ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 հուլիսի 1994 թվականի N 344

քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1993 ԹՎԱԿԱՆԻ ՄԱՐՏԻ 31-Ի N 140 ՈՐՈՇՄԱՄԲ ՀԱՍՏԱՏՎԱԾ 2-ՐԴ ՑՈՒՑԱԿԻ 29-ՐԴ ՀԱՏՎԱԾՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Հայաստանի Հանրապետության կառավարության 1993 թվականի մարտի 31-ի «Տարիքային արտոնյալ աշխատանքային կենսաթոշակի իրավունք տվող արտադրությունների, աշխատանքների, մասնագիտությունների և պաշտոնների ցուցանիշների ցուցակների հաստատման մասին» N 140 որոշմամբ հաստատված 2-րդ ցուցակի 29-րդ հատվածը լրացնել հետևյալ բովանդակությամբ նոր պարբերությամբ`

«23100000 Ա

Ռադիոկապի և ազդարարման համակարգերի ստորգետնյա տեղակայված կառավարման կետերի և ռադիոկայանների ղեկավարներ և մասնագետներ, որոնք անմիջապես ստորգետնյա պայմաններում զբաղված են դրանց տեխնիկական շահագործման և սպասարկման աշխատանքներում»:

2. Հայաստանի Հանրապետության աշխատանքի և սոցիալական ապահովության նախարարությանը` սույն որոշման մասին տեղյակ պահել Հայաստանի Հանրապետության շահագրգիռ նախարարություններին, պետական վարչություններին և գերատեսչություններին:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ