«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
17 ապրիլի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 ապրիլի 1996 թվականի N 106

քաղ. Երևան

 1996 ԹՎԱԿԱՆԻ ԳԱՐՆԱՆԱՅԻՆ ԶՈՐԱԿՈՉԻ ԿԱԶՄԱԿԵՐՊՄԱՆ ՄԱՍԻՆ

Ի կատարումն Հայաստանի Հանրապետության Նախագահի 1996 թվականի ապրիլի 5-ի «1996 թվականի գարնանային զորակոչ անցկացնելու մասին» հրամանագրի, Հայաստանի Հանրապետության կառավարությունը որոշում է.

1. Հայաստանի Հանրապետության գարնանային զորակոչի ընդհանուր ղեկավարումն ապահովելու նպատակով ստեղծել հանրապետական զորակոչային հանձնաժողով` համաձայն N 1 հավելվածի:

2. Հայաստանի Հանրապետության վարչատարածքային միավորումներում գարնանային զորակոչի անցկացման աշխատանքների համակարգման նպատակով ստեղծել մարզային (տարածքային) հանձնաժողովներ` համաձայն N 2 հավելվածի:

Մարզային (տարածքային) հանձնաժողովների գործունեության վերահսկողությունը դնել հանրապետական զորակոչային հանձնաժողովի նախագահի վրա:

3. Հաստատել հանրապետական զորակոչային բժշկական հանձնաժողովի կազմը` համաձայն N 3 հավելվածի:

4. Հայաստանի Հանրապետության պաշտպանության նախարարությանը`

ա) 1996 թվականի գարնանային զորակոչն անցկացնել սահմանված կարգով` ապրիլ-հունիս ամիսների ընթացքում.

բ) ժամկետային զինվորական ծառայության զորակոչից խուսափող քաղաքացիների վերաբերյալ նյութերը ներկայացնել համապատասխան դատախազական մարմիններ:

5. Առաջարկել Հայաստանի Հանրապետության դատախազությանը`

ա) Հայաստանի Հանրապետության օրենսդրությամբ սահմանված կարգով քրեական գործեր հարուցել զորակոչից խուսափող` Հայաստանի Հանրապետության քաղաքացիների նկատմամբ և իրավասու պետական մարմինների միջոցով հայտարարել նրանց հետախուզում.

բ) Հայաստանի Հանրապետության տարածքից դուրս գտնվող` զորակոչից խուսափող` Հայաստանի Հանրապետության քաղաքացիների հետախուզումը և Հայաստան վերադարձնելն ԱՊՀ-ի շրջանակներում իրականացնել 1993 թվականի հունվարի 22-ին Մինսկում կնքված «Քաղաքացիական, ընտանեկան և քրեական գործերով իրավական օգնության և իրավահարաբերությունների մասին» միջպետական կոնվենցիայով նախատեսված կարգով:

6. Հայաստանի Հանրապետության նախարարություններին, վարչություններին, գերատեսչություններին, ձեռնարկությունների, հիմնարկների ու կազմակերպությունների (անկախ սեփականության ձևից) ղեկավարներին`

ա) քրեական պատասխանատվության կանչված և հետախուզման մեջ գտնվող զորակոչիկների ցուցակներն ստանալուց հետո ապահովել բոլոր ձեռնարկություններում, հիմնարկներում և կազմակերպություններում նշված անձանց նկատմամբ աշխատանքային, տնտեսական ու այլ ոլորտներում օրենսդրությամբ նախատեսված սահմանափակումների անշեղ կիրառումը և այդ անձանց գտնվելու վայրի մասին անհապաղ իրազեկ պահել իրավասու պետական մարմիններին.

բ) ապահովել իրենց համակարգում աշխատող զորակոչային տարիքի քաղաքացիների ներկայանալը զինկոմիսարիատներ:

7. Տարածքային կառավարման մարմիններին` 1996 թվականի գարնանային զորակոչի անցկացման համար`

ա) զինկոմիսարիատներն ապահովել զորակոչային տեղամասերով, ինչպես նաև սպասարկող անձնակազմով, նյութական, ավտոտրանսպորտային միջոցներով.

բ) հաստատել տեղական (ըստ զինկոմիսարիատների կողմից սպասարկվող տարածքների) զորակոչային հանձնաժողովների անհատական կազմը` դրանցում ընդգրկելով Հայաստանի Հանրապետության առողջապահության նախարարության կողմից առաջադրված մասնագետներին:

8. Հայաստանի Հանրապետության առողջապահության նախարարությանը` զորակոչային բժշկական հանձնաժողովները համալրել համապատասխան մասնագետներով, շրջանային կենտրոնական հիվանդանոցների բազայի վրա ապահովել զորակոչիկների պարտադիր անվճար և առաջնահերթ ռենտգեն հետազոտումը և համապատասխան ռենտգեն (ֆլյուրո) լուսանկարումը:

9. Հայաստանի Հանրապետության ներքին գործերի նախարարությանը`

ա) ապահովել հասարակական կարգի պահպանումը հանրապետության զորակոչային տեղամասերում և զորախմբերի ուղևորման երթուղիներում.

բ) ապահովել Հայաստանի Հանրապետության տարածքում և տարածքից դուրս զորակոչիկների որոնումն ու նրանց պարտադիր ներկայանալը զորակոչային տեղամասեր.

գ) զորակոչի ընթացքում Երևան քաղաքի սահմաններից դուրս զորակոչիկներին փոխադրող ավտոբուսներն ուղեկցելու համար հանրապետական հավաքակետին հատկացնել պետավտոտեսչության երկու անձնակազմ:

10. Հայաստանի Հանրապետության տրանսպորտի և հաղորդակցության նախարարությանը`

ա) ապահովել զորակոչիկների տեղափոխումն ըստ Հայաստանի Հանրապետության զինկոմիսարիատների հայտերի.

բ) 1996 թվականի գարնանային զորակոչի կազմակերպման նպատակով զինկոմիսարիատները և հանրապետական հավաքակետը եռամսյա ժամկետով ապահովել ավտոտրանսպորտային միջոցներով, ըստ Հայաստանի Հանրապետության պաշտպանության նախարարության հայտերի:

Սահմանել, որ զորակոչի կազմակերպման հետ կապված ծախսերը փոխհատուցվում են Հայաստանի Հանրապետության պաշտպանության նախարարության միջոցների հաշվին:

11. Հայաստանի Հանրապետության ներքին գործերի նախարարությանը, Հայաստանի Հանրապետության տրանսպորտի և հաղորդակցության նախարարությանը, Հայաստանի Հանրապետության մաքսային վարչությանը, Հայաստանի Հանրապետության քաղաքացիական ավիացիայի գլխավոր վարչությանը` ժամկետային զինվորական ծառայությունից խուսափելու դեպքերը կանխելու նպատակով գարնանային զորակոչի ընթացքում ուժեղացնել վերահսկողությունը Հայաստանի Հանրապետության սահմանային հաղորդակցուղիներում և զորակոչային տարիքի անձանց Հայաստանից մեկնումը թույլատրել միայն զինգրքույկներում ժամկետային զինվորական ծառայությունն ավարտելու կամ պահեստազորում գտնվելու, իսկ ամրակցման վկայականներում (նախնական հաշվառման վկայականներում)` տարկետման իրավունքից օգտվելու մասին զինկոմիսարիատների համապատասխան նշումների առկայության դեպքում:

12. Հայաստանի Հանրապետության կրթության և գիտության նախարարությանը` 1996 թվականի գարնանային զորակոչի ընթացքում զորակոչային ռեսուրսներն առավելագույն չափով օգտագործելու նպատակով բուհերում, դպրոցներում, տեխնիկումներում, պրոֆտեխուսումնական հաստատություններում փոխադրական, ավարտական քննությունները, դիպլոմային աշխատանքներն ավարտել մինչև 1996 թվականի հունիսի 15-ը:

13. Հայաստանի Հանրապետության տեղեկատվության նախարարությանը` ընդլայնել ռազմահայրենասիրական աշխատանքների լուսաբանումը` հատուկ ուշադրություն դարձնելով 1996 թվականի գարնանային զորակոչի կազմակերպմանն ու անցկացմանը:

14. Սույն որոշման կատարման վերահսկողությունը դնել Հայաստանի Հանրապետության պաշտպանության նախարարության և հանրապետական զորակոչային հանձնաժողովի վրա:

15. Սույն որոշումն ուժի մեջ է մտնում 1996 թվականի ապրիլի 17-ից:

Հայաստանի Հանրապետության վարչապետ

Հ. ԲԱԳՐԱՏյան

ՀԱՎԵԼՎԱԾ N 1 ՀՀ կառավարության 1996 թ. ապրիլի 17-ի N 106 որոշման

Կ Ա Զ Մ

ՀԱՆՐԱՊԵՏԱԿԱՆ ԶՈՐԱԿՈՉԱՅԻՆ ՀԱՆՁՆԱԺՈՂՈՎԻ

Վ. Սարգսյան		- ՀՀ պաշտպանության նախարար (հանձնաժողովի նախագահ)
Մ. Հարությունյան		- ՀՀ զինված ուժերի գլխավոր սպայակույտի պետ, ՀՀ պաշտպանության նախարարի առաջին տեղակալ (հանձնաժողովի նախագահի առաջին տեղակալ)
Ա. Հարությունյան		- ՀՀ զինված ուժերի գլխավոր սպայակույտի պետի տեղակալ, կազմազորահավաքային գլխավոր վարչության պետ
Վ. Սիրադեղյան		- ՀՀ ներքին գործերի նախարար
Ա. Գևորգյան		- ՀՀ գլխավոր դատախազ
Ա. Բաբլոյան		- ՀՀ առողջապահության նախարար
Հ. Քոչինյան		- ՀՀ տրանսպորտի և հաղորդակցության նախարար
Ս. Գևորգյան		- ՀՀ Ազգային ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ
Վ. Հարությունյան		- ՀՀ վարչապետի խորհրդական, ՀՀ կառավարության քարտուղարության տասներորդ վարչության պետի պաշտոնակատար
Ա. Հովհաննիսյան		- ՀՀ կառավարության քարտուղարության տնտեսության օպերատիվ կառավարման վարչության պետ
Է. Միլիտոնյան		- ՀՀ տեղեկատվության նախարարի առաջին տեղակալ
Բ. Ոսկանյան		- ՀՀ կառավարության քարտուղարության տասներորդ վարչության մոբիլիզացիոն աշխատանքների բաժնի վարիչ (հանձնաժողովի քարտուղար)

Հայաստանի Հանրապետության ԿԱՌԱՎԱՐՈՒԹՅԱՆ քարտուղար-նախարար

Ս. ՄԱՆԱՍԱՐՅԱՆ

ՀԱՎԵԼՎԱԾ N 2 ՀՀ կառավարության 1996 թ. ապրիլի 17-ի N 106 որոշման

Կ Ա Զ Մ

ՄԱՐԶԱՅԻՆ (ՏԱՐԱԾՔԱՅԻՆ) ՀԱՆՁՆԱԺՈՂՈՎՆԵՐԻ

__________________________________________________________________________________________
Տարածաշրջանների և զինկոմիսարիատների անվանումը		Հանձնաժողովի անդամները
___________________________________________________________________________________________
1		2
___________________________________________________________________________________________
քաղ. Երևան
Արաբկիրի	Ա. Միրզոյան	Երևանի քաղաքապետ (հանձնաժողովի ղեկավար)
Մաշտոցի
(Կենտրոնական)
Մյասնիկյանի	Լ. Կարապետյան	ՀՀ զինված ուժերի գլխավոր սպայակույտի կազմազորահավաքային գլխ. վարչության պետի 1-ին տեղակալ
Սպանդարյանի
Խորհրդային	Ա. Թամազյան	Երևան քաղաքի դատախազ
Շահումյանի	Հ. Վարդանյան	ՀՀ պաշտպանության նախարարության Երևանի գոտու զինվորական ոստիկանության բաժնի պետի պաշտոնակատար
Էրեբունու	Ա. Զախարյան	Երևան քաղաքի ներքին գործերի վարչության պետ
Արագածոտն	Հ. Գրիգորյան	Արագածոտնի մարզպետ (հանձնաժողովի ղեկավար)
Աշտարակի	Վ. Շիրխանյան	ՀՀ պաշտպանության նախարարի տեղակալ
Ապարանի	Ս. Ղազարյան	Աշտարակի միջշրջանային դատախազ
Թալինի	Ա. Արսենյան	ՀՀ պաշտպանության նախարարության Երևանի գոտու զինվորական ոստիկանության բաժնի պետի տեղակալ
	Մ. Այվազյան	մարզային ներքին գործերի վարչության պետ
Արարատ	Դ. Զադոյան	Արարատի մարզպետ  (հանձնաժողովի ղեկավար)
Արտաշատի	Ա. Պետրոսյան	ՀՀ պաշտպանության նախարարի տեղակալ
Արարատի	Հ. Բադալյան	Արտաշատի միջշրջանային դատախազ
Մասիսի	Է. Բարսեղյան	ՀՀ պաշտպանության նախարարության զինվորական ոստիկանության վարչության պետի տեղակալ
	Գ. Գրիգորյան	մարզային ներքին գործերի վարչության պետ
Արմավիր	Ս. Հովհաննիսյան	Արմավիրի մարզպետ (հանձնաժողովի ղեկավար)
Արմավիրի (Հոկտեմբերյան)	Մ. Սարգսյան	ՀՀ պաշտպանության նախարարության մարտական պատրաստականության վարչության պետ
Էջմիածնի (Վաղարշապատ)	Վ. Մկրտչյան	Արմավիրի միջշրջանային դատախազ
	Խ. Հակոբյան	ՀՀ պաշտպանության նախարարության Արմավիրի գոտու զինվորական ոստիկանության բաժնի պետ
	Տ. Եսայան	մարզային ներքին գործերի վարչության պետ
Գեղարքունիք	Վ. Մովսիսյան	Գեղարքունիքի մարզպետ (հանձնաժողովի ղեկավար)
Կամոյի (Գավառ)	Հ. Հարոյան	ՀՀ պաշտպանության նախարարի տեղակալ
Մարտունու
Սևանի	Ա. Ավագյան	Գավառի (Կամո) միջշրջանային դատախազ
Վարդենիսի Կրասնոսելսկի (Ճամբարակ)	Ի. Հարությունյան	ՀՀ պաշտպանության նախարարության Վարդենիսի գոտու զինվորական ոստիկանության բաժնի պետ
	Ս. Մխիթարյան	մարզային ներքին գործերի վարչության պետ
Լոռի	Հ. Մատինյան	Լոռվա մարզպետ (հանձնաժողովի ղեկավար)
Վանաձորի Սպիտակի	Գ. Դալիբալթայան	ՀՀ նախագահի խորհրդական, ՀՀ զինված ուժերի գլխավոր տեսուչ
Ստեփանավանի	Ռ. Հարությունյան	Վանաձոր քաղաքի դատախազ
Տաշիրի	Ս. Անթանեսյան	ՀՀ պաշտպանության նախարարության Վանաձորի գոտու զինվորական ոստիկանության բաժնի պետ
Գուգարքի
Թումանյանի	Է. Ղուշչյան	մարզային ներքին գործերի վարչության պետ
Կոտայք	Հ. Հովհաննիսյան	Կոտայքի մարզպետ (հանձնաժողովի ղեկավար)
Կոտայքի (Աբովյան)	Մ. Աբրահամյան	ՀՀ պաշտպանության նախարարի տեղակալ
Հրազդանի
Չարենցավանի	Մ. Սարգսյան	Հրազդանի միջշրջանային դատախազ
Նաիրիի (Եղվարդ)	Վ. Սարգսյան	ՀՀ պաշտպանության նախարարության Կոտայքի գոտու զինվորական ոստիկանության բաժնի պետ
	Դ. Խառատյան	մարզային ներքին գործերի վարչության պետ
Շիրակ	Ա. Գոմցյան	Շիրակի մարզպետ (հանձնաժողովի ղեկավար)
Շիրակի	Գ. Վարդանյան	ՀՀ պաշտպանության նախարարի տեղակալ
Մոսկովյան
Արթիկի	Վ. Ավագյան	Գյումրի քաղաքի դատախազ
Աշոցքի	Ա. Զաքարյան	ՀՀ պաշտպանության նախարարության Շիրակի գոտու զինվորական ոստիկանության բաժնի պետ
Անիի
Ախուրյանի	Ա. Գիզիրյան	մարզային ներքին գործերի վարչության պետ
Սյունիք	Ս. Աբրահամյան	Սյունիքի մարզպետ (հանձնաժողովի ղեկավար)
Կապանի	Յու. Խաչատուրով	օպերատիվ ուղղության հրամանատար
Գորիսի	Ա. Մկրտչյան	Կապանի միջշրջանային դատախազ
Սիսիանի Մեղրու	Ա. Վարդանյան	ՀՀ պաշտպանության նախարարության Սիսիանի գոտու զինվորական ոստիկանության բաժնի պետ
	Է. Բարսեղյան	մարզային ներքին գործերի վարչության պետ
Վայոց ձոր	Պ. Մանուկյան	Վայոց ձորի մարզպետի պաշտոնակատար (հանձնաժողովի ղեկավար)
Եղեգնաձորի	Ա. Տեր-Թադևոսյան	ՀՀ պաշտպանության նախարարի օգնական
Վայքի	Ս. Գոգինյան	Եղեգնաձորի միջշրջանային դատախազ
	Մ. Նանուշյան	ՀՀ պաշտպանության նախարարության զինվորական ոստիկանության վարչության բաժնի պետի տեղակալ
	Մ. Թովմասյան	մարզային ներքին գործերի վարչության պետ
Տավուշ	Պ. Ասատրյան	Տավուշի մարզպետ (հանձնաժողովի ղեկավար)
Իջևանի	Ա. Պետրոսյան	ՀՀ զինված ուժերի գլխավոր սպայակույտի պետի առաջին տեղակալ
Դիլիջանի
Տաուշի (Բերդ)	Ա. Գևորգյան	Իջևանի միջշրջանային դատախազ
Նոյեմբերյանի	Ա. Հովակիմյան	ՀՀ պաշտպանության նախարարության Իջևանի գոտու զինվորական ոստիկանության բաժնի պետ
	Ա. Վարդանյան	մարզային ներքին գործերի վարչության պետ

Հայաստանի Հանրապետության ԿԱՌԱՎԱՐՈՒԹՅԱՆ քարտուղար-նախարար

Ս. ՄԱՆԱՍԱՐՅԱՆ

ՀԱՎԵԼՎԱԾ N 3 ՀՀ կառավարության 1996 թ. ապրիլի 17-ի N 106 որոշման

Կ Ա Զ Մ

ՀԱՆՐԱՊԵՏԱԿԱՆ ԶՈՐԱԿՈՉԱՅԻՆ ԲԺՇԿԱԿԱՆ ՀԱՆՁՆԱԺՈՂՈՎԻ

Ա. Հարությունյան		- ՀՀ զինված ուժերի գլխավոր սպայակույտի պետի տեղակալ, կազմազորահավաքային գլխավոր վարչության պետ (հանձնաժողովի ղեկավար)
Ա. Թոփչյան		- թերապևտ
Վ. Դարբինյան		- նյարդաբան
Գ. Բաբայան		- քիթ-կոկորդ-ականջի մասնագետ
Ա. Շաքարյան		- ակնաբույժ
Կ. Բաբայան		- մաշկային բժիշկ
Հ. Սարուխանյան		- վիրաբույժ
Մ. Մելիք-Փաշայան		- հոգեբույժ
Ա. Աթաբեկյան		- ՀՀ ԶՈՒ ռազմաբժշկական վարչության պետ
Ա. Ղազարյան		- ՀՀ ԶՈՒ ռազմաբժշկական կենտրոնական հանձնաժողովի նախագահ
Հ. Հովսեփյան		- հանձնաժողովի քարտուղար

Հայաստանի Հանրապետության ԿԱՌԱՎԱՐՈՒԹՅԱՆ քարտուղար-նախարար

Ս. ՄԱՆԱՍԱՐՅԱՆ