«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
4 ապրիլի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 ապրիլի 2000 թվականի N 149
քաղ. Երևան

ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ՊԵՏԱԿԱՆ ՎԵՐԱՀՍԿՈՂՈՒԹՅԱՆ ԼԻԱԶՈՐՈՒԹՅՈՒՆՆԵՐ ՎԵՐԱՊԱՀԵԼՈՒ ՄԱՍԻՆ

«Սննդամթերքի անվտանգության մասին» Հայաստանի Հանրապետության օրենքի 11 հոդվածին համապատասխան` Հայաստանի Հանրապետության կառավարությունը որոշում է.

1. Սննդամթերքի անվտանգության` արտադրության տեխնոլոգիայի պահպանման, պահանջվող սարքավորումների, անասնաբուժական և բուսասանիտարական նորմերի ապահովման պետական վերահսկողության լիազորությունները վերապահել Հայաստանի Հանրապետության գյուղատնտեսության և բնօգտագործման նախարարությանը:

2. Հայաստանի Հանրապետության գյուղատնտեսության և բնօգտագործման նախարարությանը և շահագրգիռ նախարարություններին և գերատեսչություններին` մեկամսյա ժամկետում Հայաստանի Հանրապետության կառավարություն ներկայացնել առաջարկություն սննդամթերքի անվտանգության պետական վերահսկողության կարգի մասին:

3. Սույն որոշումն ուժի մեջ է մտնում «Սննդամթերքի անվտանգության մասին» Հայաստանի Հանրապետության օրենքն ուժի մեջ մտնելու պահից:

ՀայաՍՏԱՆԻ հԱՆՐԱՊԵՏՈՒԹՅԱՆ ՎԱՐՉԱՊԵՏ

Ա. Սարգսյան