«Վավերացնում եմ»
Հայաստանի Հանրապետության
Նախագահ Ռ. Քոչարյան
«29» մարտի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 մարտի 2001 թվականի N 254

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1.1. Հաշվեկշռային մեթոդով 16278 հազ. դրամ գնահատված ակտիվներ ունեցող «Քաշաթաղի ճանապարհների շահագործման և շինարարական» պետական փակ բաժնետիրական ընկերության բաժնետոմսերը մասնավորեցնել մրցույթով` վերակազմակերպելով Քաշաթաղի ճանապարհների շահագործման և շինարարական բաց բաժնետիրական ընկերության:

1.2. Սահմանել ընկերության կանոնադրական կապիտալը` 5139 հազ. դրամ, որը համապատասխանում է 5139 բաժնետոմսի` յուրաքանչյուրը 1000 դրամ անվանական արժեքով:

1.3. Մրցույթով մասնավորեցման ենթակա բաժնետոմսերի արժեքը 5139 հազ. դրամ է, որը համապատասխանում է 5139 բաժնետոմսի` յուրաքանչյուրը 1000 դրամ անվանական արժեքով:

1.4. Սահմանել մրցույթով մասնավորեցման ենթակա բաժնետոմսերի փաթեթի նվազագույն գինը` 2570 հազ. դրամ, որը համապատասխանում է մրցույթով մասնավորեցման ենթակա բաժնետոմսերի արժեքի 50 տոկոսին:

1.5. «Քաշաթաղի ճանապարհների շահագործման և շինարարական» պետական փակ բաժնետիրական ընկերության պարտավորությունները 2000 թվականի հոկտեմբերի 1-ի դրությամբ կազմում են 11139 հազ. դրամ, այդ թվում`

հաշվարկներ մատակարարների և կապալառուների հետ` 11119 հազ. դրամ.

գալիք ժամանակաշրջանի ծախսերի և վճարների պահուստներ` 20 հազ. դրամ:

1.6. «Քաշաթաղի ճանապարհների շահագործման և շինարարական» պետական փակ բաժնետիրական ընկերությունը 1998-1999 թվականների տնտեսական գործունեության արդյունքներով վճարման ենթակա շահաբաժինների գծով պարտավորություններ չունի:

1.7. Հայաստանի Հանրապետության պետական գույքի կառավարման նախարարությանը`

ա) մրցույթի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին.

բ) եռամսյա ժամկետում կազմակերպել մրցույթի անցկացումը:

1.8. Սահմանել մրցույթի հաղթողին որոշելու հետևյալ պայմանները`

մասնավորեցվող բաժնետոմսերի համար առաջարկվող գինը.

ներդրումների չափը` տարիների կտրվածքով.

սոցիալական երաշխիքներ, այդ թվում` աշխատատեղերի և նվազագույն աշխատավարձի վերաբերյալ:

1.9. Մրցույթի մասնակցության կանխավճարը սահմանվում է ընկերության կանոնադրական կապիտալի 5 տոկոսի չափով: Մրցույթի հաղթողի մուծած կանխավճարը ներառվում է առաջարկվող գնի մեջ:

1.10. Մրցույթի հաղթողը բաժնետոմսերի գինը պետք է վճարի մրցույթի արձանագրությունն ստանալու պահից մեկ ամսվա ընթացքում:

1.11. Վճարումները կատարել Հայաստանի Հանրապետության արժույթով:

2.1. «Վարչատնտեսական» պետական փակ բաժնետիրական ընկերության գույքի կազմից առանձնացնել ջերմոցային տնտեսության գույքը (Կոտայքի մարզ, գ. Բալահովիտ, N 1 ռադիոկայան):

2.2. Հաշվեկշռային մեթոդով 6745 հազ. դրամ գնահատված «Վարչատնտեսական» պետական փակ բաժնետիրական ընկերության ջերմոցային տնտեսության գույքն ամբողջությամբ մասնավորեցնել դասական աճուրդով:

2.3. Սահմանել «Վարչատնտեսական» պետական փակ բաժնետիրական ընկերության ջերմոցային տնտեսության գույքի վաճառքի մեկնարկային գինը` 3373 հազ. դրամ, որը համապատասխանում է գնահատված արժեքի 50 տոկոսին:

2.4. Հայաստանի Հանրապետության պետական գույքի կառավարման նախարարությանը` աճուրդն իրականացնել երկամսյա ժամկետում:

2.5. Վճարումները կատարել Հայաստանի Հանրապետության արժույթով:

3.1. Հաշվեկշռային մեթոդով 8044 հազ. դրամ գնահատված ակտիվներ ունեցող «Քարե Կամար» պետական փակ բաժնետիրական ընկերության բաժնետոմսերը մասնավորեցնել ազատ բաժանորդագրության միջոցով` վերակազմակերպելով «Քարե կամար» բաց բաժնետիրական ընկերության:

3.2. Սահմանել ընկերության մեկնարկային գինը` 7973 հազ. դրամ, որը համապատասխանում է բաժնետոմսերի 7973 հատ մեկնարկային քանակի` յուրաքանչյուրը 1000 դրամ անվանական արժեքով:

3.3. Բաժնետոմսերի ազատ բաժանորդագրությամբ մասնավորեցման ենթակա բաժնետոմսերի մեկնարկային գինը 7973 հազ. դրամ է, որը համապատասխանում է բաժնետոմսերի 7973 հատ մեկնարկային քանակի` յուրաքանչյուրը 1000 դրամ անվանական արժեքով:

3.4. Սահմանել բաժնետոմսերի ազատ բաժանորդագրության կայացման նվազագույն սահմանը` 50 տոկոսի չափով:

3.5. «Քարե Կամար» պետական փակ բաժնետիրական ընկերության պարտավորությունները 2000 թվականի հոկտեմբերի 1-ի դրությամբ կազմում են 71 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 43 հազ. դրամ.

տարբեր կրեդիտորների նկատմամբ` 16 հազ. դրամ.

կարճաժամկետ այլ պարտավորություններ` 9 հազ. դրամ.

գալիք ժամանակաշրջանի ծախսերի և վճարների պահուստներ` 3 հազ. դրամ:

3.6. «Քարե Կամար» պետական փակ բաժնետիրական ընկերությունը 1998-1999 թվականների տնտեսական գործունեության արդյունքներով վճարման ենթակա շահաբաժինների գծով պարտավորություններ չունի:

3.7. Հայաստանի Հանրապետության պետական գույքի կառավարման նախարարությանը` եռամսյա ժամկետում ապահովել «Քարե կամար» բաց բաժնետիրական ընկերության հայտարարագրի գրանցումը` Հայաստանի Հանրապետության օրենսդրությամբ սահմանված կարգով, և գրանցումից հետո այն հրապարակել մամուլում:

3.8. Վճարումները կատարել Հայաստանի Հանրապետության արժույթով:

4.1. «Դեբեդ» հյուրանոց պետական փակ բաժնետիրական ընկերության գույքի կազմից առանձնացնել «Ճախրանք» սահմանափակ պատասխանատվությամբ ընկերությանը վարձակալությամբ տրված գույքը և այն ուղղակի վաճառքի ձևով մասնավորեցնել վարձակալին:

4.2. «Փոքր» օբյեկտների համար սահմանված կարգով 76518 հազ. դրամ գնահատված ակտիվներ ունեցող «Դեբեդ» հյուրանոց պետական փակ բաժնետիրական ընկերության բաժնետոմսերը մասնավորեցնել ազատ բաժանորդագրության միջոցով` վերակազմակերպելով «Դեբեդ» հյուրանոց» բաց բաժնետիրական ընկերության:

4.3. Սահմանել ընկերության մեկնարկային գինը` 72894 հազ. դրամ, որը համապատասխանում է բաժնետոմսերի 72894 հատ մեկնարկային քանակի` յուրաքանչյուրը 1000 դրամ անվանական արժեքով:

4.4. Բաժնետոմսերի ազատ բաժանորդագրությամբ մասնավորեցման ենթակա բաժնետոմսերի մեկնարկային գինը 72894 հազ. դրամ է, որը համապատասխանում է բաժնետոմսերի 72894 հատ մեկնարկային քանակի` յուրաքանչյուրը 1000 դրամ անվանական արժեքով:

4.5. «Դեբեդ» հյուրանոց պետական փակ բաժնետիրական ընկերության պարտավորությունները 2000 թվականի հոկտեմբերի 1-ի դրությամբ կազմում են 3624 հազ. դրամ, այդ թվում`

Հայաստանի Հանրապետության պետական բյուջեի նկատմամբ` 20 հազ. դրամ.

անձնակազմին աշխատանքի վարձատրության գծով` 2620 հազ. դրամ.

հաշվետու անձանց նկատմամբ` 45 հազ. դրամ.

տարբեր կրեդիտորների նկատմամբ` 81 հազ. դրամ.

սոցիալական ապահովագրության գծով` 858 հազ. դրամ:

4.6. «Դեբեդ» հյուրանոց պետական փակ բաժնետիրական ընկերությունը 1998-1999 թվականների տնտեսական գործունեության արդյունքներով վճարման ենթակա շահաբաժինների գծով պարտավորություններ չունի:

4.7. Հայաստանի Հանրապետության պետական գույքի կառավարման նախարարությանը` եռամսյա ժամկետում ապահովել «Դեբեդ» հյուրանոց» բաց բաժնետիրական ընկերության հայտարարագրի գրանցումը` Հայաստանի Հանրապետության օրենսդրությամբ սահմանված կարգով, և գրանցումից հետո այն հրապարակել մամուլում:

4.8. Վճարումները կատարել Հայաստանի Հանրապետության արժույթով:

4.9. Հայաստանի Հանրապետության պետական գույքի կառավարման նախարարությանը` «Դեբեդ» հյուրանոց» բաց բաժնետիրական ընկերության մասնավորեցման պայմանագրում որպես գնորդի պարտավորություն նախատեսել հյուրանոցում բնակեցված փախստականներին վերաբերող հետևյալ պայմանը`

«Դեբեդ» հյուրանոց» բաց բաժնետիրական ընկերության շենքում (Լոռու մարզ, քաղ. Ալավերդի) ապաստանած 2 փախստական ընտանիքի բնակության իրավունքը ապահովել 3 տարի ժամկետով: Բաժանորդագրության կայացման պահից 2,5 տարվա ընթացքում յուրաքանչյուր փախստական ընտանիքի հաշվով Հայաստանի Հանրապետության պետական բյուջեի հատուկ հաշվին փոխանցել 1200 հազ. դրամ: 3 տարվա ընթացքում փախստականներից կոմունալ ծառայությունների վարձը գանձել Հայաստանի Հանրապետության օրենսդրությամբ սահմանված կարգով:

5.1. «Ճախրանք» սահմանափակ պատասխանատվությամբ ընկերությանն ուղղակի վաճառքի ձևով մասնավորեցնել «Դեբեդ» հյուրանոց պետական փակ բաժնետիրական ընկերությունից վարձակալած «փոքր» օբյեկտների համար սահմանված կարգով 641 հազ. դրամ գնահատված արժեքով գույքը:

5.2. Սահմանել ուղղակի վաճառքի ձևով մասնավորեցվող պետական գույքի արժեքը` 641 հազ. դրամ, որը համապատասխանում է գնահատված արժեքի 100 տոկոսին:

5.3. Վճարումն իրականացնել Հայաստանի Հանրապետության օրենսդրությամբ սահմանված կարգով` առաջին վճարումը կատարելով մեկամսյա ժամկետում:

5.4. Վճարումները կատարել Հայաստանի Հանրապետության արժույթով:

6.1. «Վանաձորի 2981 ավտոշարասյուն» պետական փակ բաժնետիրական ընկերության գույքի կազմից առանձնացնել բազայի գույքը (քաղ. Վանաձոր, Թևոսյան 7):

6.2. Հաշվեկշռային մեթոդով 17902 հազ. դրամ գնահատված «Վանաձորի 2981 ավտոշարասյուն» պետական փակ բաժնետիրական ընկերության բազայի գույքն ամբողջությամբ մասնավորեցնել դասական աճուրդով:

6.3. Սահմանել «Վանաձորի 2981 ավտոշարասյուն» պետական փակ բաժնետիրական ընկերության բազայի գույքի վաճառքի մեկնարկային գինը` 8951 հազ. դրամ, որը համապատասխանում է գնահատված արժեքի 50 տոկոսին:

6.4. Հայաստանի Հանրապետության պետական գույքի կառավարման նախարարությանը` աճուրդն իրականացնել երկամսյա ժամկետում:

6.5. Վճարումները կատարել Հայաստանի Հանրապետության արժույթով:

7. Սույն որոշումն ուժի մեջ է մտնում 2001 թվականի մարտի 29-ից: