«Վավերացնում եմ»
Հայաստանի Հանրապետության
Նախագահ Ռ. Քոչարյան
3 հուլիսի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 հուլիսի 2000 թվականի N 350
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՂՔԱՏՈՒԹՅԱՆ ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՆՇԱՆԱԿՄԱՆ ԵՎ ՎՃԱՐՄԱՆ ԿԱՐԳԻ ՄԱՍԻՆ

Հայաստանի Հանրապետությունում ընտանեկան նպաստի համակարգի կատարելագործման և աղքատ ընտանիքների նկատմամբ հասցեական սոցիալական աջակցության իրականացման արդյունավետությունը բարձրացնելու նպատակով Հայաստանի Հանրապետության կառավարությունը որոշում է.

1. Հաստատել Հայաստանի Հանրապետությունում աղքատության ընտանեկան նպաստի և միանվագ դրամական օգնության նշանակման ու վճարման կարգը (կցվում է):

2. Սոցիալական ծառայությունների տարածքային կենտրոններին կից ստեղծել հասարակական հիմունքներով գործող սոցիալական աջակցության խորհուրդներ, որոնց կազմում ի պաշտոնե ընդգրկվում են սոցիալական ծառայությունների, աշխատանքի և զբաղվածության, կենսաթոշակային ապահովագրության տարածքային կենտրոնների տնօրենները և մարզպետարանի ու ներքին գործերի տարածաշրջանային բաժինների անչափահասների գործերով տեսչության, ինչպես նաև հասարակական կազմակերպությունների ներկայացուցիչները:

3. Հայաստանի Հանրապետության պետական բյուջեում ընտանեկան նպաստների համար նախատեսված գումարների 95 տոկոսը նպատակաուղղել աղքատության ընտանեկան նպաստի, իսկ 5 տոկոսը` միանվագ դրամական օգնության վճարմանը:

4. Հայաստանի Հանրապետության սոցիալական ապահովության նախարարությանը` մեկամսյա ժամկետում հաստատել սոցիալական ծառայությունների տարածքային կենտրոններին կից սոցիալական աջակցության խորհուրդների կանոնադրությունը:

5. Սահմանել`

ա) աղքատության ընտանեկան նպաստի և միանվագ դրամական օգնության վճարման համար նախատեսված ֆինանսական միջոցների ամսական չափն ըստ սոցիալական ծառայությունների տարածքային կենտրոնների` հաշվի առնելով ընտանիքների անապահովության աստիճանի գնահատման կարգով որոշված աղքատ ընտանիքների թիվը` համաձայն հավելվածի.

բ) ընտանիքի անապահովության սահմանային մեծությունը` 36 միավոր.

գ) աղքատության ընտանեկան նպաստի բազային մասը` 3000 դրամ.

դ) ընտանիքի յուրաքանչյուր անդամին տրվող հավելումը` 1300 դրամ.

ե) միանվագ դրամական օգնության չափը`

անապահովության սահմանային մեծության միավորից բարձր անապահովության միավոր ձեռք բերած ընտանիքների համար` նրանց հասանելիք աղքատության ընտանեկան նպաստի գումարի չափով.

անապահովության սահմանային մեծության միավորից ցածր անապահովության միավոր ձեռք բերած ընտանիքների համար` աղքատության ընտանեկան նպաստի բազային մասի չափով:

6. Հայաստանի Հանրապետության սոցիալական ապահովության նախարարությանը, Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության տրանսպորտի և կապի նախարարությանը` մեկամսյա ժամկետում համատեղ հաստատել Հայաստանի Հանրապետության աղքատության ընտանեկան նպաստի և միանվագ դրամական օգնության նշանակման ու վճարման կարգի կիրարկման մասին հրահանգները:

7. Հանձնարարել Հայաստանի Հանրապետության արդարադատության նախարարությանը, Հայաստանի Հանրապետության ներքին գործերի նախարարությանը, Հայաստանի Հանրապետության էներգետիկայի նախարարությանը, Հայաստանի Հանրապետության պետական եկամուտների նախարարությանը, Հայաստանի Հանրապետության տրանսպորտի և կապի նախարարությանը, Հայաստանի Հանրապետության սոցիալական ապահովագրության պետական հիմնադրամին, Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին և առաջարկել Հայաստանի Հանրապետության ազգային վիճակագրական ծառայությանը Հայաստանի Հանրապետության սոցիալական ապահովության նախարարությանը պարբերաբար տրամադրել համապատասխան տեղեկատվություն (ձևը կցվում է):

8. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` մամուլում և զանգվածային լրատվության մյուս միջոցներով լուսաբանել աղքատության ընտանեկան նպաստի և միանվագ դրամական օգնության նշանակման ու վճարման կարգը:

9. Ուժը կորցրած ճանաչել Հայաստանի Հանրապետության կառավարության 1993 թվականի սեպտեմբերի 10-ի «Սոցիալական ծառայության և Հայաստանի Հանրապետությունում սոցիալապես առավել անապահով ընտանիքներին ընտանեկան նպաստ նշանակելու և վճարելու կարգի վերաբերյալ կանոնադրությունները հաստատելու մասին» N 458 որոշումը, 1997 թվականի դեկտեմբերի 9-ի «Հայաստանի Հանրապետությունում ընտանեկան նպաստի նշանակման և վճարման կարգի մասին» N 562 որոշման 2-րդ, 3-րդ, 6-րդ, 7-րդ, 1998 թվականի նոյեմբերի 19-ի «Հայաստանի Հանրապետությունում ընտանեկան նպաստի համակարգը ներդնելու մասին» N 727 որոշման 2-րդ, 3-րդ, 4-րդ կետերը և 1998 թվականի դեկտեմբերի 31-ի «Ընտանեկան նպաստի (անապահովության սահմանային մեծության միավորի, բազային նպաստի, ընտանիքի յուրաքանչյուր անդամին տրվող հավելման չափի) մասին» N 865 որոշումը:

10. Սույն որոշումն ուժի մեջ է մտնում պաշտոնական հրապարակման պահից:

Հայաստանի Հանրապետության վարչապետ

Ա. Մարգարյան

Հաստատված է  ՀՀ կառավարության 2000 թվականի հուլիսի 3-ի N 350 որոշմամբ

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՂՔԱՏՈՒԹՅԱՆ ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՆՇԱՆԱԿՄԱՆ ՈՒ ՎՃԱՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով սահմանվում է Հայաստանի Հանրապետությունում աղքատության ընտանեկան նպաստի (այսուհետև` աղքատության նպաստ) և աղքատության նպաստի համակարգում չընդգրկված առավել անապահով ընտանիքներին միանվագ դրամական օգնության նշանակման ու վճարման կարգը:

2. Աղքատության նպաստի և միանվագ դրամական օգնության վճարումը կատարվում է Հայաստանի Հանրապետության պետական բյուջեից համապատասխան սոցիալական ծառայությունների տարածքային կենտրոններին (այսուհետև` կենտրոն)` այդ նպատակով նախատեսված ֆինանսական միջոցների սահմաններում:

3. Աղքատության նպաստի և միանվագ դրամական օգնության համար ֆինանսական միջոցների ամսական չափերն ըստ կենտրոնների, հաշվի առած ընտանիքների անապահովության աստիճանի գնահատման կարգով որոշված աղքատ ընտանիքների թիվը, ընտանիքի անապահովության սահմանային մեծության միավորը, աղքատության նպաստի բազային մասը, ընտանիքի յուրաքանչյուր անդամին տրվող հավելման և միանվագ դրամական օգնության չափերը, սահմանում է Հայաստանի Հանրապետության կառավարությունը:

4. Աղքատության նպաստ կամ միանվագ դրամական օգնություն նշանակելու համար ընտանիքի (անդամները բնակվում են համատեղ և վարում ընդհանուր տնտեսություն) չափահաս անդամներից մեկը տարեկան մեկ անգամ իր (մշտական, ժամանակավոր կամ փաստացի) բնակության վայրի կենտրոն է ներկայացնում դիմում-հայտարարագիր:

5. Կենտրոնն աղքատության նպաստ կամ միանվագ դրամական օգնություն նշանակելու որոշում ընդունելու համար հիմք է ընդունում ընտանիքի ներկայացրած դիմում-հայտարարագիրը, փաստաթղթերը, ինչպես նաև աղքատության ընտանեկան նպաստի տեղեկատվական բազայի միջոցով տվյալ ընտանիքի մասին տրամադրված` Հայաստանի Հանրապետության նախարարություններից և գերատեսչություններից ստացված տեղեկատվությունները:

6. Կենտրոնն աղքատության նպաստ նշանակելու մասին դիմում-հայտարարագիրը քննարկում է ոչ ուշ, քան դիմում-հայտարարագիրն ու անհրաժեշտ փաստաթղթերն ստանալուց հետո 25-օրյա ժամկետում:

7. Աղքատության նպաստի նշանակման մերժման մասին որոշում ընդունելուց հետո կենտրոնը 5-օրյա ժամկետում հայտնում է դիմողին` նշելով մերժման պատճառը:

8. Աղքատության նպաստի նշանակման մերժման մասին կենտրոնի որոշումը կարող է բողոքարկվել վերադասության կամ դատական կարգով:

9. Կենտրոնի կողմից աղքատության նպաստի նշանակման մերժման հիմք են հանդիսանում`

անապահովության սահմանային մեծության միավորից ընտանիքի անապահովության միավորի ցածր լինելը.

ներկայացված փաստաթղթերի լրիվ կամ հավաստի չլինելը.

Հայաստանի Հանրապետության նախարարություններից և գերատեսչություններից ստացված տեղեկատվության կիրարկման, կենտրոնի կամ սոցիալական աջակցության խորհրդի կողմից կատարված ուսումնասիրության արդյունքում ընտանիքին ապահով ճանաչելը:

II. ԱՂՔԱՏՈՒԹՅԱՆ ՆՊԱՍՏ ՍՏԱՆԱԼՈՒ ԻՐԱՎՈՒՆՔԸ, ՆՊԱՍՏԻ ՀԱՇՎԱՐԿՈՒՄՆ ՈՒ ՎՃԱՐՈՒՄԸ

10. Աղքատության նպաստ ստանալու իրավունք ունեն ընտանիքների անապահովության գնահատման համակարգում հաշվառված այն ընտանիքները, որոնց անապահովության միավորը բարձր է անապահովության սահմանային մեծության միավորից վերջինիս գործողության մեջ մտնելու պահի դրությամբ:

11. Աղքատության նպաստը հաշվարկվում է աղքատության նպաստի բազային մասին ավելացնելով ընտանիքի յուրաքանչյուր անդամի համար տրվող հավելումը:

12. Աղքատության նպաստը վճարվում է անապահովության սահմանային մեծության միավորի գործողության մեջ դրվելու պահից:

III. ԱՂՔԱՏՈՒԹՅԱՆ ՆՊԱՍՏ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ ՆՇԱՆԱԿԵԼՈՒ ՈՒ ՎՃԱՐԵԼՈՒ ԿԱՐԳԸ ԵՎ ԴՐԱՆՑ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԸ

13. Աղքատության նպաստ և միանվագ դրամական օգնություն նշանակելու ու վճարելու համար անհրաժեշտ փաստաթղթերի ցանկը, ձևերը և ձևաթղթերը սահմանում է Հայաստանի Հանրապետության սոցիալական ապահովության նախարարությունը:

14. Աղքատության նպաստ և միանվագ դրամական օգնություն նշանակելու և վճարելու համար փաստաթղթերը պահվում են կենտրոնում և համարվում են խիստ հաշվառման փաստաթղթեր:

15. Աղքատության նպաստը և միանվագ դրամական օգնությունը վճարվում են ընտանիքի չափահաս անդամներից մեկին` մյուս չափահաս անդամների փոխադարձ համաձայնությամբ: Անհամաձայնության դեպքում ընտանիքի չափահաս անդամի պահանջով նրան վճարվում է աղքատության նպաստի իր բաժնեմասը:

16. Ընտանիքի կազմում փոփոխություն կատարվելու և աղքատության նպաստի իրավունքի պահպանման դեպքում աղքատության նպաստի չափի վերահաշվարկը կատարվում է նշված փոփոխությունը կենտրոնին հայտնի դառնալու հաջորդ ամսվանից:

17. Ընտանիքի այն անդամի բացակայության դեպքում, որի անվամբ նշանակված է աղքատության նպաստը կամ միանվագ դրամական օգնությունը, այն վճարվում է ընտանիքի այլ չափահաս անդամի:

18. Աղքատության նպաստի և միանվագ դրամական օգնության վճարումները կատարվում են «Հայփոստ» փակ բաժնետիրական ընկերության միջոցով (այսուհետև` ընկերություն):

Այդ նպատակով յուրաքանչյուր ամիս կենտրոնը կազմում ու հաստատում է աղքատության նպաստի և միանվագ դրամական օգնության առանձին ցուցակները` դրանք տրամադրելով ընկերությանը:

19. Ընկերություններն աղքատության նպաստի և միանվագ օգնության վճարումներն իրականացնում են կենտրոնի կողմից Հայաստանի Հանրապետության սոցիալական ապահովության նախարարություն ներկայացված ֆինանսական միջոցների մասին հայտի հիման վրա` Հայաստանի Հանրապետության ֆինանսների և էկոնոմիկայի նախարարության կողմից փոստային բաժանմունքների համապատասխան բանկային հաշիվներին փոխանցված գումարների հաշվին:

20. Կենտրոնի սխալի հետևանքով չնշանակված կամ ընկերության մեղքով չվճարված գումարը վճարվում է միանվագ` առանց ժամկետի սահմանափակման:

21. Աղքատության նպաստ կամ միանվագ դրամական օգնություն նշանակող ու վճարող մարմինների աշխատողները խախտումներ կատարելու դեպքում կրում են պատասխանատվություն` Հայաստանի Հանրապետության օրենսդրությամբ սահմանված կարգով:

22. Ընտանիքի բնակության վայրը փոխվելու դեպքում աղքատության նպաստի վճարումը կասեցվում է: Աղքատության նպաստի փաստաթղթերը նպաստառուի դիմումի համաձայն ուղարկվում են նոր բնակության վայրի կենտրոն` նշելով աղքատության նպաստի վճարման և կասեցման ամիսը:

Նպաստի իրավունքի պահպանման դեպքում այն վերականգնվում է չվճարված ամսվանից:

IV. ԱՂՔԱՏՈՒԹՅԱՆ ՆՊԱՍՏԻ ՎՃԱՐՄԱՆ ԴԱԴԱՐԵՑՄԱՆ ՀԻՄՔԵՐԸ ԵՎ ԺԱՄԿԵՏՆԵՐԸ

23. Աղքատության նպաստի վճարումը դադարեցվում է`

ա) ընտանիքի կազմում դրա նյութական, բնակարանային պայմանների փոփոխությունների հետևանքով ընտանիքի անապահովության միավորը սահմանային մեծության միավորից իջնելու,

բ) ընտանիքի` անընդմեջ երեք ամիս անհարգելի պատճառով աղքատության նպաստը չստանալու,

գ) կենտրոնի կամ սոցիալական աջակցության խորհրդի կողմից ընտանիքը ոչ նպաստառու ճանաչվելու,

դ) աղքատության ընտանեկան նպաստի տեղեկատվական բազայի միջոցով Հայաստանի Հանրապետության նախարարություններից և գերատեսչություններից ստացված տեղեկատվության համադրման հետևանքով նպաստի իրավունքը կորցնելու,

ե) աղքատության նպաստ ստացողի կողմից ակնհայտ կեղծ տեղեկություններով փաստաթղթեր ներկայացնելու, եկամուտները և ընտանիքում կատարված փոփոխությունները թաքցվելու դեպքերում:

Վերջինիս պատճառով ընտանիքը մեկ տարի ժամկետով զրկվում է աղքատության նպաստ ստանալու իրավունքից, և կենտրոնը դիմում է դատարան` հասցված վնասը փոխհատուցելու կապակցությամբ:

24. Աղքատության նպաստի վճարումը դադարեցվում է հետևյալ ժամկետներում`

ա) 23-րդ կետի «ա» և «բ» ենթակետերով նախատեսված դեպքերում` հաջորդ ամսվանից.

բ) 23-րդ կետի «գ», «դ» և «ե» ենթակետերով նախատեսված դեպքերում` հայտնաբերման պահից:

V. ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ ՏՐԱՄԱԴՐԵԼՈՒ ԿԱՐԳԸ ԵՎ ԺԱՄԿԵՏՆԵՐԸ

25. Միանվագ դրամական օգնություն նշանակվում է կենտրոնի կողմից:

26. Միանվագ դրամական օգնություն ստանալու իրավունք ունեն`

ա) ընտանիքների անապահովության գնահատման համակարգում հաշվառված այն ընտանիքները, որոնց անապահովության միավորը բարձրացել է անապահովության սահմանային մեծության միավորից` վերջինիս գործողության ժամանակահատվածում.

բ) անապահովության սահմանային մեծության միավորի գործողության ժամանակահատվածում անապահովության գնահատման համակարգում նոր հաշվառված այն ընտանիքները, որոնք ունեն անապահովության սահմանային միավորից բարձր միավոր.

գ) անապահովության սահմանային մեծության միավորից ցածր միավոր ունեցող և միանվագ դրամական օգնություն ստանալու համար դիմած ընտանիքները:

27. Միանվագ դրամական օգնությունը վճարվում է սույն կարգի 23-րդ կետի «ա», «բ», «գ» և «ե» ենթակետերով նախատեսված դեպքերի կիրարկման հետևանքով ազատված և միանվագ դրամական օգնություն ցույց տալու համար կենտրոնին հատկացված ֆինանսական միջոցների հաշվին:

28. Սույն կարգի 26-րդ կետում նշված ընտանիքներին միանվագ դրամական օգնություն նշանակվում է սոցիալական աջակցության խորհրդի առաջարկությամբ:

29. Անապահովության սահմանային միավորից ցածր անապահովության միավոր ունեցող ընտանիքներին միանվագ դրամական օգնություն հատկացվում է սույն կարգի 26-րդ կետի «ա» և «բ» ենթակետերում նշված բոլոր ընտանիքներին միանվագ դրամական օգնություն նշանակվելուց հետո, մնացած միջոցների սահմաններում, որոնք չեն կարող գերազանցել տվյալ կենտրոնին միանվագ դրամական օգնություն ցույց տալու համար տրամադրված ֆինանսական միջոցները (5 տոկոս):

30. Սույն կարգի 26-րդ կետի «գ» ենթակետով նախատեսված ընտանիքներին միանվագ դրամական օգնություն նշանակվում է`

մինչև 2000 թվականի հուլիսի 1-ը դիմելու դեպքում` ապրիլի 1-ից.

հուլիսի 1-ից հետո դիմելու դեպքում` դիմելու հաջորդ ամսվանից:

31. Սույն կարգի 23-րդ կետի «դ» ենթակետով սահմանված դեպքերում ազատված ֆինանսական միջոցների չափով նվազեցվում է տվյալ կենտրոնի համար սահմանված գումարի չափը` այն հետագայում Հայաստանի Հանրապետության կառավարության որոշմամբ վերաբաշխելու նպատակով:

32. Ընտանիքին միանվագ դրամական օգնություն նշանակելու մասին որոշումը կենտրոնի կողմից վերանայվում է յուրաքանչյուր ամիս:

ԱՂՔԱՏՈՒԹՅԱՆ ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅԱՆ ՎՃԱՐՄԱՆ ՀԱՄԱՐ ՆԱԽԱՏԵՍՎԱԾ ՖԻՆԱՆՍԱԿԱՆ ՄԻՋՈՑՆԵՐԻ ԱՄՍԱԿԱՆ ՉԱՓԵՐՆ ԸՍՏ ՍՈՑԻԱԼԱԿԱՆ ԾԱՌԱՅՈՒԹՅՈՒՆՆԵՐԻ ՏԱՐԱԾՔԱՅԻՆ ԿԵՆՏՐՈՆՆԵՐԻ

Մարզի անվանումը	Կենտրոնի անվանումը	Նպաստ ստացող ընտանիք- ների թիվը	2000 թ. հունվար- մարտ ամիսներին նպաստի համար ֆինանսավոր- ված գումարը (դրամ)	Նպաստի վճարման ամսական գումարը` ապրիլ ամսվա բազայով (դրամ)	Միանվագ դրամական օգնության գումարը (5 տոկոս) (դրամ)	Ընդամենը ՀՀ պետական բյուջեով նախատես- ված գումարը (D + E*9 + F*9) (դրամ)
A	B	C	D	E	F	G
Արարատ	Արարատ	738	20869806	5921599	306964	76926877
	Արտաշատ	5378	131501600	46169282	2393327	568565073
	Վեդի	3619	95498794	32711895	1695722	405167348
	Մասիս	3220	78236050	26777038	1388070	331722027
	ընդամենը	12955	326106250	111579815	5784083	1382381326
Արագածոտն	Աշտարակ	4098	91642417	31492285	1632499	389765473
	Ապարան	868	21417150	7003582	363052	87716854
	Ծաղկահովիտ	732	15950800	6739794	349378	79753345
	Թալին	3041	66077600	22506454	1166691	279135908
	ընդամենը	8739	195087967	67742114	3511621	836371581
Արմավիր	Արմավիր	4650	111085200	36919768	1913850	460587763
	Վաղարշապատ	4027	104100250	33925930	1758655	425261510
	Բաղրամյան	733	17989450	6376362	330538	78351555
	ընդամենը	9410	233174900	77222060	4003043	964200827
Գեղարքունիք	Գավառ	2559	67698020	23962811	1242186	294542993
	Սևան	2120	51739550	17277942	895655	215301928
	Վարդենիս	2754	56334380	20573238	1066477	251091814
	Ճամբարակ	1678	32999000	10833923	561610	135558798
	Մարտունի	5805	123890400	50693342	2627845	603781086
	ընդամենը	14916	332661350	123341257	6393773	1500276619
Լոռի	Թումանյան	2892	64778550	20644998	1070197	260215307
	Վանաձոր	14662	349197700	108925102	5646467	1380341821
	Սպիտակ	6927	154485050	55401854	2871925	678949066
	Ստեփանավան	4722	92953445	32980523	1709647	405164977
	Տաշիր	1236	26678395	9002350	466664	111899527
	ընդամենը	30439	688093140	226954828	11764901	2836570698
Կոտայք	Աբովյան	4748	109245700	39148233	2029369	479844121
	Հրազդան	4163	103098450	35014541	1815086	434565095
	Չարենցավան	2004	45242600	16439861	852211	200871246
	Նաիրի	2218	52461950	18931903	981393	231681621
	ընդամենը	13133	310048700	109534539	5678060	1346962083
Շիրակ	Արթիկ	4265	96843550	34269580	1776469	421257989
	Գյումրի	22705	584035000	179665369	9313507	2284844877
	Ամասիա	255	4941300	1840412	95403	22363636
	Մարալիկ	1216	29707250	9884414	512389	123278473
	Ախուրյան	2601	65570741	21626390	1121070	270297883
	Աշոցք	269	6258700	2061059	106841	25769804
	ընդամենը	31311	787356541	249347223	12925680	3147812662
Սյունիք	Գորիս	2676	64360950	22144916	1147950	273996747
	Կապան	3711	77449700	25624032	1328300	320020695
	Մեղրի	1035	18028550	6688131	346700	81342023
	Սիսիան	1755	11454300	13524096	701063	169480730
	ընդամենը	9177	201293500	67981175	3524013	844840195
Տավուշ	Դիլիջան	1756	40792850	13576496	703779	169315325
	Իջևան	4606	103225250	35313157	1830566	437518754
	Նոյեմբերյան	2934	62985700	21569571	1118125	267174962
	Բերդ	3732	82178700	28826839	1494328	355069201
	ընդամենը	13028	289182500	99286062	5146798	1229078243
Վայոց ձոր	Ջերմուկ	473	11588799	3557189	184398	45263084
	Վայք	886	19396100	6555658	339833	81455515
	Եղեգնաձոր	2466	63344020	20587443	1067213	258235925
	ընդամենը	3825	94328919	30700290	1591444	384954524
Երևան	Արաբկիր	5587	108637351	37460497	1941880	463258740
	Շենգավիթ	7514	170720999	55736455	2889270	698352531
	Աջափնյակ	5323	116140568	39639192	2054819	491386672
	Էրեբունի	6239	142660173	46569961	2414097	583516697
	Նոր Նորք	5574	130179364	43305390	2244868	540131686
	Կենտրոն	6637	127669389	41680470	2160635	522239335
	Մալաթիա- Սեբաստիա	6197	145327847	49822853	2582721	616978010
	Ավան	1924	42282206	14358494	744317	178207506
	Դավթաշեն	1385	33825120	11211244	581169	139956840
	Նորք-Մարաշ	899	18985452	6849749	355078	83828895
	Նուբարաշեն	555	12903244	4638120	240431	56810201
	Քանաքեռ- Զեյթուն	3737	85226437	28741400	1489899	357308126
	ընդամենը	51571	1134558150	380013825	19699185	4731975240
	Ընդամենը	198504	4591891917	1543703187	80022600	19205424000

Հայաստանի Հանրապետության կառավարության աշխատակազմի ղեկավար-նախարար

Ա. Մանուկյան

ԱՂՔԱՏՈՒԹՅԱՆ ԸՆՏԱՆԵԿԱՆ ՆՊԱՍՏԻ ԵՎ ՄԻԱՆՎԱԳ ԴՐԱՄԱԿԱՆ ՕԳՆՈՒԹՅՈՒՆ ՆՇԱՆԱԿԵԼՈՒ ՀԱՄԱՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՈՒԹՅՈՒՆՆԵՐԻ ԵՎ ԳԵՐԱՏԵՍՉՈՒԹՅՈՒՆՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՆԱԽԱՐԱՐՈՒԹՅԱՆԸ ՏՐԱՄԱԴՐՎՈՂ ՏԵՂԵԿԱՏՎՈՒԹՅՈՒՆ

NN ը/կ	Անվանումը	Բովանդակությունը	Անհրաժեշտ տվյալները	Պարբերակա- նությունը	Ժամկետը	Կրիչը	Ծանոթագրություն
1	2	3	4	5	6	7	8
1.	ՀՀ արդարադատության նախարարություն	մահեր ծնունդներ ամուսնություններ ամուսնալուծություններ	համապատասխան վկայականի պատճենը (անհրաժեշտ տվյալները մուտքագրելու և սահմանված ժամկետում վերադարձնելու պայմանով)	եռամսյա	հաջորդ ամսվա 25-ը	թղթով	Տրվում է ՀՀ ազգային վիճակագրական ծառայության և ՔԿԱ-ի կենտրոնական արխիվի միջոցով:
2.	ՀՀ ներքին գործերի նախարարություն	անձնական օգտագործման փոխադրամիջոցներ	1998 թվականից սկսած ավտոմեքենայի նոր պետհամարանիշ ստացած փոխադրամիջոցի սեփականատիրոջ անունը, հայրանունը, ազգանունը, հասցեն և ավտոմեքենայի պետհամարանիշը	ամենամսյա	հաջորդ ամսվա 15-ը	մագնիսա-կան կրիչով
3.	ՀՀ էներգետիկայի նախարարություն	էլեկտրաէներգիայի անհատ բաժանորդներ	բաժանորդի անունը, հայրանունը, ազգանունը, հասցեն, բաժանորդի քարտի համարը, էլեկտրաէներգիայի սպառման ամսական չափը	1999 թ. և 2000 թ. ըստ ամիսների	հաջորդ ամսվա 20-ը	մագնիսա- կան կրիչով
	«ՀայՌուսգազարդ» ՓԲԸ	բնական գազի բաժանորդներ	բաժանորդի անունը, հայրանունը, ազգանունը, հասցեն, բաժանորդի քարտի համարը, գազի սպառման ամսական չափը
4.	ՀՀ պետական եկամուտների նախարարություն	մաքսային մուծումներ	անունը, հայրանունը, ազգանունը, հասցեն, անձնագրի սերիան, համարը և մաքսային մուծումների չափը	1999 թ. ըստ ամիսների 2000 թ. ըստ եռամսյակների	հաջորդ ամսվա 20-ը	մագնիսա- կան կրիչով
5.	ՀՀ տրանսպորտի և կապի նախարարություն	միջքաղաքային խոսակցություններ	բաժանորդի անունը, հայրանունը, ազգանունը, հասցեն, հեռախոսահամարը և խոսակցության դիմաց մուծված գումարը	2000 թ. ըստ ամիսների	հաջորդ ամսվա 20-ը	մագնիսա- կան կրիչով
		անհատ բաժանորդներ	բաժանորդի անունը, հայրանունը, ազգանունը, հասցեն, բջջային հեռախոսի համարը և հեռախոսավարձը
6.	ՀՀ սոցիալական ապահովագրության պետական հիմնադրամ	կենսաթոշակառուների մասին	կենսաթոշակառուի անունը, հայրանունը, ազգանունը, հասցեն, հաշմանդամության խումբը, կենսաթոշակի վկայականի համարը	եռամսյա	հաջորդ ամսվա 10-ը	մագնիսա- կան կրիչով
7.	ՀՀ ազգային վիճակագրական ծառայություն	ՍՊԸ ՓԲԸ ԲԲԸ ԼՏԸ ԼՊԸ վստահության վրա հիմնված ընկերության ձեռնարկատերեր	կազմակերպության անվանումը, գտնվելու վայրը, գրանցված անդամների անունները, հայրանունները, ազգանունները, հասցեները, վկայականների համարները և գրանցման ամսաթվերը	ամենամսյա	հաջորդ ամսվա 20-ը	մագնիսա-կան կրիչով
8.	ՀՀ անշարժ գույքի կադաստրի պետական կոմիտե	անշարժ գույքի օտարում	գործարք իրականացնող կողմերի անունները, հայրանունները, ազգանունները, անձնագրերի համարները, հասցեները, անշարժ գույքի տեսակը	կիսամյակ	հաջորդ ամսվա 30-ը	մագնիսա- կան կրիչով