ՀՀ ֆինանսների և էկոնոմիկայի նախարար

_________________ Վ. Խաչատրյան

ՊԱՇՏՈՆԱԿԱՆ ՊԱՐԶԱԲԱՆՈՒՄ

«Պետական տուրքի մասին» Հայաստանի Հանրապետության օրենքի (այսուհետ՝ Օրենք) 19 հոդվածով սահմանվում է լիցենզավորման ենթակա գործունեություն իրականացնելու նպատակով լիցենզիաներ, արտոնագրեր (թույլտվություններ) տալու համար պետական տուրքի գանձման դրույքաչափերը, միաժամանակ նույն հոդվածի 25-րդ մասի.

25.

այլ վայրում ևս լիցենզավորման ենթակա նույն գործունեությամբ զբաղվելու համար՝ տարեկան

տվյալ լիցենզիայի տրման համար սահմանված պետական տուրքի դրույքաչափի 50 տոկոսի չափով

Երբ պետական տուրք վճարողից շահումով խաղի կամ խաղատան կազմակերպման լիցենզիա տալու համար գանձվել է պետական տուրք այդ գործունեությունն իրականացնելու համար սահմանված դրույքաչափով և հետագայում լիցենզավորված անձին այլ վայրում ևս նույն գործունեությամբ զբաղվելու լիցենզիա (լիցենզիաներ) տալու համար գանձվել է պետական տուրք Օրենքի 19 հոդվածի 25-րդ մասի համաձայն, ապա նույն գործունեության իրականացման առաջին լիցեզիայի ուժը կորցրած ճանաչելիս առաջանում է Օրենքի 19 հոդվածի 25-րդ մասի համաձայն տրված լիցենզիայի (լիցենզիաների) տարեկան հերթական պետական տուրքի դրույքաչափի որոշման խնդիր։

Ելնելով վերոգրյալից և ղեկավարվելով «Իրավական ակտերի մասին» Հայաստանի Հանրապետության օրենքի 87-րդ հոդվածով պաշտոնապես պարզաբանում ենք՝

Երբ պետական տուրք վճարողից շահումով խաղի կամ խաղատան կազմակերպման լիցենզիա տալու համար գանձվել է պետական տուրք այդ գործունեությունն իրականացնելու համար սահմանված դրույքաչափով և հետագայում լիցենզավորված անձին այլ վայրում ևս նույն գործունեությամբ զբաղվելու լիցենզիա (լիցենզիաներ) տալու համար գանձվել է պետական տուրք Օրենքի 19 հոդվածի 25-րդ մասի համաձայն, ապա երբ նույն գործունեության իրականացման առաջին լիցենզիայի ուժը կորցրած է ճանաչվում՝ ժամկետային առումով այդ լիցենզիայից հետո Օրենքի 19 հոդվածի 25-րդ մասի համաձայն տրված լիցենզիայի համար տարեկան հերթական պետական տուրքը գանձվում է այդ գործունեությունն իրականացնելու համար սահմանված պետական տուրքի դրույքաչափով։