Գլխավոր տեղեկություն
Համար
N 251
Տիպ
Որոշում
Ակտի տիպ
Հիմնական ակտ (16.03.2002-17.03.2005)
Կարգավիճակ
Չի գործում
Սկզբնաղբյուր
ՀՀՊՏ 2002.04.01/11(186) Հոդ.222
Ընդունող մարմին
ՀՀ կառավարություն
Ընդունման ամսաթիվ
16.03.2002
Ստորագրող մարմին
ՀՀ վարչապետ
Ստորագրման ամսաթիվ
16.03.2002
Վավերացնող մարմին
ՀՀ Նախագահ
Վավերացման ամսաթից
16.03.2002
Ուժի մեջ մտնելու ամսաթիվ
16.03.2002
Ուժը կորցնելու ամսաթիվ
17.03.2005

040.0251.16.03.02

«Վավերացնում եմ»
Հայաստանի Հանրապետության
Նախագահ Ռ. Քոչարյան
16 մարտի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 մարտի 2002 թվականի N 251
քաղ. Երևան

ԴԻՎԱՆԱԳԵՏԻ ԳՈՐԾՈՒՂՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Ղեկավարվելով «Դիվանագիտական ծառայության մասին» Հայաստանի Հանրապետության օրենքի 33-րդ հոդվածով՝ Հայաստանի Հանրապետության կառավարությունը որոշում է.

1. Հաստատել դիվանագետի գործուղման կարգը (կցվում է)։

2. Սույն որոշումն ուժի մեջ է մտնում 2002 թվականի մարտի 16-ից։

 

Հայաստանի Հանրապետության
վարչապետ

 Ա. Մարգարյան

 

 

Հաստատված է
ՀՀ կառավարության 2002 թվականի
մարտի 16-ի N 251 որոշմամբ

Կ Ա Ր Գ

դիվանագետի գործուղման

 

1. Սույն կարգով կարգավորվում են դիվանագետի գործուղման հետ կապված հարաբերությունները։

2. Դիվանագետի գործուղումը կատարվում է համապատասխան մարմնից ստացված առաջարկի հիման վրա, որտեղ նշվում են դիվանագետի կողմից իրականացվող գործառույթները, պաշտոնավարության պայմանները, ժամկետը և այլ անհրաժեշտ տեղեկություններ։

3. Հայաստանի Հանրապետությունում գործող դիվանագիտական ծառայության մարմնի ղեկավարը գործուղման մասին պայմանավորվածություն ձեռք բերելուց հետո որոշում է ընդունում դիվանագետի գործուղման մասին, իսկ համապատասխան մարմնի՝ տվյալ պաշտոնում նշանակելու իրավասություն ունեցող պաշտոնատար անձը՝ համապատասխան պաշտոնում նշանակելու մասին։

4. Գործուղման ժամկետը հաշվարկվում է դիվանագիտական ծառայության ստաժի մեջ։

5. Դիվանագետը գործուղման դեպքում պահպանում է իր դիվանագիտական աստիճանը, օգտվում է դիվանագետի համար սահմանված իրավունքներից, կարող է ընդհանուր հիմունքներով ստանալ հաջորդ դիվանագիտական աստիճանը և մասնակցել դիվանագիտական ծառայության թափուր պաշտոն զբաղեցնելու համար հայտարարված ներքին մրցույթին։

6. Գործուղման ընթացքում դիվանագետի նկատմամբ խրախուսանքի միջոցները և կարգապահական տույժերը կիրառվում են համապատասխան մարմնի աշխատակազմի ղեկավարի ներկայացրած առաջարկության հիման վրա՝ Հայաստանի Հանրապետությունում գործող դիվանագիտական ծառայության համապատասխան մարմնի ղեկավարի կողմից։

7. Դիվանագետը 6 ամսվանից ավելի գործուղված լինելու դեպքում իր կողմից կատարված աշխատանքների մասին յուրաքանչյուր 6 ամիսը մեկ անգամ անմիջական ղեկավարին հաշվետվություն է ներկայացնում, որի վերաբերյալ վերջինս տալիս է եզրակացություն։

8. Նախկինում տրված եզրակացությունների հիման վրա համապատասխան մարմնում դիվանագետի անմիջական ղեկավարը գործուղման ավարտին տալիս է ծառայողական բնութագիր։ Գործուղման վերաբերյալ համապատասխան մարմնի ղեկավարի կողմից տրված ծառայողական բնութագիրը պահվում է դիվանագետի անձնական գործում։