թիվը կրճատել 230-ով:

Աղյուսակ 1

Տեղեկություններ Շիրակի մարզի ռացիոնալացման ենթակա դպրոցների մասին

NN ը/կ		ընդամենը		Ուսուցիչները	Դասավանդվող դրույքների թիվը	Վարչական և սպասարկող հաստիքների թիվը
	ք. Գյումրի	Աշակերտները	Դասարանները	ընդամենը	ընդամենը	ընդամենը
1.	Թիվ 28	299	15	52	30	15
2.	Թիվ  34	405	20	53	37	15
3.	Թիվ 3	270	14	45	25	13
4.	Թիվ 13	422	21	54	37	13
5.	«Պրոտոն»	75	6	16	12	19
6.	Թիվ 21	464	18	44	32	11
7.	Թիվ 7	114	10	27	17	27
8.	Թիվ 16	544	23	62	41	12
9.	Թիվ 14	1062	42	102	70	16
10.	Թիվ 12	245	14	44	25	25
11.	Թիվ 4	398	19	57	35	17
12.	Թիվ 36	280	17	47	31	19
13.	Թիվ 15	775	32	94	63	13
14.	Թիվ 39	67	7	22	14	28
15.	Կապսի	133	10	24	17	13
16.	Արթիկի ՄՄՈՒ	89	5	15	10	17
17.	Արթիկի թիվ 1	472	22	43	38	19
	Ընդամենը	6114	295	801	534	292

Դասարանների միջին խտությունը՝ 20,5:

Ուսուցիչ-աշակերտ հարաբերակցությունը՝ 1/7,6:

Դրույք-աշակերտ հարաբերակցությունը՝ 1/11:

Ուսուցչի միջին բեռնվածությունը (շաբաթական)՝ 0.66 դրույք=12 ժամ

Մեկ դասարանին համապատասխանող շաբաթական միջին ժամաքանակը (1.8 դրույք)։

Աղյուսակ 2

Ռացիոնալացման ծրագրի սպասվելիք արդյունքները

		Ընդամենը		Ուսուցիչները**	Դասավանդվող դրույքների թիվը*	Վարչական և սպասարկող հաստիքների թիվը
	ք. Գյումրի	Աշակերտներ	Դասարաններ	ընդամենը	ընդամենը	ընդամենը
1.	թիվ 34	704	25	45	45	15
2.	թիվ 13	692	25	45	45	15
3.	թիվ 21	539	20	36	36	16,5
4.	թիվ 14	1720	56	101	101	19
5.	թիվ 4	643	25	45	45	14,5
6.	թիվ 15	1055	37	67	67	20
7.	Կապսի	200	10	18	18	6
8.	Արթիկի թիվ 1	561	23	41	41	14,5
	Ընդամենը	6114	221	398	398	120,5

Դասարանների միջին խտությունը՝ 27.6:

Դրույք-աշակերտ  հարաբերակցությունը՝ 1/15:

* Սպասվելիք արդյունքները կանխագուշակվել են՝ պահպանելով մինչև

  ռացիոնալացումը մեկ դասարանին համապատասխանող միջին ժամաքանակը (1,8 դրույք)։

**Ցանկալի է, որ ուսուցչի շաբաթական միջին բեռնվածությունը լինի մեկ դրույք (18 ժամ):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 9 ՀՀ կառավարության 2002 թվականի դեկտեմբերի 5-ի N 2047-Ն որոշման

Սյունիքի մարզի դպրոցների ռացիոնալացման պլանը

1. Սյունիքի մարզում 1-ից ավելի դպրոցներ ունեն հետևյալ համայնքները՝ Կապան քաղաք՝ 14 դպրոց, Գորիս քաղաք՝ 7 դպրոց, Սիսիան քաղաք՝ 7 դպրոց, Մեղրի քաղաք՝ 2 դպրոց, Քաջարան քաղաք՝ 3 դպրոց և Տեղ գյուղ՝ 2 դպրոց:

2. Թերկոմպլեկտավորված են Կապանի թիվ 4 (գյուղ Վաչագան), թիվ 8 (գյուղ Շղարշիկ), թիվ 11 (գյուղ Կավարտ) դպրոցները։

3. Ռացիոնալացման նպատակով նախատեսվում է՝

●	Սիսիանի թիվ 5 դպրոցը միավորել Սիսիանի վարժարանի հետ: Սիսիանի թիվ 5 դպրոցի կահույքը և գույքը հանձնվում են Սիսիանի վարժարանին:
●	Քաջարանի թիվ 4 միջնակարգ դպրոցը լուծարել, միացնել թիվ 1 դպրոցին:
●	Կապանի թիվ 4, 8, 11 և Տեղ գյուղի թիվ 2 դպրոցի կարգավիճակը դարձնել հիմնական դպրոց:

4. Այն դեպքում, երբ նշված դպրոցները չեն ունենա գույքի կարիք, ապա մնացած գույքը բաշխել կարիքավոր դպրոցներին: Բաշխումը կատարել անհատույց՝ մի դպրոցի հաշվեկշռից (բալանսից) մյուսին փոխանցելով: Աշակերտների տեղափոխումը կազմակերպելու նպատակով առանձնացնել պատասխանատու աշխատողների, նպատակահարմար է 2 մարդու: Նրանց վրա դնել նաև աշակերտների տեղափոխման կապակցությամբ ծնողների հետ տարվող աշխատանքները (այս գործընթացի ժամանակ նախատեսվում է նաև վարձել մեկ իրավաբան), կրճատված ուսուցիչների հաշվառման և այլ աշխատանքի հնարավոր տեղավորման գործընթացի պատասխանատվությունը: Ծրագրում ընդգրկված բոլոր դպրոցներում իրականացնել վերակոմպլեկտավորում՝ գործող նորմատիվներին համապատասխան:

Ռացիոնալացման հետևանքով աշխատանքից դուրս մնացած ուսուցիչների կրճատումն իրականացնել համաձայն կարգի՝ հետևյալ հերթականությամբ՝

●	համատեղող ուսուցիչներ,
●	թոշակի տարիքի հասած ուսուցիչներ,
●	ոչ մանկավարժական կրթություն ունեցող ուսուցիչներ,
●	և այլն:

Աշխատանքից դուրս մնացած ուսուցիչներին տեղավորել բնակավայրի այլ դպրոցներում, եթե դրանցում կա ուսուցչի կարիք: Կրճատված ուսուցիչների մի մասի համար համակարգչային կենտրոններում կազմակերպել դասընթացներ:

5. Ռացիոնալացման սպասվելիք արդյունքներն առանց համապատասխան ֆինանսական հաշվարկների տրվում են աղյուսակ 2-ում:

6. 1,2 աղյուսակներից երևում է, որ դպրոցների թիվը կպակասի 2-ով, դասարանների թիվը՝ 17-ով, դասավանդվող դրույքների թիվը՝ 31-ով, վարչական և սպասարկող հաստիքների թիվը՝ 26-ով: Դասարանի միջին խտությունը 19,8-ից դարձել է 27,5, իսկ դրույք-աշակերտ հարաբերակցությունը՝ 1/11-ից դարձել է 1/15,2:

7. Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին և դասարանների թիվը կրճատել 200-ով:

Աղյուսակ 1

Տեղեկություններ Սյունիքի մարզի ռացիոնալացման ենթակա դպրոցների մասին

NN ը/կ		Աշակերտները	Դասարանները	Ուսուցիչները	Դասավանդվող դրույքների թիվը	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Սիսիանի թիվ 5	289	15	37	26,5	21
2.	Սիսիանի վարժ.	171	9	24	18	17
3.	Քաջարանի թիվ 4	292	15	23	26,5	16
4.	Քաջարանի թիվ 1	459	22	39	39,5	18
	Ընդամենը	1211	61	123	110,5	72

Դասարանի միջին խտությունը՝ 19,8:

Ուսուցիչ-աշակերտ հարաբերակցությունը՝ 1/9,8:

Դրույք-աշակերտ հարաբերակցությունը՝ 1/11:

Ուսուցչի միջին բեռնվածությունը (շաբաթական)՝ 0.9 դրույք=16 ժամ:

Մեկ դասարանին համապատասխանող շաբաթական միջին ժամաքանակը (1.8 դրույք)։

Աղյուսակ 2

Ռացիոնալացման ծրագրի սպասվելիք արդյունքները

NN ը/կ		Աշակերտները	Դասարանները	Ուսուցիչները**	Դասավանդվող դրույքների թիվը*	Վարչական և սպասարկող հաստիքների թիվը
		ընդամենը	ընդամենը	ընդամենը	ընդամենը	ընդամենը
1.	Սիսիանի վարժ.	460	18	33	32,4	21
2.	Քաջարանի թիվ 1	751	26	47	46,8	25
	Ընդամենը	1211	44	80	79,2	46

Դասարանների միջին խտությունը՝ 27,5:

Դրույք-աշակերտ  հարաբերակցությունը՝ 1/15,2:

* Սպասվելիք արդյունքները կանխագուշակվել են՝ պահպանելով մինչև

  ռացիոնալացումը մեկ դասարանին համապատասխանող միջին ժամաքանակը (1,8 դրույք)։

**Ցանկալի է, որ ուսուցչի շաբաթական միջին բեռնվածությունը լինի մեկ դրույք (18 ժամ):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 10 ՀՀ կառավարության 2002 թվականի դեկտեմբերի 5-ի N 2047-Ն որոշման

ԵրԵՎան քաղաքի դպրոցների ռացիոնալացման պլանը

1. Երևան քաղաքում գործում են 194 հանրակրթական դպրոցներ: Բոլոր շենքերի նախագծային հզորությունը կազմում է 189 262 աշակերտ/տեղ: Այդ դպրոցներում սովորում է ընդամենը 135706 աշակերտ, կոմպլեկտավորված են 5674 դասարան: Դպրոցներում աշխատում է 16658 մարդ, որոնցից 13087 ուսուցիչ է:

2. Թիվ 29 և թիվ 30 դպրոցները տեղակայված են նույն շենքում, 4-րդ վարժարանը՝ թիվ 16 դպրոցի շենքում, թիվ 62 և թիվ 165 դպրոցները տեղակայված են նույն շենքում: Թերբեռնված են գործում թիվ 26 և «Ալգորիթմ» վարժարանը:

3. Ռացիոնալացման նպատակով նախատեսվում է թիվ 30 դպրոցը միավորել թիվ 29 դպրոցի հետ, 4-րդ վարժարանը միավորել թիվ 16 դպրոցի հետ, թիվ 165 դպրոցը՝ թիվ 62 դպրոցին: Լուծարել թիվ 26 դպրոցը, աշակերտներին տեղափոխել թիվ 124 դպրոց: Լուծարել «Ալգորիթմ» վարժարանը և միավորել թիվ 163 դպրոցի հետ:

Ինչպես նաև հիշատակված բոլոր դպրոցներում իրականացվելու են ներդպրոցական ռացիոնալացման աշխատանքներ՝ դասարանների վերակոմպլեկտավորում, դասարանների խտության համապատասխանեցում պետական հանրակրթական ուսումնական հաստատության օրինակելի կանոնադրությամբ սահմանված նորմերին: Ստորև՝ աղյուսակ 1-ում ներկայացվում են տեղեկություններ այդ դպրոցների վերաբերյալ:

4. Կարճաժամկետ միջոցառումներ՝ Երևան քաղաքում՝

●	Թիվ 30 դպրոցի միավորում թիվ 29 դպրոցի հետ, որը կդառնա թիվ 29 դպրոց: Թիվ 30-ի դպրոցական կահույքը և գույքը հանձնվում են թիվ 29 դպրոցին:
●	Թիվ 4 վարժարանի միավորում թիվ 16 դպրոցի հետ: Թիվ 4 վարժարանի դպրոցական կահույքը և գույքը հանձնվում են թիվ 16 դպրոցին:
●	«Ալգորիթմ» վարժարանի միավորում թիվ 163 դպրոցին: «Ալգորիթմ» վարժարանի դպրոցական կահույքը և գույքը հանձնվում են թիվ 163 դպրոցին:
●	Թիվ 26 դպրոցի միավորում թիվ 124 դպրոցի հետ: Թիվ 26 դպրոցի դպրոցական կահույքը և գույքը հանձնվում են թիվ 124 դպրոցին:

Այն դեպքում, երբ նշված դպրոցները չեն ունենա գույքի կարիք, ապա մնացած գույքը բաշխել կարիքավոր դպրոցներին: Բաշխումը կատարել անհատույց՝ մի դպրոցի հաշվեկշռից (բալանսից) մյուսին փոխանցելով: Աշակերտների տեղափոխումը կազմակերպելու նպատակով առանձնացնել պատասխանատու աշխատողների, նպատակահարմար է 2 մարդու:

Ռացիոնալացման հետևանքով աշխատանքից դուրս մնացած ուսուցիչների կրճատումն իրականացնել համաձայն կարգի հետևյալ հերթականությամբ՝

●	համատեղող ուսուցիչներ,
●	թոշակի տարիքի հասած ուսուցիչներ,
●	ոչ մանկավարժական կրթություն ունեցող ուսուցիչներ և այլն:

Աշխատանքից դուրս մնացած ուսուցիչներին տեղավորել քաղաքի այլ դպրոցներում, եթե դրանցում կա ուսուցչի կարիք: Կրճատված ուսուցիչների մի մասի համար քաղաքի համակարգչային կենտրոններում կազմակերպել դասընթացներ:

5. Ռացիոնալացման սպասվելիք արդյունքներն առանց համապատասխան ֆինանսական հաշվարկների տրվում են աղյուսակ 2-ում:

6. 1,2 աղյուսակներից երևում է, որ դպրոցների թիվը կպակասի 5-ով, դասարանների թիվը՝ 50-ով, դասավանդվող դրույքների թիվը՝ 87-ով, վարչական և սպասարկող հաստիքների թիվը՝ 68-ով: Դասարանի միջին խտությունը 20,1-ից դարձել է 28,2, իսկ դրույք-աշակերտ հարաբերակցությունը՝ 1/11-ից դարձել է 1/16:

7. Մարզի բոլոր դպրոցներում դասարանների խտությունը համապատասխանեցնել «ՀՀ պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 23-րդ կետով սահմանված չափանիշներին և դասարանների թիվը կրճատել 400-ով:

Աղյուսակ 1

Տեղեկություններ Երեվան քաղաքի ռացիոնալացման ենթակա դպրոցների մասին

NN ը/կ		Աշակերտները	Դասարանները	Ուսուցիչները	Դասավանդվող դրույքների թիվը	Վարչական և սպասարկող հաստիքների թիվը
	ք.Երևան	ընդամենը	ընդամենը	ընդամենը	ընդամենը	ընդամենը
1.	Թիվ 29	543	26	58	44	23
2.	Թիվ 30	386	17	44	30	21
3.	Թիվ 4 վարժարան	53	4	14	8	9
4.	Թիվ 16	224	11	25	19	21
5.	Թիվ 62	732	37	86	68	32
6.	Թիվ 165	594	24	62	43	25
7.	Թիվ 26	107	10	18	17	16
8.	Թիվ 124	497	23	56	42	27
9.	«Ալգորիթմ» վարժ.	61	5	26	10	18
10.	Թիվ 163	360	19	52	33	34
	Ընդամենը	3559	176	441	314	226

Դասարանների միջին խտությունը՝ 20,1:

Ուսուցիչ-աշակերտ հարաբերակցությունը՝ 1/8:

Դրույք-աշակերտ հարաբերակցությունը՝ 1/11,3:

Ուսուցչի միջին բեռնվածությունը (շաբաթական)՝ 0.7 դրույք=13 ժամ

Մեկ դասարանին համապատասխանող շաբաթական միջին ժամաքանակը (1.8 դրույք)։

Աղյուսակ 2

Ռացիոնալացման ծրագրի սպասվելիք արդյունքները

NN ը/կ		Աշակերտները	Դասարանները	Ուսուցիչները**	Դասավանդվող դրույքների թիվը*	Վարչական և սպասարկող հաստիքների թիվը
	ք. Երևան	ընդամենը	ընդամենը	ընդամենը	ընդամենը	ընդամենը
1.	Թիվ 29	929	32	58	57,6	33
2.	Թիվ 16	277	12	22	21,6	22,5
3.	Թիվ 62	1328	43	77	77,4	41
4.	Թիվ 124	604	22	40	39,6	26,5
5.	Թիվ 163	421	17	31	30,6	35
	Ընդամենը	3559	126	228	226,8	158

Դասարանների միջին խտությունը՝ 28.2:

Դրույք-աշակերտ  հարաբերակցությունը՝ 1/15.6:

* Սպասվելիք արդյունքները կանխագուշակվել են՝ պահպանելով մինչև

  ռացիոնալացումը մեկ դասարանին համապատասխանող միջին ժամաքանակը (1,8 դրույք)։

**Ցանկալի է, որ ուսուցչի շաբաթական միջին բեռնվածությունը լինի մեկ դրույք (18 ժամ):

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան