040.0865.31.12.98

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

31 դեկտեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 դեկտեմբերի 1998 թվականի N 865

քաղ. Երևան

ԸՆՏԱՆԵԿԱՆ ՆՊԱՍՏԻ (ԱՆԱՊԱՀՈՎՈՒԹՅԱՆ ՍԱՀՄԱՆԱՅԻՆ ՄԵԾՈՒԹՅԱՆ ՄԻԱՎՈՐԻ, ԲԱԶԱՅԻՆ ՆՊԱՍՏԻ, ԸՆՏԱՆԻՔԻ ՅՈՒՐԱՔԱՆՉՅՈՒՐ ԱՆԴԱՄԻՆ ՏՐՎՈՂ ՀԱՎԵԼՄԱՆ ՉԱՓԻ) ՄԱՍԻՆ

Հայաստանի Հանրապետությունում 1999 թվականի հունվարի 1-ից ընտանեկան նպաստի համակարգին անցնելու կապակցությամբ Հայաստանի Հանրապետության կառավարությունը որոշում է.

1. Սահմանել`

ա) ընտանիքի անապահովության սահմանային մեծությունը` 36,00 միավոր,

բ) ընտանեկան նպաստի բազային չափը` 3500 դրամ,

գ) ընտանիքի յուրաքանչյուր անդամին տրվող հավելման չափը` 1300 դրամ,

դ) քաղաքային տրանսպորտ ունեցող բնակավայրերում բնակվող` ընտանեկան նպաստի իրավունք ունեցող` միայն չաշխատող կենսաթոշակառուներից (երկու և ավելի) բաղկացած ընտանիքների ընտանեկան նպաստի չափը` յուրաքանչյուրին 3500 դրամ հաշվարկով:

2. Սույն որոշումն ուժի մեջ է մտնում 1999 թվականի հունվարի 1-ից:

Հայաստանի Հանրապետության վարչապետ

Ա. Դարբինյան