«Վավերացնում եմ»
Հայաստանի Հանրապետության
Նախագահ Ռ. Քոչարյան
30 հուլիսի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 հուլիսի 2002 թվականի N 1047-Ն

«ԱՐՄԵՆԻԱ» ՄԻՋԱԶԳԱՅԻՆ ՕԴԱՆԱՎԱԿԱՅԱՆՆԵՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՀԱԿԱՀՐԴԵՀԱՅԻՆ ԱՆՎՏԱՆԳՈՒԹՅԱՆ ԾԱՌԱՅՈՒԹՅՈՒՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆ ՍՏԵՂԾԵԼՈՒ ՄԱՍԻՆ

Համաձայն «Պետական ոչ առևտրային կազմակերպությունների մասին» Հայաստանի Հանրապետության օրենքի` Հայաստանի Հանրապետության կառավարությունը որոշում է.

1. Ստեղծել «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպություն` Երևանի «Զվարթնոց» միջազգային օդանավակայան» փակ բաժնետիրական ընկերության հակահրդեհային անվտանգության ծառայության բազայի վրա:

2. Սահմանել, որ`

ա) «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպության հիմնական նպատակը օդանավերի թռիչք-վայրէջքների, ավիացիոն տեխնիկայի, օդանավակայանի տարածքի, շենքերի և շինությունների անվտանգության ապահովումն է.

բ) «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպությունն օրենքին կամ հիմնադրի որոշմանը համապատասխան սահմանված կարգով իրականացնում է ձեռնարկատիրական գործունեության հետևյալ տեսակները` ծառայությունների մատուցում, հակահրդեհային գույքի տեղադրում, վերանորոգում, հրդեհաշիջման միջոցների վերալիցքավորում և այլ գործունեություն, որոնք ծառայում և համապատասխանում են պետական ոչ առևտրային կազմակերպության ստեղծման նպատակին և դրա իրականացմանը.

գ) «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպության գործունեությունը ֆինանսավորվում է Հայաստանի Հանրապետության օրենսդրությամբ սահմանված կարգով:

3. Երևանի «Զվարթնոց» միջազգային օդանավակայան» փակ բաժնետիրական ընկերության հակահրդեհային անվտանգության ծառայության տնօրինության` պետական սեփականություն հանդիսացող գույքը, բացառությամբ անշարժ գույքի, սեփականության իրավունքով հանձնել «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպությանը:

4. «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «գ», «դ», «ե», «է» ենթակետերով նախատեսված լիազորությունները վերապահել Հայաստանի Հանրապետության ներքին գործերի նախարարությանը:

5. «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպության` իրավաբանական անձանց պետական ռեգիստրում գրանցման, կնիքի ձեռքբերման, ինչպես նաև սույն որոշմանը համապատասխան հանձնվող գույքի գրանցման և հաշվապահների վերապատրաստման հետ կապված ծախսերը կատարել «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպության կառավարման լիազորված մարմնի միջոցների հաշվին:

6. Հայաստանի Հանրապետության ներքին գործերի նախարարին` մեկամսյա ժամկետում հաստատել`

ա) «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպությանը սեփականության իրավունքով հանձնվող և ամրացվող գույքի կազմը.

բ) «Արմենիա» միջազգային օդանավակայաններ» փակ բաժնետիրական ընկերության հակահրդեհային անվտանգության ծառայություն» պետական ոչ առևտրային կազմակերպության կանոնադրությունն ու այն սահմանված կարգով ներկայացնել պետական գրանցման:

7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2002 թ. հուլիսի 25 Երևան