«Վավերացնում եմ»
Հայաստանի Հանրապետության
Նախագահ Ռ. Քոչարյան
5 հունիսի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 մայիսի 2002 թվականի N 691-Ն

Համաձայն Հայաստանի Հանրապետության կառավարության 2002 թվականի ապրիլի 1-ի «Փախստականների, ինչպես նաև 1988-1992 թվականներին Ադրբեջանի Հանրապետությունից բռնագաղթած և Հայաստանի Հանրապետության քաղաքացիություն ստացած անձանց բնակվելու հետևանքով ժամանակավոր կացարաններին պատճառված հաշվեկշռային վնասը փոխհատուցելու մասին» N 313 որոշման 2-րդ կետի` Հայաստանի Հանրապետության կառավարությունը որոշում է.

1. Հաստատել ժամանակավոր կացարաններում բնակվող փախստականներին սպասարկող անձնակազմի թվի ու աշխատավարձի չափերի որոշման նորմաները և նորմատիվները` համաձայն N 1 հավելվածի:

2. Հաստատել ժամանակավոր կացարաններում բնակվող փախստականներին սպասարկող անձնակազմին անհրաժեշտ գույքի, գրասենյակային ապրանքների և նյութերի ձեռքբերման ծախսերի, փախստականների կողմից ընդհանուր օգտագործման էլեկտրաէներգիայի ու ջրմուղ-կոյուղու վճարի նորմաները և նորմատիվները` համաձայն N 2 հավելվածի:

Հայաստանի Հանրապետության վարչապետ	Ա. Մարգարյան
2002 թ. հունիսի 3 Երևան

Հավելված N 1 ՀՀ կառավարության 2002 թվականի մայիսի 30-ի N 691-Ն որոշման

Ն Ո Ր Մ Ա Ն Ե Ր  ԵՎ  Ն Ո Ր Մ Ա Տ Ի Վ Ն Ե Ր

	Սպասարկող անձնակազմի թիվը
Մինչև 15 փախստականի համար	չի սահմանվում
16-50 փախստականի համար	բնակվող փախստականների թվի 6 տոկոսի չափով
50-250` յուրաքանչյուր 25 փախստականի համար	լրացուցիչ մեկական միավոր
250-ից ավելի` յուրաքանչյուր 50 փախստականի համար	լրացուցիչ մեկական միավոր

Ծանոթագրություն:

Ժամանակավոր կացարանների սպասարկող անձնակազմի ամսական աշխատավարձի չափը որոշվում է Հայաստանի Հանրապետության վարչապետի 1999 թվականի ապրիլի 16-ի «Հայաստանի Հանրապետության բյուջետային հիմնարկների աշխատողների պաշտոնային դրույքաչափերը սահմանելու մասին» N 226 որոշմամբ հաստատված N 1 հավելվածի «Ծառայողներ և սպասարկող անձնակազմ» բաժնի համար սահմանված նվազագույն պաշտոնային դրույքաչափերով:

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան

Հավելված N 2 ՀՀ կառավարության 2002 թվականի մայիսի 30-ի N 691-Ն որոշման

Ն Ո Ր Մ Ա Ն Ե Ր  ԵՎ  Ն Ո Ր Մ Ա Տ Ի Վ Ն Ե Ր

Ծախսի անվանումը	Հաշվարկման հիմքը	Ծախսերի նորմատիվները
Անհրաժեշտ գույք	Մինչև 50 փախստական ունեցող կացարաններին 51-150 փախստական ունեցող կացարաններին 101-150 փախստական ունեցող կացարաններին 151 և ավելի փախստական ունեցող կացարաններին	չի հատկացվում տարեկան 10000 դրամ տարեկան 15000 դրամ տարեկան 20000 դրամ
Գրասենյակային ապրանքներ և նյութեր	Սպասարկող անձնակազմի մեկ հաստիքային միավորի հաշվով	տարեկան 2700 դրամ
Ընդհանուր օգտագործման էլեկտրաէներգիայի ծախս	Ժամանակավոր կացարանում բնակվող մեկ փախստականի հաշվով	ամսական 1 կՎտ/ժամ
Ընդհանուր օգտագործման ջրմուղ-կոյուղու ծախս	Ժամանակավոր կացարանում բնակվող մեկ փախստականի հաշվով	ամսական 0,3 մ3

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան