«Վավերացնում եմ»

Հայաստանի Հանրապետության

Նախագահ Ռ. Քոչարյան

16 մայիսի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 մայիսի 2001 թվականի N 428

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1997 ԹՎԱԿԱՆԻ ՍԵՊՏԵՄԲԵՐԻ 15-Ի N 379 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Զբաղվածության պետական ծառայության գործառույթների տարանջատման և զբաղվածության ոլորտի կառավարման կատարելագործման նպատակով Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1997 թվականի սեպտեմբերի 15-ի «Աշխատանքի և զբաղվածության պետական ծառայության մասին» N 379 որոշման մեջ կատարել հետևյալ փոփոխությունները`

ա) որոշման վերնագրից, նախաբանից և 4-րդ կետից հանել «աշխատանքի և» բառերը.

բ) ուժը կորցրած ճանաչել որոշման 2-րդ կետը.

գ) որոշման 3-րդ կետը շարադրել հետևյալ խմբագրությամբ.

«3. Հայաստանի Հանրապետության սոցիալական ապահովության նախարարությանը`

ա) նախարարության ենթակայության աշխատանքի և զբաղվածության հանրապետական ծառայությունը վերանվանել զբաղվածության հանրապետական ծառայություն.

բ) մեկամսյա ժամկետում հաստատել զբաղվածության պետական ծառայության տարածքային կառուցվածքը, նրա հանրապետական և տարածքային մարմինների կառուցվածքներն ու կանոնադրությունները»:

2. Սույն որոշումն ուժի մեջ է մտնում 2001 թվականի մայիսի 16-ից:

Հայաստանի Հանրապետության վարչապետ

Ա. Մարգարյան