«Վավերացնում եմ»
Հայաստանի Հանրապետության
Նախագահ Ռ. Քոչարյան
«13» սեպտեմբերի  2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 սեպտեմբերի 2000 թվականի N 559

«ՎԱՐԴԵՆԻՍԻ ՀՈԳԵԲՈՒԺԱԿԱՆ ՀԻՎԱՆԴԱՆՈՑ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

 Հաշվի առնելով Հայաստանի Հանրապետության առողջապահության նախարարության  առաջարկությունը` համաձայնեցված Գեղարքունիքի մարզպետի հետ, Հայաստանի  Հանրապետության կառավարությունը որոշում է.

 1. Վերակազմակերպել «Վարդենիսի հոգեբուժական հիվանդանոց» պետական փակ բաժնետիրական ընկերությունը` այն միացնելով «Վարդենիսի տուն-ինտերնատ»  պետական փակ բաժնետիրական ընկերությանը:

 2. «Վարդենիսի տուն-ինտերնատ» պետական փակ բաժնետիրական ընկերության  բաժնետոմսերի տնօրինման լիազորությունը վերապահել Գեղարքունիքի մարզպետին:

 3. Սույն որոշումն ուժի մեջ է մտնում 2000 թվականի սեպտեմբերի 13-ից: