«Վավերացնում եմ»

Հայաստանի Հանրապետության

Նախագահ Ռ. Քոչարյան

1 հունիսի 1999 թ.

Հայաստանի Հանրապետության կառավարություն

ո ր ո շ ու մ

1 հունիսի 1999 թվականի N 377

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱԿՐԹԱԿԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ ՓՈՐՁՆԱԿԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության հանրակրթական համակարգի բարեփոխումների ռազմավարությունը ճշգրտելու նպատակով և ի կատարումն Հայաստանի Հանրապետության կառավարության 1998 թվականի հոկտեմբերի 28-ի «Պետական հանրակրթական հաստատությունների համակարգի կառավարման հետագա ապակենտրոնացման մասին» N 661 որոշման` Հայաստանի Հանրապետության կառավարությունը որոշում է.

1. Հաստատել`

ա) Հայաստանի Հանրապետության հանրակրթական համակարգի բարեփոխումների փորձնական ծրագիրը և ժամանակացույցը (կցվում են).

բ) պետական հանրակրթական համակարգի հաստատությունների ըստ աշակերտների թվի ֆինանսավորման ժամանակավոր կարգը (կցվում է).

գ) Հայաստանի Հանրապետության հանրակրթական համակարգի բարեփոխումների փորձնական ծրագրում ընդգրկված դպրոցների ցանկը (կցվում է).

2. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության հանրակրթական համակարգի բարեփոխումների փորձնական ծրագրում ընդգրկված դպրոցների ֆինանսավորումը 1999 թվականի սեպտեմբերի 1-ից իրականացնել դրանց վերադաս կառավարման մարմնի միջոցով` ըստ աշակերտների թվի ֆինանսավորման ժամանակավոր կարգով հաշվարկված և հաստատված նախահաշիվների հիման վրա:

3. Թույլատրել Հայաստանի Հանրապետության հանրակրթական բարեփոխումների փորձնական ծրագրում ընդգրկված դպրոցներին բացել բանկային հաշիվներ:

4. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության կրթության և գիտության նախարարությանը` Հայաստանի Հանրապետության հանրակրթական համակարգի բարեփոխումների փորձնական ծրագրում ընդգրկված հանրակրթական հաստատություններին բանաձևով մեկ սովորողին ընկնող տարեկան գումարը տարբերակել նաև ըստ բարձր լեռնային բնակավայրերում գտնվող և վարժարանային դասարաններ ունեցող դպրոցների:

5. Հայաստանի Հանրապետության կրթության և գիտության նախարարությանը` Հայաստանի Հանրապետության հանրակրթական համակարգի բարեփոխումների փորձնական ծրագրի իրականացման արդյունքների հիման վրա մինչև 2000 թվականի հուլիսի 30-ը Հայաստանի Հանրապետության կառավարություն ներկայացնել առաջարկություն Հայաստանի Հանրապետության հանրակրթական համակարգի բարեփոխումների փորձնական ծրագրի հետագա ընթացքի վերաբերյալ:

6. Սույն որոշումն ուժի մեջ է մտնում 1999 թվականի հունիսի 1-ից:

Հայաստանի Հանրապետության վարչապետ

Ա. Դարբինյան

Հաստատված է ՀՀ կառավարության 1999 թվականի հունիսի 1-ի N 377 որոշմամբ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱԿՐԹԱԿԱՆ ՀԱՄԱԿԱՐԳԻ

ԲԱՐԵՓՈԽՈՒՄՆԵՐԻ

ՓՈՐՁՆԱԿԱՆ ԾՐԱԳԻՐ

ՀՀ ՀԱՆՐԱԿՐԹԱԿԱՆ ՀԱՄԱԿԱՐԳԻ ԲԱՐԵՓՈԽՈՒՄՆԵՐԻ
ՓՈՐՁՆԱԿԱՆ ԾՐԱԳՐԻ ՆԿԱՐԱԳՐՈՒԹՅՈՒՆԸ

Ներածություն

Հանրակրթության համակարգի բարեփոխումների ռազմավարության հիմնական ուղղություններից են համակարգի կառուցվածքային, ֆինանսատնտեսական և կազմակերպական բարեփոխումները, որոնք ներառում են հանրակրթության կառավարման ապակենտրոնացումը և հաստատությունների ինքնավարության աճը, անցումը ֆինանսավորման նոր` ըստ աշակերտների թվի համակարգի: Ղեկավարման և ֆինանսավորման նոր սկզբունքները բարենպաստ պայմաններ կստեղծեն համակարգի ռացիոնալացման, գործունեության օպտիմալ ցուցանիշների հասնելու համար:

Նկատի ունենալով հանրակրթության կարևորությունը պետության և հասարակության զարգացման գործում` բարեփոխումների շրջանակներում նախատեսվող միջոցառումները նախապես պետք է փորձարկվեն մինչ դրանց լայնամասշտաբ ներդրումը:

Սույն փորձնական ծրագիրը մշակված է հանրակրթության բարեփոխումների ռազմավարությանը համապատասխան և նախատեսված է 1999-2000 թթ. ժամանակաշրջանի համար:

Փորձնական ծրագրի նպատակը

Հանրակրթության բարեփոխումների փորձնական ծրագիրը (այսուհետև` ծրագիր) նպատակ ունի գնահատելու կրթական համակարգի բարեփոխումների հնարավորություններն ու իրականացման մեխանիզմները, ստեղծելու նպաստավոր և խթանող պայմաններ` կրթության համակարգի ռացիոնալացման և արդյունավետության բարձրացման համար:

Ծրագրում կփորձարկվեն հանրակրթության բարեփոխումների շրջանակներում առաջարկվող նորամուծությունների, մասնավորապես, կառավարման ապակենտրոնացման, դպրոցների` ըստ աշակերտների թվի ֆինանսավորման, ինքնավարության բարձրացման մեխանիզմների արդյունավետությունն ու կենսունակությունը:

Փորձնական ծրագրից քաղված դասերը հաշվի կառնվեն բարեփոխումների ռազմավարության և հիմնական փուլի ծրագրի մեջ փոփոխություններ և ճշգրտումներ կատարելու համար:

Ծրագրի նկարագրությունը

Ծրագիրն ունի համալիր բնույթ, քանզի դրանում ընդգրկված են տարբեր տիպերի և տարբեր տարածաշրջանների դպրոցներ, բարեփոխումների տարբեր ուղղություններ:

Ծրագրում ընդգրկված են հանրապետության հանրակրթական հաստատությունների մոտ 10 տոկոսը: Ընտրությունը կատարվել է այնպես, որ հնարավորին չափ ամբողջականորեն արտացոլվի հանրակրթական համակարգի բազմազանությունը: Հաշվի են առնվել նաև բարեփոխումների շրջանակներում արդեն իսկ իրականացված ծրագրերի փորձը և տեղական ու տարածքային կառավարման մարմինների պատրաստակամությունը` մասնակցելու փորձնական ծրագրին:

Ծրագրով նախատեսված է հետևյալ միջոցառումների իրականացումը`

1. Հաստատությունների կառավարման և ղեկավարման ապակենտրոնացում: Ծրագրում ընդգրկված դպրոցները կանցնեն դպրոցական խորհուրդների միջոցով ղեկավարման ձևին: Ընդ որում, դրանց 2/3-ը կմնա մարզերի, իսկ մյուսները կանցնեն համայնքների կառավարմանը: Համապատասխան տիպային կանոնադրությունները և փաստաթղթերի փաթեթը հաստատված են:

Համայնքային ենթակայությանը հանձնված դպրոցներն ընտրված են Հայաստանի բոլոր մարզերից, բացառությամբ Երևանի: Տասը մարզերի ընդգրկումը նպատակ ունի փորձնական փուլի ավարտին համեմատական վերլուծության ենթարկել ապակենտրոնացման արդյունավետությունը` կախված համայնքների առանձնահատկություններից:

Մարզային ենթակայության դպրոցներն ընտրված են երեք տարբեր մարզերից: Փորձնական տարածքները, որոնց պայմանականորեն անվանում ենք «կրթական գոտիներ», առանձնացված են հետևյալ մարզերից`

1. Վայոց ձորի մարզ` հատուկ է կտրտված ռելիեֆը, առանձնացված բնակավայրերի առկայությունը, համայնքների սոցիալական ցածր ապահովվածությունը,

2. Կոտայքի մարզ` առավել մոտ է հանրապետության միջին ցուցանիշներին,

3. Երևան` որպես խիտ բնակեցված մեծ քաղաքի մոդել:

Ընտրված մարզերի և դպրոցների ցանկերը կցվում են:

«Կրթական գոտիներն» առանձնացված են` ելնելով հետևյալ սկզբունքներից`

ա) գոտին պետք է արտացոլի տարածքի սոցիալ-դեմոգրաֆիական և աշխարհագրական առանձնահատկությունները,

բ) դպրոցների քանակը յուրաքանչյուր գոտում պետք է լինի բավարար` այնտեղ ռացիոնալացման հնարավորությունների ստեղծման և տարբերակների փորձարկման համար,

գ) գոտին պետք է ընդգրկի տվյալ պարփակ աշխարհագրական տարածքի բոլոր դպրոցները,

դ) գոտին պետք է պարունակի ինչպես քաղաքային, այնպես էլ գյուղական համայնքներ,

ե) գոտին պետք է ընդգրկի տարբեր տիպերի (կրտսեր, միջին, ավագ, միջնակարգ) աշխարհագրական դիրքի (սահմանամերձ, բարձրադիր, մեկուսացված) և հզորությունների դպրոցներ:

Ծրագրում ընդգրկված դպրոցներում կստեղծվեն կառավարման բարձրագույն մարմիններ` դպրոցական խորհուրդներ: Խորհուրդների ստեղծումով կապահովվեն ղեկավարման դեմոկրատացումը, համայնքի և ծնողների ներգրավումը դպրոցի կառավարման գործում: Խորհուրդների ստեղծումը կնպաստի արտաբյուջետային միջոցների ներգրավմանը, ֆինանսների օգտագործման թափանցիկությանը, հաշվետվական ու վերահսկողական համակարգերի հստակեցմանը և ուժեղացմանը:

Դպրոցի ընթացիկ գործունեությունը, խորհրդի որոշումներն իրականացնում է դպրոցի տնօրենը, որն ընտրվում է ՀՀ կրթության և գիտության նախարարության սահմանած մրցութային կարգի և չափանիշների համաձայն:

2. Անցում ըստ աշակերտների թվի (ամբողջական գումարի հատկացմամբ) ֆինանսավորման եղանակին: Ֆինանսավորման այս ձևը հետապնդում է հետևյալ նպատակները`

● բարձրացնել բյուջետային միջոցների օգտագործման արդյունավետությունը և նպատակայնությունը,

● հիմքեր ստեղծել դպրոցի մակարդակում որոշումների ընդունման համար,

● ապահովել դպրոցների ինքնուրույնությունն իրենց եկամուտների և ծախսերի պլանավորման հարցում,

● խթանել մրցակցությունը դպրոցների միջև,

● տարբերակված մոտեցում ցուցաբերել դպրոցների նկատմամբ,

● ապահովել համայնքի և ծնողների կողմից միջոցների ծախսման վերահսկողությունը,

● ստեղծել նախապայմաններ` դպրոցների և դրանց գործունեության առավել ռացիոնալ կազմակերպման, միջոցների խնայողության և նպատակային վերաբաշխման համար:

Ֆինանսավորման այս համակարգը պետք է բավարարի հետևյալ սկզբունքներին`

ա) ելակետային պայմանների հավասարություն.

բ) տարբերակված մոտեցում` ըստ հաստատությունների.

գ) հանրապետության համար ռազմավարական նշանակության դպրոցների` «պաշտպանված դպրոցների» նախկին չափով ֆինանսավորման երաշխավորվածություն,

դ) մեկ աշակերտի ֆինանսավորման նորմատիվի հիմնավորվածություն:

Ըստ աշակերտների թվի ֆինանսավորման կարգը և հաշվարկ-հիմնավորումը կցվում է:

3. Ընտրված գոտիներում հանրակրթական հաստատությունների ռացիոնալացում: Այս միջոցառման հիմնական նպատակն է բյուջետային միջոցների արդյունավետ օգտագործումը, ուսուցիչների աշխատավարձի և կենսամակարդակի բարձրացումը:

Ռացիոնալացումը կարող է իրականացվել ինչպես ներդպրոցական, այնպես էլ` միջդպրոցական մակարդակներում: Ներդպրոցական մակարդակում այն ենթադրում է`

● թերկոմպլեկտավորված դասարանների վերակոմպլեկտավորում,

● խիստ թերկոմպլեկտավորված դասարանների դեպքում` երկկոմպլեկտ և եռակոմպլեկտ դասարանների ստեղծում,

● օժանդակ և վարչական աշխատակազմի թվաքանակի օպտիմալացում,

● ուսուցիչների թվաքանակի կրճատում,

● ուսուցիչ-աշակերտ հարաբերակցության օպտիմալացում` սահմանված նորմերի շրջանակներում
դասարանների խտության բարձրացման և ուսուցիչների ծանրաբեռնվածության մեծացման միջոցով:

Միջդպրոցական մակարդակում ռացիոնալացումը կարող է իրականացվել դպրոցների միավորման կամ դպրոցի տիպի փոփոխության միջոցով: Սա վերաբերում է հիմնականում խիստ բնակեցված, իրար մոտ տեղակայված մի քանի դպրոցներ ունեցող բնակավայրերին: Միջդպրոցական ռացիոնալացման ենթակա չեն առանձնացված և ռազմավարական տեսանկյունից կարևոր բնակավայրերի դպրոցները:

Կրթության վարկային ծրագրի միջոցներն առաջնահերթ կուղղորդվեն փորձնական ծրագրում ընդգրկված դպրոցներին անհրաժեշտ աջակցություն ցուցաբերելուն: Մասնավորապես`

ա) կկազմակերպվի ֆինանսավորման, տնտեսավարման և կառավարման նոր ձևերին վերաբերող համապատասխան գիտելիքների և հմտությունների ուսուցում` դպրոցների տնօրենների և խորհուրդների անդամների համար.

բ) կիրականացվի «Դպրոցների բարելավման ծրագիրը». փորձնական գոտիների դպրոցներին մրցութային կարգով կհատկացվեն մինչև 10000 ԱՄՆ-ի դոլարին համարժեք դրամաշնորհներ` դպրոցի և ուսումնադաստիարակչական աշխատանքների զարգացմանն ուղղված կրթական ծրագրերի համար.

գ) կկազմակերպվի փորձնական ծրագրի լուսաբանում, համայնքներում կտարվի լուսավորչական աշխատանք:

Սույն ծրագրի իրականացումը կատարվում է և ՀՀ կրթության և գիտության նախարարության հաստատած և ՀՀ արդարադատության նախարարությունում պետական գրանցում ստացած նորմատիվային փաստաթղթերի հիման վրա:

Ծրագրի ժամանակացույցը

Գործընթացը		Կատարման ժամկետը
1.	Փորձնական ծրագրում ընդգրկված դպրոցների ռացիոնալացման արդյունքով վերջնական ցանկի հաստատում
●	մարզային կրթության բաժինների (վարչությունների) պետերի խորհրդակցություն	մարտի 20 1999 թ.
●	ծրագրում ընդգրկված 3 փորձնական մարզերում աշխատանքային խմբերի (երեքից ոչ ավելի անդամ) ստեղծում, պայմանագրերի կնքում	մարտի 30 1999 թ.
●	դպրոցների նախնական իրավիճակի փաստագրում` համաձայն ներկայացված ձևի	ապրիլի 15 1999 թ.
●	դպրոցների կարգավիճակի (տիպի) ճշտում, սպասարկման տարածքի ամրագրում, տարածքի դպրոցահասակ երեխաների թվի ճշտում	ապրիլի 30 1999 թ.
●	«Պաշտպանված» դպրոցների ցանկի կազմում, ներկայացում ՀՀ կառավարության հաստատմանը	ապրիլի 30 1999 թ.
●	դպրոցների միավորման և տիպի փոփոխման մասին որոշումների ընդունում (ըստ անհրաժեշտության)	մայիս-հունիս 1999 թ.
2.	Ծրագրում ընդգրկված դպրոցների նախապատրաստում
●	դպրոցական խորհուրդների կազմավորում, հաստատում վերադասի կողմից	մինչև մայիս 1999 թ.
●	արտաբյուջետային հաշիվների բացում	հուլիս 1999 թ
●	տնօրենների ընտրություն	հունիսի 30-ից 1999 թ.
●	տնօրենների, խորհուրդների անդամների և հաշվապահների վերապատրաստման դասընթացներ	հուլիս-օգոստոս 1999 թ.
●	ներդպրոցական կառավարման ռացիոնալացում և օպտիմալացման ծրագրերի մշակում	հուլիս-օգոստոս 1999 թ.
●	ներկայացված ծրագրերի մրցույթի հիման վրա դպրոցներին դրամաշնորհների տրամադրում /ԴԲԾ/	հունիս-օգոստոս 1999 թ.
3.	Ուսումնական տարվա նախապատրաստում
●	ըստ աշակերտի ֆինանսավորման կարգի հաստատում	մինչև մայիս 1999 թ.
●	դպրոցների նախահաշիվների մշակում և հաստատում	հուլիս-օգոստոս 1999 թ.
●	դպրոցների ուսումնական պլանների հաստատում	օգոստոս 1999 թ.
●	դասարանների կոմպլեկտավորում, դասաբաշխում, դպրոցների աշխատակազմի համալրում	օգոստոս-սեպտեմբեր 1999 թ.
4.	Փորձնական ծրագրում ընդգրկված պետական կրթական հաստատությունների ուսումնասիրում և հաջորդ փուլի համար համայնքների կառավարմանը հանձնելու վերաբերյալ առաջարկության մշակում	նոյեմբեր 1999 թ.
5.	Փորձնական ծրագրի վերահսկում և միջանկյալ գնահատում	սեպտեմբեր-դեկտեմբեր 1999 թ.

Ժամանակացույցում օգտագործված հապավումը

ԴԲԾ - դպրոցների բարելավման ծրագիր:

Ծրագրի ընթացիկ վիճակը

● ՀՀ կառավարությունը հաստատել է «Կրթության մասին» ՀՀ օրենքի նախագիծը, որով սահմանված է դպրոցների կարգավիճակը, ՀՀ կրթության և գիտության նախարարության, մարզերի և համայնքների պատասխանատվություններն ու իրավասությունները:

● ՀՀ կառավարության N 661 որոշմամբ հաստատված է համայնքների ենթակայությանը հանձնված 57 դպրոցների ցանկը և ժամանակավոր տիպային կանոնադրությունը

● 57 դպրոցների հանձնումը համայնքային կառավարմանն ավարտված է, բոլոր դպրոցներում խորհուրդները ձևավորված են: Գործադիր տնօրենների ընտրության գործընթացն ընթացքի մեջ է:

 ● Պետական հանրակրթական հաստատությունների համակարգի կառավարման ապակենտրոնացման փորձնական ծրագրի ապահովումն ապահովող նորմատիվային փաստաթղթերի փաթեթը պատրաստված է:

● Ընտրված են 3 կրթական գոտիները, կազմված են դրանցում ընդգրկված դպրոցների ցանկերը:

● Մշակված են տնօրենների վերապատրաստման ծրագիրը և համապատասխան ձեռնարկները, պատրաստվել է դասախոսական կազմ` 20 հիմնական, 4 պահուստային: Այդ ծրագրով շուրջ 80 տնօրեն անցել է փորձնական վերապատրաստում:

● «Կրթադաստիարակչական պետական հիմնարկների աշխատողների` ըստ պաշտոնների տարիֆավորակավորման բնութագրում» կատարված է փոփոխություն. նախատեսվել է գործադիր տնօրենի պաշտոն:

● Կատարված են ըստ աշակերտների թվի ֆինանսավորման նախնական հաշվարկները: Պատրաստված է ՀՀ կառավարության համապատասխան որոշման նախագիծը:

● Կատարված է ՀՀ հանրակրթության համակարգի ռացիոնալացման նախնական գնահատում:

● Մշակված է «Դպրոցների բարելավման ծրագրի» ղեկավար ձեռնարկը:

Հաստատված է ՀՀ կառավարության 1999 թվականի հունիսի 1-ի N 377 որոշմամբ

ՊԵՏԱԿԱՆ ՀԱՆՐԱԿՐԹԱԿԱՆ

ՀԱՍՏԱՏՈՒԹՅՈՒՆՆԵՐԻ` ԸՍՏ ԱՇԱԿԵՐՏՆԵՐԻ

ԹՎԻ ՖԻՆԱՆՍԱՎՈՐՄԱՆ ԿԱՐԳԸ

ՊԵՏԱԿԱՆ ՀԱՆՐԱԿՐԹԱԿԱՆ ՀԱՍՏԱՏՈՒԹՅՈՒՆՆԵՐԻ` ԸՍՏ ԱՇԱԿԵՐՏՆԵՐԻ ԹՎԻ ՖԻՆԱՆՍԱՎՈՐՄԱՆ ԺԱՄԱՆԱԿԱՎՈՐ ԿԱՐԳԸ

1. Փորձնական ծրագրում ընդգրկված պետական հանրակրթական հաստատությունների` ըստ աշակերտների թվի ֆինանսավորման դեպքում յուրաքանչյուր հաստատության տարեկան հասանելիք գումարը տրվում է մեկ թվով (ամբողջական գումարով)` առանց տնտեսագիտական դասակարգման ուղղությունների բաշխման, այդ իրավունքը վերապահելով տվյալ ուսումնական հաստատությանը, համաձայն ՀՀ կառավարության 1998 թվականի հոկտեմբերի 28 N 661 և 1997 թվականի հուլիսի 11 N 263 որոշումների:

2. Ռազմավարական նշանակություն ունեցող հաստատությունների ֆինանսավորումն իրականացնել ամբողջական գումարով` պահպանելով ընթացիկ ֆինանսավորման չափը:

3. Փորձնական ծրագրում ընդգրկված մյուս հանրակրթական հաստատություններին հատկացվող բյուջետային միջոցները հաշվարկել համաձայն հետևյալ բանաձևի`

B=AN+C,

որտեղ`

B-ն մեկ տարվա համար հաստատությանը հատկացվող ամբողջական գումարն է,

N-ը` հաստատության սովորողների թիվը,

A-ն` մեկ սովորողին ընկնող տարեկան գումարը,

C-ն` հաստատության պահպանման ծախսերի գումարը:

A, B, C թվերի հաշվարկման մեխանիզմը 1999 թվականի համար կցվում է:

Յուրաքանչյուր տարի, համաձայն կից տրված հաշվարկ-հիմնավորման, A, B, C թվերը պետք է վերահաշվարկվեն ՀՀ ֆինանսների և էկոնոմիկայի և ՀՀ կրթության և գիտության նախարարությունների կողմից համատեղ:

Եթե վերը նշված բանաձևով հաշվարկային ֆինանսավորման չափը չի համընկնում ընթացիկ ֆինանսավորմանը, ապա պահպանել առավելագույն ֆինանսավորման չափը` անհրաժեշտ լրացուցիչ միջոցները փոխհատուցելով 1999 թ. պետական բյուջեի 04.03.04. «Հանրակրթական դպրոցների մեկ աշակերտի թվով ֆինանսավորման անցումային շրջանի ծախսեր» հոդվածից:

Հանրակրթական հաստատությունների` ըստ աշակերտների թվի ֆինանսավորման բանաձԵՎի հաշվարկ-հիմնավորումը

Կրթության համակարգի ղեկավարման ապակենտրոնացման պայմաններում հաստատությունների ֆինանսավորման մեխանիզմները դառնում են ղեկավարման և պետական կրթական քաղաքականության իրականացման կարևորագույն լծակներից մեկը:

Անցումը դպրոցներին` աշակերտների թվից կախված, առանց տնտեսագիտական դասակարգման ֆինանսավորմանը հետապնդում է հիմնականում երկու նպատակ`

ա) մեծացնել հատկացված պետական միջոցների ծախսման նպատակայնությունը` առաջնայնությունների որոշումը թողնելով դպրոցական ինքնակառավարման մարմիններին.

բ) նպաստավոր պայմաններ ստեղծել և խթանել կրթական համակարգի ներդպրոցական և միջդպրոցական ցուցանիշների օպտիմալացմանը (դասարանների միջին խտություն, ուսուցիչ-աշակերտ հարաբերակցություն, ուսուցիչների միջին աշխատավարձ, դպրոցների միջին հագեցվածություն և այլն):

Անցումը ֆինանսավորման նոր համակարգին պետք է իրականացվի հնարավորին չափ սահուն` ապահովագրելով հանրակրթական դպրոցները կտրուկ փոփոխություններից և իրավիճակի վատթարացումից: Ռազմավարական նշանակություն ունեցող (սահմանամերձ, բարձր լեռնային, առանձնացված բնակավայրերի) դպրոցների նկատմամբ, որոնց աշակերտների սահմանափակ թիվը պայմանավորված է օբյեկտիվ գործոններով, պետք է ցույց տրվի տարբերակված մոտեցում` երաշխավորելով բավարար ֆինանսավորում:

Փորձնական ծրագրում ընդգրկված 154 դպրոցներից պայմանականորեն առանձնացվել են 100-ից քիչ սովորող ունեցող դպրոցները, որպես ռազմավարական նշանակություն ունեցող (դրանց ցանկը ենթակա է ճշգրտման): Ենթադրվում է, որ այդ դպրոցների ֆինանսավորման չափը կորոշվի մինչ այժմ գործող համակարգով` ըստ դասարան-կոմպլեկտների թվի, և կհատկացվի դպրոցներին` առանց տնտեսագիտական դասակարգման ուղղությունների բաշխման:

Դպրոցների` ըստ աշակերտների թվի ֆինանսավորման բանաձևի հաշվարկման համար հիմք են ընդունվել փորձնական ծրագրում ընդգրկված 100-ից ավելի սովորողներ ունեցող դպրոցների 1999 թ. ցուցանիշները սովորողների և ֆինանսավորման չափաքանակների վերաբերյալ (տես` աղյուսակ, սյունակներ 3, 4): Բանաձևի գործակիցները ենթակա են վերահաշվարկման յուրաքանչյուր տարվա համար` ելնելով ընթացիկ ցուցանիշներից:

Աղյուսակ

Փորձնական ծրագրում ընդգրկված 100-ից ավելի սովորողներ ունեցող դպրոցների ցուցանիշները

Դպրոցը	Մարզը	Աշ. թիվը	1999 թ. բյուջեն	մեկ աշ. ընկնող գումարը	Ֆին.ըստ աշ. թվի (հազ.դր.)	Տարբերությունը (+/-)	Դրական տարբերությունը (+)
Նուռնուս գյուղ	Կոտայք	101	3635.3	35.99	4014	378.9	378.7
Եղեգիս	Վայոց ձոր	104	3606	34.67	4056	450	450
Հատիս գյուղ	Կոտայք	105	5060.4	48.19	4070	-990.4
Կաթնաղբյուր գյուղ	Կոտայք	106	2805.5	26.47	4084	1278.5	1278.5
թիվ 3 դպրոց	Կոտայք	122	2963.8	24.29	4308	1344.2	1344.2
Մարտիրոս	Վայոց ձոր	131	4917.6	37.54	4434	-483.6
Ռադիոկայանին կից գյուղ	Կոտայք	133	3260.2	24.51	4462	1201.8	1201.8
Հերհեր	Վայոց ձոր	138	4171.6	30.23	4532	360.4	360.4
Թառաթումբ	Վայոց ձոր	139	2857.6	20.56	4546	1688.4	1688.4
Աղնջաձոր	Վայոց ձոր	141	3839.6	27.23	4574	734.4	734.4
Ազատեկ	Վայոց ձոր	151	4074.6	26.98	4714	639.4	639.4
Գեղադիր գյուղ	Կոտայք	157	4430.6	28.22	4798	367.4	367.4
Հացավան գյուղ	Կոտայք	159	4300.8	27.05	4826	525.2	525.2
Խնձորուտ	Վայոց ձոր	161	4424.6	27.48	4854	429.4	429.4
Ողջաբերդ գյուղ	Կոտայք	183	4437.7	24.25	5162	724.3	724.3
Զովք գյուղ	Կոտայք	188	4858.6	25.84	5232	373.4	373.4
թիվ 3	Վայոց ձոր	200	4852.6	24.26	5400	547.4	547.4
Վերին Պտղնի գյուղ	Կոտայք	205	4417.1	21.55	5470	1052.9	1052.9
Գնդեվազ	Վայոց ձոր	206	3754.1	18.22	5484	1729.9	1729.9
Թիվ 34 դպրոց	Երևան	210	5466.3	26.03	5540	73.7	73.7
թիվ 3	Տավուշ	211	6511.1	30.86	5554	-957.1
թիվ 6	Տավուշ	211	4944.1	23.43	5554	609.9	609.9
Քարագլուխ	Վայոց ձոր	224	5021.6	22.42	5736	714.4	714.4
թիվ 3	Վայոց ձոր	233	5729.3	24.59	5862	132.7	132.7
Թիվ 101 դպրոց	Երևան	242	8495.6	35.11	5988	-2507.6
Արտաբույնք	Վայոց ձոր	248	6360.6	25.65	6072	-288.6
թիվ 5	Սյունիք	260	6413.8	24.67	6240	-173.8
Զառիթափ	Վայոց ձոր	275	6455.4	23.47	6450	-5.4	-5.4
Թիվ 16 դպրոց	Երևան	279	5745.3	20.59	6506	760.7	760.7
Թիվ 107 դպրոց	Երևան	282	5469.8	19.40	6548	1078.2	1078.2
Պտղնի գյուղ	Կոտայք	288	6372.1	22.13	6632	259.9	259.9
Նոր գյուղ	Կոտայք	300	6425	21.42	6800	375	375
	Արարատ	321	6993.0	21.79	7094	101	101
Կապուտան գյուղ	Կոտայք	321	7067.7	22.02	7094	26.3	26.3
	Արարատ	328	6897.0	21.03	7192	295	295
Ագարակաձոր	Վայոց ձոր	334	6991.6	20.93	7276	284.4	284.4
թիվ 5 դպրոց	Սյունիք	336	7362.0	21.91	7304	-58	-58
Զառ գյուղ	Կոտայք	345	7417.1	21.50	7430	12.9	12.9
թիվ 3 դպրոց	Կոտայք	350	7537.8	21.54	7500	-37.8
թիվ 4 դպրոց	Սյունիք	352	7052.8	20.04	7528	475.2	475.2
	Արարատ	354	7939.0	22.43	7556	-383
թիվ 9 դպրոց	Կոտայք	354	5833.7	16.48	7556	1722.3	1722.3
Կոտայք գյուղ	Կոտայք	367	7655.5	20.86	7738	82.5	82.5
Ձորաղբյուր գյուղ	Կոտայք	385	7169.8	18.62	7990	820.2	820.2
թիվ 1 դպրոց	Վայոց ձոր	404	10278.5	25.46	8256	-2031.5
Շատին	Վայոց ձոր	404	7313.2	18.10	8256	942.8	942.8
թիվ 2 դպրոց	Կոտայք	404	8933.7	22.11	8256	-677.7
թիվ 2 դպրոց	Կոտայք	407	9459.8	23.24	8298	-1161.8
Ակունք գյուղ	Կոտայք	411	7849.2	19.10	8354	504.8	504.8
Թիվ 70 դպրոց	Երևան	422	8726.5	20.68	8508	-218.5
Կարճաղբյուրի միջնակարգ դպրոց	Գեղարքունիք	432	8655.0	20.03	8648	-7
թիվ 1 դպրոց	Լոռի	432	7270.6	16.83	8648	1377.4	1377.4
թիվ 2 դպրոց	Վայոց ձոր	448	8494.3	18.96	8872	377.7	377.7
թիվ 4 դպրոց	Կոտայք	449	7679.4	17.10	8886	1206.6	1206.6
թիվ 2 դպրոց	Լոռի	454	10138.7	22.33	8956	-1182.7
Կամարիս գյուղ	Կոտայք	463	7950.1	17.17	9082	1131.9	1131.9
Գողթ գյուղ	Կոտայք	477	8052.2	16.88	9278	1225.8	1225.8
թիվ 167 դպրոց	Երևան	482	8584.9	17.81	9348	763.1	763.1
թիվ 3 դպրոց	Լոռի	484	7047.7	14.56	9376	2328.3	2328.3
թիվ 5 դպրոց	Տավուշ	490	8926.7	18.22	9460	533.3	533.3
թիվ 2 դպրոց	Սյունիք	492	8381.2	17.03	9488	1106.8	1106.8
Գառնի	Կոտայք	493	11317	22.96	9502	-1815
թիվ 17 դպրոց	Երևան	494	8958.3	18.13	9516	557.7	577.9
թիվ 2 դպրոց	Արմավիր	510	10423.6	20.44	9740	-683.6
թիվ 7 դպրոց	Շիրակ	512	9208.8	17.99	9768	559.2	559.2
թիվ 1 դպրոց	Շիրակ	531	8350.8	15.73	10034	1683.2	1683.2
թիվ 3 դպրոց	Կոտայք	537	8896.2	16.57	10118	1221.8	1221.8
թիվ 1 դպրոց	Կոտայք	549	10866.3	19.79	10286	-580.3
թիվ 3 դպրոց	Շիրակ	554	10487.3	18.93	10356	-131.3
թիվ 5 դպրոց	Լոռի	568	9872.2	17.38	10552	679.8	679.8
թիվ 175 դպրոց	Երևան	580	9833.3	10720	886.7	886.7
Վերին Գետաշենի միջնակարգ դպրոց	Գեղարքունիք	595	11512.6	19.35	10930	-582.6
թիվ 2 դպրոց	Տավուշ	598	11083.5	18.53	10972	-111.5
թիվ 6 դպրոց	Սյունիք	600	11683.3	19.47	11000	-683.3
թիվ 2 դպրոց	Շիրակ	615	10677.8	17.36	11210	532.2	532.2
Արծվանիստի միջնակարգ դպրոց	Գեղարքունիք	617	10555.6	17.11	11238	682.4	682.4
թիվ 4 դպրոց	Տավուշ	623	11247.7	18.05	11322	74.3	74.3
թիվ 6 դպրոց	Կոտայք	625	11079.3	17.73	11350	270.7	270.7
թիվ 5 դպրոց	Կոտայք	633	12432.8	19.64	11462	-970.8
թիվ 5 դպրոց	Շիրակ	644	12034.9	18.69	11616	-418.9
թիվ 2 դպրոց	Կոտայք	648	11317.0	17.46	11672	355	355
թիվ 4 դպրոց	Սյունիք	649	11102.6	17.11	11686	583.4	583.4
Բալահովիտ գյուղ	Կոտայք	650	11095.4	17.07	11700	604.6	604.6
թիվ 3 դպրոց	Արմավիր	657	12849.4	19.56	11798	-1051.4
թիվ 6 դպրոց	Շիրակ	660	10411.6	15.78	11840	1428.4	1428.4
թիվ 4 դպրոց	Կոտայք	668	12549.4	18.79	11952	-597	-597
թիվ 64 դպրոց	Երևան	676	11618.3	17.19	12064	445.7	445.7
թիվ 1 դպրոց	Տավուշ	679	11096.2	16.34	12106	1009.8	1009.8
Ջրվեժ գյուղ	Կոտայք	693	12766.7	18.42	12302	-464.7
թիվ 11 դպրոց	Կոտայք	706	13738.5	19.46	12484	-1254.5
թիվ 5 դպրոց	Կոտայք	713	12525.1	17.57	12582	56.9	56.9
թիվ 43 դպրոց	Երևան	733	11754.3	16.04	12862	1107.7	1107.7
թիվ 1 դպրոց	Վայոց ձոր	736	11890.3	16.16	12904	1013.7	1013.7
թիվ 3 դպրոց	Կոտայք	739	13282.8	17.97	12946	-336.8
Արամուս գյուղ	Կոտայք	739	13179.9	17.83	12946	-233.9
թիվ 4 դպրոց	Շիրակ	752	11996.5	15.95	13128	1131.5	1131.5
թիվ 1 դպրոց	Սյունիք	763	13266.2	17.39	13282	15.8	15.8
թիվ 4 դպրոց	Լոռի	771	11192.4	14.52	13394	2201.6	2201.6
թիվ 3 դպրոց	Սյունիք	773	11620.4	15.03	13422	1801.6	1801.6
	Արարատ	784	12359.0	15.76	13576	1217	1217
թիվ 95 դպրոց	Երևան	793	11957.3	15.08	13702	1744.7	1744.7
թիվ 6 դպրոց	Երևան	819	14166.3	17.30	14066	-100.3
թիվ 47 դպրոց	Երևան	820	12694.3	15.48	14080	1385.7	1385.7
թիվ 1 դպրոց	Կոտայք	821	15888	19.35	14094	-1794
թիվ 4 դպրոց	Կոտայք	832	16116.5	19.37	14248	-1868.5
թիվ 8 դպրոց	Կոտայք	834	14373.6	17.23	14276	-97.6
Բյուրեղավան	Կոտայք	839	14245.7	14346	100.3	100.3
թիվ 1 դպրոց	Սյունիք	845	15166.8	17.95	14430	-736.8
թիվ 194 դպրոց	Երևան	895	14222.9	15.89	15130	907.1	907.1
թիվ 1 դպրոց	Կոտայք	900	16490.8	18.32	15200	-1290.8
թիվ 120 դպրոց	Երևան	901	14973.3	16.62	15214	240.7	240.7
թիվ 45 դպրոց	Երևան	904	14337.3	15.86	15256	918.7	918.7
	Արարատ	912	13932.0	15.28	15368	1436	1436
թիվ 1 դպրոց	Կոտայք	915	14348.3	15.68	15410	1061.7	1061.7
Գեղաշեն գյուղ	Կոտայք	959	15851.1	16.53	16026	174.9	174.9
թիվ 47 դպրոց	Երևան	973	13655.3	14.03	16222	2566.7	2566.7
Կարբիի միջնակարգ	Արագածոտն	976	17416.0	17.84	16264	-1152
թիվ 2 դպրոց	Վայոց ձոր	978	18735.6	19.16	16292	-2443.6
Առինջ գյուղ	Կոտայք	986	15673	15.90	16404	731	731
	Արարատ	992	14279.0	14.39	16488	2209	2209
թիվ 2 դպրոց	Կոտայք	1013	16840.4	16.62	16782	-58.4
թիվ 6 դպրոց	Կոտայք	1037	16487.1	15.90	17118	630.9	630.9
թիվ 2 դպրոց	Սյունիք	1038	15145.5	14.59	17132	1986.5	1986.5
թիվ 1 դպրոց	Արմավիր	1046	17136.6	16.38	17244	107.4	107.4
թիվ 68 դպրոց	Երևան	1048	15350.3	14.65	17272	1921.7	1921.7
թիվ 60 դպրոց	Երևան	1050	16721.9	15.93	17300	578.1	578.1
թիվ 3 դպրոց	Սյունիք	1089	15704.2	14.42	17846	2141.8	2141.8
թիվ 119 դպրոց	Երևան	1132	16578.6	14.65	18448	1869.4	1869.4
թիվ 1 դպրոց	Կոտայք	1133	16433.6	14.50	18462	2028.4	2028.4
թիվ 178 դպրոց	Երևան	1147	17972		18658	686	686
թիվ 160 դպրոց	Երևան	1202	18102.3	15.06	19428	1325.7	1325.7
թիվ 2 դպրոց	Կոտայք	1265	20253.1	16.01	20310	56.9	56.9
թիվ 7 դպրոց	Կոտայք	1288	21875.9	16.98	20632	-1243.9
թիվ 35 դպրոց	Երևան	1342	18371	13.91	21388	2717	2717
թիվ 123 դպրոց	Երևան	1540	19122	12.42	24160	5038	5038
թիվ 10 դպրոց	Կոտայք	2147	32445.8	15.11	32658	212.2	212.2
Ընդամենը		80273	1421242.3	17.71	1477422		87385.3

Դպրոցների փաստացի ֆինանսավորման չափաքանակների լավագույն ուղղագիծ մոտարկումն արտահայտվում է`

B=A*N+C

բանաձևով, որտեղ`

B-ն դպրոցին հատկացվելիք տարեկան գումարի չափն է,

N-ը սովորողների թիվը, իսկ

A և C գործակիցները, որոնք համապատասխանում են մեկ աշակերտի ֆինանսավորման նորմատիվին և դպրոցի պահպանման ընդհանուր ծախսին, հաշվարկվում են ռեգրեսիոն վերլուծության հիման վրա:

1999 թ. ցուցանիշների հիման վրա A և C գործակիցների համակարգչային հաշվարկը ներկայացված է ստորև` գրաֆիկով: Հաշվարկների պարզեցման նպատակով գործակիցների կլորացմամբ վերոնշյալ բանաձևը կլինի`

B=14000*N+2600,0 (հազ. դրամ):

100-ից ավելի սովորող ունեցող այն դպրոցներում, որոնց ֆինանսավորման ընթացիկ մակարդակը հավասար կամ գերազանցում է հաշվարկային չափը, պահպանվում է ընթացիկ մակարդակը: Հաշվարկայինից ցածր ընթացիկ ֆինանսավորում ունեցող դպրոցներին տրվում է լրավճար` բյուջեով նախատեսված միջոցների հաշվին:

Այսպիսով, 1999 թ. ցուցանիշների օրինակի վրա փորձնական ծրագրում ընդգրկված դպրոցների` ըստ աշակերտների թվի, առանց տնտեսագիտական դասակարգման ուղղությունների բաշխման ֆինանսավորման չափաքանակների հաշվարկը ցույց է տալիս, որ, առաջնորդվելով նշված կարգով, լրացուցիչ անհրաժեշտ կլինի 87385.3 հազ. դրամ գումար` 1 տարվա համար:

Հաստատված է ՀՀ կառավարության 1999 թվականի հունիսի 1-ի N 377 որոշմամբ

NN ը/կ
Կոտայքի մարզ
Մարզային ենթակայության դպրոցներ	Համայնքային ենթակայության դպրոցներ
1. Աբովյան թիվ 1 դպրոց 2. Աբովյան թիվ 2 դպրոց 3. Աբովյան թիվ 4 դպրոց 4. Աբովյան թիվ 5 դպրոց 5. Աբովյան թիվ 6 դպրոց 6. Աբովյան թիվ 7 դպրոց 7. Աբովյան թիվ 8 դպրոց 8. Աբովյան թիվ 10 դպրոց 9. Աբովյան թիվ 11 դպրոց 10. Աբովյան թիվ 6 դպրոց 11. Աբովյան թիվ 9 դպրոց 12. Արզնիի դպրոց 13. Բյուրեղավանի թիվ 1 դպրոց 14. Բյուրեղավանի թիվ 1 դպրոց 15. Բյուրեղավանի թիվ 1 դպրոց 16. Ռադիոկայանին կից գյուղի դպրոց 17. Գողթի դպրոց 18. Գառնիի թիվ 1 դպրոց 19. Գառնիի թիվ 2 դպրոց 20. Ջրվեժի դպրոց 21. Ողջաբերդի դպրոց 22. Գեղադիրի դպրոց 23. Ձորաղբյուրի դպրոց 24. Առինջի դպրոց 25. Պտղնիի դպրոց 26. Բալահովիտի դպրոց 27. Արամուսի դպրոց 28. Կամարիսի դպրոց 29. Գեղաշենի դպրոց 30. Կոտայքի դպրոց 31. Կապուտանի դպրոց 32. Զառի դպրոց 33. Հատիսի դպրոց 34. Սևաբերդի դպրոց 35. Մայակովսկու դպրոց 36. Ակունքի դպրոց 37. Զովքի դպրոց 38. Նորագյուղի դպրոց 39. Ջրաբերդի դպրոց 40. Գառնի բանավանի դպրոց 41. Վերին Պտղնիի դպրոց 42. Նուռնուսի դպրոց 43. Գեղարդի դպրոց 44. Հացավանի դպրոց 45. Կաթնաղբյուրի դպրոց 46. Զովաշենի դպրոց	47. Նոր Հաճնի թիվ 1 դպրոց 48. Նոր Հաճնի թիվ 2 դպրոց 49. Նոր Հաճնի թիվ 3 դպրոց 50. Նոր Հաճնի թիվ 4 դպրոց 51. Չարենցավանի թիվ 1 դպրոց 52. Չարենցավանի թիվ 2 դպրոց 53. Չարենցավանի թիվ 3 դպրոց 54. Չարենցավանի թիվ 4 դպրոց 55. Չարենցավանի թիվ 5 դպրոց 56. Չարենցավանի թիվ 6 դպրոց Վայոց ձորի մարզ Մարզային ենթակայության դպրոցներ 57. Ազատեկի դպրոց 58. Աղնջաձորի դպրոց 59. Արինի դպրոց 60. Արտաբույնքի դպրոց 61. Արտավանի դպրոց 62. Գնդեվազի դպրոց 63. Գոմքի դպրոց 64. Եղեգիսի դպրոց 65. Զառիթափի դպրոց 66. Զեդեայի դպրոց 67. Թառաթումբի դպրոց 68. Խնձորուտի դպրոց 69. Կարմրաշենի դպրոց 70. Հերհերի դպրոց 71. Հորբատեղի դպրոց 72. Հորսի դպրոց 73. Մարտիրոսի  դպրոց 74. Շատինի դպրոց 75. Վայքի թիվ 3 դպրոց 76. Փոռի դպրոց 77. Քարագլխի դպրոց 78. Սալլիի դպրոց 79. Սարավանի դպրոց 80. Սերսի դպրոց 81. Վայքի թիվ 1 դպրոց 82. Վայքի թիվ 2 դպրոց Համայնքային ենթակայության դպրոցներ 83. Ջերմուկի թիվ 1 դպրոց 84. Ջերմուկի թիվ 2 դպրոց 85. Ջերմուկի թիվ 3 դպրոց 86. Ագարակաձորի դպրոց
ԵրԵՎան քաղաք Էրեբունու համայնք Քաղաքային ենթ. դպրոցներ 87. թիվ 6 դպրոց 88. թիվ 16 դպրոց 89. թիվ 17 դպրոց 90. թիվ 34 դպրոց 91. թիվ 35 դպրոց 92. թիվ 43 դպրոց 93. թիվ 45 դպրոց 94. թիվ 47 դպրոց 95. թիվ 49 դպրոց 96. թիվ 60 դպրոց 97. թիվ 64 դպրոց 98. թիվ 68 դպրոց 99. թիվ 70 դպրոց 100. թիվ 101 դպրոց 101. թիվ 107 դպրոց 102. թիվ 119 դպրոց 103. թիվ 120 դպրոց 104. թիվ 123 դպրոց 105. թիվ 160 դպրոց 106. թիվ 167 դպրոց 107. թիվ 178 դպրոց 108. թիվ 194 դպրոց 109. Էրեբունու վարժարան 110. Նուբարաշենի 95 դպրոց 111. Նուբարաշենի 175 դպրոց  Արագածոտնի մարզ Համայնքային ենթ. դպրոցներ 112. Կարբիի դպրոց Արարատի մարզ Համայնքային ենթ. դպրոցներ 113. Մասիսի թիվ 1 դպրոց 114. Մասիսի թիվ 2 դպրոց 115. Մասիսի թիվ 3 դպրոց 116. Մասիսի թիվ 4 դպրոց 117. Մասիսի թիվ 5 դպրոց 118. Մասիսի թիվ 6 դպրոց Արմավիրի մարզ Համայնքային ենթ. դպրոցներ 119. Մեծամորի թիվ 1 դպրոցներ 120. Մեծամորի թիվ 2 դպրոցներ 121. Մեծամորի թիվ 3 դպրոցներ	Գեղարքունիքի մարզ Համայնքային ենթակայության դպրոցներ 122. Արծվանիստի դպրոց 123. Վերին Գետաշենի դպրոց 124. Սեմյոնովկայի դպրոց 125. Կարճաղբյուրի դպրոց Լոռու մարզ Համայնքային ենթ. դպրոցներ 126. Ստեփանավանի թիվ 1 դպրոց 127. Ստեփանավանի թիվ 2 դպրոց 128. Ստեփանավանի թիվ 3 դպրոց 129. Ստեփանավանի թիվ 4 դպրոց 130. Ստեփանավանի թիվ 5 դպրոց Շիրակի մարզ Համայնքային ենթ. դպրոցներ 131. Արթիկի թիվ 1 դպրոց 132. Արթիկի թիվ 2 դպրոց 133. Արթիկի թիվ 3 դպրոց 134. Արթիկի թիվ 4 դպրոց 135. Արթիկի թիվ 5 դպրոց 136. Արթիկի թիվ 6 դպրոց 137. Արթիկի թիվ 7 դպրոց Սյունիքի մարզ Համայնքային ենթ. դպրոցներ 138. Գորիսի թիվ 1 դպրոց 139. Գորիսի թիվ 2 դպրոց 140. Գորիսի թիվ 3 դպրոց 141. Գորիսի թիվ 4 դպրոց 142. Գորիսի թիվ 5 դպրոց 143. Գորիսի թիվ 6 դպրոց 144. Սիսիանի թիվ 1 դպրոց 145. Սիսիանի թիվ 2 դպրոց 146. Սիսիանի թիվ 3 դպրոց 147. Սիսիանի թիվ 4 դպրոց 148. Սիսիանի թիվ 5 դպրոց Տավուշի մարզ Համայնքային ենթ. դպրոցներ 149. Դիլիջանի թիվ 1 դպրոց 150. Դիլիջանի թիվ 2 դպրոց 151. Դիլիջանի թիվ 3 դպրոց 152. Դիլիջանի թիվ 4 դպրոց 153. Դիլիջանի թիվ 5 դպրոց 154. Դիլիջանի թիվ 6 դպրոց