Գլխավոր տեղեկություն
Համար
N 500
Տիպ
Որոշում
Ակտի տիպ
Հիմնական ակտ (09.09.1999-մինչ օրս)
Կարգավիճակ
Գործում է
Սկզբնաղբյուր
ՀՀՊՏ 1999.08.30/23(89)
Ընդունող մարմին
ՀՀ կառավարություն
Ընդունման ամսաթիվ
05.08.1999
Ստորագրող մարմին
ՀՀ վարչապետ
Ստորագրման ամսաթիվ
05.08.1999
Վավերացնող մարմին
ՀՀ Նախագահ
Վավերացման ամսաթից
05.08.1999
Ուժի մեջ մտնելու ամսաթիվ
09.09.1999

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
5 օգոստոսի 1999 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

5 օգոստոսի 1999 թվականի N 500
քաղ. Երևան

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ԱՊՐԻԼԻ 3-Ի N 199 ՈՐՈՇՄԱՆ ՄԵՋ ԼՐԱՑՈՒՄ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 1999 ԹՎԱԿԱՆԻ ՊԵՏԱԿԱՆ ԲՅՈՒՋԵՈՎ ՆԱԽԱՏԵՍՎԱԾ ՀԱՏԿԱՑՈՒՄՆԵՐԻ ՎԵՐԱԲԱՇԽՈՒՄ ԿԱՏԱՐԵԼՈՒ ՄԱՍԻՆ

 

Հաշվի առնելով հաշմանդամ երեխաների առողջարանային վերականգնողական բուժման կարևորությունը և ելնելով խնամողի մասնակցության անհրաժեշտությունից` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1999 թվականի ապրիլի 3-ի «1999 թվականին պետության կողմից երաշխավորված անվճար բժշկական օգնության և ծառայությունների մասին» N 199 որոշման մեջ կատարել հետևյալ լրացումը`

որոշմամբ հաստատված` 1999 թվականին պետության կողմից երաշխավորված անվճար բժշկական օգնության և ծառայությունների իրականացման և փոխհատուցման կարգի VII բաժինը` «Պետության կողմից երաշխավորված անվճար բժշկական օգնության և ծառայությունների կազմակերպման և ֆինանսավորման պայմանները», լրացնել նոր` 21-րդ կետով

«21. 1999 թվականի ընթացքում մանկական առողջարաններում բուժվող մինչև 16 տարեկան մանկուց հաշմանդամ երեխայի խնամողի համար նախատեսել միջոցներ` յուրաքանչյուր օրվա համար Հայաստանի Հանրապետությունում` բյուջետային հիմնարկների աշխատողների գործուղման ծախսերով նախատեսված` բնակարանային վարձակալման և օրապահիկի համար գործող նորմաներին համապատասխան»:

2. Հաշմանդամ երեխայի խնամողի` մանկական առողջարաններում մնալու ընթացիկ ծախսերի լրացուցիչ փոխհատուցումը կատարել «Հայաստանի Հանրապետության 1999 թվականի պետական բյուջեի մասին» Հայաստանի Հանրապետության օրենքի N 1 հավելվածի 05 խմբի («Առողջապահություն») 02 ենթախմբով («10. Բժշկական օգնություն բնակչության սոցիալապես անապահով խմբերին») Հայաստանի Հանրապետության կառավարությանն առընթեր պետական առողջապահական գործակալությանը նախատեսված միջոցների հաշվին:

3. Հայաստանի Հանրապետության կառավարությանն առընթեր պետական առողջապահական գործակալությանը` հաշմանդամ երեխայի խնամողի` մանկական առողջարաններում մնալու ընթացիկ ծախսերի փոխհատուցումը կատարել ըստ խնամողի` առողջարանում անցկացրած փաստացի մահճակալ/օրերի թվի:

 

Հայաստանի Հանրապետության
վարչապետ

 Վ. Սարգսյան

 

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան