«Վավերացնում եմ»
Հայաստանի Հանրապետության
Նախագահ Ռ. Քոչարյան
26 հունիսի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 հունիսի 1999 թվականի N 439

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1996 ԹՎԱԿԱՆԻ ՕԳՈՍՏՈՍԻ 26-Ի N 272 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1996 թվականի օգոստոսի 26-ի «Հայաստանի Հանրապետության Սյունիքի մարզային ենթակայության ձեռնարկությունների և կազմակերպությունների ցանկը հաստատելու մասին» N 272 որոշման մեջ կատարել հետևյալ փոփոխությունները

որոշման N 1 հավելվածի`

ա) Կապանի քաղաքի ձեռնարկությունների և կազմակերպությունների ցանկից հանել «գյուղատնտեսական կենդանիների արհեստական սերմնավորման ձեռնարկություն» բառերը.

բ) Մեղրի քաղաքի ձեռնարկությունների և կազմակերպությունների ցանկից հանել «գյուղատնտեսական կենդանիների արհեստական սերմնավորման կայան» բառերը.

2. Կապանի «Գյուղատնտեսական կենդանիների արհեստական սերմնավորման ձեռնարկություն» և Մեղրու «Գյուղատնտեսական կենդանիների արհեստական սերմնավորման կայան» պետական ձեռնարկությունները հանձնել Հայաստանի Հանրապետության գյուղատնտեսության նախարարության ենթակայությանը:

3. Հայաստանի Հանրապետության գյուղատնտեսության նախարարությանը և Հայաստանի Հանրապետության Սյունիքի մարզպետին` մեկամսյա ժամկետում ապահովել Կապանի «Գյուղատնտեսական կենդանիների արհեստական սերմնավորման ձեռնարկություն» և Մեղրու «Գյուղատնտեսական կենդանիների արհեստական սերմնավորման կայան» պետական ձեռնարկությունների` սահմանված կարգով հանձնման-ընդունման աշխատանքները:

4. Կապանի «Գյուղատնտեսական կենդանիների արհեստական սերմնավորման ձեռնարկություն» և Մեղրու «Գյուղատնտեսական կենդանիների արհեստական սերմնավորման կայան» պետական ձեռնարկությունները փակ բաժնետիրական ընկերությունների վերակազմակերպելու լիազորությունը վերապահել Հայաստանի Հանրապետության գյուղատնտեսության նախարարությանը:

5. Սույն որոշումն ուժի մեջ է մտնում 1999 թվականի հունիսի 26-ից:

Հայաստանի Հանրապետության վարչապետ