«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
27 դեկտեմբերի 1996 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 դեկտեմբերի 1996 թվականի N 392

քաղ. Երևան

ԱԳՐԱՐԱՅԻՆ ՊԵՏԱԿԱՆ ՏԵՍՉՈՒԹՅՈՒՆՆԵՐ ՍՏԵՂԾԵԼՈՒ ՄԱՍԻՆ

Ի կատարումն «Ագրարային պետական տեսչությունների մասին» Հայաստանի Հանրապետության օրենքի, Հայաստանի Հանրապետության կառավարությունը որոշում է.

1. Հայաստանի Հանրապետության գյուղատնտեսության նախարարության համակարգում ստեղծել ագրարային պետական տեսչություններ:

2. Հայաստանի Հանրապետության գյուղատնտեսության նախարարության համակարգի մարզային ագրարային պետական տեսչությունների աշխատողների թվաքանակը սահմանել 88 միավոր:

3. Սահմանել, որ Հայաստանի Հանրապետության գյուղատնտեսության նախարարության համակարգի մարզային ագրարային պետական տեսչությունների պահպանման ծախսերը կատարվում են հանրապետական բյուջեի միջոցների հաշվին:

4. Հայաստանի Հանրապետության մարզպետներին և Երևանի քաղաքապետին` աջակցել Հայաստանի Հանրապետության գյուղատնտեսության նախարարությանը մարզային ագրարային պետական տեսչություններ ստեղծելու գործում և լուծել դրանց համապատասխան աշխատանքային տարածքներ ու գույք հատկացնելու հարցերը:

5. Սույն որոշումն ուժի մեջ է մտնում 1996 թվականի դեկտեմբերի 27-ից:

Հայաստանի Հանրապետության վարչապետ

Ա. ՍԱՐԳՍՅԱՆ