Գլխավոր տեղեկություն
Համար
N 547
Տիպ
Որոշում
Ակտի տիպ
Ինկորպորացիա (03.09.1999-19.03.2005)
Կարգավիճակ
Չի գործում
Սկզբնաղբյուր
ՀՀՊՏ 1999.09.03/24(90)
Ընդունող մարմին
ՀՀ կառավարություն
Ընդունման ամսաթիվ
27.08.1999
Ստորագրող մարմին
ՀՀ վարչապետ
Ստորագրման ամսաթիվ
27.08.1999
Վավերացնող մարմին
ՀՀ Նախագահ
Վավերացման ամսաթից
27.08.1999
Ուժի մեջ մտնելու ամսաթիվ
03.09.1999
Ուժը կորցնելու ամսաթիվ
19.03.2005

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
27 oգոստոսի 1999 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

27 օգոստոսի 1999 թվականի N 547

քաղ. Երևան

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՄԱՅԻՍԻ 15-Ի N 298 ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի մայիսի 15-ի «Հայաստանի Հանրապետությունում հսկիչ-դրամարկղային մեքենաների ներդրման մի շարք միջոցառումների մասին» N 298 որոշման մեջ (Հայաստանի Հանրապետության կառավարության 1998 թվականի դեկտեմբերի 28-ի N 855 և 1999 թվականի փետրվարի 25-ի N 97 որոշումների խմբագրությամբ) կատարել հետևյալ լրացումները`

ա) որոշմամբ հաստատված գործունեության տարբեր ոլորտներում հսկիչ-դրամարկղային մեքենաների ներդրման ժամկետացանկի`

 

4-րդ կետը լրացնել հետևյալ բովանդակությամբ նոր «ե» ենթակետով`

 

«ե) կրպակների (տաղավարների), վրանների և որոշակիորեն առանձնացված համանման այլ տարածքների միջոցով իրականացվող առևտրական գործունեություն

   1 հունվարի 2000 թ.».

 

6-րդ կետը լրացնել հետևյալ բովանդակությամբ նոր` «գ» ենթակետով`

 

«գ) կրպակների (տաղավարների), վրանների և որոշակիորեն առանձնացված համանման այլ տարածքների միջոցով իրականացվող առևտրական գործունեություն

    1 հունվարի 2000 թ.».

 

6-րդ կետից հետո լրացնել հետևյալ բովանդակությամբ նոր` 7, 8, 9, 10 11, 12 և 13-րդ կետերը`

 

«7. Խանութների միջոցով իրականացվող առևտրական գործունեություն

   1 հոկտեմբերի 1999 թ.

 

8. Հանրապետության մնացած վայրերում (բացառությամբ գյուղերի) կրպակների (տաղավարների), վրանների և որոշակիորեն առանձնացված համանման այլ տարածքների միջոցով իրականացվող առևտրական գործունեություն

    1 հուլիսի 2000 թ.

 

9. Հայաստանի Հանրապետության գյուղերում կրպակների (տաղավարների), վրանների և որոշակիորեն առանձնացված համանման այլ տարածքների միջոցով իրականացվող առևտրական գործունեություն

   1 նոյեմբերի 2000 թ.

 

10. Հիվանդանոցների և ամբուլատոր բուժհիմնարկների կողմից բնակչությանը բժշկական օգնության ու բուժսպասարկման (այդ թվում` կանխարգելիչ և ախտորոշման) ծառայությունների իրացման կազմակերպում

    1 հունվարի 2000 թ.

 

11. Հիվանդանոցների և ամբուլատոր բուժհիմնարկների կողմից բնակչությանն ստոմատոլոգիական (ատամնաբուժական պրակտիկա) ծառայությունների իրացման կազմակերպում

   1 հունվարի 2000 թ.

 

12. Բենզինի և (կամ) դիզելային վառելիքի, հեղուկ գազի մանրածախ վաճառքի կազմակերպում

  1 հոկտեմբերի 1999 թ. 

 

13. Վարսավիրական ծառայությունների մատուցման գործունեության կազմակերպում

  1 հունվարի 2000 թ.». 

 

բ) որոշմամբ հաստատված ցանկի (այն ձեռնարկությունների, որոնց համար հսկիչ-դրամարկղային մեքենաների ներդրումը պարտադիր չէ) «ա» ենթակետը «կերոսինի» բառից հետո լրացնել «բենզինի և (կամ) դիզելային վառելիքի, հեղուկ գազի» բառերով:

2. Սույն որոշումն ուժի մեջ է մտնում պաշտոնական հրապարակման պահից:

 

Հայաստանի Հանրապետության
վարչապետ

 Վ. Սարգսյան

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան