«Վավերացնում եմ»
Հայաստանի Հանրապետության
Նախագահ Ռ. Քոչարյան 
«18» սեպտեմբերի 1999թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

18 սեպտեմբերի 1999 թվականի թիվ 584

ԿԱՌՈՒՑՎԱԾՔԱՅԻՆ ԲԱՐԵՓՈԽՈՒՄՆԵՐԻ ՏԵԽՆԻԿԱԿԱՆ ՕԳՆՈՒԹՅԱՆ ՎԱՐԿԱՅԻՆ ԾՐԱԳՐԻ ՄԻՋՈՑՆԵՐԻ ՄՆԱՑՈՐԴԻ ԾԱԽՍԱՅԻՆ ՈՒՂՂՈՒԹՅՈՒՆՆԵՐԸ ՀԱՍՏԱՏԵԼՈՒ ՄԱՍԻՆ

 Հայաստանի Հանրապետության կառավարությունը որոշում է.

 1. Հաստատել 1999 թվականի հունիսի 30-ի դրությամբ կառուցվածքային բարեփոխումների տեխնիկական օգնության վարկային ծրագրի միջոցների 1824800 ԱՄՆ-ի դոլար մնացորդի հետևյալ ծախսային ուղղությունները.

NN ը/կ	Ծախսային ուղղությունը	Նպատակը	Գումարը (ԱՄՆ դոլար)	Աշխատանքների իրականացման պատասխանատուն
1	2	3	4	5
1.	Մաքսային համակարգ	մաքսային ձևակերպումների պարզեցման, ավոմատացման համար ծրագրային ապահովումների մշակում և ներդրում	155000	ՀՀ պետական եկամուտների նախարարություն
2.	Սեփականաշնորհում	առևտրային կազմակերպությունների վերակազմակերպման և լուծարման ընթացակարգերի մշակում	90000	ՀՀ սեփականաշնորհման նախարարություն
3.	Սոցիալական ապահովություն	ընտանեկան նպաստի համակարգի կատարեկագործում	58350	ՀՀ սոցիալական ապահովության նախարարություն
4.	Ջրամատակարարում	ա) «Հայջրմուղկոյուղի» ՊՓԲԸ-ի համար 1 ջրի որակի հսկման համալիրի, 17 քլորացման սարքավորման և 1ջրի հոսքաչափի ձեռքբերում  Երևանի քաղաքապետարանի «Ջրմուղ-կոյուղի» ՊՓԲԸ-ի համար 11 քլորացման սարքավորման ձեռքբերում բ) «Հայջրմուղկոյուղի» ՊՓԲԸ-ի համար ջրաչափերի ձեռքբերում	190000   550000	ՀՀ քաղաքաշինության նախարարություն   ՀՀ քաղաքաշինության նախարարություն
5.	Դատաիրավական	դատաիրավական վերապատրաստման կենտրոնի ծրագրի մշակում, դատական ակտերի հարկադիր կատարումն ապահովող ծառայության աշխատանքների կազմակերպման ծրագրի մշակում, դատարաննեի համար 6 բազմալիք ձայնագրիչի ձեռքբերում	126000	ՀՀ ֆինանսների նախարարություն
6.	Ֆինանսական	«Հայխնայբանկ» ՊԲԸ-ի ֆինանսական աուդիտի, գնահատման և վերակազմավորմանը (սեփականաշնորհմանը) նախապատրաստելու աշխատանքների իրականացում, պոտենցիալ ներդրողների հետ բանակցությունների վարում	295450	ՀՀ ֆինանսների նախարարություն
7.	Կազմակերպությունների վերակազմակերպում	ՀՀ էկոնոմիկայի նախարարության ու ՀՀ արդյունաբերության և առևտրի նախարարության առաջարկությամբ կազմակերպությունների վերակազմակերպման  (սեփականաշնորհման) և ներդրումային ծրագրերի մշակում	300000	ՀՀ էկոնոմիկայի նախարարություն ՀՀ արդյունաբերության և առևտրի նախարարություն
8.	Ծրագրի իրականացման գրասենյակ	«Արտասահմանյան ֆինանսական ծրագրերի կառավարման կենտրոն» ՊՓԲԸ-ի համար նախատեսված ծախսերի ֆինանսավորում մինչև 2000 թվականն ընկած ժամանակահատվածի համար	60000	«Արտասահմանյան ֆինանսական ծրագրերի կառավարման կենտրոն» ՊՓԲԸ

 2. Սույն որոշումն ուժի մեջ է մտնում 1999 թվականի սեպտեմբերի 18-ից: