«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 5 հոդվածի 1-ին կետին և Հայաստանի Հանրապետության  կառավարության 1998 թվականի հունիսի 26-ի «Բյուջետային հիմնարկների  արտաբյուջետային հաշիվներով գործառնությունները կասեցնելու մասին» թիվ 405  որոշմանը համապատասխան Հայաստանի Հանրապետության կառավարությունը որոշում է.

1. Առաջարկել Հայաստանի Հանրապետության կենտրոնական բանկին բացել հատուկ դեպոզիտային հաշիվ, որտեղ կհավաքագրվեն բյուջետային հիմնարկների նվիրատվություններից կամ բարեգործական այլ ծրագրերից գոյացող արտաբյուջետային միջոցները:

2. Հայաստանի Հանրապետության ֆինանսների և էկոնոմիկայի նախարարությանը`

ա) Հայաստանի Հանրապետության կենտրոնական գանձապետարանում, ըստ տեղական գանձապետական բաժանմունքների, սահմանված կարգով հաշվառել նշված հիմնարկների նվիրատվություններից կամ բարեգործական  այլ ծրագրերից գոյացող արտաբյուջետային միջոցները.

բ) սահմանել նվիրատվություններից կամ բարեգործական  այլ ծրագրերից գոյացող` բյուջետային հիմնարկների արտաբյուջետային միջոցների սպասարկման, հաշվառման և վերահսկողության կարգը:

3. Սույն որոշումն ուժի մեջ է մտնում 1998 թվականի սեպտեմբերի 12-ից: