«Վավերացնում եմ»
Հայաստանի Հանրապետության
Նախագահ Ռ. Քոչարյան
12 նոյեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 հոկտեմբերի 2002 թվականի N 1724-Ն

ՄԱՔՍԱՅԻՆ ԾԱՌԱՅՈՒԹՅԱՆ ՊԱՇՏՈՆՈՒՄ ՆՇԱՆԱԿՎԵԼՈՒ ՀԱՄԱՐ ՆԵՐԿԱՅԱՑՎՈՂ ԱՆՀՐԱԺԵՇՏ ՓԱՍՏԱԹՂԹԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

«Մաքսային ծառայության մասին» Հայաստանի Հանրապետության օրենքի 14-րդ հոդվածի ութերորդ մասին համապատասխան՝ Հայաստանի Հանրապետության կառավարությունը որոշում է.

1. Սահմանել մաքսային ծառայության պաշտոնում նշանակվելու համար ներկայացվող անհրաժեշտ փաստաթղթերի ցանկը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության վարչապետ	Ա. Մարգարյան
2002 թ. նոյեմբերի 6 Երևան

Հավելված ՀՀ կառավարության 2002 թվականի հոկտեմբերի 31-ի N 1724-Ն որոշման

Ց Ա Ն Կ

ՄԱՔՍԱՅԻՆ ԾԱՌԱՅՈՒԹՅԱՆ ՊԱՇՏՈՆՈՒՄ ՆՇԱՆԱԿՎԵԼՈՒ ՀԱՄԱՐ ՆԵՐԿԱՅԱՑՎՈՂ ԱՆՀՐԱԺԵՇՏ ՓԱՍՏԱԹՂԹԵՐԻ

Դիմում

Անձնական թերթիկ (N 1 ձև)

Ինքնակենսագրություն

Բարձրագույն կրթությունը հաստատող փաստաթղթերի պատճենները

Մաքսային կամ այլ ծառայության դասային կամ հատուկ կոչում շնորհելու մասին համապատասխան իրավական ակտի պատճենը(առկայության դեպքում)

Տեղեկանք առողջական վիճակի մասին

Աշխատանքային գրքույկ (առկայության դեպքում)

Զինվորական գրքույկի պատճենը (առկայության դեպքում)

Գիտական աստիճան և գիտական կոչում շնորհելու մասին փաստաթղթերի պատճենները (առկայության դեպքում)

Պետական պարգևներով պարգևատրվելու, պատվավոր կոչումներ, ինչպես նաև պետական մրցանակներ շնորհելու մասին համապատասխան իրավական ակտերի պատճենները (առկայության դեպքում)

Մասնագիտական վերապատրաստման հավաստագրերի և վկայականների պատճենները (առկայության դեպքում)

Մաքսային ծառայության մրցութային և ատեստավորման հանձնաժողովի եզրակացությունը

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան