ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հուլիսի 1995 թվականի N 507

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍԱՀՄԱՆԱՄԵՐՁ ԲՆԱԿԱՎԱՅՐԵՐՈՒՄ ԳՈՒՅՔԱՀԱՐԿԻ ԱՐՏՈՆՈՒԹՅՈՒՆ ՍԱՀՄԱՆԵԼՈՒ ՄԱՍԻՆ

Նկատի ունենալով Հայաստանի Հանրապետության սահմանամերձ բնակավայրերում քաղաքացիներին սեփականության իրավունքով պատկանող գույքի առանձին տեսակները գույքահարկից ազատելու անհրաժեշտությունը, ինչպես նաև հաշվի առնելով Հայաստանի Հանրապետության Գերագույն խորհրդի ֆինանսավարկային և բյուջետային հարցերի մշտական հանձնաժողովի համաձայնությունը, Հայաստանի Հանրապետության կառավարությունը որոշում է`

Հայաստանի Հանրապետության սահմանամերձ բնակավայրերում (ցանկը կցվում է) քաղաքացիներին սեփականության իրավունքով պատկանող և «Գույքահարկի մասին» Հայաստանի Հանրապետության օրենքի 3 հոդվածի «բ» ենթակետով սահմանված հարկման ենթակա օբյեկտները 1995-1996 թվականներին ազատել գույքահարկից:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ս. ՄԱՆԱՍԱՐՅԱՆ

Հաստատված է ՀՀ կառավարության 1995 թ. հուլիսի 6-ի N 507 որոշմամբ

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ սահմանամերձ այն բնակավայրերի, ՈՐՈՆՑ քաղաքացիներին սեփականության իրավունքով պատկանող ԵՎ «Գույքահարկի մասին» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ օրենքի 3 հոդվածի «բ» ենթակետով սահմանված հարկման ենթակա օբյեկտները 1995-1996 թվականներին ազատվում են գույքահարկից

Սահմանամերձ շրջանի անվանումը	Բնակավայրի անվանումը
1	2
Նոյեմբերյանի	Դովեղ գ. Ոսկեպար գ. Բարեկամավան գ. Կողբ գ.
Տաուշի	Այգեպար գ. Ներքին Կարմիրաղբյուր գ. Չինարի գ. Մոսեսգեղ գ.
Իջևանի	Կիրանց գ. Բերքաբեր գ. Վազաշեն գ. Ծաղկավան գ.
Կրասնոսելսկի	Արծվաշեն գ. Վահան գ. Ճամբարակ գ.
Վարդենիսի	Դարանակ գ. Գեղամասար գ. Ավազան գ. Արփունք գ. Կուտական գ.
Արարատի	Երասխ ավ. Արմաշ գ. Սևակավան գ.
Եղեգնաձորի	Խաչիկ գ.
Վայքի	Խնձորուտ գ. Նոր Ազնաբերդ գ. Բարձրունի գ.
Սիսիանի	Շաղատ գ. Մուցք գ.
Գորիսի	Կոռնիձոր գ. Տեղ գ. Խնածախ գ. Խոզնավար գ. Խնձորեսկ գ. Ներքին Խնձորեսկ գ. Արավուս գ.
Կապանի	Դավիթ-Բեկ գ. Եղվարդ գ. Ագարակ գ. Սրաշեն գ. Ներքին Հանդ գ.
Մեղրու	Նյուվադի գ.