ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հուլիսի 1993 թվականի N 396

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԶԻՆՎՈՐԱԿԱՆ ԴԱՏԱԽԱԶՈՒԹՅԱՆ ՄԱՐՄԻՆՆԵՐԸ ԾԱՌԱՅՈՂԱԿԱՆ ՇԵՆՔԵՐՈՎ, ՏՐԱՆՍՊՈՐՏԱՅԻՆ ՄԻՋՈՑՆԵՐՈՎ ԵՎ ՀԱՆԴԵՐՁԱՆՔՈՎ ԱՊԱՀՈՎԵԼՈՒ ՄԱՍԻՆ

Զինվորական դատախազության մարմինները ծառայողական շենքերով, տրանսպորտային միջոցներով և հանդերձանքով ապահովելու նպատակով Հայաստանի Հանրապետության կառավարությունը որոշում է`

1. Գյումրիի և Գուգարքի կայազորներում Ռուսաստանի Դաշնության զինվորական դատախազությունների նախկին շենքերն իրենց օժանդակ հարմարություններով տրամադրել Գյումրիի և Գուգարքի կայազորների զինվորական դատախազություններին:

2. Սիսիանի շրջանի զինվորական կոմիսարիատի չօգտագործվող կցաշենքը տրամադրել Զանգեզուրի կայազորի զինվորական դատախազությանը:

3. Հայաստանի Հանրապետության պաշտպանության նախարարության գլխավոր շտաբի շենքի 2-րդ հարկի մեկուսացված հատվածն ու շենքի բակում գտնվող ավտոտնակներից 2-ը տրամադրել Հայաստանի Հանրապետության զինվորական դատախազության կենտրոնական ապարատին:

4. Պատգամավորների Երևանի և Սևանի քաղխորհուրդների գործկոմներին` մեկամսյա ժամկետում լուծել Երևանի և Սևանի կայազորների զինվորական դատախազություններին ծառայողական շենքերով ապահովելու հարցը:

5. Հայաստանի Հանրապետության պաշտպանության նախարարությանը`

ա) Հայաստանի Հանրապետության զինվորական դատախազությանը տրամադրել մարդատար 7 ավտոմեքենա:

Նշված ավտոմեքենաներն ապահովել վառելանյութով` պաշտպանության նախարարության վարչությունների և բաժինների համար նախատեսված նորմաների սահմաններում.

բ) ապահովել Հայաստանի Հանրապետության զինվորական դատախազության սպայական և ենթասպայական կազմը (38 մարդ) անհրաժեշտ հանդերձանքով:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ