«Վավերացնում եմ»
Հայաստանի Հանրապետության
Նախագահի պաշտոնակատար Ռ. Քոչարյան
5 մարտի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 մարտի 1998 թվականի N 144
քաղ. Երևան

ԱՐԺԵԹՂԹԵՐԻ ՇՈՒԿԱՅՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԼԻՑԵՆԶԻԱ ՍՏԱՑԱԾ ԱՆՁԱՆՑ ԿՈՂՄԻՑ ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Արժեթղթերի շուկայի կարգավորման և վերահսկման ապահովման նպատակով Հայաստանի Հանրապետության կառավարությունը որոշում է.

1. Հաստատել արժեթղթերի շուկայում գործունեություն իրականացնող լիցենզիա ստացած անձանց կողմից հաշվետվությունների ներկայացման կարգը (կցվում է):

2. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության վիճակագրության, պետական ռեգիստրի և վերլուծության վարչությանը մեկամսյա ժամկետում սահմանված կարգով հաստատել ներկայացվող հաշվետվությունների ձևերը:

Հայաստանի Հանրապետության վարչապետ

Ռ. Քոչարյան

Հաստատված է ՀՀ կառավարության 1998 թվականի մարտի 5-ի N 144 որոշմամբ

 Կ Ա Ր Գ

ԱՐԺԵԹՂԹԵՐԻ ՇՈՒԿԱՅՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԼԻՑԵՆԶԻԱ ՍՏԱՑԱԾ ԱՆՁԱՆՑ ԿՈՂՄԻՑ ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ

1. Սույն կարգով սահմանվում է արժեթղթերի շուկայում գործունեության իրականացման համար լիցենզիա ստացած անձանց (այսուհետև` լիցենզիա ստացած անձինք) կողմից արժեթղթերի շուկայի կարգավորումն ու վերահսկումն իրականացնող պետական կառավարման լիազորված մարմին (այսուհետև` լիազորված մարմին) հաշվետվությունների ներկայացման կարգը:

2. Հաշվետվությունները լիազորված մարմին են ներկայացվում (հաշվետվությունների ներկայացման օր է համարվում դրանց լիազորված մարմին մուտքագրման օրը) լիցենզիա ստացած իրավաբանական անձանց գործադիր տնօրենի և հաշվապահի, իսկ անհատ ձեռներեցի դեպքում` վերջինիս ստորագրությամբ:

3. Լիազորված մարմին հաշվետվությունները ներկայացվում են յուրաքանչյուր եռամսյակը մեկ անգամ` մինչև տվյալ եռամսյակին հաջորդող ամսվա 30-ը, իսկ արժեթղթերի բլանկների պատրաստում, ներկրում և իրացում իրականացնող` լիցենզիա ստացած անձինք հաշվետվությունները ներկայացնում են յուրաքանչյուր ամիս` մինչև հաջորդ ամսվա 5-ը:

4. Սահմանված ձևերով չլրացած հաշվետվություններ ներկայացվելու կամ հաշվետվությունները սահմանված ժամկետներում չներկայացվելու դեպքում լիազորված մարմինը գրավոր տեղեկացնում է հաշվետվություններ ներկայացնող` լիցենզիա ստացած անձին:

5. Լիազորված մարմնի կողմից ընդունվող հաշվետվությունները գրանցվում են այդ նպատակի համար բացված հատուկ գրանցամատյանում, որտեղ գրառվում են`

ա) հաշվետվություններ ներկայացրած` լիցենզիա ստացած անձի անվանումը.

բ) ներկայացված հաշվետվությունների ձևերը.

գ) հաշվետվությունների ներկայացման ամսաթիվը:

6. Ներկայացված հաշվետվություններն ուսումնասիրվում են լիազորված մարմնի կողմից:

7. Լիցենզիա ստացած անձանց ներկայացրած հաշվետվություններում անճշտություններ և ոչ հավաստի տեղեկություններ հայտնաբերելու դեպքում լիազորված մարմինը դրա մասին գրավոր տեղեկացնում է լիցենզիա ստացած անձին և սահմանում ժամկետ` հայտնաբերված անճշտությունները վերացնելու համար:

8. Սույն կարգի խախտումների համար լիցենզիա ստացած անձինք պատասխանատվություն են կրում Հայաստանի Հանրապետության օրենսդրությամբ սահմանված կարգով: