«Վավերացնում եմ»
Հայաստանի Հանրապետության
Նախագահ Ռ. Քոչարյան
14 դեկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 դեկտեմբերի 2002 թվականի N 1914-Ն

ԱՌԱՆՁԻՆ ՄԱՍՆԱԳԻՏՈՒԹՅՈՒՆՆԵՐԻ ԳԾՈՎ ՈՍՏԻԿԱՆՈՒԹՅՈՒՆՈՒՄ ԾԱՌԱՅՈՒԹՅԱՆ ԱՆՑՆԵԼՈՒ ՄԱՍՆԱԳԻՏՈՒԹՅՈՒՆՆԵՐԻ ՑԱՆԿԸ ԵՎ ԴՐԱՆՑ ՀԱՄԱՐ ՆԱԽԱՏԵՍՎԱԾ ԱՌԱՎԵԼԱԳՈՒՅՆ ՏԱՐԻՔԱՅԻՆ ՍԱՀՄԱՆԱՓԱԿՈՒՄՆԵՐԸ ՍԱՀՄԱՆԵԼՈՒ ՄԱՍԻՆ

Համաձայն «Ոստիկանությունում ծառայության մասին» Հայաստանի Հանրապետության օրենքի 11-րդ հոդվածի առաջին մասի երկրորդ պարբերության` Հայաստանի Հանրապետության կառավարությունը որոշում է.

1. Սահմանել առանձին մասնագիտությունների գծով ոստիկանությունում ծառայության անցնելու մասնագիտությունների ցանկը և դրանց համար նախատեսված առավելագույն տարիքային սահմանափակումները` համաձայն հավելվածի:

2. Սույն որոշումն ուժի մեջ է մտնում 2003 թվականի հունվարի 1-ից:

Հայաստանի Հանրապետության վարչապետ	Ա. Մարգարյան
2002 թ. դեկտեմբերի 9 Երևան

Հավելված ՀՀ կառավարության 2002 թվականի դեկտեմբերի 5-ի N 1914-Ն որոշման

Ց Ա Ն Կ

ԱՌԱՆՁԻՆ ՄԱՍՆԱԳԻՏՈՒԹՅՈՒՆՆԵՐԻ ԳԾՈՎ ՈՍՏԻԿԱՆՈՒԹՅՈՒՆՈՒՄ ԾԱՌԱՅՈՒԹՅԱՆ ԱՆՑՆԵԼՈՒ ՄԱՍՆԱԳԻՏՈՒԹՅՈՒՆՆԵՐԻ ԵՎ ԴՐԱՆՑ ՀԱՄԱՐ ՆԱԽԱՏԵՍՎԱԾ ԱՌԱՎԵԼԱԳՈՒՅՆ ՏԱՐԻՔԱՅԻՆ ՍԱՀՄԱՆԱՓԱԿՈՒՄՆԵՐԸ

Ոստիկանությունում ծառայության անցնելու համար առավելագույն տարիքային սահմանափակումներ պահանջող առանձին մասնագիտություններն են`

NN ը/կ	Մասնագիտությունը	Առավելագույն տարիքային սահմանափակումը
1.	Բուժական գործ (ոստիկանության բժշկական հաստատության ղեկավար և ղեկավարի տեղակալ, ոստիկանության բժշկական հաստատության բաժանմունքի պետ, ոստիկանության բժշկական հաստատության ոստիկանության բժշկական հանձնաժողովի նախագահի տեղակալ)	մինչև 42 տարեկան
2.	Իրավագիտություն (ոստիկանության ուսումնական հաստատության ղեկավարի տեղակալ)	մինչև 42 տարեկան
3.	Համազորային-հրամանատարական ռադիոտեխնիկա և կապի համակարգեր (ոստիկանության ուսումնական հաստատության ֆակուլտետի, ամբիոնի ղեկավար և ղեկավարի տեղակալ)	մինչև 42 տարեկան
4.	Կիրառական մաթեմատիկա, կիբեռնետիկա, համակարգչային համակարգեր և ինֆորմատիկա (ոստիկանության տեղեկատվական կենտրոնի ծրագրավորման և տեղեկատվական նոր տեխնոլոգիաների բաժնի պետ, բաժնի պետի տեղակալ, բաժանմունքի պետ, ինժեներ-ծրագրավորող, ինժեներ-սիստեմատեխնիկ)	մինչև 42 տարեկան
5.	Տրանսպորտային և տեխնոլոգիական մեքենաների ու սարքավորումների տեխնիկական սպասարկում և շահագործում, տրանսպորտում փոխադրումների կազմակերպում և կառավարում (ոստիկանության փորձաքրեագիտական ծառայության ավտոտեխնիկական հետազոտությունների փորձագետ)	մինչև 42 տարեկան
6.	Ապրանքագիտություն և ապրանքների որակի փորձագիտություն, տնտեսագիտություն, քիմիա (ոստիկանության փորձաքրեագիտական ծառայության ապրանքագիտական և տեխնոլոգիական հետազոտությունների փորձագետ)	մինչև 42 տարեկան

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան